လံာ်ဒၤနံးယ့လး 11:40 - Sgaw Karen Common Bible

⁴⁰ ဖဲကီၢ်စူၤရံအစီၤပၤအမုၢ်နံၤလၢခံကတၢၢ်ဘူးကတုၤဝဲန့ၣ်, ကီၢ်အဲၤကူပတူးအစီၤပၤကဟဲဒုးအီၤဒီးကီၢ်စူၤရံအစီၤပၤကဒုး ဆၢက့ၤအီၤလၢအဂံၢ်အဘါခဲလၢာ်, လၢလ့ၣ်ကဟၣ်ဒုးသုး, ကသ့ၣ်ဒီးကဘီတဖၣ်လီၤ. ဒီးအဝဲကဟဲနုာ်လီၤဒုးထံကီၢ်အါဘ့ၣ်ဒ်ထံအါလုၣ်ဘၢတၢ်အသိးန့ၣ်လီၤ.

လံာ်ဒၤနံးယ့လး 11:40 Iomraidhean Croise

လံာ်ယၡါယၤ 21:1

အအံၤမ့ၢ်တၢ်ကစီၣ်ဘၣ်ဃးကီၢ်ဘၤဘူၤလိၣ်အဂ့ၢ်န့ၣ်လီၤ. ဒ်ကလံၤသဝံးအူတၢ်ဆူၣ်ဆူၣ်ခီဂာ်ပှၢ်မုၢ်ကနၢအသိး, တၢ်တတၢးတနါကဟဲထီၣ်လၢကီၢ်လၢအလီၤပျံၤလီၤဖုး တဘ့ၣ်အပူၤလီၤ.

လံာ်ယၡါယၤ 5:28

အပျၢ်တဖၣ်အကနၣ်အ့ၣ်ဝဲဒီးအချံၣ်တဖၣ်အိၣ်ကတဲာ်ကတီၤ အသးလၢကခးတၢ်အဂီၢ်လီၤ. အကသ့ၣ်တဖၣ်အခီၣ်မ့ၣ်ကိၤ ဝဲဒ်လၢၢ်မ့ၣ်အသိးဒီးအလ့ၣ်ကဟၣ်အလ့ၣ်ဖံဘၣ်တဖၣ်တရံးဝဲဒ် ကလံၤသဝံးအသိးလီၤ.

လံာ်ယၡါယၤ 66:15

ယွၤကဟဲဝဲဒီးမ့ၣ်အူလီၤ. အဝဲကဟဲဒီးကလံၤမုၢ်အဒံးဆ့ တဖၣ်ဒ်သိးအကစံၣ်ညီၣ်ပှၤတဖၣ်လၢအသးဒိၣ်ဘၣ်ဝဲလီၤ.

လံာ်ယံးရမံယၤ 4:13

ကွၢ်တက့ၢ်. ဒုၣ်ဒါဟဲဝဲဒ်တၢ်အၢၣ်တဖၣ်အသိးန့ၣ်လီၤ. အလ့ၣ်ကဟၣ်ဒုးသုးတဖၣ်လီၤဂာ်ဒ်ကလံၤသဝံးတခါအသိး, ဒီးအကသ့ၣ်တဖၣ်ချ့န့ၢ်ဒံးလံာ်ကြီကြာ်န့ၣ်တက့ၢ်လီၤ. ပမၤက့ၤတၢ်တဘၣ်လၢၤဘၣ်. ပဘၣ်တၢ်စံၣ်ညီၣ်ဃါမနၤလီၤ.

လံာ်ယဃ့းစက့လး 38:4

ယကဃၣ်တရံးကဒါက့ၤအီၤ, ဘျးထီၣ်နီၣ်ကျးတဖၣ်လၢအခၣ် တဖၣ်အပူၤ, ဒီးတွံၢ်ကွံာ်အီၤဃုာ်ဒီးကယဲၢ်အသုးဖိသံၣ်ဖိတဖၣ်န့ၣ်လီၤ. အဝဲအသုးမုၢ်ဃုာ်ဒီးအကသ့ၣ်တဖၣ်ဒီးအပှၤအဒိး ကသ့ၣ်တဖၣ်လၢအလဲၤတၢ်ဃူဃူဒ်သိးသိးန့ၣ်, အိၣ်ဖျါဒိၣ်ဝဲ သွါဝဲ, ဒီးသုးဖိကိးဂၤဒဲးကံာ်တူာ်အသးဒီးကတီၤတဘ့ၣ်ဒီး နးတဘ့ၣ်စုာ်စုာ်န့ၣ်လီၤ.

လံာ်ယဃ့းစက့လး 38:9

အဝဲဒီးအသုးမုၢ်ဒီးပှၤအါကလုာ်လၢအအိၣ်ဒီးအီၤ, ကလဲၤထီၣ် ဒုးတၢ်ဒ်ကလံၤမုၢ်အသိးဒီးကျၢၢ်ဘၢထံကီၢ်ဒ်တၢ်အၢၣ်အသိး န့ၣ်လီၤ.”

