လံာ်ဒၤနံးယ့လး 2:2 - Sgaw Karen Common Bible

² ဒီးစီၤပၤမၢပှၤကိးန့ၢ်အီၤပှၤဖးတၢ်ဟဲဝံဟဲစိာ်, ပှၤသ့အူတၢ်သမူတၢ်, ပှၤမၤကဒါမဲာ်ဒီးပှၤသ့သမူပယၢ်တၢ်တဖၣ်လၢအကဟဲ ဖးန့ၢ်အတၢ်မံမီၢ်န့ၣ်လီၤ. ဖဲအဝဲသ့ၣ်ဟဲတုၤ ဒီးဆၢထၢၣ်တ့ၢ်ဝဲလၢစီၤပၤအမဲာ်ညါန့ၣ်,

လံာ်ဒၤနံးယ့လး 2:2 Iomraidhean Croise

လံာ်တၢ်ကဲထီၣ်အခီၣ်ထံး 41:8

လၢမုၢ်ဆ့ၣ်ထီၣ်န့ၣ်အဝဲဘၣ်ကိၢ်ဘၣ်ဂီၤဝဲ, အဃိမၢပှၤကိးန့ၢ် အီၤကယဲၢ်ပှၤမၤကဒါမဲာ်တဖၣ်ဒီးပှၤကူၣ်ဘၣ်ကူၣ်သ့လၢကီၢ်အဲၤ ကူပတူးပူၤခဲလၢာ်န့ၣ်လီၤ. စီၤပၤတဲဘၣ်အဝဲသ့ၣ်လၢအတၢ်မံ မီၢ်တဖၣ်ဘၣ်ဆၣ်ဒီးပှၤဖးန့ၢ်အီၤအတၢ်မံမီၢ်တသ့ နီတဂၤဘၣ်.

လံာ်နီၢ်အ့ၤစတၢ် 1:13

မ့ၢ်စီၤပၤအလုၢ်အလၢ်လၢကဃ့တၢ်ဟ့ၣ်ကူၣ်ဘၣ်ထွဲဒီးတၢ်သံ ကွၢ်လၢတၢ်သိၣ်တၢ်သီဒီးတၢ်မၤလိာ်တဖၣ်အဂ့ၢ်န့ၣ်လီၤ. အဝဲကိးဃီၤအပှၤဟ့ၣ်ကူၣ်တၢ်တဖၣ်ဒီးသံကွၢ်ဝဲလၢ ကဘၣ်မၤဝဲဒ်လဲၣ်န့ၣ်လီၤ.

လံာ်တၢ်ဟးထီၣ်ကွံာ် 7:11

တုၤနုၤတစုစီၤပၤကိးထီၣ်အပှၤကူၣ်တၢ်သ့တဖၣ်ဒီးပှၤမၤကဒါ ပမဲာ်တဖၣ်, ဒီးလၢအဝဲသ့ၣ်တဖၣ်အတၢ်မၤကဒါမဲာ်န့ၣ်မၤစ့ၢ် ကီးဝဲဒ်န့ၣ်အသိးလီၤ.

လံာ်ယၡါယၤ 19:3

ယကတြီတံာ်တာ်ပှၤအဲၤကူပတူးဖိအတၢ်ကူၣ်ကျဲၤတဖၣ်ဒီး မၤဟးဂီၤအဝဲသ့ၣ်အသးန့ၣ်လီၤ. အဝဲသ့ၣ်ကဃ့အတၢ်ဂီၤတၢ် ဖီၣ်တဖၣ်လၢတၢ်မၤစၢၤအီၤအဂီၢ်, ကလဲၤဃ့တၢ်ဟ့ၣ်ကူၣ်လၢ ပှၤကွဲပှၤသံအကလၤတဖၣ်, ဒီးသံကွၢ်ပှၤသံအကလၤတဖၣ်လၢ တၢ်ဟ့ၣ်ကူၣ်ဟ့ၣ်ဖးအဂီၢ်လီၤ.

