လံာ်ဒၤနံးယ့လး 12:12 - Sgaw Karen Common Bible

¹² ပှၤလၢအသူၣ်တီသးလိၤတုၤအနံၤတကထိသၢကယၤသၢ ဆံယဲၢ်န့ၣ်ဘၣ်ဆိၣ်ဂ့ၤဝဲလီၤ.

လံာ်ဒၤနံးယ့လး 12:12 Iomraidhean Croise

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယဃ့းစက့လး 4:6

ဖဲနမၤတၢ်န့ၣ်ဝံၤဒီး, ဃၣ်နသးဆူနစုထွဲတကပၤဒီးတူၢ်တၢ်ဖဲ န့ၣ်လၢကီၢ်ယူဒၤအတၢ်ကမၣ်အဂီၢ်အသီလွံၢ်ဆံ, တသီလၢအဝဲသ့ၣ်ကဘၣ်တၢ်စံၣ်ညီၣ်အီၤတနံၣ်အဂီၢ်န့ၣ်လီၤ.

လံာ်ဒၤနံးယ့လး 8:14

ယနၢ်ဟူဘၣ်ကလူးအဂၤတဂၤစံးဆၢတၢ်, “ကမၤဒံးအသး ဆူညါမုၢ်ဟါမုၢ်ဂီၤခံကထိသၢကယၤ, အကတီၢ်ဖဲတၢ်လုၢ်မ့ၣ်အူတဘၣ်တၢ်လုၢ်ထီၣ်ဘၣ်အီၤန့ၣ်လီၤ. အန့ၣ်ဝံၤဒီးတၢ်လုၢ်ဟံၣ်ကဘၣ်တၢ်မၤန့ၢ်ကဒါက့ၤအီၤန့ၣ်လီၤ.”

ရိမ့ၤ 11:15

အဂ့ၢ်ဒ်အံၤဖဲအဝဲသ့ၣ်ဘၣ်တၢ်ညိကွံာ်အီၤအဆၢကတီၢ်န့ၣ်, ကစၢ်ယွၤဒုးကဲထီၣ်ပှၤဟီၣ်ခိၣ်ဖိအဂၤတဖၣ်လၢအဒုၣ်အဒါဆူ အတံၤသကိးန့ၣ်လီၤ. မ့မ့ၢ်ဒ်န့ၣ်ဒီး, ဖဲအဝဲသ့ၣ်ဘၣ်တၢ်တူၢ်လိာ်အီၤ ဒီးတၢ်ကကဲထီၣ်အသးဒ်လဲၣ်. ကမ့ၢ်တၢ်ဂဲၤဆၢထၢၣ်သမူထီၣ်က့ၤ လၢတၢ်သံန့ၣ်လီၤ.

လံာ်လီၣ်ဖျါ 11:2

မ့မ့ၢ်ဂၢၤလၢအချၢတကပၤန့ၣ်, တဘၣ်ထိၣ်ကွၢ်အီၤတဂ့ၤ, အဂ့ၢ်ဒ်အံၤ, အဝဲသ့ၣ်ဘၣ်တၢ်ဟ့ၣ်လီၤတ့ၢ်အီၤဆူပှၤကလုာ်ဂၤ တဖၣ်လၢအကယီၢ်တံၢ်ဝ့ၢ်စီဆှံတဖျၢၣ်န့ၣ်လၢလွံၢ်ဆံခံလါ အတီၢ်ပူၤလီၤ.

လံာ်လီၣ်ဖျါ 12:6

ပိာ်မုၣ်န့ၣ်ဃ့ၢ်ကွံာ်ဆူပှၢ်မုၢ်ကနၢ, ဆူတၢ်လီၢ်တတီၤလၢကစၢ်ယွၤကတဲာ်ကတီၤပာ်ဝဲလၢအဂီၢ်ဖဲ အဝဲဒၣ်ကဘၣ်တၢ်အံးထွဲကွၢ်ထွဲအီၤလၢအသီ ၁၂၆၀ အတီၢ် ပူၤန့ၣ်လီၤ.

လံာ်လီၣ်ဖျါ 13:5

တၢ်ဒူတၢ်ဃိၤန့ၣ်ဘၣ်တၢ်ဟ့ၣ်အီၤအခွဲးလၢအကကတိၤပာ်ဖျါ ထီၣ်အသးလၢတၢ်သးကဖၢလၢအပူၤအိၣ်ဒီးတၢ်ဒုၣ်ဒွဲၣ်မၤတရီ တပါကစၢ်ယွၤ, ဒီးတၢ်ဟ့ၣ်အီၤအခွဲးလၢကအိၣ်ဒီးတၢ်စိတၢ် ကမီၤလၢလွံၢ်ဆံခံလါအတီၢ်ပူၤန့ၣ်လီၤ.

လံာ်လီၣ်ဖျါ 20:4

အန့ၣ်ဝံၤဒီးယထံၣ်လီၢ်ပစိာ်တဖၣ်, ဒီးပှၤတဖၣ်လၢအဆ့ၣ်နီၤလၢ အလိၤန့ၣ်ဘၣ်တၢ်ဟ့ၣ်အီၤတၢ်စိကမီၤလၢအကစံၣ်ညီၣ်တၢ် လီၤ. ယထံၣ်ဘၣ်စ့ၢ်ကီးယဲပှၤအသးသမူတဖၣ်လၢအဘၣ် တၢ်မၤသံတ့ၢ်အီၤလၢအအုၣ်အသးလၢယ့ၣ်ၡူးအဂ့ၢ်ဒီး စံၣ်တဲၤတဲလီၤကစၢ်ယွၤအကလုၢ်ကထါတဖၣ်အဃိ န့ၣ်လီၤ. အဝဲသ့ၣ်တဘါထီၣ်တ့ၢ်တၢ်ဒူတၢ်ဃိၤတဒု န့ၣ်မ့ၢ်ဂ့ၤ, အက့ၢ်အဂီၤမ့ၢ်ဂ့ၤန့ၣ်ဘၣ်. ဒ်န့ၣ်အသိး, အဝဲသ့ၣ်တဒိးန့ၢ်တၢ်ဒူတၢ်ဃိၤတဒုန့ၣ်အတၢ်ပနီၣ် လၢအဝဲသ့ၣ်အခိၣ်တိသၣ်အလိၤမ့ၢ်ဂ့ၤ, လၢအစု လိၤမ့ၢ်ဂ့ၤန့ၣ်ဘၣ်. အဝဲသ့ၣ်ဂဲၤဆၢထၢၣ်သမူထီၣ်က့ၤ, ဒီးပၢတၢ်ဒ်စီၤပၤတဖၣ်အသိးတပူၤဃီဒီးခရံာ်လၢအနံၣ် တကထိအတီၢ်ပူၤလီၤ.