လံာ်ဒၤနံးယ့လး 12:11 - Sgaw Karen Common Bible

¹¹ “စးထီၣ်လၢတၢ်လုၢ်တၢ်ပာ်ကိးနံၤဒဲးတဖၣ်ဆိကတီၢ်အသးန့ၣ်, ဒီးတၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ် ဘၣ်တၢ်ပာ်ထီၣ်အီၤန့ၣ်မုၢ်နံၤတဖၣ်ကပူၤကွံာ်ဝဲအနံၤတကထိ ခံကယၤခွံဆံန့ၣ်လီၤ.

လံာ်ဒၤနံးယ့လး 12:11 Iomraidhean Croise

လံာ်တၢ်ဟးထီၣ်ကွံာ် 29:38

လုၢ်ထီၣ်ပာ်ထီၣ်သိဖိတနံၣ်ဖိခံဒုလၢတၢ်လုၢ်လီၢ်အဖီခိၣ်ကိး မုၢ်နံၤဒဲးတဘိယူၢ်ဃီလၢဆၢကတီၢ်လၢအကဟဲန့ၣ်တက့ၢ်.

လံာ်ယဃ့းစက့လး 4:6

ဖဲနမၤတၢ်န့ၣ်ဝံၤဒီး, ဃၣ်နသးဆူနစုထွဲတကပၤဒီးတူၢ်တၢ်ဖဲ န့ၣ်လၢကီၢ်ယူဒၤအတၢ်ကမၣ်အဂီၢ်အသီလွံၢ်ဆံ, တသီလၢအဝဲသ့ၣ်ကဘၣ်တၢ်စံၣ်ညီၣ်အီၤတနံၣ်အဂီၢ်န့ၣ်လီၤ.

လံာ်ဒၤနံးယ့လး 1:12

မၤကွၢ်ပှၤထဲအသီတဆံတက့ၢ်. ဟ့ၣ်ပှၤတၢ်ဒိးတၢ်လၣ်တဖၣ် လၢပကအီၣ်ဒီးထံလၢပကအီအဂီၢ်တက့ၢ်.

လံာ်ဒၤနံးယ့လး 11:31

အပှၤသုးဖိတနီၤကမၤဘၣ်အၢတၢ်လုၢ်ဟံၣ်ဒီးတၢ်ဘူၣ်တၢ်ဘါအလုၢ်အလၢ်လီၤ. ကဆိကတီၢ်ကွံာ်တၢ်လုၢ်တၢ်ပာ်ကိးနံၤဒဲး ဒီးပာ်ထီၣ်တၢ်လီၤပျံၤလီၤဖုးလၢအလီၤသး ဘၣ်အၢဒိၣ်ဒိၣ်ကလဲာ်လၢတၢ်လုၢ်လီၢ်အဖီခိၣ်န့ၣ်လီၤ.

လံာ်ဒၤနံးယ့လး 7:25

အဝဲကကတိၤထီဒါတၢ်ထီကတၢၢ်ကစၢ်ယွၤဒီးမၤနးမၤဖှီၣ် ကစၢ်ယွၤအပှၤဂီၢ်မုၢ်လီၤ. အဝဲကကျဲးစၢးမၤဒ်သိးကလဲလိာ် ကွံာ်အဝဲသ့ၣ်တဖၣ်အတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ဒီးအဘူၣ်တဖၣ်, ဒီးကစၢ်ယွၤအပှၤဂီၢ်မုၢ်ကအိၣ် လၢအစိကမီၤအဖီလာ်သၢနံၣ်ဒီးဃုလါန့ၣ်လီၤ.

လံာ်ဒၤနံးယ့လး 8:26

တၢ်ထံၣ်လၢညါခီဘၣ်ဃးတၢ်လုၢ်တၢ်ပာ်တဖၣ်လၢမုၢ်ဟါ ဒီးမုၢ်ဂီၤအကတီၢ်တဖၣ်, လၢအဘၣ်တၢ်တဲဖျါထီၣ်အီၤဆူ နအိၣ်န့ၣ်ကလၢထီၣ်ပှဲၤထီၣ်ဝဲဒၣ်လီၤ. ဘၣ်ဆၣ်ဒီးတၢ်ဂ့ၢ်အံၤပာ်ခူသူၣ်အီၤခဲအံၤတက့ၢ်. အဂ့ၢ်ဒ်အံၤ, တချုးအလၢထီၣ်ပှဲၤထီၣ်ဒံးဘၣ်ဒီးတၢ်ဆၢကတီၢ်ယံာ်ဒံးဝဲလီၤ.”

