လံာ်ဒၤနံးယ့လး 11:34 - Sgaw Karen Common Bible

³⁴ ဖဲတၢ်မၤသံမၤဝီတၢ်အိၣ်ဒံးဝဲအဖၢမုၢ်န့ၣ်ကစၢ်ယွၤအပှၤဂီၢ်မုၢ် ကဒိးန့ၢ်တၢ်မၤစၢၤတဆံးတက့ၢ်န့ၣ်လီၤ. ဒီးပှၤအါဂၤကဒုးဘၣ်ထွဲ အသးဒီးအဝဲသ့ၣ်လၢတၢ်ကတိၤဘျ့လၢအလီန့ၢ်တၢ်အပူၤန့ၣ်လီၤ.

လံာ်ဒၤနံးယ့လး 11:34 Iomraidhean Croise

လံာ်ဒၤနံးယ့လး 11:21

ဒီးမူခိၣ်ကလူးကတိၤတၢ်ဆူညါဒီးတဲဖျါထီၣ်ဝဲ, “ကီၢ်စူၤရံအစီၤပၤဆူညါတဂၤကမ့ၢ်ဝဲပှၤအၢပှၤသီတဂၤ, လၢပှၤဂီၢ်မုၢ်တပာ်ကဲဘၣ်အီၤဒီးတဟ့ၣ်အီၤအလီၢ်ဒ်စီၤလိၣ်စီၤပၤတဂၤ အသိးဘၣ်န့ၣ်လီၤ. မ့မ့ၢ်ကဟဲထီၣ်ဝဲသတူၢ်ကလာ်ခီဖျိ တၢ်ကတိၤဘျ့လၢအလီန့ၢ်ပှၤအသးဒီးဟံးန့ၢ်ဆူၣ်တၢ်စိကမီၤန့ၣ်လီၤ.

လံာ်ဒၤနံးယ့လး 11:32

လၢတၢ်လီတၢ်ဝ့ၤန့ၣ်စီၤပၤကထုးန့ၢ်ပှၤတဖၣ်လၢအပာ်တ့ၢ်ညိ ကွံာ်လံအတၢ်ဘူၣ်တၢ်ဘါအတၢ်ဆီၣ်ထွဲအီၤန့ၣ်လီၤ. ဘၣ်ဆၣ်ဒီးပှၤတဖၣ်လၢအပိာ်ကစၢ်ယွၤအကျဲန့ၣ်ကဒုးဆၢက့ၤ တၢ်လီၤ.

လံာ်မးသဲ 7:15

ပလီၢ်သုသးလၢဝံအဘျၣ်တဖၣ်တက့ၢ်. အဝဲသ့ၣ်ဟဲဆူသုအိၣ်ဖျါမၤအသးဒ်သိတဖၣ်အသိး, ဘၣ်ဆၣ်နီၢ်နီၢ်တခီလၢအကံၢ်အလဲန့ၣ်အဝဲသ့ၣ်လီၤဂာ် ဒီးထွံၣ်မံၤအအၢအသီတဖၣ်လီၤ.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

ကလၤတံ 2:4

သနာ်က့ပှၤတနီၤအဲၣ်ဒိးဝဲလၢအဝဲဒၣ်ကမၤဝဲန့ၣ်လီၤ. ပှၤသ့ၣ်တဖၣ်အံၤပာ်မၤအသးဒ်အမ့ၢ်ပှၤစူၢ်က့ၤနာ်က့ၤတၢ် သကိးသကိးဒီးပှၤဒီးနုာ်လီၤဆူပကျါဒ်ပှၤကွၢ်ဟုၣ်ကွၢ်စုာ် တၢ်တဖၣ်အသိး, ဒ်သိးအကဃုသ့ၣ်ညါတၢ်သဘျ့လၢ အအိၣ်ဒီးပှၤခီဖျိပတၢ်မ့ၢ်တၢ်တမံၤဃီဒီးယ့ၣ်ၡူးခရံာ် န့ၣ်လီၤ. အဝဲသ့ၣ်အသးအိၣ်လၢပကကဲထီၣ်တၢ်အကုၢ် အပှၤလီၤ.

၂ တံၤမသ့း 4:3

တၢ်ဆၢကတီၢ်ကဟဲဝဲဖဲပှၤတဒိကနၣ်လၢၤတၢ်သိၣ်လိသီလိလၢအမ့ၢ် အတီဘၣ်, မ့မ့ၢ်ကပိာ်ထွဲတၢ်သူၣ်လီသးကွံတဖၣ်အခံဒီးကပာ်ဖှိၣ်သရၣ် တဖၣ်အါထီၣ်အါထီၣ်လၢ အဝဲသ့ၣ်အကစၢ်ဒၣ်ဝဲအဂီၢ်, လၢအကစံးဘၣ်တဲဘၣ်အီၤတၢ်လၢအဝဲသ့ၣ်ဘၣ်အသး ဒီးသးအိၣ်နၢ်ဟူဝဲတဖၣ်န့ၣ်လီၤ.

တံတူး 1:11

အလီၢ်အိၣ်လၢပကဘၣ်ဆိကတီၢ်အဝဲသ့ၣ်အတၢ်ကတိၤ, မ့ၢ်လၢအမၤကဒံကဒါဒူၣ်ဖိထၢဖိတဖၣ်ဒီဒူၣ်ဒီထၢခီဖျိတၢ် သိၣ်လိတၢ်လၢအတကြၢးသိၣ်လိဝဲတဖၣ်, ဒီးခဲလၢာ်မ့ၢ်ဒၣ်လၢတၢ်တိာ်လၢအလီၤမဲာ်ဆှးလၢအမ့ၢ် တၢ်မၤန့ၢ်စ့အဂီၢ်န့ၣ်လီၤ.

