လံာ်ဒၤနံးယ့လး 11:36 - Sgaw Karen Common Bible

³⁶ ကီၢ်စူၤရံအစီၤပၤကမၤတၢ်ဒ်အသးအိၣ်မၤဝဲအသိးလီၤ. ကကတိၤတၢ်ကဖၢလၢ, ဒီးစံးဝဲလၢအဝဲမ့ၢ်ပှၤဒိၣ်န့ၢ်ကစၢ်တဂၤလၢ် လၢ်, ဒီးဒိၣ်န့ၢ်ဒံးတၢ်ထီကတၢၢ်ကစၢ်ယွၤဒၣ်လဲာ်န့ၣ်လီၤ. မၤတၢ်အံၤကသ့ဝဲတုၤတၢ်အကတီၢ်ဖဲကစၢ်ယွၤစံၣ်ညီၣ်အီၤန့ၣ် လီၤ. ကစၢ်ယွၤကမၤတၢ်လီၤတံၢ်လီၤဆဲးဒ်တၢ်လၢအကူၣ် ပာ်တ့ၢ်ဝဲအသိးလီၤ.

လံာ်ဒၤနံးယ့လး 11:36 Iomraidhean Croise

စံးထီၣ်ပတြၢၤ 136:2

စံးထီၣ်ပတြၢၤကစၢ်တဖၣ်အကစၢ်အဒိၣ်ကတၢၢ်တဂၤတက့ၢ်. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 33:10

ယွၤမၤဟးဂီၤပှၤကလုာ်အဂၤတဖၣ် အတၢ်ကူၣ်ထီၣ်ဖးလီၤ, မၤတံာ်တာ်အတၢ်ပာ်လီၤအသးတဖၣ်န့ၣ်လီၤ.

တၢ်ကတိၤဒိ. 19:21

ပှၤကတိာ်ကကျဲၤကယဲၢ်တၢ်ကိးအကလုာ်ဒဲးဘၣ်ဆၣ်ဒီးယွၤအတၢ်ဘၣ် အသးန့ၣ်ကကဲထီၣ်လိၣ်ထီၣ်ဝဲဒၣ်လီၤ.

လံာ်ယၡါယၤ 10:23

မ့ၢ်ဝဲလီၤ. လၢထံကီၢ်ဒီဘ့ၣ်အပူၤန့ၣ်ယွၤ, ပၢဘၣ်တၢ်ခဲလၢာ်, သ့တၢ်လၢာ်ကစၢ်က ဒုးလီၤဘၣ်တၢ်မၤဟးဂီၤတၢ်, ဒ်အစံးတ့ၢ် ဝဲလၢအကမၤဝဲအသိးန့ၣ်လီၤ.

လံာ်ယၡါယၤ 10:25

လၢတစိၢ်ဖိအတီၢ်ပူၤန့ၣ်, ယကမၤဝံၤယတၢ်စံၣ်ညီၣ်သု, ဝံၤဒီးယကမၤဟးဂီၤအဝဲသ့ၣ်လီၤ.

လံာ်ယၡါယၤ 10:5

ယွၤစံးဝဲဒၣ်, “ကီၢ်အၤၡူၢ်ဧၢ, ယသူကီၢ်အၤၡူၢ်ဒ်နီၣ်တီၢ် တဘိးအသိးလၢယကစံၣ်ညီၣ်ပှၤလၢယသးကဲၤထီၣ် ဘၣ်အီၤတဖၣ်အဂီၢ်လီၤ.”

လံာ်ယၡါယၤ 14:13

နပာ်လီၤတ့ၢ်နသးလၢနကလဲၤထီၣ်ဆူမူခိၣ်ဒီးပာ်လီၤနလီၢ်ပစိာ် လၢဆၣ်အထီကတၢၢ်တဖၣ်အဖီခိၣ်လီၤ. နဆိကမိၣ်တ့ၢ်လၢန ကဆ့ၣ်နီၤဘၣ်ဒ်စီၤပၤတဂၤအသိးလၢကစၢၢ်ဒီခိၣ်လၢကလံၤ စိးတကပၤဖဲကစၢ်တဖၣ်ပာ်ဖှိၣ်အသးန့ၣ်လီၤ.

