လံာ်ဒၤနံးယ့လး 11:5 - Sgaw Karen Common Bible

⁵ ကီၢ်အဲၤကူပတူးအစီၤပၤအဂံၢ်အဘါကဆူၣ်ထီၣ်ဝဲဒီးအသုးခိၣ် ကျၢၢ်တဖၣ်အကျါတဂၤကဆူၣ်န့ၢ်ဒံးအီၤဒီးပၢဘၣ်ဘီမုၢ်ဒိၣ်န့ၢ်အီၤ တက့ၢ်လီၤ.

လံာ်ဒၤနံးယ့လး 11:5 Iomraidhean Croise

လံာ်ဒၤနံးယ့လး 11:11

ဒီးလၢတၢ်သးဒိၣ်အပူၤကီၢ်အဲၤကူပတူးအစီၤပၤကလဲၤဒုးတၢ် ထီဒါကီၢ်စူၤရံအစီၤပၤဒီးဖီၣ်န့ၢ်အသုးမုၢ်ဖးဒိၣ်န့ၣ်လီၤ.

လံာ်ဒၤနံးယ့လး 11:14

တုၤနုၤတစုပှၤအါဂၤကပၢၢ်ဆၢထီဒါကီၢ်အဲၤကူပတူးအစီၤပၤလီၤ. စီၤဒၤနံးယ့လးဧၢ, ပှၤမၤအၢမၤသီတၢ်တနီၤလၢနထံနကီၢ်အပူၤ, အဝဲသ့ၣ်ကဆၢထၢၣ်ပၢၢ်ဆၢတၢ်လၢအတၢ်ထံၣ်စိတမံၤအဃိ, ဘၣ်ဆၣ်ဒီးကဘၣ်တၢ်မၤဃၣ်ကွံာ်အီၤန့ၣ်လီၤ.

လံာ်ဒၤနံးယ့လး 11:25

အဝဲကလိာ်ဒူအသးဒီးမၤအိၣ်ထီၣ်သုးမုၢ်ဖးဒိၣ်တဖုလၢက ဒုးတၢ်ထီဒါကီၢ်အဲၤကူပတူးအစီၤပၤအဂီၢ်န့ၣ်လီၤ. ဒီးကီၢ်အဲၤကူပတူးအစီၤပၤကကတဲာ်ကတီၤအသးဒီးထီဒါ ဆၢက့ၤအီၤလၢသုးမုၢ်ဒိၣ်န့ၢ်ဆူၣ်န့ၢ်အီၤဖးဒိၣ်တဖုလီၤ. ဘၣ်ဆၣ်ဒီးကီၢ်အဲၤကူပတူးအစီၤပၤကဘၣ်တၢ်လီန့ၢ်အီၤ ဒီးတမၤနၢၤတၢ်ဘၣ်.

လံာ်ဒၤနံးယ့လး 11:40

ဖဲကီၢ်စူၤရံအစီၤပၤအမုၢ်နံၤလၢခံကတၢၢ်ဘူးကတုၤဝဲန့ၣ်, ကီၢ်အဲၤကူပတူးအစီၤပၤကဟဲဒုးအီၤဒီးကီၢ်စူၤရံအစီၤပၤကဒုး ဆၢက့ၤအီၤလၢအဂံၢ်အဘါခဲလၢာ်, လၢလ့ၣ်ကဟၣ်ဒုးသုး, ကသ့ၣ်ဒီးကဘီတဖၣ်လီၤ. ဒီးအဝဲကဟဲနုာ်လီၤဒုးထံကီၢ်အါဘ့ၣ်ဒ်ထံအါလုၣ်ဘၢတၢ်အသိးန့ၣ်လီၤ.

လံာ်စကၤရယၤ 6:6

လ့ၣ်ကဟၣ်လၢအဘၣ်တၢ်တွံၢ်အီၤလၢကသ့ၣ်သူ တဖၣ်န့ၣ်လဲၤဝဲဒၣ်ဆူကလံၤစိးတကပၤဆူကီၢ်ဘၤဘူၤလိၣ်, လၢအဘၣ်တၢ်တွံၢ်အီၤလၢကသ့ၣ်ဝါတဖၣ်န့ၣ်လဲၤ ဝဲဒၣ်ဆူမုၢ်နုာ်တကပၤ, ဒီးလၢအဘၣ်တၢ်တွံၢ်အီၤလၢကသ့ၣ်ဂီၤဃ့ တဖၣ်န့ၣ်လဲၤဝဲဒၣ်ဆူကီၢ်လၢအအိၣ်လၢကလံၤထံးတကပၤန့ၣ်လီၤ.