၁ ယိၤဟၣ် 4:1

ယတံၤသကိးသးဘိသ့ၣ်ဧၢ, ပှၤလၢအစံးလီၤအသးလၢအအိၣ်ဒီးယွၤအသးခဲလၢာ်န့ၣ်, နာ်အီၤတဂ့ၤ. မ့မ့ၢ်, မၤကွၢ်အီၤဒ်သိးသုကထံၣ်သ့ၣ်ညါသးလၢအအိၣ်ဒီးအဝဲသ့ၣ်, မ့ၢ်အဟဲလၢကစၢ်ယွၤအအိၣ်ကစီဒီဧါအဂီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်, ဝံအဘျၣ်အါဂၤအိၣ်ထီၣ်ဝဲလၢဟီၣ်ခိၣ်ချၢလံ.

၁ ယိၤဟၣ် 4:5

ဝံအဘျၣ်တဖၣ်အံၤကတိၤတၢ်ဂ့ၢ်တဖၣ်လၢအဘၣ်ဃးဒီး ဟီၣ်ခိၣ်, ဒီးဟီၣ်ခိၣ်ဒိကနၣ်အဝဲသ့ၣ်မ့ၢ်လၢအဝဲသ့ၣ်ဘၣ်ဃးဒီး ဟီၣ်ခိၣ်အဃိန့ၣ်လီၤ.

၂ ယိၤဟၣ် 1:7

ပှၤလီတၢ်ဝ့ၤတၢ်အါဂၤအိၣ်ထီၣ်ဝဲလၢဟီၣ်ခိၣ်ချၢလီၤ. အဝဲသ့ၣ်မ့ၢ်ပှၤတဖၣ်လၢအတအၢၣ်လီၤအီလီၤဝဲလၢ ယ့ၣ်ၡူးခရံာ်ဟဲဝဲလၢတၢ်ဖံးတၢ်ညၣ်အပူၤဘၣ်. ပှၤဒ်န့ၣ်သိးတဂၤ, မ့ၢ်ပှၤလီတၢ်ဒီးမ့ၢ်ခရံာ်အဒုၣ်အဒါ န့ၣ်လီၤ.

ယူဒၤ 1:4

အဂ့ၢ်ဒ်လဲၣ်န့ၣ်, ပှၤလၢအတယူးတယီၣ်ယွၤတဖၣ်ဟဲနုာ်လီၤခူသူၣ်တ့ၢ်လံလၢပကျါ, ဒီးမ့ၢ်ပှၤတဖၣ်လၢအဘိးကဒါကွံာ်တၢ်ကစီၣ်ဘၣ်ဃး ပကစၢ်ယွၤအဘျုးအဖှိၣ်ဒ်သိးကကတိၤပူၤဖျဲးအသးလၢ အတၢ်အိၣ်မူလီၤရၢၢ်လီၤစၢၢ်, ဒီးမ့ၢ်ပှၤတဖၣ်လၢအသမၢ ယ့ၣ်ၡူးခရံာ်, ပခိၣ်ဒီးပကစၢ်ထဲတဂၤဧိၤန့ၣ်လီၤ. တၢ်ကွဲးအသးစီဆှံတဖၣ်တဲဆိပာ်တၢ်စံၣ်ညီၣ်ဃၣ်လၢ အဝဲသ့ၣ်ဒိးန့ၢ်ဝဲအဂ့ၢ်ယံာ်တ့ၢ်လံန့ၣ်လီၤ.

လံာ်လီၣ်ဖျါ 12:13

ဖဲပယိၤသ့ၣ်ညါလၢအဝဲဘၣ်တၢ်တ့ၢ်လီၤကွံာ်လံအီၤဆူဟီၣ် ခိၣ်ချၢန့ၣ်, အဝဲဒၣ်စးထီၣ်လူၤပိာ်မုၣ်လၢအဆံးစၢ်ထီၣ်တ့ၢ်ပိာ်ခွါဖိ တဂၤန့ၣ်လီၤ.

လံာ်လီၣ်ဖျါ 2:20

ဘၣ်ဆၣ်ဒီး, ယပာ်တၢ်ကမၣ်လၢနလိၤအလီၢ်အိၣ်ဝဲတမံၤ ဒ်အံၤ, နတူၢ်လိာ်ပိာ်မုၣ်နီၢ်အံၤစ့ဘ့ၤလးလၢအကိးလီၤ အသးလၢကစၢ်ယွၤအကလူးဆှၢတၢ်ကစီၣ်တဂၤန့ၣ်လီၤ. ခီဖျိအဝဲအတၢ်သိၣ်လီၤသီလီၤန့ၣ်, အဝဲဒၣ်ဆှၢကမၣ်ယခ့ယပှၤတဖၣ်ဒ်သိးအကမၤကမၣ်မုၣ် ကမၣ်ခွါ, ဒီးအကအီၣ်တၢ်အီၣ်လၢအဘၣ်တၢ်လုၢ်ထီၣ်ပာ် ထီၣ်တ့ၢ်အီၤဆူတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ.