လံာ်ဒၤနံးယ့လး 12:8 - Sgaw Karen Common Bible

⁸ ယနၢ်ဟူတ့ၢ်တၢ်လၢအစံးဝဲတဖၣ်လီၤ. ဘၣ်ဆၣ်ဒီးယတနၢ် ပၢၢ်အီၤဘၣ်. ဒီးယသံကွၢ်, “တၢ်ဒိၣ်ဧၢ, တၢ်ခဲလၢာ်န့ၣ် ကကတၢၢ်ဝဲဒ်လဲၣ်.”

လံာ်ဒၤနံးယ့လး 12:8 Iomraidhean Croise

လံာ်ဒၤနံးယ့လး 10:14

ယဟဲတ့ၢ်ယဲဒ်သိးယကတဲနၢ်ပၢၢ်နၤလၢတၢ်ကမၤအသးဒီး နပှၤဂီၢ်မုၢ်လၢခါဆူညါအဂ့ၢ်န့ၣ်လီၤ. အအံၤမ့ၢ်တၢ်ထံၣ်လၢညါခီဘၣ်ဃးဒီးခါဆူညါအဂ့ၢ်န့ၣ်လီၤ.”

လံာ်ဒၤနံးယ့လး 12:6

လၢအကျါတဂၤသံကွၢ်တ့ၢ်မူခိၣ်ကလူးလၢအဆၢထၢၣ်စီၤစုၤ ဒီးအီၤလၢထံခံန့ၣ်ဒီးစံး, “တုၤတၢ်မၤအသးလီၤလိၢ်လီၤလး တဖၣ်ကတၢၢ်ဝဲတစုန့ၣ်မ့ၢ်ကယံာ်ဆံးယံာ်ဒံးလဲၣ်.”

လံာ်ဒၤနံးယ့လး 12:7

မူခိၣ်ကလူးန့ၣ်ယူာ်ထီၣ်အစုခံခီလိာ်ဆူမူခိၣ်ဒီးမၤတၢ်အၢၣ်လီၤ အီလီၤလၢကစၢ်ယွၤလၢအမူဝဲလီၤထူလီၤယိာ်တဂၤအမံၤန့ၣ်လီၤ. ယနၢ်ဟူအဝဲဒၣ်စံး, “တၢ်န့ၣ်ကမ့ၢ်သၢနံၣ်ဃုလါန့ၣ်လီၤ. ဖဲတၢ်မၤအၢမၤနးကစၢ်ယွၤအပှၤဂီၢ်မုၢ်ဝံၤဝဲန့ၣ်, တၢ်ခဲလၢာ် အံၤကလၢထီၣ်ပှဲၤထီၣ်ဝဲဒၣ်န့ၣ်လီၤ.”

လံာ်ဒၤနံးယ့လး 12:9

အဝဲစံးဆၢဝဲဒၣ်, “စီၤဒၤနံးယ့လးဧၢ, နကဘၣ်က့ၤခဲအံၤလီၤ. အဂ့ၢ်ဒ်အံၤ, တၢ်ကတိၤတဖၣ်အံၤကဘၣ်တၢ်ကးတံၢ်ဒီးစဲပနီၣ် ဃာ်အီၤတုၤတၢ်အကတၢၢ်မၤအသးတစုန့ၣ်လီၤ.

လံာ်ဒၤနံးယ့လး 8:13

အန့ၣ်ဝံၤဒီး, ယနၢ်ဟူတ့ၢ်မူခိၣ်ကလူးတဂၤသံကွၢ်အဂၤတဂၤ, “မ့ၢ်တၢ်တဖၣ်အံၤလၢတၢ်ထံၣ်အီၤလၢညါခီအပူၤန့ၣ်ကမၤ ဒံးအသးဆူညါဆံးယံာ်လဲၣ်. မ့ၢ်တၢ်ဒဲးဘးလီၤပျံၤလီၤဖုး နးမးတမံၤဟံးန့ၢ်တၢ်လုၢ်တၢ်ပာ်ကိးနံၤဒဲးအလီၢ်အံၤကယံာ် ဒံးဆံးယံာ်လဲၣ်. မ့ၢ်မူခိၣ်အသုးမုၢ်ဒီးတၢ်လုၢ်ဟံၣ်ကဘၣ်တၢ် ယီၢ်တံၢ်အီၤဆံးယံာ်ဒံးလဲၣ်.”

လံာ်လူၤကၣ် 18:34

ဘၣ်ဆၣ်အပျဲၢ်အဘီၣ်တဖၣ်တနၢ်ပၢၢ်တၢ်ကတိၤသ့ၣ်တဖၣ်အံၤနီ တဘီဘၣ်. တၢ်ကတိၤတဖၣ်အခီပညီအိၣ်လီၤသဒၢအသးလၢအဝဲသ့ၣ် အမဲာ်ညါ, ဒီးယ့ၣ်ၡူးစံးကတိၤတၢ်ဘၣ်ဃးမနုၤအဂ့ၢ်န့ၣ်, အဝဲသ့ၣ်တသ့ၣ်ညါဝဲဘၣ်.

လံာ်ယိၤဟၣ် 12:16

အကတီၢ်ဖဲန့ၣ်, အပျဲၢ်အဘီၣ်တဖၣ်တနၢ်ပၢၢ်တၢ်အံၤဘၣ်. ဘၣ်ဆၣ်တုၤယ့ၣ်ၡူးဘၣ်တၢ်ဒုးဂဲၤဆၢထၢၣ်က့ၤအီၤအိၣ်ဒီး အလၤကပီၤန့ၣ်, အဝဲသ့ၣ်သ့ၣ်နီၣ်ထီၣ်က့ၤဝဲလၢတၢ်ကွဲးအသး စံးတ့ၢ်လၢတၢ်အံၤအဂ့ၢ်ဘၣ်ထွဲဒီးယ့ၣ်ၡူးဒီးလၢအဝဲသ့ၣ် မၤတ့ၢ်လံဝဲတၢ်အံၤလၢယ့ၣ်ၡူးအဂီၢ်န့ၣ်လီၤ.

မၤတၢ် 1:7

ယ့ၣ်ၡူးစံးဆၢက့ၤအဝဲသ့ၣ်, “တၢ်ဆၢကတီၢ်ဒီးတၢ်ကတီၢ်လီၤဆီတဖၣ်န့ၣ်, အိၣ်ဒၣ်လၢယပၢ်အစုပူၤလၢအကစံၣ်ညီၣ်ပာ်လီၤဝဲလၢအစိကမီၤဒၣ် ဝဲဒီးတၢ်တပျဲသုသ့ၣ်ညါတၢ်ဆၢကတီၢ်အံၤန့ၣ်ဘၣ်.

၁ ပ့းတရူး 1:11

အဝဲသ့ၣ်ကျဲးစၢးဃုသ့ၣ်ညါဝဲတၢ်ဆၢကတီၢ်ကမ့ၢ်ဖဲလဲၣ် အခါဒီးတၢ်ကမၤအသးဒ်လဲၣ်န့ၣ်လီၤ. တၢ်အံၤမ့ၢ်တၢ်ဆၢကတီၢ်လၢခရံာ်အသးလၢအအိၣ်လၢ အပူၤဒုးနဲၣ်အီၤ, လၢတၢ်ကတိၤဆိပာ်တၢ်နးတၢ်ဖှီၣ်တဖၣ်လၢခရံာ်ကဘၣ် တူၢ်ဝဲဒီးတၢ်လၤကပီၤလၢကပိာ်ထွဲထီၣ်အခံန့ၣ်လီၤ.