လံာ်ဒၤနံးယ့လး 11:6 - Sgaw Karen Common Bible

⁶ တဘျုးနံၣ်အလီၢ်ခံန့ၣ်, ကီၢ်အဲၤကူပတူးအစီၤပၤကဒီသိၣ် ဒီမှံၤလိာ်သးဒီးကီၢ်စူၤရံအစီၤပၤ, ဒီးဖျီဃုာ်အီၤလၢ အဖိမုၣ်လီၤ. ဘၣ်ဆၣ်ဒီးတၢ်ဒီသိၣ်ဒီမှံၤလိာ်သးအံၤတဂၢၢ် တကျၢၤဘၣ်. အနီၢ်ကစၢ်ဒၣ်ဝဲ, အဝၤဒီးအဖိ, ဒီးအကုၢ်အပှၤလၢအလဲၤ ဃုာ်ဒီးအီၤတဖၣ်န့ၣ်ကဘၣ်တၢ်မၤသံကွံာ်အီၤခဲလၢာ်လီၤ.

လံာ်ဒၤနံးယ့လး 11:6 Iomraidhean Croise

လံာ်စီၤယိၤဘး 38:15

မုၢ်ဆါအတၢ်ကပီၤန့ၣ်ကပီၤဆူၣ်ကဲၣ်ဆိးလၢပှၤတတီတလိၤ အဂီၢ်ဒီးတြီဃာ်အဝဲသ့ၣ်လၢကမၤတၢ်စုဆူၣ်ခီၣ်တကးအတၢ် မၤန့ၣ်လီၤ.

စံးထီၣ်ပတြၢၤ 10:5

အကျဲတဖၣ်ဘီၣ်ထီၣ်ညီထီၣ်ကိးဆၢကိးကတီၢ်ဒဲးလီၤ. ကစၢ်ယွၤအတၢ်စံၣ်ညီၣ်တဖၣ်န့ၣ် နၢ်ပၢၢ်ဝဲတသ့ဘၣ်, ဒီးကတိၤဒုၣ်ဒွဲၣ်အဒုၣ်အဒါခဲလၢာ်န့ၣ်လီၤ.

လံာ်ယဃ့းစက့လး 30:21

အဝဲစံးဝဲဒၣ်, “ပှၤကညီလၢအသံသ့ဧၢ, ယဘိးကၢ်ကွံာ်ကီၢ်အဲၤကူပတူးအစီၤပၤအစုဒုၣ်လံန့ၣ်လီၤ. ပှၤလၢကဘိၣ်ဘံထီၣ်အီၤမ့ၢ်ဂ့ၤ, ထၢနုာ်အီၤလၢတၢ်ကံးညၣ်ဝံ စုအပူၤမ့ၢ်ဂ့ၤတအိၣ်နီတဂၤ, ဒ်သိးကဘျါက့ၤဒီးအဂံၢ်အ ဘါကဆူၣ်ထီၣ်က့ၤတုၤလၢအဖီၣ်ထီၣ်ကဒီးနးသ့ဝဲန့ၣ်ဘၣ်.

လံာ်ဒၤနံးယ့လး 11:13

ကီၢ်စူၤရံအစီၤပၤကဒုးအိၣ်ထီၣ်ကဒီးသုးမုၢ်ဒိၣ်န့ၢ်အခီၣ်ထံး တဖုလၢအအိၣ်တ့ၢ်ဒီးအီၤန့ၣ်လီၤ. တဘျုးနံၣ်အလီၢ်ခံန့ၣ်, အဝဲကဟဲထီၣ်ကဒီးဝဲလၢသုးမုၢ်ဖး ဒိၣ်တဖုအိၣ်ဒီးတၢ်စုကဝဲၤအလၢအပှဲၤန့ၣ်လီၤ.

လံာ်ဒၤနံးယ့လး 11:15

မၤသးဒ်န့ၣ်ဒီးကီၢ်စူၤရံအစီၤပၤကမၤထီၣ်ထီဟီၣ်ခိၣ်လၢတိာ်ခၢၣ် သနၢၣ်အဝ့ၢ်တဖျၢၣ်အခိၣ်ဒူအဃၢၤဒီးမၤန့ၢ်မၤနၢၤအီၤလီၤ. ကီၢ်အဲၤကူပတူးအသုးဖိတဖၣ်အဂံၢ်အဘါကလီၤစၢ်လၢကဒုး တၢ်ဆူညါအဂီၢ်ဒီးပှၤအဆူၣ်ကတၢၢ်လၢအကျါဒၣ်လဲာ်အဂံၢ် အဘါတအိၣ်လၢၤလၢလၢလီၣ်လီၣ်ဘၣ်န့ၣ်လီၤ.

လံာ်ဒၤနံးယ့လး 11:40

ဖဲကီၢ်စူၤရံအစီၤပၤအမုၢ်နံၤလၢခံကတၢၢ်ဘူးကတုၤဝဲန့ၣ်, ကီၢ်အဲၤကူပတူးအစီၤပၤကဟဲဒုးအီၤဒီးကီၢ်စူၤရံအစီၤပၤကဒုး ဆၢက့ၤအီၤလၢအဂံၢ်အဘါခဲလၢာ်, လၢလ့ၣ်ကဟၣ်ဒုးသုး, ကသ့ၣ်ဒီးကဘီတဖၣ်လီၤ. ဒီးအဝဲကဟဲနုာ်လီၤဒုးထံကီၢ်အါဘ့ၣ်ဒ်ထံအါလုၣ်ဘၢတၢ်အသိးန့ၣ်လီၤ.

လံာ်ဒၤနံးယ့လး 11:7

တယံာ်ဘၣ်ဒီးအဘူးအတံၢ်အကျါတဂၤကကဲထီၣ်စီၤပၤလီၤ. အဝဲကဒုးတၢ်ထီဒါကီၢ်စူၤရံအစီၤပၤ, နုာ်လီၤဆူအတိာ်ပူၤ ဒီးမၤဃၣ်ကွံာ်အီၤလီၤ.

လံာ်စကၤရယၤ 11:16

ယပာ်လီၤတ့ၢ်ပှၤကွၢ်သိတဂၤလၢကကွၢ်ယသိတဖၣ်လီၤ. ဘၣ်ဆၣ်အဝဲတမၤစၢၤသိလၢအဘၣ်တၢ်မၤပျံၤ အီၤလၢတၢ်ဟးဂီၤမ့ၢ်ဂ့ၤ, တဃုက့ၤသိလၢအဟါမၢ်မ့ၢ်ဂ့ၤ, တမၤဘျါက့ၤသိလၢအဘၣ်ဒိဘၣ်ထံးမ့ၢ်ဂ့ၤ, တဒုးအီၣ်သိလၢအအိၣ်ဆူၣ်အိၣ်ချ့အဆၣ်မ့ၢ်ဂ့ၤန့ၣ်ဘၣ်. အခိၣ်တလိာ်, အဝဲအီၣ်ကွံာ်သိလၢအဘီၣ်ကတၢၢ်အညၣ်ဒီးဖှီယာ်ကွံာ်အဝဲသ့ၣ် အခီၣ်မ့ၣ်တဖၣ်လီၤ.