လံာ်ဒၤနံးယ့လး 2:22 - Sgaw Karen Common Bible

²² အဝဲမၤဖျါထီၣ်တၢ်အယိာ်ဒီးတၢ်ခူသူၣ်အဒိၣ်အယိာ်တဖၣ်လီၤ. သ့ၣ်ညါဝဲတၢ်မနုၤအိၣ်လၢတၢ်ခံးတၢ်နၤအပူၤ, ဒီးအဝဲအနီၢ်ကစၢ်ဒၣ်ဝဲန့ၣ်ဘၣ်တၢ်ကဝီၤဃာ်အီၤလၢတၢ်ကပီၤလီၤ.

လံာ်ဒၤနံးယ့လး 2:22 Iomraidhean Croise

လံာ်တၢ်ကဲထီၣ်အခီၣ်ထံး 41:16

စီၤယိၤသးစံးဆၢဝဲ, “ကစၢ်စီၤပၤဧၢ, ယဖးတၢ်မံမီၢ်အခီ ပညီတသ့ဘၣ်. ဘၣ်ဆၣ်ဒီးကစၢ်ယွၤကဟ့ၣ်နၤတၢ်အခီပညီလၢအဂ့ၤတမံၤလီၤ.”

လံာ်စီၤယိၤဘး 12:22

အဝဲဆှၢလီၤတၢ်ကပီၤဆူတၢ်လီၢ်တဖၣ်အခံးဝဲဒ်တၢ်သံအသိး အအိၣ်န့ၣ်လီၤ.

လံာ်စီၤယိၤဘး 26:6

တၢ်သံအကီၢ်အိၣ်အိးထီၣ်အသးလၢကစၢ်ယွၤအမဲာ်ညါဒီး တၢ်လၢကမၤဘၢအီၤလၢယွၤအမဲာ်ညါတအိၣ်နီတမံၤဘၣ်.

စံးထီၣ်ပတြၢၤ 104:2

နမၤဘၢနသးလၢတၢ်ကပီၤဒ်ယၣ်အသိး, နသလၣ်ထီၣ်မူခိၣ်ဒ် ဒဲတဖျၢၣ်အသိး,

စံးထီၣ်ပတြၢၤ 25:14

ယွၤမ့ၢ်ပှၤလၢအစူၢ်အီၤတဖၣ်အတံၤသကိး ဒီးမၤဂၢၢ်မၤကျၢၤ အတၢ်အၢၣ်လီၤအီလီၤဒီးအဝဲသ့ၣ်န့ၣ်လီၤ.

စံးထီၣ်ပတြၢၤ 36:9

တၢ်မူအထံထီၣ်ပၢၢ်အိၣ်ဒီးနၤ ဒီးပထံၣ်တၢ်ကပီၤလၢနတၢ်ကပီၤအပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 8:1

ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

လံာ်ယၡါယၤ 41:22

ဟဲဖဲအံၤဒီးတဲဆိပာ်စၢၤတၢ်လၢအကမၤအသး, ဒ်သိးပကသ့ၣ်ညါအီၤဖဲအမၤအသးအဆၢကတီၢ်န့ၣ်တက့ၢ်. တၢ်လၢအမၤအသးလၢအပူၤကွံာ်တဖၣ်အဂ့ၢ်န့ၣ်တဲဖျါထီၣ်လၢကွီၢ် ဘျီၣ်အပူၤတက့ၢ်. ဒီးတဲပှၤအခီပညီမ့ၢ်တၢ်မနုၤလဲၣ်န့ၣ်တက့ၢ်.

လံာ်ယၡါယၤ 41:26

မ့ၢ်မတၤလၢသုကျါတဂၤဂၤကတိၤဆိပာ်လၢတၢ်အံၤကမၤအသး ဒ်သိးပစံးကသ့လၢသုတၢ်န့ၣ်ဘၣ်လီၤန့ၣ်လဲၣ်. သုတကတိၤတၢ်ကတိၤတဘီဒၣ်လဲာ်ဘၣ်ဃးဒီးတၢ်ဂ့ၢ်အံၤနီတဂၤဘၣ်. ပှၤတနၢ်ဟူသုကတိၤတၢ်နီတမံၤနီတဂၤဘၣ်.”

