လံာ်ဒၤနံးယ့လး 11:23 - Sgaw Karen Common Bible

²³ ခီဖျိတၢ်မၤတၢ်ဒီသိၣ်ဒီမှံၤလိာ်သးန့ၣ်ကမၤဝဲလၢတၢ်ကဘျံး အဘျၣ်အပူၤဒီးပှၤအိၣ်ဒီးအီၤမ့ၢ်ထဲစှၤဂၤဘၣ်ဆၣ်အဂံၢ်အဘါ ကဆူၣ်ထီၣ်ဝဲပှီၢ်ပှီၢ်လီၤ.

လံာ်ဒၤနံးယ့လး 11:23 Iomraidhean Croise

လံာ်တၢ်ကဲထီၣ်အခီၣ်ထံး 34:13

မ့ၢ်လၢစီၤၡက့ၣ်မၤမဲာ်ဆှးတ့ၢ်လံအဝဲသ့ၣ်အဒီပုၢ်ဝဲၢ်မုၣ် နီၢ်ဒံနၤအဃိဒီးစီၤယၤကိာ်အဖိခွါတဖၣ်စံးဆၢစီၤၡက့ၣ်ဒီး အပၢ်စီၤဃမိၢ်လၢတၢ်လီတၢ်ဝ့ၤအပူၤန့ၣ်လီၤ.

စံးထီၣ်ပတြၢၤ 52:2

နကူၣ်ထီၣ်တၢ်မၤဟးဂီၤပှၤဂၤ, နပျ့ၤလီၤဂာ်ဒီးဒီလူၤတၢ်လၢအကနၣ်အ့ၣ်ဝဲ, ဒီးနမ့ၢ်ပှၤမၤတၢ်လၢတၢ်သူၣ်တဘျၢ သးတဘျၢအပူၤလီၤ.

တၢ်ကတိၤဒိ. 11:18

ပှၤတတီတလိၤတဖၣ်န့ၣ်တမၤန့ၣ်စဲဃဲၤတၢ်နီတမံၤဘၣ်. ဘၣ်ဆၣ်ဒီးနမ့ၢ်မၤတၢ်အဘၣ်န့ၣ်, နကဘၣ်ဘျုးဘၣ်ဖှိၣ်သ ပှၢ်ကတၢၢ်လီၤ.

လံာ်ဒၤနံးယ့လး 11:22

ပှၤတဂၤလၢ်လၢ်လၢအထီဒါအီၤ, ကစၢ်ယွၤအပှၤလုၢ်တၢ် အခိၣ်အဒိၣ်ဒၣ်လဲာ်ကဘၣ်တၢ်တၢၤကွံာ်အီၤန့ၣ်လီၤ.

လံာ်ဒၤနံးယ့လး 11:24

ကဟဲနုာ်ဒုးကီၢ်ဖိတဘ့ၣ်လၢအထူးတီၤဒိၣ်မးန့ၣ်သတူၢ်ကလာ် ဒီးကမၤတၢ်တဖၣ်လၢအမိၢ်ပၢ်ဖံဖုလၢပျၢၤတဖၣ်တမၤတ့ၢ်ဝဲ နီတဂၤဘၣ်န့ၣ်လီၤ. ဒီးကနီၤဟ့ၣ်တၢ်စုလီၢ်ခီၣ်ခိၣ်ဒီးတၢ်ထူး တၢ်တီၤတဖၣ်လၢအမၤန့ၢ်ဆူၣ်ဝဲလၢတၢ်ဒုးတၢ်ယၤ အပူၤဆူပှၤပိာ်အခံတဖၣ်အကျါလီၤ. အဝဲကကူၣ်ထီၣ်ဖးလီၤ တၢ်လၢကဒုးန့ၢ်တိာ်ဧိၤတာ်ဧိၤတဖၣ်အဂီၢ်လီၤ. ဘၣ်ဆၣ်ဒီးအမုၢ်နံၤကလၢာ်ကွံာ်ဝဲချ့သဒံးလီၤ.