လံာ်ဒၤနံးယ့လး 11:10

ဒီးကီၢ်စူၤရံအစီၤပၤအဖိခွါတဖၣ်န့ၣ်ကကတဲာ်ကတီၤအသးလၢ တၢ်ဒုးသုးအဂီၢ်ဒီးပာ်ဖှိၣ်ထီၣ်အသုးမုၢ်တဖုလီၤ. လၢအကျါတဂၤန့ၣ် ကတြုာ်ကွံာ်တၢ်ဒ်ထံအါလုၣ်ဘၢတၢ် အသိးဒီးဒုးတၢ်ထီဒါဒုၣ်ဒါအတိာ်တဖျၢၣ်န့ၣ်လီၤ.

လံာ်ဒၤနံးယ့လး 11:11

ဒီးလၢတၢ်သးဒိၣ်အပူၤကီၢ်အဲၤကူပတူးအစီၤပၤကလဲၤဒုးတၢ် ထီဒါကီၢ်စူၤရံအစီၤပၤဒီးဖီၣ်န့ၢ်အသုးမုၢ်ဖးဒိၣ်န့ၣ်လီၤ.

လံာ်ဒၤနံးယ့လး 11:13

ကီၢ်စူၤရံအစီၤပၤကဒုးအိၣ်ထီၣ်ကဒီးသုးမုၢ်ဒိၣ်န့ၢ်အခီၣ်ထံး တဖုလၢအအိၣ်တ့ၢ်ဒီးအီၤန့ၣ်လီၤ. တဘျုးနံၣ်အလီၢ်ခံန့ၣ်, အဝဲကဟဲထီၣ်ကဒီးဝဲလၢသုးမုၢ်ဖး ဒိၣ်တဖုအိၣ်ဒီးတၢ်စုကဝဲၤအလၢအပှဲၤန့ၣ်လီၤ.

လံာ်ဒၤနံးယ့လး 11:22

ပှၤတဂၤလၢ်လၢ်လၢအထီဒါအီၤ, ကစၢ်ယွၤအပှၤလုၢ်တၢ် အခိၣ်အဒိၣ်ဒၣ်လဲာ်ကဘၣ်တၢ်တၢၤကွံာ်အီၤန့ၣ်လီၤ.

လံာ်ဒၤနံးယ့လး 11:25

အဝဲကလိာ်ဒူအသးဒီးမၤအိၣ်ထီၣ်သုးမုၢ်ဖးဒိၣ်တဖုလၢက ဒုးတၢ်ထီဒါကီၢ်အဲၤကူပတူးအစီၤပၤအဂီၢ်န့ၣ်လီၤ. ဒီးကီၢ်အဲၤကူပတူးအစီၤပၤကကတဲာ်ကတီၤအသးဒီးထီဒါ ဆၢက့ၤအီၤလၢသုးမုၢ်ဒိၣ်န့ၢ်ဆူၣ်န့ၢ်အီၤဖးဒိၣ်တဖုလီၤ. ဘၣ်ဆၣ်ဒီးကီၢ်အဲၤကူပတူးအစီၤပၤကဘၣ်တၢ်လီန့ၢ်အီၤ ဒီးတမၤနၢၤတၢ်ဘၣ်.

လံာ်ဒၤနံးယ့လး 11:35

ပှၤခိၣ်ပှၤနၢ်လၢအကူၣ်သ့ကူၣ်ဘၣ်တနီၤကဘၣ်တၢ်မၤသံကွံာ်အီၤ, ဘၣ်ဆၣ်ဒီးလၢတၢ်အံၤအဃိပှၤဂီၢ်မုၢ်ကဘၣ်တၢ်မၤကဆှီအီၤလီၤ. တၢ်အံၤကမၤအသးတုၤတၢ်အကတၢၢ်တုၤဝဲ, တၢ်အကတီၢ်လၢ ကစၢ်ယွၤပာ်လီၤဝဲန့ၣ်လီၤ.

လံာ်ဒၤနံးယ့လး 11:39

လၢတၢ်ဒီသဒၢအတိာ်တဖၣ်အဂီၢ်, ကသူဝဲပှၤဂီၢ်မုၢ်လၢအဘါ ထီၣ်ပှၤတခီဘီမုၢ်ဖိအကစၢ်တဂၤန့ၣ်လီၤ. ကဟ့ၣ်ဝဲတၢ်လၤကပီၤဖးဒိၣ်ဆူ ပှၤတဖၣ်လၢအတူၢ်လိာ်အီၤဒ်ပှၤပၢတၢ်တဂၤအသိးန့ၣ်လီၤ. ဒီးကပာ်အီၤလၢမူဒါအလီၢ်ထီတဖၣ်ဒီးဟ့ၣ်အီၤလၢဟီၣ်ခိၣ်က ဝီၤဒ်တၢ်ဟ့ၣ်ဘျုးအသိးန့ၣ်လီၤ.

