လံာ်ဒၤနံးယ့လး 2:12 - Sgaw Karen Common Bible

¹² လၢတၢ်အံၤအဃိဒီးစီၤပၤအသးဒိၣ်ထီၣ်ဂီၤဆှုၣ်ကလာ်ဒီး ဟ့ၣ်လီၤအကလုၢ်လၢစီၤပၤအပှၤဟ့ၣ်ကူၣ်တၢ်ခဲလၢာ်လၢကီၢ် ဘၤဘူၤလိၣ်အပူၤကဘၣ်တၢ်မၤသံကွံာ်အီၤန့ၣ်လီၤ.

လံာ်ဒၤနံးယ့လး 2:12 Iomraidhean Croise

လံာ်စီၤယိၤဘး 5:2

တၢ်မၤကိၢ်မၤဂီၤလီၤနသးတုၤနသံလၢတၢ်သူၣ်ဒိၣ်သးဖျိး အဃိန့ၣ်ကမ့ၢ်တၢ်မၢးဒီးတၢ်သးတဆးအတၢ်မၤလီၤ.

စံးထီၣ်ပတြၢၤ 76:10

ပှၤကညီအတၢ်သးထီၣ်န့ၣ် ကက တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ. ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ် ကတိၢ်န့ၢ်ဖံးဃာ်နဘူၣ်တဖၣ်လီၤ.

တၢ်ကတိၤဒိ. 16:14

ပှၤကူၣ်တၢ်သ့တဂၤကကျဲးစၢးမၤသးခုစီၤပၤလီၤ. စီၤပၤအသးမ့ၢ်ဒိၣ်ထီၣ်ဒီး, ပှၤတဂၤဂၤကသံဝဲလီၤ.

တၢ်ကတိၤဒိ. 19:12

စီၤပၤအတၢ်သးထီၣ်န့ၣ်လီၤဂာ်ဒ်ခ့ယုၢ်တဒုအကညီၤတၢ်အသိးလီၤ. မ့မ့ၢ်အတၢ်ဘၣ်အသးန့ၣ်မၤအသးဒ်ပစီၤထံလၢအလီၤဘၣ်လၢကပံာ် အဖီခိၣ်အသိးန့ၣ်လီၤ.

တၢ်ကတိၤဒိ. 20:2

ပျံၤစီၤပၤတဂၤလၢအသူၣ်ဒိၣ်သးဖျိးဒ်နပျံၤခ့ယုၢ်တဒုလၢ အကညီၤရူၢ်ရူၢ်အသိးန့ၣ်တက့ၢ်. နမ့ၢ်ထိၣ်ဂဲၤအတၢ်သးထီၣ်ဒီး, မ့ၢ်ဒၣ်နမၤသံလီၤနသးလီၤ.

တၢ်ကတိၤဒိ. 29:22

ပှၤလၢအသးထီၣ်ချ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်ဒီး ဒုးအိၣ်ထီၣ်တၢ်ကီတၢ်ခဲအါမးလီၤ.

လံာ်ဒၤနံးယ့လး 2:24

မၤသးဒ်န့ၣ်ဒီးစီၤဒၤနံးယ့လးလဲၤဆူစီၤအၤရယိးအအိၣ်, ပှၤလၢစီၤပၤမၤလိာ်တ့ၢ်အီၤဒ်သိးကမၤသံကွံာ်စီၤပၤအပှၤဟ့ၣ် ကူၣ်တၢ်တဖၣ်န့ၣ်, ဒီးစံးဘၣ်အီၤ, “မၤသံအဝဲသ့ၣ်တဖၣ်တဂ့ၤ. လဲၤကိးယၤဆူစီၤပၤအအိၣ်ဒီးယကတဲဘၣ်အီၤလၢအတၢ်မံ မီၢ်အခီပညီန့ၣ်လီၤ.”

