လံာ်ဒၤနံးယ့လး 2:1 - Sgaw Karen Common Bible

¹ လၢစီၤပၤစီၤနဘူၤကးန့စၢ်ပၢတၢ်ခံနံၣ်တနံၣ်န့ၣ်မံမီၢ်ဝဲတၢ်မံမီၢ် တမံၤန့ၣ်လီၤ. တၢ်မံမီၢ်န့ၣ်မၤကိၢ်မၤဂီၤအီၤဒိၣ်မးတုၤဒၣ်လဲာ်မံဝဲ တန့ၢ်ဘၣ်,

လံာ်ဒၤနံးယ့လး 2:1 Iomraidhean Croise

လံာ်နီၢ်အ့ၤစတၢ် 6:1

ဖဲမုၢ်တနၤဃီန့ၣ်, စီၤပၤမံတန့ၢ်ဘၣ်အဃိ, အဝဲမၤလိာ်ဝဲလၢပှၤကဟဲစိာ်န့ၢ်အီၤဘီမုၢ်အတၢ်ကွဲးနီၣ် တဖၣ်ဒီးဖးန့ၢ်အီၤန့ၣ်လီၤ.

လံာ်ယံးရမံယၤ 25:1

ဖဲစီၤယိၤၡံယၤအဖိခွါ ကီၢ်ယူဒၤအစီၤပၤ စီၤယဟိၤယါကံၣ်ပၢတၢ် လွံၢ်နံၣ်တနံၣ်အပူၤန့ၣ်, ယဒိးန့ၢ်ဘၣ် တ့ၢ်တၢ်ကစီၣ်တမံၤလၢယွၤ အအိၣ်ဘၣ်ဃးဒီး ကီၢ်ယူဒၤအပှၤဂီၢ်မုၢ်ခဲလၢာ်န့ၣ်လီၤ. (အဝဲအံၤမ့ၢ်နံၣ်အခီၣ်ထံး တနံၣ်ဖဲ စီၤနဘူၤကးန့ စၢ်မ့ၢ်တ့ၢ်စီၤပၤလၢကီၢ်ဘၤဘူၤလိၣ် န့ၣ်လီၤ.)

လံာ်ဒၤနံးယ့လး 2:3

စီၤပၤစံးဘၣ်အဝဲသ့ၣ်တဖၣ်, “ယမံမီၢ်တ့ၢ်တၢ်တမံၤဒီးယသး သူၣ်ကိၢ်သးဂီၤယဲလီၤ. ယအဲၣ်ဒိးသ့ၣ်ညါတၢ်မံမီၢ်အံၤအခီ ပညီန့ၣ်လီၤ.”

လံာ်ဒၤနံးယ့လး 4:2

ယဆိကမိၣ်တၢ်, မ့ၢ်တၢ်ဂ့ၤဘၣ်ယၤလၢယကဒုးသ့ၣ်ညါက့ၤ တၢ်ပနီၣ်တဖၣ်ဒီးတၢ်လီၤလးတဖၣ်လၢတၢ်ထီကတၢၢ်ကစၢ် ယွၤလီၣ်ဖျါထီၣ်တ့ၢ်လၢယၤန့ၣ်လီၤ.

လံာ်ဒၤနံးယ့လး 4:5

ဖဲယမံသပ့ၤဘၣ်ယသးအခါန့ၣ်ယအိၣ်ဒီးတၢ်မံမီၢ်ဒီးတၢ်ထံၣ် လၢညါခီတဖၣ်လၢအလီၤပျံၤလီၤဖုးဒိၣ်ဒိၣ်ကလဲာ်န့ၣ်လီၤ.

လံာ်ဒၤနံးယ့လး 5:9

လၢတၢ်ကိၢ်တၢ်ဂီၤအပူၤစီၤပၤဘ့ၤလၡါစၢ်အမဲာ်လီၤဝါနး ထီၣ်ဒီးအပဒိၣ်ပပှၢ်တဖၣ်ကဘၣ်မၤဒ်လဲၣ်ဒ်လဲၣ်ဆိ ကမိၣ်ဝဲတဘၣ်ဘၣ်.

လံာ်ဒၤနံးယ့လး 6:18

အန့ၣ်ဝံၤဒီး, စီၤပၤက့ၤနုာ်ဝဲဒၣ်ဆူအနီပူၤန့ၣ်လီၤ. တၢ်အီၣ်တၢ် အီမ့ၢ်ဂ့ၤတၢ်မၤမုာ်မၤလၤအသးမ့ၢ်ဂ့ၤတတူၢ်လိာ်ဝဲနီတမံၤဘၣ်. ဒီးသီတနၤကျၢၤန့ၣ်မံဝဲတန့ၢ်ဘၣ်.

လံာ်ဒၤနံးယ့လး 7:1

ဖဲစီၤဘ့ၤလၡါစၢ်ပၢကီၢ်ဘၤဘူၤလိၣ်အခီၣ်ထံးတနံၣ်န့ၣ်, စီၤဒၤနံးယ့လးမံမီၢ်တ့ၢ်တၢ်တမံၤဒီးထံၣ်တၢ်ထံၣ်လၢညါခီလၢ မုၢ်နၤအကတီၢ်န့ၣ်လီၤ. ဒီးကွဲးလီၤတ့ၢ်ဝဲတၢ်မံမီၢ်န့ၣ်, ဒီးစံးတ့ၢ်ဝဲတၢ်ဂ့ၢ်လၢတၢ်ပာ်ဖှိၣ်ဖုၣ်ဖုၣ်အပူၤန့ၣ်လီၤ.

လံာ်ဒၤနံးယ့လး 7:15

တၢ်ထံၣ်လၢညါခီတဖၣ်လၢယထံၣ်တ့ၢ်အီၤန့ၣ်မၤကိၢ်မၤဂီၤယသး, ဒီးယသးဘၣ်တံာ်တာ်ဒိၣ်ဒိၣ်ကလဲာ်လီၤ.