လံာ်ယၡါယၤ 42:9

ခဲအံၤတၢ်လၢယကတိၤဆိပာ်တဖၣ်လၢထီၣ်ပှဲၤထီၣ်လံ. ခဲအံၤ, ယကစံးဘၣ်တဲဘၣ်သုတၢ်အသီတဖၣ်တချုးလၢအစးထီၣ်မၤအသး ဒံးဘၣ်ဒၣ်လဲာ်လီၤ.”

လံာ်ယၡါယၤ 45:7

ယတ့လီၤတၢ်ကပီၤဒီးတၢ်ခံးခံမံၤလိာ်လီၤ. ယဟဲစိာ်တၢ်ဆိၣ်ဂ့ၤဒီးတၢ်တတၢးတနါခံမံၤလိာ်လီၤ. ယၤ, ယွၤန့ၣ်, မၤတၢ်သ့ၣ်တဖၣ်အံၤခဲလၢာ်လီၤ.

လံာ်ယံးရမံယၤ 23:24

ပှၤအိၣ်ခူသူၣ်လၢတၢ်လီၢ်ဖဲယထံၣ်အီၤတသ့, တအိၣ်နီတဂၤဘၣ်. မ့ၢ်သုတသ့ၣ်ညါဘၣ်လၢယအိၣ် လၢတၢ်လီၢ်ကိးပူၤဒဲးလၢမူခိၣ်ဒီးလၢဟီၣ်ခိၣ်န့ၣ်ဘၣ်ဧါ.

လံာ်ယံးရမံယၤ 33:3

ကိးထီၣ်ယၤတက့ၢ် “ဒီးယကစံးဆၢနၤလီၤ. ယကဒုးနဲၣ်နၤလၢ တၢ်အဒိၣ်အထီဒီး တၢ်လီၤ လးတဖၣ်လၢ နတသ့ၣ်ညါ လၢအဂ့ၢ်နီတမံၤ ဘၣ်န့ၣ်လီၤ.

လံာ်ဒၤနံးယ့လး 2:11

တၢ်ဂ့ၢ်လၢစီၤပၤသံကွၢ်ဝဲန့ၣ်ကီဝဲတုၤဒၣ်လဲာ်မ့တမ့ၢ်ဘၣ်လၢက စၢ်တဖၣ်လၢအတအိၣ်ဝဲဆိးဝဲလၢပှၤကညီအကျါဘၣ်သတး ဒီးပှၤပာ်ဖျါထီၣ်အီၤဆူစီၤပၤတသ့နီတဂၤဘၣ်.”

လံာ်ဒၤနံးယ့လး 2:19

ဒီးလၢမုၢ်တနၤဃီအပူၤန့ၣ်တၢ်ခူသူၣ်အဒိၣ်အယိာ်ဘၣ်တၢ်လီၣ် ဖျါထီၣ်တ့ၢ်အီၤဆူစီၤဒၤနံးယ့လးအအိၣ်လၢတၢ်ထံၣ်လၢညါ ခီအပူၤန့ၣ်လီၤ. ဒီးစီၤဒၤနံးယ့လးစံးထီၣ်ပတြၢၤတ့ၢ်ကစၢ် ယွၤလၢမူခိၣ်န့ၣ်လီၤ.

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်ဒၤနံးယ့လး 5:11

ပှၤအိၣ်ဝဲဒၣ်တဂၤလၢနဘီနမုၢ်အပူၤလၢကစၢ်ယွၤလၢအစီဆှံ တဂၤအသးအိၣ်လၢအပူၤန့ၣ်လီၤ. လၢနပၢ်အမုၢ်နံၤတဖၣ်အက တီၢ်န့ၣ်ဘၣ်တၢ်ထံၣ်န့ၢ်အီၤလၢတၢ်ကူၣ်တၢ်ဆးအဂ့ၤ, တၢ်သ့ၣ်ညါဒီးတၢ်ကူၣ်သ့ဒ်ကစၢ်တဖၣ်အတၢ်ကူၣ်သ့အသိးန့ၣ် အိၣ်လၢအပူၤလီၤ. ဒီးနပၢ်, စီၤပၤနဘူၤကးန့စၢ်ဒုးကဲထီၣ် အီၤလၢပှၤဖးတၢ်ဟဲဝံဟဲစိာ်, ပှၤမၤကဒါမဲာ်, ပှၤသ့သမူ ပယၢ်တၢ်, ဒီးပှၤဖးဆၣ်ဧိၤဖီဧိၤအဂ့ၢ်တဖၣ်, အခိၣ်အဒိၣ်က တၢၢ်န့ၣ်လီၤ.