လံာ်ဒၤနံးယ့လး 8:24

အဂံၢ်အဘါကဆူၣ်ထီၣ်အါထီၣ်ဝဲ, ဘၣ်ဆၣ်ဒီးတမ့ၢ်ဘၣ်လၢ အစိကမီၤဒၣ်ဝဲအဃိဘၣ်. ကဒုးကဲထီၣ်ဝဲတၢ်မၤဟးဂီၤလီၤပျံၤ လီၤဖုးဒီးလၢအမၤတၢ်ကိးမံၤဒဲးအပူၤန့ၣ်ကမၤနၢၤတၢ်လီၤ. အဝဲကဟဲစိာ်တၢ်မၤဟးဂီၤလၢပှၤအဂံၢ်ဆူၣ်အဘါဆူၣ်တဖၣ် အဖီခိၣ်ဒီးလၢအကစၢ်ယွၤအကစၢ်ဒၣ်ဝဲအပှၤဂီၢ်မုၢ်အဖီခိၣ်န့ၣ်လီၤ.

လံာ်ဒၤနံးယ့လး 8:25

မ့ၢ်ပှၤလၢအသးက့ၣ်ကူသတးဒီးကမၤနၢၤတၢ်လၢအတၢ်ကူၣ် လီကူၣ်ဝ့ၤအပူၤန့ၣ်လီၤ. ကပာ်ထီၣ်ထီအသးလၢအကစၢ်ဒၣ်ဝဲ အဃိဒီးမၤဟးဂီၤပှၤအါဂၤလၢအသွံၣ်ခုၣ်ခုၣ်အပူၤန့ၣ်လီၤ. အဝဲကတၤဒၣ်လဲာ်စီၤပၤအဒိၣ်ကတၢၢ်လၢစီၤပၤခဲလၢာ် အဖီခိၣ်န့ၣ်ဘၣ်ဆၣ်ဒီးတၢ်စိကမီၤလၢအတသူဘၣ်ပှၤ ကညီအစုဘၣ်န့ၣ်ကမၤဟးဂီၤကွံာ်အီၤန့ၣ်လီၤ.

ရိမ့ၤ 1:29

အဝဲသ့ၣ်လၢပှဲၤဝဲဒီးတၢ်လၢအအၢအသီအကလုာ် ကလုာ်, တၢ်အၢတၢ်သီ, တၢ်သူၣ်လီသးကွံဒီးတၢ်လုၢ်အၢလၢ်သီ တဖၣ်န့ၣ်လီၤ. အဝဲသ့ၣ်လၢပှဲၤဝဲဒီးတၢ်သူၣ်က့ၣ်သးကါ, တၢ်မၤသံပှၤကညီ, တၢ်အ့ၣ်လိာ်ဆိးက့, တၢ်လီတၢ်ဝ့ၤဒီးတၢ်ဆၢအၢဆၢသီတဖၣ်န့ၣ်လီၤ.

၂ ကရံၣ်သူး 11:3

ယဘၣ်ယိၣ်ဘၣ်ဘီလၢသုသူၣ်သုသးကဘၣ်တၢ်မၤဟးဂီၤကွံာ် အီၤဒီးသုကညိကွံာ်သုတၢ်ဟ့ၣ်လီၤသးလၢာ်လၢာ်ဆ့ဆ့စီစီ ဆှံဆှံဆူခရံာ်အအိၣ်လၢကျဲတဘိဃီလၢနီၢ်အံၣ်အုဘၣ်တၢ် လီန့ၢ်အီၤခီဖျိဂုၢ်သ့ၣ်အတၢ်ကတိၤကဘျံးကဘျၣ်တၢ်သ့သ့ ဘၣ်ဘၣ်တဖၣ်န့ၣ်လီၤ.

၂ သ့းစၤလနံ 2:9

ဖဲတၢ်အၢတၢ်သီတဂၤဟဲဝဲအိၣ်ဒီးမုၣ်ကီၤလံၢ်အစိကမီၤ န့ၣ်အဝဲဒၣ်ကမၤတၢ်လီၤလးဒီးတၢ်လီၤကမၢကမၣ်လၢ အလီန့ၢ်တၢ်အကလုာ်ကလုာ်တဖၣ်,