လံာ်ဒၤနံးယ့လး 9:27

ပှၤပၢတၢ်တဂၤန့ၣ်ကမၤတၢ်အၢၣ်လီၤအီလီၤအဂၢၢ်အကျၢၤ ဃုာ်ဒီးအပှၤအါဂၤလၢနွံနံၣ်အတီၢ်ပူၤန့ၣ်လီၤ. ဖဲနွံနံၣ်အကတီၢ်အံၤအဖးဖီနံၣ်ပူၤကွံာ် ဒီးကဆိကတီၢ်ကွံာ်တၢ်လုၢ်တၢ်ပာ်တဖၣ် ဒီးတၢ်လုၢ်မၤဘူၣ်တဖၣ်န့ၣ်လီၤ. ဒီးတၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်က လဲာ်ကဘၣ်တၢ်ပာ်ထီၣ်အီၤလၢတၢ်လုၢ်ဟံၣ်အပျိာ်အထီ ကတၢၢ်ဒီးကအိၣ်ဖဲန့ၣ်တုၤပှၤလၢအပာ်ထီၣ်အီၤဖဲန့ၣ် တဂၤန့ၣ်ဘၣ်သဂၢၢ်အမုၢ်နံၤလၢခံကတၢၢ်လၢကစၢ် ယွၤကတဲာ်ကတီၤပာ်စၢၤလၢအဂီၢ်န့ၣ်လီၤ.”

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

လံာ်မးသဲ 24:15

တၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ်, လၢစီၤဒၤနံးယ့လးကတိၤတ့ၢ်လၢအဂ့ၢ်န့ၣ်, သုကထံၣ်အအိၣ်ဆၢထၢၣ်လၢတၢ်စီဆှံအလီၢ်လီၤ. (ပှၤဖးတၢ်ဖိမ်အနၢ်ပၢၢ်တၢ်အံၤအခီပညီတက့ၢ်.)

လံာ်မၢ်ကူး 13:14

သုဝဲသ့ၣ်သုကထံၣ်ဘၣ်တၢ်မၤလီၤပျံၤလီၤဖုးတၢ်လၢအလီၤ သးဘၣ်အၢဒိၣ်ဒိၣ်ကလဲာ်န့ၣ်အိၣ်ဝဲလၢတၢ်လီၢ်လၢအတကြၢး အိၣ်ဝဲဘၣ်န့ၣ်လီၤ. (ပှၤဖးတၢ်ဖိတဂၤကဘၣ်နၢ်ပၢၢ်တၢ်တမံၤအံၤ အခီပညီသပှၢ်ကတၢၢ်လီၤ.) အန့ၣ်တစုပှၤအိၣ်လၢကီၢ်ယူဒၤပူၤ တဖၣ်ကဘၣ်ဃ့ၢ်ပူၤဖျဲးအသးဆူကစၢၢ်ကလိတဖၣ်အကျါလီၤ.

လံာ်လီၣ်ဖျါ 11:2

မ့မ့ၢ်ဂၢၤလၢအချၢတကပၤန့ၣ်, တဘၣ်ထိၣ်ကွၢ်အီၤတဂ့ၤ, အဂ့ၢ်ဒ်အံၤ, အဝဲသ့ၣ်ဘၣ်တၢ်ဟ့ၣ်လီၤတ့ၢ်အီၤဆူပှၤကလုာ်ဂၤ တဖၣ်လၢအကယီၢ်တံၢ်ဝ့ၢ်စီဆှံတဖျၢၣ်န့ၣ်လၢလွံၢ်ဆံခံလါ အတီၢ်ပူၤလီၤ.

လံာ်လီၣ်ဖျါ 12:6

ပိာ်မုၣ်န့ၣ်ဃ့ၢ်ကွံာ်ဆူပှၢ်မုၢ်ကနၢ, ဆူတၢ်လီၢ်တတီၤလၢကစၢ်ယွၤကတဲာ်ကတီၤပာ်ဝဲလၢအဂီၢ်ဖဲ အဝဲဒၣ်ကဘၣ်တၢ်အံးထွဲကွၢ်ထွဲအီၤလၢအသီ ၁၂၆၀ အတီၢ် ပူၤန့ၣ်လီၤ.

လံာ်လီၣ်ဖျါ 13:5

တၢ်ဒူတၢ်ဃိၤန့ၣ်ဘၣ်တၢ်ဟ့ၣ်အီၤအခွဲးလၢအကကတိၤပာ်ဖျါ ထီၣ်အသးလၢတၢ်သးကဖၢလၢအပူၤအိၣ်ဒီးတၢ်ဒုၣ်ဒွဲၣ်မၤတရီ တပါကစၢ်ယွၤ, ဒီးတၢ်ဟ့ၣ်အီၤအခွဲးလၢကအိၣ်ဒီးတၢ်စိတၢ် ကမီၤလၢလွံၢ်ဆံခံလါအတီၢ်ပူၤန့ၣ်လီၤ.