လံာ်ဒၤနံးယ့လး 11:18 - Sgaw Karen Common Bible

¹⁸ တၢ်န့ၣ်အလီၢ်ခံကလဲၤဒုးဝဲထံကီၢ်တဖၣ်လၢပီၣ်လဲၣ်အနံၤဒီး မၤန့ၢ်ဝဲတဘျုးကီၢ်န့ၣ်လီၤ. ဘၣ်ဆၣ်ဒီးသုးခိၣ်လၢတခီထံ တခီကီၢ်တဂၤကမၤဃၣ်ကွံာ်အီၤဒီးကဆိကတီၢ်ကွံာ်အတၢ်ပာ် ဒိၣ်ပာ်ထီအသးန့ၣ်လီၤ. ဒီးဃါမနၤန့ၣ်, ကီၢ်စူၤရံအစီၤပၤကဒိးဘၣ်အတၢ် ပာ်ဒိၣ်ပာ်ထီအသးအဘူးအလဲန့ၣ်လီၤ.

လံာ်ဒၤနံးယ့လး 11:18 Iomraidhean Croise

လံာ်နီၢ်အ့ၤစတၢ် 10:1

စီၤပၤအဃၤၡဝံရိၣ်ပာ်ဆူၣ်ထီၣ်တၢ်မၢဆူၣ်မၢစိးအတၢ်မၤတဖၣ်လၢ ပှၤဂီၢ်မုၢ်လၢအအိၣ်လၢအဘီအမုၢ်အပီၣ်လဲၣ်ကၢၢ်နံၤလီၢ်ကဝီၤတဖၣ် အလိၤဒီးဒ်န့ၣ်အသိးလၢပှၤအိၣ်လၢကီၢ်အသးကံၢ်ပူၤတဖၣ်အလိၤ န့ၣ်လီၤ.

လံာ်ယၡါယၤ 66:19

ဒီးကသ့ၣ်ညါဝဲလၢယမ့ၢ်ပှၤတဂၤလၢအစံၣ်ညီၣ်အဝဲသ့ၣ်န့ၣ်လီၤ. ဘၣ်ဆၣ်ယကပျဲဖျဲးကွံာ်အဝဲသ့ၣ်တနီၤ, ဒီးဆှၢအဝဲသ့ၣ်ဆူပှၤကလုာ်တဖၣ်အအိၣ်ဒီးဆူထံကီၢ်အယံၤ တဖၣ်လၢအတနၢ်ဟူတ့ၢ်ဘၣ်ယတၢ်မံၤဟူသၣ်ဖျါမ့ၢ်ဂ့ၤ တထံၣ်တ့ၢ်ဘၣ်ယတၢ်ဒိၣ်တၢ်မုၢ်ဒီးယတၢ်စိတၢ်ကမီၤမ့ၢ်ဂ့ၤ ဒ်, ကီၢ်စပၤနံ, ကီၢ်လံးဘယၣ်, ဒီးကီၢ်လူၤဒံ, လၢအအိၣ်ဒီးအပှၤခးချံၣ်သ့တဖၣ်, ဒီးဆူကီၢ်တူၤဘလးဒီးကီၢ်ကြံး(စ်) န့ၣ်လီၤ. လၢပှၤကလုာ်တဖၣ်အံၤအကျါန့ၣ်, အဝဲသ့ၣ်ကစံးဘၣ်တဲဘၣ် ယတၢ်ဒိၣ်တၢ်မုၢ်န့ၣ်လီၤ.

လံာ်ယံးရမံယၤ 2:10

လဲၤဆူမုၢ်နုၢ်ဆူကီးကူပြူး, ဒီးဆှၢလီၤပှၤတဂၤဂၤဆူမုၢ်ထီၣ်တကပၤဆူ ကီၢ်က့ဒၢ်တက့ၢ်. သုကထံၣ်ဘၣ်လၢတၢ်ဒ်သိးအံၤလၢညါ တမၤတ့ၢ်အသးနီတဘျီဘၣ်န့ၣ်လီၤ.

