လံာ်ဒၤနံးယ့လး 11:44 - Sgaw Karen Common Bible

⁴⁴ ဘၣ်ဆၣ်ဒီးတၢ်ကစီၣ်တဖၣ်လၢအဟဲလၢမုၢ်ထီၣ်ဒီးလၢကလံၤ စိးန့ၣ်ကမၤပျံၤမၤဖုးအီၤဒီးကဒုးတၢ်လၢတၢ်သးကဲၤထီၣ်အပူၤ ဒီးမၤသံကွံာ်ပှၤဂီၢ်မုၢ်ဂီၢ်ပၤလီၤ.

လံာ်ဒၤနံးယ့လး 11:44 Iomraidhean Croise

လံာ်ဒၤနံးယ့လး 11:11

ဒီးလၢတၢ်သးဒိၣ်အပူၤကီၢ်အဲၤကူပတူးအစီၤပၤကလဲၤဒုးတၢ် ထီဒါကီၢ်စူၤရံအစီၤပၤဒီးဖီၣ်န့ၢ်အသုးမုၢ်ဖးဒိၣ်န့ၣ်လီၤ.

လံာ်ဒၤနံးယ့လး 11:30

ပှၤရိမ့ၤဖိတဖၣ်ကဟဲလၢကဘီတဖၣ်အပူၤဒီးကထီဒါအီၤ ဒီးအဝဲကပျံၤတၢ်ဖုးတၢ်လီၤ. အန့ၣ်ဒီးအဝဲကဃၣ်ကဒါက့ၤ အသးလၢတၢ်သူၣ်ဒိၣ်သးဖျိးအပူၤဒီးကကျဲးစၢးဒ်သိးကမၤ ဟးဂီၤကွံာ်ကစၢ်ယွၤအပှၤဂီၢ်မုၢ်အတၢ်ဘူၣ်တၢ်ဘါန့ၣ်လီၤ. အဝဲကပိာ်ထွဲပှၤလၢအပာ်တ့ၢ်ညိကွံာ်တၢ်ဘူၣ်တၢ်ဘါအဝဲန့ၣ်တဖၣ် အတၢ်ဟ့ၣ်ကူၣ်ဟ့ၣ်ဖးန့ၣ်လီၤ.

လံာ်ဒၤနံးယ့လး 11:43

ကစိာ်ကွံာ်ဝဲကီၢ်အဲၤကူပတူးအတၢ်ထူးတၢ်တီၤတဖၣ်, ထူ, စ့ဒီးတၢ်လုၢ်ဒိၣ်ပှ့ၤဒိၣ်ခဲလၢာ်လၢတၢ်ခူသူၣ်အလီၢ်အပူၤန့ၣ်လီၤ. ဒီးကမၤနၢၤပှၤလံးဘယၣ်ဖိအကီၢ်ဒီးပှၤကူၤၡးဖိအကီၢ် န့ၣ်လီၤ.

လံာ်ဒၤနံးယ့လး 11:45

ဒီးကသူၣ်ထီၣ်ဒၣ်လဲာ်စီၤလိၣ်စီၤပၤအဒဲဖးဒိၣ်တဖၣ်လၢပီၣ်လဲၣ် ဒီးကစၢၢ်အဘၢၣ်စၢၤ, ကစၢၢ်လၢတၢ်လုၢ်ဟံၣ်အိၣ်လၢအလိၤန့ၣ်လီၤ. ဘၣ်ဆၣ်ဒီးကသံဝဲဒီးပှၤမၤစၢၤအီၤဖဲန့ၣ်တအိၣ်ဘၣ်နီတဂၤဘၣ်.”

လံာ်လီၣ်ဖျါ 16:12

တုၤနုၤတစုကလူးဃုဂၤတဂၤဂၢ်လီၤအသလၢလၢထံကျိဖးဒိၣ် ဖရၤသးအပူၤလီၤ. ထံကျိဃ့ထီကွံာ်ဝဲ, ဒ်သိးအကဒုးအိၣ်ထီၣ်ကျဲလၢစီၤပၤလၢအဟဲလၢမုၢ်ထီၣ် တဖၣ်အဂီၢ်န့ၣ်လီၤ.

လံာ်လီၣ်ဖျါ 17:13

စီၤပၤအဂၤတဆံအံၤ, အဝဲသ့ၣ်ကိးဂၤဒဲးအိၣ်ဒီးတၢ်တိာ်ပာ် တမံၤဃီ, ဒီးအဝဲသ့ၣ်ဟ့ၣ်လီၤကွံာ်အတၢ်ဂံၢ်တၢ်ဘါဒီးတၢ်စိတၢ် ကမီၤဆူတၢ်ဒူတၢ်ဃိၤတဒုန့ၣ်လီၤ.