လံာ်ယၡါယၤ 8:19

ဘၣ်ဆၣ်ဒီး, ပှၤကစံးဘၣ်သုလၢသုကဃ့န့ၢ်တၢ်ကစီၣ်တဖၣ်လၢ ပှၤဖးတၢ်ဟဲဝံဟဲစိာ်တဖၣ်အအိၣ်, ပှၤကွဲပှၤသံအကလၤတဖၣ် အအိၣ်လၢအကတိၤတၢ်ပံးပံးပးပးဒီးကတိၤတၢ်ကတူၢ်ကတူၢ် တဖၣ်န့ၣ်လီၤ. အဝဲသ့ၣ်ကစံးဝဲ, “ဂ့ၤတက့ၢ်လၢပှၤဂီၢ်မုၢ်ဃ့ န့ၢ်တၢ်ကစီၣ်တဖၣ်လၢသးတဖၣ်ဒီးသံကွၢ်သံဒိးပှၤအသံလၢ ပှၤအမူအခၢၣ်စးန့ၣ်လီၤ.”

လံာ်ဒၤနံးယ့လး 1:20

ဒီးကယဲၢ်တၢ်ဂ့ၢ်တမံၤလၢ်လၢ်ဘၣ်ဃးတၢ်ကူၣ်သ့ဒီးတၢ်သ့ၣ် ညါနၢ်ပၢၢ်လၢစီၤပၤသံကွၢ်အီၤန့ၣ်ထံၣ်ဘၣ်ဝဲလၢပှၤလွံၢ်ဂၤအံၤ နၢ်ပၢၢ်ဝဲဂ့ၤန့ၢ်ဒံးပှၤဖးတၢ်ဟဲဝံဟဲစိာ်ဒီးပှၤသ့တၢ်အူတၢ် သမူတဂၤလၢ်လၢ်လၢအထံအကီၢ်ဒီဘ့ၣ်ညါအပူၤန့ၣ်, အစးတဆံဒၣ်လဲာ်လီၤ.

လံာ်ဒၤနံးယ့လး 1:4

ပှၤသးစၢ်တဖၣ်အံၤကဘၣ်မ့ၢ်ပှၤဒိၣ်တၢ်ဂ့ၤ, ပှၤအိၣ်ဒီးတၢ်ကူၣ်တၢ်ဆး, ပှၤအိၣ်ဒီးတၢ်သ့ၣ်ညါ, ပှၤမၤလိန့ၢ်တၢ်ချ့, ဒီးမဲၣ်သူမဲၣ်ဂီၤတအိၣ်ဘၣ် လၢအလိၤဒ်သိးကကြၢးဒီးတၢ်ဖံးတၢ်မၤလၢစီၤလိၣ် စီၤပၤအနီပူၤအဂီၢ်န့ၣ်လီၤ. စီၤအၤၡပနးကဘၣ် သိၣ်လိအဝဲသ့ၣ်လၢကသ့ဖး, သ့ကွဲးကီၢ်ဘၤဘူၤလိၣ်အကျိာ် ဒီးအလံာ်အလဲၢ်န့ၣ်လီၤ.

လံာ်ဒၤနံးယ့လး 2:10

ပှၤဟ့ၣ်ကူၣ်တၢ်တဖၣ်စံးဆၢက့ၤဝဲ, “ပှၤလၢတဲတၢ်ကသ့ဒ်တၢ်လၢစီၤ ပၤအဲၣ်ဒိးသ့ၣ်ညါဝဲန့ၣ်လၢဟီၣ်ခိၣ်ချၢအံၤတအိၣ်ဘၣ်နီတဂၤဘၣ်. စီၤပၤအဒိၣ်ကတၢၢ်ဒီးအစိကမီၤအါကတၢၢ်ဒၣ်လဲာ်လၢကသံ ကွၢ်တၢ်ဂ့ၢ်ဒ်သိးအံၤတမံၤ, ဆူအပှၤဖးတၢ်ဟဲဝံဟဲစိာ်, ပှၤအူတၢ်သမူတၢ်, ဒီးပှၤသမူပယၢ်တၢ်တဖၣ်န့ၣ်တအိၣ်ဘၣ်နီတဂၤဘၣ်.

