လံာ်ဒၤနံးယ့လး 12:4 - Sgaw Karen Common Bible

⁴ မ့မ့ၢ်နဲဒၣ်အံၤစီၤဒၤနံးယ့လးဧၢ, ကးတံၢ်လံာ်န့ၣ်ဒီးပာ် တၢ်စဲပနီၣ်လၢအလိၤတုၤလၢတၢ်အကတၢၢ်မၤအသးန့ၣ်တက့ၢ်. ပှၤအါဂၤကလဲၤဆူအံၤဆူနုၤဒ်သိးဒီးအတၢ်သ့ၣ်ညါကအါ ထီၣ်န့ၣ်လီၤ.”

လံာ်ဒၤနံးယ့လး 12:4 Iomraidhean Croise

လံာ်ယၡါယၤ 11:9

လၢစံယိၣ်, ကစၢ်ယွၤအကစၢၢ်စီဆှံအဒီခိၣ်န့ၣ်, တၢ်လၢအကမၤဘၣ်ဒိဘၣ်ထံးတၢ်, မ့တမ့ၢ်, ကမၤအၢမၤသီ တၢ်တအိၣ်ဘၣ်နီတမံၤဘၣ်. ဒ်ပီၣ်လဲၣ်တဖၣ်ပှဲၤဝဲဒီးထံအသိး, ဟီၣ်ခိၣ်ကပှဲၤဝဲဒီးတၢ်သ့ၣ်ညါ ယွၤအလၢအပှဲၤန့ၣ်လီၤ.

လံာ်ယၡါယၤ 29:11

ဝံအတၢ်ထံၣ်လၢညါခီကိးမံၤဒဲးအခီပညီကဘၣ်တၢ်ပာ်ခူသူၣ် အီၤလၢသုဒီးကလီၤဂာ်ဒီးလံာ်ထူလၢတၢ်စဲပနီၣ်ဃာ်အီၤ တထူန့ၣ်လီၤ. သုမ့ၢ်လဲၤစိာ်အီၤဆူပှၤတဂၤဂၤလၢအဖးလံာ်သ့ အအိၣ်ဒီးမၢအီၤလၢအကဖးန့ၢ်သုန့ၣ်, အဝဲကစံးဝဲ, ယဖးတသ့ဘၣ်မ့ၢ်လၢတၢ်စဲပနီၣ်တံၢ်အီၤအဃိလီၤ.

လံာ်ယၡါယၤ 30:26

လါအတၢ်ကပီၤကဆှံဝဲဒ်မုၢ်အတၢ်ကပီၤအသိး, ဒီးမုၢ်အတၢ်ကပီၤန့ၣ်ကကပီၤအါထီၣ်နွံစးအါ န့ၢ်ညီနုၢ်မၤအသး, လီၤဂာ်ဒီးနွံသီအတၢ် ကပီၤလၢအကပီၤထီၣ်ဝဲလၢတနံၤဃီအတီၢ်ပူၤန့ၣ်လီၤ. တၢ်သ့ၣ်တဖၣ်အံၤခဲလၢာ်ကမၤအသး, ဖဲယွၤဘိၣ်ဘံထီၣ်ဒီးမၤဘျါက့ၤတၢ်ပူၤလီၢ်ပူၤကျဲတဖၣ်လၢ ယွၤမၤဘၣ်ဒိဘၣ်ထံးတ့ၢ်ဘၣ်အပှၤဂီၢ်မုၢ်အခါန့ၣ်လီၤ.

လံာ်ယၡါယၤ 32:3

အဝဲသ့ၣ်အမဲာ်ချံဒီးအနၢ်တဖၣ်ကအိးထီၣ်အသးလၢပှၤဂီၢ်မုၢ် အတၢ်လိၣ်တဖၣ်အဂီၢ်န့ၣ်လီၤ.

လံာ်ယၡါယၤ 8:16

သုဝဲ, ယပျဲၢ်ယဘီၣ်တဖၣ်သုကဘၣ်အံးထွဲကွၢ်ထွဲဒီးပၢၤဃး တၢ်ကစီၣ်တဖၣ်လၢကစၢ်ယွၤဟ့ၣ်လီၤတ့ၢ်ယၤလီၤ.