လံာ်ယၡါယၤ 14:14

နစံးတ့ၢ်လၢနကလဲၤထီၣ်ဆူတၢ်အၢၣ်တဖၣ်အဒီခိၣ်ဒ်သိး နကလီၤဂာ်ဒီးသ့တၢ်လၢာ်တဂၤန့ၣ်လီၤ.

လံာ်ယၡါယၤ 26:20

လဲၤနုာ်ဆူသုဟံၣ်တဖၣ်အပူၤ, ယပှၤဂီၢ်မုၢ်သ့ၣ်ဧၢ, ဒီးကးတံာ်တြဲၤလၢသုလီၢ်ခံတက့ၢ်. ပာ်ခူသူၣ်သုသးတစိၢ် ဖိတုၤကစၢ်ယွၤအတၢ်သးဒိၣ်လဲၤပူၤကွံာ်တက့ၢ်.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 46:10

လၢထံးလၢသီလံၤလံၤယကတိၤဆိပာ်တ့ၢ်တၢ်လၢ အကကဲထီၣ်လိၣ်ထီၣ်ဝဲ, ဒီးလၢပျၢၤလံၤလံၤယတဲတ့ၢ်ပာ်စၢၤတၢ်လၢအကမၤအသးလီၤ. ယစံးတ့ၢ်လၢယတၢ်ကူၣ်ကျဲၤတဖၣ်တကဲထီၣ်ဒီးတအိၣ်ဘၣ်နီ တဘျီဘၣ် ဒီးယကမၤတၢ်ခဲလၢာ်လၢယတိာ်သူၣ်ပာ်သးလၢယကမၤအီၤန့ၣ်လီၤ.

လံာ်ယၡါယၤ 57:9

သုဖှူထီၣ်သုတၢ်နၢမူတဖၣ်ဒီးလဲၤထီၣ်လၢသုကဘါထီၣ် ကစၢ်မိလးလီၤ. သုဆှၢလီၤပှၤစိာ်တၢ်ကစီၣ်တဖၣ်ဆူတၢ်လီၢ်လၢအယံၤဒီးအလဲၢ်, တုၤဒၣ်လဲာ်ဆူတၢ်သံအကီၢ်ပူၤဒ်သိးသုကထံၣ်န့ၢ်ကစၢ်တဖၣ် လၢသုကဘါထီၣ်အီၤလီၤ.

လံာ်ယဃ့းစက့လး 35:13

ယနၢ်ဟူဘၣ်သုတၢ်ကတိၤထီဒါယၤ” အရၢၢ်အစၢၢ်လၢတၢ်ပာ်ကဖၢလၢသးအပူၤန့ၣ်လီၤ.

လံာ်ဒၤနံးယ့လး 11:16

မ့မ့ၢ်ကီၢ်စူၤရံအသုးမုၢ်တဖၣ်ကမၤအီၤဖဲဒၣ်အသးအိၣ်မၤဝဲဒီး ပှၤကတြီဆၢအီၤတအိၣ်ဘၣ်နီတဂၤဘၣ်. ကဆၢထၢၣ်လၢ ကီၢ်တၢ်စံးပာ်အပူၤဒီးတၢ်ခဲလၢာ်ကအိၣ်လၢအစိကမီၤအဖီလာ် လၢာ်လၢာ်ဆ့ဆ့လီၤ.

လံာ်ဒၤနံးယ့လး 11:3

အန့ၣ်ဒီးစီၤပၤလၢအဂံၢ်အဘါဆူၣ်ဖးဒိၣ်တဂၤကပၢၢ်ထီၣ်ဝဲ, ဒီးကပၢတၢ်လၢဘီမုၢ်ဖးဒိၣ်တဘ့ၣ်အဖီခိၣ်, ဒီးမၤဖဲဒၣ်အသး န့ၣ်လီၤ.