လံာ်ဒၤနံးယ့လး 2:5

စီၤပၤစံးဘၣ်အဝဲသ့ၣ်, “ယတၢ်ကတိၤမ့ၢ်တၢ်ဂၢၢ်တၢ်ကျၢၤလီၤ. သုမၤဖျါထီၣ်ယတၢ်မံမီၢ်ဒီးအခီပညီမ့ၢ်တသ့ဘၣ်ဒီး, သုကဘၣ်တၢ်ဒီၣ်တဲာ်ကွံာ်သုတကူာ်ဘၣ်တကူာ်ဒီးသုဟံၣ်တဖၣ် ယကဒုးကဲထီၣ်အီၤလၢတၢ်ဟးဂီၤပာ်ဖှိၣ်အသးန့ၣ်လီၤ.

လံာ်ဒၤနံးယ့လး 3:13

တုၤစီၤပၤနဘူၤကးန့စၢ်နၢ်ဟူတၢ်န့ၣ်ဒီးအသးထီၣ်ဂီၤဆှုၣ်ကလာ် ဒီးမၤလိာ်လၢပှၤကဟဲဆှၢပှၤသၢဂၤန့ၣ်ဆူအမဲာ်ညါလီၤ.

လံာ်ဒၤနံးယ့လး 3:19

တုၤနုၤတစုစီၤပၤနဘူၤကးန့စၢ်အသးဖျိးထီၣ်ဝဲဒိၣ်ဒိၣ်ကလဲာ် ဒီးအမဲာ်သၣ်ထီၣ်ဂီၤဝဲဒၣ်လၢတၢ်သးဒိၣ်ဘၣ်စီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤအဃိန့ၣ်လီၤ. ဒီးဟ့ၣ်လီၤအကလုၢ်လၢဖၣ်က ပူၤမ့ၣ်အူကဘၣ်တၢ်မၤကဲၤထီၣ်အီၤအါန့ၢ်ဒံးအလီၢ်နွံစးန့ၣ်လီၤ.

လံာ်ဒၤနံးယ့လး 5:19

အဝဲဒၣ်အစိကမီၤဒိၣ်တုၤဒၣ်လဲာ်လၢပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီး, ပှၤကတိၤကျိာ်အကလုာ်ကလုာ်ခဲလၢာ်, ပျံၤဘၣ်အီၤဒီးကနိးကစုာ်တ့ၢ်မးလီၤ. မ့ၢ်အဲၣ်ဒိးမၤသံပှၤ တဂၤဂၤ, မ့ၢ်အဲၣ်ဒိးပာ်မူပှၤတဂၤဂၤ, ဒီးမၤဝဲဒၣ်လီၤ. တၢ်မၤလၤကပီၤပှၤတဂၤဂၤမ့ၢ်ဂ့ၤ, တၢ်မၤမဲာ်ဆှးပှၤတဂၤဂၤ မ့ၢ်ဂ့ၤ, ဖဲဒၣ်အသးန့ၣ်မၤဝဲဒၣ်လီၤ.

လံာ်မးသဲ 2:16

တုၤစီၤပၤဟ့ၤရိာ်သ့ၣ်ညါလၢပှၤ ကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်လီန့ၢ်အီၤလံဒီး, အသးဒိၣ်ထီၣ်ဒိၣ်ဒိၣ်ကလဲာ်ဒီးမၢလီၤပှၤဒ်သိးအကလဲၤမၤသံဖိ သၣ်ပိာ်ခွါလၢအသးအိၣ်ခံနံၣ်ဒီးခံနံၣ်အဖီလာ်ခဲလၢာ်လၢ အအိၣ်လၢဝ့ၢ်ဘ့ၤသလ့ဃ့ၣ်ဒီးအခိၣ်အဃၢၤတဖၣ်လီၤ. အဝဲမၤတၢ်အံၤဒ်ပှၤကူၣ်ဘၣ်ကူၣ်သ့တဖၣ်အတၢ်ဒုးသ့ၣ်ညါအီၤဘၣ် ဃးဆၣ်အတၢ်ဟဲအိၣ်ဖျါထီၣ်အဆၢကတီၢ်အသိးန့ၣ်လီၤ.

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.