လံာ်ဒၤနံးယ့လး 11:7

တယံာ်ဘၣ်ဒီးအဘူးအတံၢ်အကျါတဂၤကကဲထီၣ်စီၤပၤလီၤ. အဝဲကဒုးတၢ်ထီဒါကီၢ်စူၤရံအစီၤပၤ, နုာ်လီၤဆူအတိာ်ပူၤ ဒီးမၤဃၣ်ကွံာ်အီၤလီၤ.

လံာ်ဒၤနံးယ့လး 12:4

မ့မ့ၢ်နဲဒၣ်အံၤစီၤဒၤနံးယ့လးဧၢ, ကးတံၢ်လံာ်န့ၣ်ဒီးပာ် တၢ်စဲပနီၣ်လၢအလိၤတုၤလၢတၢ်အကတၢၢ်မၤအသးန့ၣ်တက့ၢ်. ပှၤအါဂၤကလဲၤဆူအံၤဆူနုၤဒ်သိးဒီးအတၢ်သ့ၣ်ညါကအါ ထီၣ်န့ၣ်လီၤ.”

လံာ်ဒၤနံးယ့လး 12:9

အဝဲစံးဆၢဝဲဒၣ်, “စီၤဒၤနံးယ့လးဧၢ, နကဘၣ်က့ၤခဲအံၤလီၤ. အဂ့ၢ်ဒ်အံၤ, တၢ်ကတိၤတဖၣ်အံၤကဘၣ်တၢ်ကးတံၢ်ဒီးစဲပနီၣ် ဃာ်အီၤတုၤတၢ်အကတၢၢ်မၤအသးတစုန့ၣ်လီၤ.

လံာ်ဒၤနံးယ့လး 8:17

မူခိၣ်ကလူးကၤဘြံၤ အ့လးဟဲဒီးဆၢထၢၣ်တ့ၢ်ဝဲဖဲယကပၤ, ဒီးယပျံၤတၢ်ဒိၣ်ဒိၣ်ကလဲာ်တုၤယလီၤဃံၤဆူဟီၣ်ခိၣ်လိၤအီ ထီလာ်န့ၣ်လီၤ. ဒီးစံးဘၣ်ယၤ, “ပှၤဟီၣ်ခိၣ်ဖိဧၢ, နၢ်ပၢၢ်တၢ်အခီပညီတက့ၢ်. တၢ်ထံၣ်လၢညါခီအံၤမ့ၢ်တၢ်ကမၤ အသးဘၣ်ဃးဟီၣ်ခိၣ်အကတၢၢ်န့ၣ်လီၤ.”

လံာ်ဃဘးကူာ် 3:14

နပျၢ်ဆဲးဖျိကွံာ်သုးခိၣ်ကျၢၢ်လၢအသုးမုၢ်အကျါ, ဖဲအဟဲဒ်ကလံၤမုၢ်လၢအကမၤလီၤပြံလီၤပြါပှၤ, ဒီးကွၢ်စူၣ်ဃီၤတၢ်ဒ်ပှၤလၢအကူၣ်ထီၣ်ခူသူၣ်တၢ်မၤနၢၤမၤပ့ၤ ပှၤဖှီၣ်ဖိယာ်ဖိအခါန့ၣ်လီၤ.

လံာ်စကၤရယၤ 9:14

ယွၤကအိၣ်ဖျါထီၣ်လၢအပှၤဂီၢ်မုၢ်အဖီခိၣ်, အဝဲကခးအပျၢ်တဖၣ်ဒ်အလီဝၢ်အဒံးအသိးန့ၣ်လီၤ. ယွၤပၢဘၣ်တၢ်ခဲလၢာ်ကစၢ်ကအူထီၣ်ကွဲၤ, ဒီးကလဲၤလၢကလံၤမုၢ်အပူၤလၢ ကလံၤထံးတခီန့ၣ်လီၤ.

လံာ်လီၣ်ဖျါ 16:12

တုၤနုၤတစုကလူးဃုဂၤတဂၤဂၢ်လီၤအသလၢလၢထံကျိဖးဒိၣ် ဖရၤသးအပူၤလီၤ. ထံကျိဃ့ထီကွံာ်ဝဲ, ဒ်သိးအကဒုးအိၣ်ထီၣ်ကျဲလၢစီၤပၤလၢအဟဲလၢမုၢ်ထီၣ် တဖၣ်အဂီၢ်န့ၣ်လီၤ.

လံာ်လီၣ်ဖျါ 9:16

ယဘၣ်တၢ်စံးဘၣ်တဲဘၣ်ယၤလၢကသ့ၣ်သုးဖိအနီၣ်ဂံၢ်လီၤ. အဝဲန့ၣ်မ့ၢ်အကကွဲၢ်ခံကယၤလီၤ.