လံာ်ဒၤနံးယ့လး 11:37

စီၤပၤန့ၣ်တကနၣ်ဃုာ်ပာ်ကဲဘၣ်ကစၢ်လၢအမိၢ်ပၢ်ဖံဖုလၢ ပျၢၤတဖၣ်မၤအတၢ်မၤ, ဒီးကစၢ်လၢပိာ်မုၣ်တဖၣ်အဲၣ်ဝဲစ့ၢ်ကီးဘၣ်. နီၢ်နီၢ်န့ၣ်, မ့ၢ်အတကနၣ်ဃုာ်ပာ်ကဲဘၣ်ကစၢ်ကိးဂၤဒဲးန့ၣ်လီၤ. အဂ့ၢ်ဒ်အံၤ, ကဆိကမိၣ်လီၤအသးလၢအဒိၣ်န့ၢ်ဒံးကစၢ် တဂၤလၢ်လၢ်န့ၣ်လီၤ.

လံာ်ဒၤနံးယ့လး 12:7

မူခိၣ်ကလူးန့ၣ်ယူာ်ထီၣ်အစုခံခီလိာ်ဆူမူခိၣ်ဒီးမၤတၢ်အၢၣ်လီၤ အီလီၤလၢကစၢ်ယွၤလၢအမူဝဲလီၤထူလီၤယိာ်တဂၤအမံၤန့ၣ်လီၤ. ယနၢ်ဟူအဝဲဒၣ်စံး, “တၢ်န့ၣ်ကမ့ၢ်သၢနံၣ်ဃုလါန့ၣ်လီၤ. ဖဲတၢ်မၤအၢမၤနးကစၢ်ယွၤအပှၤဂီၢ်မုၢ်ဝံၤဝဲန့ၣ်, တၢ်ခဲလၢာ် အံၤကလၢထီၣ်ပှဲၤထီၣ်ဝဲဒၣ်န့ၣ်လီၤ.”

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်ဒၤနံးယ့လး 5:19

အဝဲဒၣ်အစိကမီၤဒိၣ်တုၤဒၣ်လဲာ်လၢပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီး, ပှၤကတိၤကျိာ်အကလုာ်ကလုာ်ခဲလၢာ်, ပျံၤဘၣ်အီၤဒီးကနိးကစုာ်တ့ၢ်မးလီၤ. မ့ၢ်အဲၣ်ဒိးမၤသံပှၤ တဂၤဂၤ, မ့ၢ်အဲၣ်ဒိးပာ်မူပှၤတဂၤဂၤ, ဒီးမၤဝဲဒၣ်လီၤ. တၢ်မၤလၤကပီၤပှၤတဂၤဂၤမ့ၢ်ဂ့ၤ, တၢ်မၤမဲာ်ဆှးပှၤတဂၤဂၤ မ့ၢ်ဂ့ၤ, ဖဲဒၣ်အသးန့ၣ်မၤဝဲဒၣ်လီၤ.

လံာ်ဒၤနံးယ့လး 5:20

ဘၣ်ဆၣ်ဒီးအဝဲပာ်ထီၣ်ထီအသး, ပာ်ဆူၣ်အကိာ်ဒီးအၢသီဝဲဒၣ်အဃိ, အဝဲဘၣ်တၢ်သုးကွံာ်အီၤလၢအစီၤလိၣ်စီၤပၤအလီၢ်ပစိာ်ဒီးအလၤ ကပီၤအလီၢ်လီၤမၢ်ကွံာ်ဝဲန့ၣ်လီၤ.

လံာ်ဒၤနံးယ့လး 7:8

ဖဲယကွၢ်စူၣ်ကွၢ်ထံတၢ်အနၢၤတဖၣ်အခါန့ၣ် ယထံၣ်တ့ၢ်တၢ်အနၢၤဆံးဆံးဖိတဘိဟဲထီၣ်ဝဲလၢ အနၢၤအဂၤတဖၣ်အကျါန့ၣ်လီၤ. တၢ်အနၢၤအိၣ်တ့ၢ်လၢ အခီၣ်ထံးတဖၣ်အကျါန့ၣ်အဝဲမၤဟးဂီၤကွံာ်ဝဲသၢဘိန့ၣ်လီၤ. တၢ်အနၢၤဖိတဘိအံၤအိၣ်ဝဲဒၣ်ဒီးပှၤကညီအမဲာ်ချံတဖၣ်ဒီး အထးခိၣ်တပူၤလၢအကတိၤဒိၣ်ကတိၤသွါအသးလၢတၢ်သး ထီၣ်ထီအပူၤန့ၣ်လီၤ.