လံာ်ယံးရမံယၤ 5:1

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဃ့ၢ်ဝ့ၤဝီၤလၢသုကျဲတဖၣ် အပူၤတက့ၢ်. ကွၢ်တၢ်ဝးတရံးဒီးကွၢ်တၢ်လၢသုကစၢ် ဒၣ်သုဝဲတက့ၢ်. ကွၢ်ဃုတၢ်ဆါတၢ်ပှ့ၤအလီၢ်တဖၣ်တက့ၢ်. ပှၤလၢအမၤတၢ်အဘၣ် ဒီးကျဲးစၢးသးတီဒီးကစၢ်ယွၤန့ၣ်, မ့ၢ်သုထံၣ်န့ၢ်သ့ တဂၤဂၤဧါ. သုထံၣ်န့ၢ်မ့ၢ်သ့ဒီးယွၤကပျၢ်ဝ့ၢ်ယရူၤၡလ့ၣ်န့ၣ်လီၤ.

လံာ်ဒၤနံးယ့လး 10:1

လၢစီၤပၤဖးဒိၣ်စီၤကိရ့ၣ်ပၢတၢ်လၢပၤရၣ်အဘီအမုၢ်သၢနံၣ် တနံၣ်အပူၤန့ၣ်, တၢ်ကစီၣ်တမံၤဘၣ်တၢ်လီၣ်ဖျါထီၣ် အီၤလၢစီၤဒၤနံးယ့လး, ပှၤလၢအဘၣ်တၢ်ကိးစ့ၢ် ကီးအီၤလၢစီၤဘ့ၤလးတၡါစၢ်, န့ၣ်လီၤ. တၢ်ကစီၣ်န့ၣ်မ့ၢ်အမ့ၢ် အတီဘၣ်ဆၣ်ဒီးတၢ်နၢ်ပၢၢ်အီၤကီဒိၣ်ဒိၣ်ကလဲာ်န့ၣ်လီၤ. တၢ်န့ၣ်ဘၣ်တၢ်တဲဖျါထီၣ်န့ၢ်အီၤလၢတၢ်ထံၣ်လၢညါခီအပူၤန့ၣ်လီၤ.

လံာ်ဒၤနံးယ့လး 10:14

ယဟဲတ့ၢ်ယဲဒ်သိးယကတဲနၢ်ပၢၢ်နၤလၢတၢ်ကမၤအသးဒီး နပှၤဂီၢ်မုၢ်လၢခါဆူညါအဂ့ၢ်န့ၣ်လီၤ. အအံၤမ့ၢ်တၢ်ထံၣ်လၢညါခီဘၣ်ဃးဒီးခါဆူညါအဂ့ၢ်န့ၣ်လီၤ.”

လံာ်ဒၤနံးယ့လး 10:21

ပှၤလၢအကမၤစၢၤယၤန့ၣ်မ့တမ့ၢ်ဘၣ်ကလူးလၢအပၢၤအံၣ်စရ့လး, မံၤက့လးဘၣ်ဒီး, ပှၤတအိၣ်ဘၣ်နီတဂၤဘၣ်.

လံာ်ဒၤနံးယ့လး 11:33

ဒီးပှၤခိၣ်ပှၤနၢ်လၢအကူၣ်သ့ကူၣ်ဘၣ်တဖၣ်လၢပှၤဂီၢ်မုၢ်အကျါန့ၣ် ကဟ့ၣ်နီၤလီၤအတၢ်ကူၣ်ဘၣ်ကူၣ်သ့ဆူပှၤအါဂၤလီၤ. ပှၤတနီၤလၢအဝဲသ့ၣ်အကျါကဘၣ်တၢ်မၤသံအီၤလၢတၢ်ဒုး တၢ်ယၤအပူၤမ့တမ့ၢ်ကဘၣ်တၢ်ဆူးကဲၤသံအီၤလၢမ့ၣ်အူဒီး တနီၤကဘၣ်တၢ်ဂုာ်ဆူၣ်ပျီဆူၣ်အီၤဒီးဒုးကဲထီၣ်အီၤလၢပှၤဘၣ် တၢ်စၢဃာ်တဖၣ်လီၤ. ဘၣ်ဆၣ်ဒီးကမ့ၢ်ဝဲစှၤနံၤစှၤသီလီၤ.

