လံာ်ဒၤနံးယ့လး 2:31 - Sgaw Karen Common Bible

³¹ နဲဒၣ်စီၤပၤဧၢ, လၢနတၢ်ထံၣ်လၢညါခီအပူၤန့ၣ်နထံၣ်တၢ်ဂီၤသိ အသးဖးဒိၣ်တဒုအိၣ်ဆၢထၢၣ်လၢနမဲာ်ညါလီၤ. တၢ်ဂီၤအံၤကပြုၢ်ကပြီၤဒိၣ်မး, ဒီးအက့ၢ်အဂီၤန့ၣ်ပကွၢ်အီၤ လီၤပျံၤလီၤဖုးမးန့ၣ်လီၤ.

လံာ်ဒၤနံးယ့လး 2:31 Iomraidhean Croise

လံာ်ယၡါယၤ 13:11

ယွၤစံးဝဲဒၣ်, “ယကဟဲစိာ်န့ၢ်ဟီၣ်ခိၣ်လၢတၢ်ဟးဂီၤဒီးစံၣ်ညီၣ် ပှၤအၢပှၤသီခဲလၢာ်လၢအတၢ်ဒဲးဘးတဖၣ်အဃိလီၤ. ယကဆီၣ် လီၤပှၤကိးဂၤဒဲးလၢအပာ်ထီၣ်ထီအသး, ဒီးစံၣ်ညီၣ် ပှၤကိးဂၤဒဲးလၢအသးထီၣ်ထီဒီးအၢဝဲသီဝဲန့ၣ်လီၤ.

လံာ်ယဃ့းစက့လး 28:7

ယကဟဲစိာ်ဃီၤဒုၣ်ဒါတဖၣ်လၢအတအိၣ်ဒီးတၢ်သးကညီၤဘၣ်လၢ ကဟဲထီၣ်ဒုးနၤအဂီၢ်န့ၣ်လီၤ. အဝဲသ့ၣ်ကမၤဟးဂီၤကွံာ်တၢ်ဃံတၢ်လၤခဲလၢာ်လၢ နမၤန့ၢ်တ့ၢ်အီၤလၢနတၢ်သ့တၢ်ဘၣ်ဒီး တၢ်ကူၣ်သ့အပူၤန့ၣ်လီၤ.

လံာ်ဒၤနံးယ့လး 2:36

အဝဲအံၤမ့ၢ်တၢ်မံမီၢ်လီၤ. ခဲအံၤယကဖးန့ၢ်နဲဒၣ်စီၤပၤလၢ တၢ်မံမီၢ်အခီပညီန့ၣ်လီၤ.

လံာ်ဒၤနံးယ့လး 2:37

နဲဒၣ်, စီၤပၤဧၢ, နမ့ၢ်စီၤပၤအဒိၣ်ကတၢၢ်လၢကယဲၢ်စီၤပၤတဖၣ်အကျါလီၤ. ကစၢ်ယွၤလၢမူခိၣ်ဒုးပၢနၤလၢဘီမုၢ်အါဘ့ၣ်ဒီးဟ့ၣ်လီၤတ့ၢ်နၤလၢ, တၢ်စိတၢ်ကမီၤ, တၢ်ဂံၢ်ဆူၣ်ဘါဆူၣ်ဒီးတၢ်လၤကပီၤန့ၣ်လီၤ.

လံာ်ဒၤနံးယ့လး 3:1

စီၤပၤနဘူၤကးန့စၢ်မၤလိာ်ဝဲလၢတၢ်ဂီၤထူအထီအိၣ်အပျၢ်ဃုဆံ, အဒီၣ်တူာ်အိၣ်ဃုပျၢ်တဒုကဘၣ်တၢ်တ့ထီၣ်ဒီးဆီလီၤအီၤဖဲ ဝ့ၢ်ဒူရၤအတၢ်ပၢၤခိၣ်တတီၤလၢကီၢ်ဘၤဘူၤလိၣ်အပူၤန့ၣ်လီၤ.

လံာ်ဒၤနံးယ့လး 4:36

ဒီးဖဲယအိၣ်က့ၤဒီးယတၢ်သူၣ်ထံသးဆးန့ၣ်ယဘီယမုၢ်အတၢ် လၤတၢ်ကပီၤ, ယတၢ်ကဟုကညီၢ်ဒီးယလၤယကပီၤတဖၣ် ဘၣ်တၢ်ဟ့ၣ်ကဒါက့ၤယၤလီၤ. ယပှၤဟ့ၣ်ကူၣ်တၢ်တဖၣ်ဒီး ယပဒိၣ်ပပှၢ်တဖၣ်တူၢ်လိာ်မုာ်က့ၤယၤဒီးယဘၣ် တၢ်ပာ်ထီၣ်ထီက့ၤယၤလၢယဘီယမုၢ်အပူၤ, ဒီးတၢ်လၤတၢ်ကပီၤဂံၢ်အါထီၣ်အသးဒီးယၤအါန့ၢ်ဒံး လၢညါဒၣ်လဲာ်လီၤ.

လံာ်ဃဘးကူာ် 1:7

အဝဲသ့ၣ်ရၤလီၤတၢ်ပျံၤတၢ်ဖုးဒီးတၢ်မၤပျံၤမၤဖုး ဒီးလၢတၢ်ပာ်ထီၣ်ထီသးအပူၤန့ၣ်အဝဲသ့ၣ်မၤဒ် အသးဒၣ်ဝဲအသိးန့ၣ်လီၤ.

လံာ်မးသဲ 4:8

အန့ၣ်ဝံၤဒီး မုၣ်ကီၤလံၢ်ဆှၢထီၣ်ယ့ၣ်ၡူးဆူကစၢၢ်လၢအထီမးတဖျၢၣ် အလိၤဒီးဒုးနဲၣ်အီၤလၢဟီၣ်ခိၣ်အဘီမုၢ်တဖၣ်ဃုာ်ဒီးအလၤကပီၤခဲ လၢာ်လီၤ.

လံာ်လူၤကၣ် 4:5

တုၤနုၤတစုမုၣ်ကီၤလံၢ်ဆှၢထီၣ်အီၤဆူတၢ်လီၢ်ထီၣ်ထီတတီၤ, ဒီးလၢတဖျးမဲာ်အတီၢ်ပူၤဒုးနဲၣ်အီၤဟီၣ်ခိၣ်အဘီအမုၢ်ခဲလၢာ်ခဲဆ့လီၤ.