လံာ်ဒၤနံးယ့လး 11:32 - Sgaw Karen Common Bible

³² လၢတၢ်လီတၢ်ဝ့ၤန့ၣ်စီၤပၤကထုးန့ၢ်ပှၤတဖၣ်လၢအပာ်တ့ၢ်ညိ ကွံာ်လံအတၢ်ဘူၣ်တၢ်ဘါအတၢ်ဆီၣ်ထွဲအီၤန့ၣ်လီၤ. ဘၣ်ဆၣ်ဒီးပှၤတဖၣ်လၢအပိာ်ကစၢ်ယွၤအကျဲန့ၣ်ကဒုးဆၢက့ၤ တၢ်လီၤ.

လံာ်ဒၤနံးယ့လး 11:32 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်စီၤနဃ့မယၤ 4:14

ဒီးယထံၣ်လၢပှၤဂီၢ်မုၢ်တဖၣ်ဘၣ်ယိၣ်ဘၣ်ဘှီတၢ်န့ၣ်လီၤ. လၢတၢ်န့ၣ်အဃိယစံးဘၣ်အဝဲသ့ၣ်, အခိၣ်အနၢ်တဖၣ်ဒီးအပဒိၣ်တဖၣ်, “ပျံၤပဒုၣ်ပဒါတဂ့ၤ. သ့ၣ်နီၣ်ထီၣ်လၢယွၤန့ၣ်ဒိၣ်ဝဲဒီးလီၤပျံၤထဲလဲၣ်န့ၣ်တက့ၢ်. ဒီးဒုးတၢ်လၢသုထံဖိကီၢ်ဖိသ့ၣ်တဖၣ်, သုဖိသုလံၤသ့ၣ်တဖၣ်, သုမါတဖၣ်ဒီးသုဟံၣ်တဖၣ်အဂီၢ်န့ၣ်တက့ၢ်.”

စံးထီၣ်ပတြၢၤ 9:10

ဒီးပှၤလၢအသ့ၣ်ညါနမံၤန့ၣ်ကသန့ၤအသးလၢနၤလီၤ. အဂ့ၢ်ဒ်အံၤ, ယွၤဧၢ, နတစူးကွံာ်ညိကွံာ်ပှၤလၢအဃုနၤန့ၣ်ဘၣ်.

တၢ်ကတိၤဒိ. 19:5

နမ့ၢ်ကတိၤတၢ်လီတၢ်ဝ့ၤတဖၣ်လၢကွီၢ်ဘျီၣ်အပူၤန့ၣ်နကဘၣ် တၢ်စံၣ်ညီၣ်လီၤ. တၢ်ပူၤဖျဲးတအိၣ်ဘၣ်ဝဲဘၣ်.

တၢ်ကတိၤဒိ. 26:28

ပျ့ၤလၢအလီတၢ်န့ၣ်သးဟ့ပှၤလၢအဒိးဘၣ်တၢ်မၤနၢၤအီၤတဖၣ်န့ၣ် လီၤ. ဒီးတၢ်ကတိၤပာ်မၤအသးန့ၣ်ဟဲစိာ်တၢ်ကလီ ကလီဒီးတၢ်ဟးဂီၤန့ၣ်လီၤ.

လံာ်ယံးရမံယၤ 31:34

ပှၤတလိၣ်လၢၤနီတဂၤလၢ ကသိၣ်လိအထံဖိကီၢ်ဖိ ကဒဲတဒဲလၢ ကသ့ၣ်ညါယွၤအဂီၢ်န့ၣ်ဘၣ်, အဂ့ၢ်ဒ်အံၤ ပှၤခဲလၢာ်, ပှၤအဆံးကတၢၢ်တုၤလၢ ပှၤအဒိၣ်ကတၢၢ်န့ၣ် ကသ့ၣ်ညါယၤလီၤ. ယကပျၢ်အဝဲသ့ၣ်အတၢ်ဒဲးဘးတဖၣ်ဒီး ယတသ့ၣ်နီၣ်လၢၤ အဝဲသ့ၣ် အတၢ်ကမၣ်တဖၣ်န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ဒၤနံးယ့လး 11:21

ဒီးမူခိၣ်ကလူးကတိၤတၢ်ဆူညါဒီးတဲဖျါထီၣ်ဝဲ, “ကီၢ်စူၤရံအစီၤပၤဆူညါတဂၤကမ့ၢ်ဝဲပှၤအၢပှၤသီတဂၤ, လၢပှၤဂီၢ်မုၢ်တပာ်ကဲဘၣ်အီၤဒီးတဟ့ၣ်အီၤအလီၢ်ဒ်စီၤလိၣ်စီၤပၤတဂၤ အသိးဘၣ်န့ၣ်လီၤ. မ့မ့ၢ်ကဟဲထီၣ်ဝဲသတူၢ်ကလာ်ခီဖျိ တၢ်ကတိၤဘျ့လၢအလီန့ၢ်ပှၤအသးဒီးဟံးန့ၢ်ဆူၣ်တၢ်စိကမီၤန့ၣ်လီၤ.

လံာ်ဒၤနံးယ့လး 11:34

ဖဲတၢ်မၤသံမၤဝီတၢ်အိၣ်ဒံးဝဲအဖၢမုၢ်န့ၣ်ကစၢ်ယွၤအပှၤဂီၢ်မုၢ် ကဒိးန့ၢ်တၢ်မၤစၢၤတဆံးတက့ၢ်န့ၣ်လီၤ. ဒီးပှၤအါဂၤကဒုးဘၣ်ထွဲ အသးဒီးအဝဲသ့ၣ်လၢတၢ်ကတိၤဘျ့လၢအလီန့ၢ်တၢ်အပူၤန့ၣ်လီၤ.

လံာ်စကၤရယၤ 10:12

ယကဒုးဂံၢ်ဆူၣ်ဘါဆူၣ်ထီၣ်ယပှၤဂီၢ်မုၢ်, ဒီးအဝဲသ့ၣ်ကဘါထီၣ်ယၤဒီးစူၢ်ယၤလီၤ,” ယွၤကတိၤလံတၢ်လံ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

လံာ်လီၣ်ဖျါ 6:11

အဝဲသ့ၣ်တဂၤဘၣ်တဂၤဘၣ်တၢ်ဟ့ၣ်အီၤလၢဆ့ကၤဝါဖးထီ တဘ့ၣ်, ဒီးတၢ်စံးဘၣ်အီၤလၢအကအိၣ်ဘှံးဒံးဆူညါတစိၢ် တလီၢ်တုၤလၢတၢ်ခ့တၢ်ပှၤသကိးသကိးအီၤ, ဒီးဒ်အဒီပုၢ်ဝဲၢ်တဖၣ်ဘၣ်တၢ်မၤသံအီၤဒ်အဝဲသ့ၣ်အနီၢ် ကစၢ်ဒၣ်ဝဲဘၣ်တၢ်မၤသံအီၤအသိး, အနီၣ်ဂံၢ်ပှဲၤထီၣ်ဝဲ တစုလီၤ.