လံာ်ဒၤနံးယ့လး 8:19

ဒီးစံးဝဲဒၣ်, “ယကဒုးနဲၣ်နၤတၢ်လၢကစၢ်ယွၤ အတၢ်သးဒိၣ်အကတၢၢ်ကမ့ၢ်တၢ်ဒ်လဲၣ်န့ၣ်လီၤ. တၢ်ထံၣ်လၢညါခီပာ်ဖျါတၢ်အကတၢၢ်အဆၢကတီၢ်န့ၣ်လီၤ.

လံာ်ဒၤနံးယ့လး 8:4

ယအိၣ်ခိးကွၢ်တ့ၢ်သိဖါတဒုန့ၣ်ဘျၢၣ်တၢ်လၢအနၢၤဆူမုၢ်နုာ်, ကလံၤစိးဒီးကလံၤထံးတကပၤန့ၣ်လီၤ. တၢ်မံၤလာ်လၢအတြီအီၤန့ၢ်မ့ၢ်ဂ့ၤ, ဃ့ၢ်ပူၤဖျဲးလၢအစိကမီၤမ့ၢ်ဂ့ၤတအိၣ်ဘၣ်နီတဒုဘၣ်. မၤဝဲဖဲဒၣ်အသးဒီးမၤဒိၣ်မၤဆူၣ်ထီၣ်အသးန့ၣ်လီၤ.

လံာ်စကၤရယၤ 11:16

ယပာ်လီၤတ့ၢ်ပှၤကွၢ်သိတဂၤလၢကကွၢ်ယသိတဖၣ်လီၤ. ဘၣ်ဆၣ်အဝဲတမၤစၢၤသိလၢအဘၣ်တၢ်မၤပျံၤ အီၤလၢတၢ်ဟးဂီၤမ့ၢ်ဂ့ၤ, တဃုက့ၤသိလၢအဟါမၢ်မ့ၢ်ဂ့ၤ, တမၤဘျါက့ၤသိလၢအဘၣ်ဒိဘၣ်ထံးမ့ၢ်ဂ့ၤ, တဒုးအီၣ်သိလၢအအိၣ်ဆူၣ်အိၣ်ချ့အဆၣ်မ့ၢ်ဂ့ၤန့ၣ်ဘၣ်. အခိၣ်တလိာ်, အဝဲအီၣ်ကွံာ်သိလၢအဘီၣ်ကတၢၢ်အညၣ်ဒီးဖှီယာ်ကွံာ်အဝဲသ့ၣ် အခီၣ်မ့ၣ်တဖၣ်လီၤ.

လံာ်ယိၤဟၣ် 5:30

ယမၤတၢ်လၢယစိကမီၤဒၣ်ယဲတသ့နီတမံၤဘၣ်. ယစံၣ်ညီၣ်တၢ်ဒ်ယွၤစံးဘၣ်တဲဘၣ်ယၤအသိးအဃိ ယတၢ်စံၣ်ညီၣ်န့ၣ်ဘၣ်ဝဲလီၤ. အဂ့ၢ်ဒ်အံၤ, တမ့ၢ်ယကျဲးစၢးမၤတၢ်လၢအဘၣ်ယသးန့ၣ်ဘၣ်. မ့မ့ၢ်, ယမၤထဲပှၤလၢအမၢလီၤယၤတဂၤအတၢ်ဘၣ်အသး အဃိန့ၣ်လီၤ.

လံာ်ယိၤဟၣ် 6:38

အဂ့ၢ်ဒ်လဲၣ်န့ၣ်, ယဟဲလီၤလၢမူခိၣ် ဒ်သိးယကမၤပှၤလၢအမၢလီၤယၤတဂၤအတၢ်ဘၣ်အသး ဒီးတမ့ၢ်တၢ်ဘၣ်ယသးဒၣ်ယဲအဂီၢ်န့ၣ်ဘၣ်.

မၤတၢ် 4:28

အဝဲသ့ၣ်ပာ်ဖှိၣ်ထီၣ်အသးဒ်သိးကမၤတၢ်ခဲလၢာ်လၢနစံၣ်ညီၣ် တဲာ်တ့ၢ်လၢအကဘၣ်မၤအသး, ခီဖျိနစိနကမီၤဒီး နတၢ်ဘၣ်နသးန့ၣ်လီၤ.

လံာ်သိၣ်လီၤသီလီၤတၢ် 10:17

ယွၤ, သုကစၢ်ယွၤန့ၣ်ဒိၣ်စိဝဲဒၣ်လၢကစၢ်အဂၤတဖၣ်ခဲလၢာ်ဒီး ကယဲၢ်တၢ်စိတၢ်ကမီၤခဲလၢာ်အဖီခိၣ်န့ၣ်လီၤ. အဝဲဒၣ်န့ၣ်ဒိၣ်ဝဲဒီးအဂံၢ်အဘါဆူၣ်ဝဲဒီးအဝဲကဘၣ်တၢ်ပျံၤအီၤန့ၣ်လီၤ. အဝဲတကွၢ်မဲာ်တၢ်ဘၣ်ဒီးတတူၢ်လိာ်ဘၣ်ခိၣ်ဖးလာ်ဆှိးန့ၣ်ဘၣ်.

၂ သ့းစၤလနံ 2:3

သုတပျဲပှၤလီန့ၢ်သုနီတဂၤလၢကျဲနီတဘိတဂ့ၤ. အဂ့ၢ်ဒ်အံၤမုၢ်နံၤအဝဲန့ၣ်ကဟဲဒၣ်ဝဲဖဲတၢ်ပူထီၣ်လၢခံ ကတၢၢ်မၤအသးဒီးတၢ်အၢတၢ်သီတဂၤ, လရာ်ဆၣ်န့ၣ်ဟဲပၢၢ်ထီၣ်ဝဲဒၣ်ဝံၤအလီၢ်ခံန့ၣ်လီၤ.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.

၂ သ့းစၤလနံ 2:8

တုၤနုၤတစုတၢ်အၢတၢ်သီတဂၤန့ၣ်, ကဘၣ်တၢ်လီၣ်ဖျါထီၣ် အီၤလီၤ. ဘၣ်ဆၣ်ဒီးဖဲကစၢ်ယ့ၣ်ၡူးဟဲန့ၣ်, ကမၤသံအဝဲဒၣ်လၢအကိာ်ပူၤအတၢ်သါဒီးကမၤဟးဂီၤအီၤ ခီဖျိအတၢ်အိၣ်ဖျါထီၣ်ဒီးအတၢ်ဟဲန့ၣ်လီၤ.

လံာ်စီၤယိၤၡူ 22:22

တၢ်စိတၢ်ကမီၤတဂၤမ့ၢ်ကစၢ်ယွၤလီၤ. အဝဲဒၣ်မ့ၢ်ယွၤလီၤ. တၢ်စိတၢ်ကမီၤတဂၤမ့ၢ်ကစၢ်ယွၤလီၤ. အဝဲဒၣ်မ့ၢ်ယွၤလီၤ. ပမၤတၢ်အံၤလၢမနုၤအဃိလဲၣ်န့ၣ်အဝဲဒၣ်သ့ၣ်ညါ ဝဲဒီးပသးအိၣ်လၢသုကသ့ၣ်ညါစ့ၢ်ကီးလီၤ. ပမ့ၢ်ပူထီၣ်တၢ်ဒီးပမ့ၢ်တပာ်ပတၢ် နာ်လၢယွၤဘၣ်ဒီး, တဘၣ်ပျဲပအိၣ်မူယံာ်ထီၣ်လၢၤတဂ့ၤ.

