လံာ်ဒၤနံးယ့လး 11:28 - Sgaw Karen Common Bible

²⁸ ဒီးကီၢ်စူၤရံအစီၤပၤကက့ၤကဒါက့ၤဆူအကီၢ်ဒၣ်ဝဲအပူၤဃုာ်ဒီး တၢ်လၢအဂုာ်န့ၢ်ဝဲတဖၣ်လီၤ. အဝဲပာ်လီၤအသးလၢကမၤ ဟးဂီၤကစၢ်ယွၤအပှၤဂီၢ်မုၢ်အတၢ်ဘူၣ်တၢ်ဘါလီၤ. ဒီးကမၤဝဲဒ်အသးအိၣ်မၤဝဲအသိးဒီးကက့ၤကဒါက့ၤဆူ အကီၢ်ဒၣ်ဝဲန့ၣ်လီၤ.

လံာ်ဒၤနံးယ့လး 11:28 Iomraidhean Croise

လံာ်ဒၤနံးယ့လး 11:22

ပှၤတဂၤလၢ်လၢ်လၢအထီဒါအီၤ, ကစၢ်ယွၤအပှၤလုၢ်တၢ် အခိၣ်အဒိၣ်ဒၣ်လဲာ်ကဘၣ်တၢ်တၢၤကွံာ်အီၤန့ၣ်လီၤ.

လံာ်ဒၤနံးယ့လး 11:27

ဒီးစီၤပၤခံဂၤန့ၣ်ကဆ့ၣ်နီၤလၢစီၢ်နီၤခိၣ်တဖျၢၣ်ဃီဒီးအီၣ်သကိးတၢ်လီၤ. မ့မ့ၢ်အတၢ်တိာ်သူၣ်ပာ်သးတဖၣ်ကမ့ၢ်တၢ်အၢတၢ်သီ, ဒီးကလီလိာ်အသးတဂၤဒီးတဂၤန့ၣ်လီၤ. ဘၣ်ဆၣ်ဒီးတဒိးန့ၢ်ဘၣ်ဝဲတၢ် လၢအသးလီတဖၣ်န့ၣ်ဘၣ်. အဂ့ၢ်ဒ်အံၤ, တၢ်ဆၢကတီၢ် လၢအဝဲန့ၣ်အဂီၢ်တဟဲတုၤဒံးဘၣ်ဝဲဘၣ်.

လံာ်ဒၤနံးယ့လး 11:29

တုၤတၢ်ဆၢကတီၢ်လၢကစၢ်ယွၤတိာ်ပာ်ထီၣ်ဘးဝဲန့ၣ်အဝဲကဟဲ က့ၤကဒီးဆူကီၢ်အဲၤကူပတူးန့ၣ်လီၤ. ဘၣ်ဆၣ်ဒီးအအံၤတစု တၢ်တမၤလၢၤဘၣ်အသးဒ်အမၤတ့ၢ်အသးလၢညါတဘျီ အသိးန့ၣ်လၢၤဘၣ်.

လံာ်ဒၤနံးယ့လး 8:12

လၢတၢ်လုၢ်ထီၣ်တၢ်လုၢ်တၢ်ပာ်ကိးနံၤဒဲးဘၣ်ဘျီးဘၣ်ဒါအလီၢ် န့ၣ်ပှၤဂီၢ်မုၢ်မၤတ့ၢ်တၢ်ဒဲးဘးဖဲန့ၣ်ဒီးတၢ်ဘူၣ်တၢ်ဘါအမ့ၢ် အတီန့ၣ်ဘၣ်တၢ်ကွံာ်လီၤအီၤဆူဟီၣ်ခိၣ်လိၤလီၤ. တၢ်အနၢၤန့ၣ် မၤနၢၤတၢ်လၢကယဲၢ်အမၤတ့ၢ်တၢ်တမံၤလၢ်လၢ်အပူၤန့ၣ်လီၤ.

လံာ်ဒၤနံးယ့လး 8:24

အဂံၢ်အဘါကဆူၣ်ထီၣ်အါထီၣ်ဝဲ, ဘၣ်ဆၣ်ဒီးတမ့ၢ်ဘၣ်လၢ အစိကမီၤဒၣ်ဝဲအဃိဘၣ်. ကဒုးကဲထီၣ်ဝဲတၢ်မၤဟးဂီၤလီၤပျံၤ လီၤဖုးဒီးလၢအမၤတၢ်ကိးမံၤဒဲးအပူၤန့ၣ်ကမၤနၢၤတၢ်လီၤ. အဝဲကဟဲစိာ်တၢ်မၤဟးဂီၤလၢပှၤအဂံၢ်ဆူၣ်အဘါဆူၣ်တဖၣ် အဖီခိၣ်ဒီးလၢအကစၢ်ယွၤအကစၢ်ဒၣ်ဝဲအပှၤဂီၢ်မုၢ်အဖီခိၣ်န့ၣ်လီၤ.

မၤတၢ် 3:25

ကစၢ်ယွၤအတၢ်အၢၣ်လီၤအီလီၤခီဖျိအဝံတဖၣ်န့ၣ်မ့ၢ်လၢသုဂီၢ်, ဒီးသုန့ၢ်သါဃုာ်တၢ်အၢၣ်လီၤအီလီၤလၢကစၢ်ယွၤမၤဝဲဒီး သုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဒ်အဝဲစံးဘၣ်စီၤအၤဘြၤဟၣ်အသိး, ‘ယကဆိၣ်ဂ့ၤပှၤဟီၣ်ခိၣ်ဖိခဲလၢာ်ခီဖျိနဖိနလံၤနစၢၤနသွဲၣ်တဖၣ်န့ၣ်လီၤ.’