လံာ်ဒၤနံးယ့လး 5:14

ယနၢ်ဟူတ့ၢ်တၢ်လၢနဂ့ၢ်, လၢကစၢ်ယွၤလၢအစီဆှံတဂၤ အသးန့ၣ်အိၣ်လၢနပူၤဒီးတၢ်ထံၣ်န့ၢ်လၢနမ့ၢ်ပှၤအသ့အဘၣ်, ဒီးပှၤအိၣ်ဒီးတၢ်သ့ၣ်ညါဒီးတၢ်ကူၣ်သ့န့ၣ်လီၤ.

လံာ်မးသဲ 13:13

လၢတၢ်န့ၣ်အဃိယသိၣ်လီၤသီလီၤအဝဲသ့ၣ်လၢတၢ် ကတိၤဒိတဖၣ်လီၤ. အဂ့ၢ်ဒ်အံၤ, အဝဲသ့ၣ်ကွၢ်တၢ်ဘၣ်ဆၣ် တထံၣ်တၢ်ဘၣ်. ကနၣ်တၢ်ဘၣ်ဆၣ်တနၢ်ဟူဝဲဘၣ်. တနၢ်ပၢၢ်စ့ၢ်ကီးဝဲဘၣ်.

လံာ်ယိၤဟၣ် 1:9

တၢ်ကပီၤနီၢ်နီၢ်အံၤမ့ၢ်တၢ်ကပီၤလၢအဟဲနုာ်ဆူဟီၣ်ခိၣ်ချၢဒီး ကပီၤထီၣ်လၢပှၤဟီၣ်ခိၣ်ဖိခဲလၢာ်အဂီၢ်န့ၣ်လီၤ.

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

အ့းဖ့းစူး 3:5

လၢအပူၤကွံာ်အကတီၢ်တဖၣ်န့ၣ်, ပှၤဟီၣ်ခိၣ်ဖိတဘၣ်တၢ်စံးဘၣ်တဲဘၣ်အီၤလၢတၢ်ခူသူၣ် အံၤဘၣ်. မ့မ့ၢ်အခဲအံၤ, ကစၢ်ယွၤလီၣ်ဖျါထီၣ်န့ၢ်တၢ်မၢဖိဒီးဝံ စီဆှံတဖၣ်ခီဖျိယွၤအသးန့ၣ်လီၤ.

လံာ်သိၣ်လီၤသီလီၤတၢ် 29:28

ယွၤအတၢ်သးဒိၣ်ကဲၤထီၣ်တ့ၢ်ဝဲဒီးလၢအဝဲအတၢ်သးဒိၣ်ဖးဒိၣ် အပူၤန့ၣ်, အဝဲထဲးထီၣ်ကွံာ်တ့ၢ်အဝဲသ့ၣ်လၢအဝဲသ့ၣ်အထံအကီၢ်အပူၤ, ဒီးကွံာ်လီၤကွံာ်အဝဲသ့ၣ်ဆူထံကီၢ်အဂၤတဘ့ၣ်အပူၤ, ဒီးတနံၤအံၤအဝဲသ့ၣ်အိၣ်ဝဲဖဲန့ၣ်လီၤ.

၁ တံၤမသ့း 6:16

အဝဲမ့ၢ်ပှၤထဲတဂၤဧိၤလၢအသံတသ့ဘၣ်, အိၣ်မူဝဲဒၣ်လၢတၢ်ကပီၤလၢပှၤသုးဘူးအသးဆူအအိၣ်တသ့နီ တဂၤဘၣ်အပူၤလီၤ. ပှၤတထံၣ်ဘၣ်တ့ၢ်အီၤနီတဂၤဘၣ်, ဒီးပှၤထံၣ်အီၤတသ့နီတဂၤဘၣ်. မ်တၢ်လၤကပီၤဒီးတၢ်စိကမီၤအထူအယိာ်အိၣ်ဒီးအီၤတက့ၢ်. အၤမ့ၣ်.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.

၁ ယိၤဟၣ် 1:5

တၢ်ကစီၣ်လၢပနၢ်ဟူဘၣ်တ့ၢ်လံလၢအဖိခွါအအိၣ်ဒီးစံးဘၣ် တဲဘၣ်တ့ၢ်လံသုမ့ၢ်အအံၤ, ကစၢ်ယွၤမ့ၢ်တၢ်ကပီၤ ဒီးတၢ်ခံးတၢ်နၤတအိၣ်လၢအပူၤလ့ၤတက့ၤဘၣ်.