လံာ်ဒၤနံးယ့လး 11:40

ဖဲကီၢ်စူၤရံအစီၤပၤအမုၢ်နံၤလၢခံကတၢၢ်ဘူးကတုၤဝဲန့ၣ်, ကီၢ်အဲၤကူပတူးအစီၤပၤကဟဲဒုးအီၤဒီးကီၢ်စူၤရံအစီၤပၤကဒုး ဆၢက့ၤအီၤလၢအဂံၢ်အဘါခဲလၢာ်, လၢလ့ၣ်ကဟၣ်ဒုးသုး, ကသ့ၣ်ဒီးကဘီတဖၣ်လီၤ. ဒီးအဝဲကဟဲနုာ်လီၤဒုးထံကီၢ်အါဘ့ၣ်ဒ်ထံအါလုၣ်ဘၢတၢ်အသိးန့ၣ်လီၤ.

လံာ်ဒၤနံးယ့လး 12:13

ဒီးနဲဒၣ်စီၤဒၤနံးယ့လးဧၢ, တီတုၤအကတၢၢ်တက့ၢ်. တၢ်န့ၣ်ဝံၤဒီးနကသံနဲဘၣ်ဆၣ် ဒီးနကဂဲၤဆၢထၢၣ်ဒီးဒိးန့ၢ်နတၢ်န့ၢ်သါလၢမုၢ်နံၤခံကတၢၢ်န့ၣ်လီၤ.”

လံာ်ဒၤနံးယ့လး 12:5

အန့ၣ်ဝံၤဒီး, ယထံၣ်တ့ၢ်ပှၤခံဂၤဆၢထၢၣ်လၢထံကျိတဘိ အဃၢၤတဂၤအိၣ်လၢအံၤ, တဂၤအိၣ်လၢဘးခီတကပၤန့ၣ်လီၤ.

လံာ်ဒၤနံးယ့လး 12:9

အဝဲစံးဆၢဝဲဒၣ်, “စီၤဒၤနံးယ့လးဧၢ, နကဘၣ်က့ၤခဲအံၤလီၤ. အဂ့ၢ်ဒ်အံၤ, တၢ်ကတိၤတဖၣ်အံၤကဘၣ်တၢ်ကးတံၢ်ဒီးစဲပနီၣ် ဃာ်အီၤတုၤတၢ်အကတၢၢ်မၤအသးတစုန့ၣ်လီၤ.

လံာ်ဒၤနံးယ့လး 8:17

မူခိၣ်ကလူးကၤဘြံၤ အ့လးဟဲဒီးဆၢထၢၣ်တ့ၢ်ဝဲဖဲယကပၤ, ဒီးယပျံၤတၢ်ဒိၣ်ဒိၣ်ကလဲာ်တုၤယလီၤဃံၤဆူဟီၣ်ခိၣ်လိၤအီ ထီလာ်န့ၣ်လီၤ. ဒီးစံးဘၣ်ယၤ, “ပှၤဟီၣ်ခိၣ်ဖိဧၢ, နၢ်ပၢၢ်တၢ်အခီပညီတက့ၢ်. တၢ်ထံၣ်လၢညါခီအံၤမ့ၢ်တၢ်ကမၤ အသးဘၣ်ဃးဟီၣ်ခိၣ်အကတၢၢ်န့ၣ်လီၤ.”

လံာ်ဒၤနံးယ့လး 8:19

ဒီးစံးဝဲဒၣ်, “ယကဒုးနဲၣ်နၤတၢ်လၢကစၢ်ယွၤ အတၢ်သးဒိၣ်အကတၢၢ်ကမ့ၢ်တၢ်ဒ်လဲၣ်န့ၣ်လီၤ. တၢ်ထံၣ်လၢညါခီပာ်ဖျါတၢ်အကတၢၢ်အဆၢကတီၢ်န့ၣ်လီၤ.

