လံာ်ဒၤနံးယ့လး 11:26 - Sgaw Karen Common Bible

²⁶ အပှၤကူၣ်လိာ်တၢ်အဘူးကတၢၢ်ဒီးအီၤတဖၣ်ကမၤဟးဂီၤအီၤ, ဒီးအသုးဖိအါဂၤကဘၣ်တၢ်မၤသံကွံာ်အီၤဒီးအသုးမုၢ်ကဘၣ် တၢ်မၤဟးဂီၤကွံာ်အီၤလၢာ်လၢာ်ဆ့ဆ့န့ၣ်လီၤ.

လံာ်ဒၤနံးယ့လး 11:26 Iomraidhean Croise

လံာ်စီၤပၤခံဘ့ၣ်တဘ့ၣ် 8:14

စီၤဃစ့လးက့ၤကဒါက့ၤဆူစီၤဘ့ၣ်ဟဒးအအိၣ်ဒီးစီၤဘ့ၣ်ဟဒး သံကွၢ်အီၤ, “စီၤအလံၤၡါစံးတၢ်မနုၤလဲၣ်.” စီၤဃစ့လးစံးဆၢဝဲ, “စီၤအလံၤၡါစံးဘၣ်ယၤလၢနကဘျါက့ၤ သပှၢ်ကတၢၢ်န့ၣ်လီၤ.”

စံးထီၣ်ပတြၢၤ 41:9

ယတံၤသကိးအဂ့ၤကတၢၢ်, ပှၤလၢယနာ်န့ၢ်အီၤအဒိၣ်ကတၢၢ် လၢယဟ့ၣ်နီၤလီၤအီၤယတၢ်အီၣ်တဂၤဒၣ်လဲာ်, ထီဒါက့ၤယၤလီၤ.

လံာ်ဒၤနံးယ့လး 11:10

ဒီးကီၢ်စူၤရံအစီၤပၤအဖိခွါတဖၣ်န့ၣ်ကကတဲာ်ကတီၤအသးလၢ တၢ်ဒုးသုးအဂီၢ်ဒီးပာ်ဖှိၣ်ထီၣ်အသုးမုၢ်တဖုလီၤ. လၢအကျါတဂၤန့ၣ် ကတြုာ်ကွံာ်တၢ်ဒ်ထံအါလုၣ်ဘၢတၢ် အသိးဒီးဒုးတၢ်ထီဒါဒုၣ်ဒါအတိာ်တဖျၢၣ်န့ၣ်လီၤ.

လံာ်ဒၤနံးယ့လး 11:22

ပှၤတဂၤလၢ်လၢ်လၢအထီဒါအီၤ, ကစၢ်ယွၤအပှၤလုၢ်တၢ် အခိၣ်အဒိၣ်ဒၣ်လဲာ်ကဘၣ်တၢ်တၢၤကွံာ်အီၤန့ၣ်လီၤ.

လံာ်ဒၤနံးယ့လး 11:40

ဖဲကီၢ်စူၤရံအစီၤပၤအမုၢ်နံၤလၢခံကတၢၢ်ဘူးကတုၤဝဲန့ၣ်, ကီၢ်အဲၤကူပတူးအစီၤပၤကဟဲဒုးအီၤဒီးကီၢ်စူၤရံအစီၤပၤကဒုး ဆၢက့ၤအီၤလၢအဂံၢ်အဘါခဲလၢာ်, လၢလ့ၣ်ကဟၣ်ဒုးသုး, ကသ့ၣ်ဒီးကဘီတဖၣ်လီၤ. ဒီးအဝဲကဟဲနုာ်လီၤဒုးထံကီၢ်အါဘ့ၣ်ဒ်ထံအါလုၣ်ဘၢတၢ်အသိးန့ၣ်လီၤ.

လံာ်မးသဲ 26:23

ယ့ၣ်ၡူးစံးဆၢအဝဲသ့ၣ်, “ပှၤလၢအဘျၢလီၤအကိၣ်လၢလီခီတဘ့ၣ်ဃီဒီးယၤန့ၣ်, ကဆါလီၤကွံာ်ယၤလီၤ.

လံာ်မၢ်ကူး 14:20

အဝဲဒၣ်စံးဆၢက့ၤအဝဲသ့ၣ်, “မ့ၢ်ပှၤလၢသုတဆံခံဂၤအကျါ တဂၤ, ပှၤလၢအစုၣ်လီၤအကိၣ်လၢလီခီတဘ့ၣ်ဃီအပူၤဒီးယၤ တဂၤန့ၣ်လီၤ.

လံာ်ယိၤဟၣ် 13:18

ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).