လံာ်လီၣ်ဖျါ 10:7

မ့မ့ၢ်ဖဲကလူးနွံဂၤတဂၤအူထီၣ်ကွဲၤန့ၣ်, ကစၢ်ယွၤကမၤလၢထီၣ်ပှဲၤထီၣ်အတၢ်ကူၣ်ထီၣ်ဖးလီၤခူသူၣ်, ဒ်အဝဲဒၣ်ဘိးဘၣ်သ့ၣ်ညါတ့ၢ်ဝဲအခ့အပှၤဝံတဖၣ် အသိး န့ၣ်လီၤ.”

လံာ်လီၣ်ဖျါ 12:14

ဘၣ်ဆၣ်ဒီး, ပိာ်မုၣ်ဘၣ်တၢ်ဟ့ၣ်အီၤလံာ်ကြီကြာ်ဖးဒိၣ် အဒံးဆ့ခံဘ့ၣ်ဒ်သိးအကယူၤကွံာ်ဆူအလီၢ်အိၣ်လီၢ်ဆိးလၢ ပှၢ်မုၢ်ကနၢ, ဖဲအဝဲဒၣ်ကဘၣ်တၢ်အံးထွဲကွၢ်ထွဲအီၤလၢသၢနံၣ် တခီအတီၢ်ပူၤ, ပူၤပူၤဖျဲးဖျဲးဒီးပယိၤန့ၣ်လီၤ.

လံာ်လီၣ်ဖျါ 13:1

တုၤနုၤတစုယထံၣ်တၢ်ဒူတၢ်ဃိၤတဒုဟဲထီၣ်လၢပီၣ်လဲၣ်ပူၤလီၤ. အဝဲဒၣ်အိၣ်ဒီးအနၢၤအဘိတဆံဒီးအခိၣ်နွံဖျၢၣ်, လၢအနၢၤတဘိဘၣ်တဘိအလိၤန့ၣ်, ခိၣ်သလုးအိၣ်ဝဲတဖျၢၣ်စုာ်စုာ်, ဒီးလၢခိၣ်တဖျၢၣ်ဘၣ်တဖျၢၣ်အလိၤန့ၣ်, မံၤအိၣ်ဝဲတဖျၢၣ်စုာ်စုာ်လၢအဒုၣ်ဒွဲၣ်မၤတရီတပါကစၢ်ယွၤန့ၣ်လီၤ.

လံာ်လီၣ်ဖျါ 17:17

အဂ့ၢ်ဒ်အံၤ, ကစၢ်ယွၤပာ်လံတၢ်သးဆူၣ်မၤလၢမၤပှဲၤအဝဲဒၣ်အတၢ်တိာ်ပာ်ခီဖျိအမၤ သကိးတၢ်တပူၤဃီလၢအဝဲသ့ၣ်အသးပူၤ, ဒီးဟ့ၣ်တၢ်ဒူတၢ်ဃိၤတဒုန့ၣ်အဝဲသ့ၣ် အစိကမီၤလၢအကပၢတၢ်တုၤလီၤလၢကစၢ်ယွၤကလုၢ်ကထါ ဟဲလၢထီၣ်ပှဲၤထီၣ်တစုလီၤ.

လံာ်လီၣ်ဖျါ 17:3

ယွၤအသးန့ၣ်ပၢၤဃာ်ယၤ, ဒီးကလူးတဂၤန့ၣ်စိာ်ယၤဆူပှၢ်မုၢ် ကနၢလီၤ. ဖဲန့ၣ်ယထံၣ်ဘၣ်ပိာ်မုၣ်တဂၤဆ့ၣ်နီၤလၢတၢ်ဒူတၢ်ဃိၤ အလွဲၢ်ဂီၤတဒုအဖီခိၣ်လီၤ. တၢ်ဒူတၢ်ဃိၤအဝဲန့ၣ်အိၣ်ဒီးမံၤတဖၣ်ဘၣ်ဃးတၢ်ကတိၤတရီ တပါကစၢ်ယွၤအိၣ်ကွဲးအသးပှဲၤလၢအလိၤလီၤ. တၢ်ဒူတၢ်ဃိၤ အဝဲန့ၣ်, အိၣ်ဒီးအခိၣ်နွံဖျၢၣ်ဒီးအနၢၤအဘိတဆံလီၤ.