လံာ်ဒၤနံးယ့လး 8:26

တၢ်ထံၣ်လၢညါခီဘၣ်ဃးတၢ်လုၢ်တၢ်ပာ်တဖၣ်လၢမုၢ်ဟါ ဒီးမုၢ်ဂီၤအကတီၢ်တဖၣ်, လၢအဘၣ်တၢ်တဲဖျါထီၣ်အီၤဆူ နအိၣ်န့ၣ်ကလၢထီၣ်ပှဲၤထီၣ်ဝဲဒၣ်လီၤ. ဘၣ်ဆၣ်ဒီးတၢ်ဂ့ၢ်အံၤပာ်ခူသူၣ်အီၤခဲအံၤတက့ၢ်. အဂ့ၢ်ဒ်အံၤ, တချုးအလၢထီၣ်ပှဲၤထီၣ်ဒံးဘၣ်ဒီးတၢ်ဆၢကတီၢ်ယံာ်ဒံးဝဲလီၤ.”

လံာ်မးသဲ 24:14

ဒီးတၢ်သးခုအကစီၣ်ဘၣ်ဃးဒီးဘီမုၢ်အံၤ, ကဘၣ်တၢ်စံၣ်တဲၤတဲလီၤအီၤသကုၤဟီၣ်ခိၣ်ချၢ, ဒ်သိးကကဲထီၣ်တၢ်အုၣ်အသးလၢပှၤဟီၣ်ခိၣ်ဖိခဲလၢာ်အဂီၢ်လီၤ. တုၤနုၤတစု, တၢ်အစိၤကကတၢၢ်ဝဲလီၤ.

ရိမ့ၤ 10:18

ဘၣ်ဆၣ်ဒီးယစံး, အဝဲသ့ၣ်တနၢ်ဟူဘၣ်တၢ်ကစီၣ် န့ၣ်မ့ၢ်ဝဲတီဝဲကစီဒီဧါ. အဝဲသ့ၣ်နၢ်ဟူဝဲကစီဒီလီၤ. အဂ့ၢ်ဒ်လဲၣ်န့ၣ်တၢ်ကွဲးအသးစီဆှံစံးဝဲ, “အဝဲသ့ၣ်အကလုၢ်တဖၣ်သီၣ်ထီၣ်ဝဲသကုၤဟီၣ်ခိၣ်ချၢဒီး အတၢ်ကတိၤတဖၣ်တုၤဃီၤဝဲလၢ ဟီၣ်ခိၣ်အကတၢၢ်န့ၣ်လီၤ” (စံး ၁၉:၄).

လံာ်လီၣ်ဖျါ 10:4

လီသီၣ်နွံဘီဟ့ၣ်တၢ်စံးဆၢတဘျီဃီ, ယသါကကွဲးလီၤတၢ်လီၤ. ဘၣ်ဆၣ်, ယနၢ်ဟူတၢ်ကလုၢ်သီၣ်ထီၣ်လၢမူခိၣ်ဒီးစံးဝဲ, “ပာ်ခူသူၣ်တၢ်လၢလီသီၣ်နွံဘီစံးတ့ၢ်ဝဲန့ၣ်တက့ၢ်, တဘၣ်ကွဲးလီၤအီၤတဂ့ၤ.”

လံာ်လီၣ်ဖျါ 22:10

ဒီးအဝဲဒၣ်စံးဘၣ်ယၤ, “တၢ်ကတိၤတဖၣ်လၢအဘၣ်တၢ်ကတိၤဆိပာ်စၢၤအီၤလၢ လံာ်တဘ့ၣ်အံၤအပူၤန့ၣ်တဘၣ်ပာ်ခူသူၣ်အီၤတဂ့ၤ. အဂ့ၢ်ဒ်အံၤ, တၢ်ခဲလၢာ်ခဲဆ့အံၤကမၤအသးအဂီၢ်န့ၣ်ဆၢကတီၢ်ဘူးထီၣ်ဝဲလံ.

လံာ်လီၣ်ဖျါ 5:1

ယထံၣ်လံာ်ထူတထူလၢပှၤလၢအဆ့ၣ်နီၤလၢလီၢ်ပစိာ်တဂၤ န့ၣ်အစုထွဲပူၤလီၤ. လံာ်ထူအဝဲအံၤတၢ်ကွဲးအိၣ်လၢအလိၤခံ ကပၤလၢာ်, ဒီးဘၣ်တၢ်စဲပနီၣ်ဃာ်အီၤလၢတၢ်စဲပနီၣ်ဃာ်နွံ ခါလီၤ.