လံာ်ယံးရမံယၤ 31:10

ယွၤစံးဝဲဒၣ်, “ပှၤကလုာ်သ့ၣ်ဧၢ, ဒိကနၣ်ယၤဒီး တဲဖျါထီၣ် ယတၢ်ကတိၤ တဖၣ်လၢ ပီၣ်လဲၣ်နံၤလၢ ကီၢ်အယံၤတဖၣ်န့ၣ်တက့ၢ်. ယမၤလီၤပြံလီၤပြါတ့ၢ် ယပှၤဂီၢ်မုၢ်, ဘၣ်ဆၣ်ယကထၢဖှိၣ်က့ၤ အဝဲသ့ၣ်, ဒီးကဟုကယာ် အဝဲသ့ၣ်ဒ် ပှၤကွၢ်သိတဂၤ ဟုကယာ်အသိတဖုအသိးန့ၣ်လီၤ.

လံာ်ယဃ့းစက့လး 27:6

အဝဲသ့ၣ်ဟံးန့ၢ် ကီၢ်ဘၤၡၣ်အသ့ထိးအီၣ်တဖၣ်လၢကမၤ နီၣ်ဝၢ်တဖၣ်အဂီၢ်လီၤ. အဝဲသ့ၣ်မၤနကဘီအဒါလၢကီး ကူပြူးအသ့ၣ်ဆှိတအၤၡူၢ်ဒီး ကယၢကယဲအီၤဒီးကဆီမဲန့ၣ်လီၤ.

လံာ်ဟိၤၡ့ 12:14

ကီၢ်အံၣ်စရ့လးအပှၤဂီၢ်မုၢ်ထိၣ်ဂဲၤထီၣ်ယွၤ အတၢ်သးထီၣ်နးနးကလဲာ်လီၤ. အဝဲသ့ၣ်ကြၢးဒီးတၢ်သံလၢအဝဲသ့ၣ်အတၢ်ကမၣ်တဖၣ်အဃိလီၤ. ယွၤကစံၣ်ညီၣ်အဝဲသ့ၣ်လၢတၢ်ဒုၣ်ဒွဲၣ်လၢအဝဲသ့ၣ် ဟဲစိာ်အီၤလၢအလိၤအဃိန့ၣ်လီၤ.

လံာ်စဖါနယၤ 2:11

ယွၤကမၤပျံၤမၤဖုးအဝဲသ့ၣ်လီၤ. အဝဲကမၤဆံးလီၤစှၤလီၤကစၢ်တဖၣ်လၢဟီၣ်ခိၣ်ချၢဒီဘ့ၣ်ဆူတၢ် နီတမံၤအပူၤန့ၣ်လီၤ. တုၤနုၤတစုပှၤကလုာ်ခဲလၢာ်ကဘူၣ်ထီၣ်ဘါထီၣ်အီၤလၢအထံအကီၢ် ဒၣ်ဝဲအပူၤန့ၣ်လီၤ.

လံာ်မးသဲ 7:2

အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

လံာ်ပှၤစံၣ်ညီၣ်ကွီၢ် 1:7

ဒီးစီၤပၤအဒိနံၤဘ့စ့းစံးဝဲ, “စီၤပၤအဂၤနွံဆံလၢ အစုမုၢ်ကျၢၢ်ခီၣ်မုၢ်ကျၢၢ်တဖၣ်ဘၣ်တၢ်ကျီတဲာ်ကွံာ်အီၤန့ၣ် ထၢအီၣ်တၢ်လီၤဆှုလီၤပလ့ၤလၢယစီၤနီၤခိၣ်အဖီလာ်လီၤ. ခဲအံၤကစၢ်ယွၤမၤယၤဒ်ယမၤတ့ၢ်အဝဲသ့ၣ်တဖၣ်အသိးန့ၣ်လီၤ.” ဒီးအဝဲဘၣ်တၢ်စိာ်ကွံာ်အီၤဆူဝ့ၢ်ယရူၤၡလ့ၣ်ဒီးသံဝဲဖဲန့ၣ်လီၤ.