လံာ်ဒၤနံးယ့လး 2:27

ဒီးစီၤဒၤနံးယ့လးစံးဆၢစီၤပၤ, “ပှၤသ့သမူပယၢ်တၢ်မ့ၢ်ဂ့ၤ, ပှၤမၤကဒါမဲာ်မ့ၢ်ဂ့ၤ, ပှၤဖးတၢ်ဟဲဝံဟဲစိာ်မ့ၢ်ဂ့ၤ, ပှၤဖးဆၣ်ဧိၤဖီဧိၤအဂ့ၢ်တဖၣ်မ့ၢ်ဂ့ၤလီၣ်ဖျါ ထီၣ်တၢ်အဒိၣ်အယိာ်လၢစီၤပၤသံကွၢ်န့ၣ်တသ့ဘၣ်နီတဂၤဘၣ်.

လံာ်ဒၤနံးယ့လး 3:8

အကတီၢ်ဖဲန့ၣ်ပှၤဘၤဘူၤလိၣ်ဖိတနီၤဟံးန့ၢ်တၢ်အခွဲးအယာ်ဒီး ဆှိးအၢပှၤယူဒၤဖိတဖၣ်န့ၣ်လီၤ.

လံာ်ဒၤနံးယ့လး 4:3

ယွၤအတၢ်ပနီၣ်တဖၣ်ဒိၣ်နီၢ်မး, အတၢ်လီၤလးတဖၣ်လီၤဘီလီၤမုၢ်မးလီၤ. ကစၢ်ယွၤအဘီအမုၢ်န့ၣ်မ့ၢ်ဘီမုၢ်အထူအယိာ်ဒီးအတၢ်ပၢတၢ် ပြးမ့ၢ်တၢ်အစိၤစိၤအဃၣ်ဃၣ်တမံၤန့ၣ်လီၤ.

လံာ်ဒၤနံးယ့လး 4:6

မၤသးဒ်န့ၣ်ဒီး, ယဟ့ၣ်လီၤယကလုၢ်လၢယပှၤဟ့ၣ်ကူၣ်တၢ် အိၣ်လၢကီၢ်ဘၤဘူၤလိၣ်ပူၤခဲလၢာ်ကဘၣ်တၢ်ဆှၢထီၣ်အီၤဆူ ယမဲာ်ညါလၢကဖးဒီးလီၣ်ဖျါထီၣ်န့ၢ်ယၤလၢယတၢ်မံမီၢ် အခီပညီန့ၣ်လီၤ.

လံာ်ဒၤနံးယ့လး 5:7

ဒီးစီၤပၤကိးပသူထီၣ်လၢအကလုၢ်ဖးဒိၣ်လၢပှၤကဆှၢနုာ်ပှၤ မၤကဒါမဲာ်တဖၣ်, ပှၤသ့သမူပယၢ်တၢ်တဖၣ်ဒီးပှၤဖးဆၣ်ဧိၤ ဖီဧိၤအဂ့ၢ်တဖၣ်န့ၣ်လီၤ. စီၤပၤစံးဘၣ်ပှၤဟ့ၣ်ကူၣ်တၢ် တဖၣ်လၢဘၤဘူၤလိၣ်အပူၤန့ၣ်, “ပှၤတဂၤလၢ်လၢ်လၢအဖးတၢ် ကွဲးအသးအံၤဒီးမၤဖျါထီၣ်န့ၢ်ယၤအခီပညီမ့ၢ်သ့န့ၣ် ယကဒုးသိးထီၣ်အီၤလၢစီၤလိၣ်စီၤပၤအတၢ်ကူတၢ်သိး အလွဲၢ်လုးတကုာ်ဒုးလံာ်ထီၣ်အီၤလၢဖဲထူတပျံၤလၢ အကိာ်လိၤဒီးကဘၣ်တၢ်ဒုးကဲထီၣ်အီၤလၢပှၤပၢတၢ် သၢဂၤတဂၤလၢဘီမုၢ်အံၤအပူၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 6:2

ပှၤဂီၢ်မုၢ်ကိးထီၣ်ပှၤလုၢ်တၢ်အခိၣ်တဖၣ်ဒီးပှၤမၤကဒါမဲာ်တဖၣ် ဒီးသံကွၢ်ဝဲ, “မ့ၢ်ပကဘၣ်မၤယွၤအတၢ်အၢၣ်လီၤအီလီအတလါဒ်လဲၣ်. ပမ့ၢ်ဆှၢကဒါက့ၤအီၤဆူတၢ်ဘၣ်ဃးဒီးအီၤအလီၢ်န့ၣ် ပကဘၣ်ဆှၢအီၤလၢတၢ်မနုၤတမံၤလဲၣ်.”