လံာ်ဒၤနံးယ့လး 11:17 - Sgaw Karen Common Bible

¹⁷ ကီၢ်စူၤရံအစီၤပၤကကူၣ်ထီၣ်တၢ်ကျဲၤဖးဒိၣ်တမံၤခီဖျိအသုးမုၢ်အဂံၢ် အဘါခဲလၢာ်လၢအဘီအမုၢ်အပူၤတမံၤန့ၣ်လီၤ. ဒီးလၢတၢ်မၤဟးဂီၤကွံာ်အဒုၣ်အဒါအဘီမုၢ်အဂီၢ်န့ၣ်ကဒုးအိၣ် ထီၣ်တၢ်ဒီသိၣ်ဒီမှံၤလိာ်သးဒီးအီၤဒီးဟ့ၣ်အီၤလၢအပှၤပိာ်မုၣ် သးစၢ်တဂၤလၢကဖျီဃုာ်အသးဒီးအီၤန့ၣ်လီၤ. ဘၣ်ဆၣ်ဒီးအတၢ်ကူၣ်တၢ်ကျဲၤအံၤတကဲထီၣ်လိၣ်ထီၣ်ဘၣ်.

လံာ်ဒၤနံးယ့လး 11:17 Iomraidhean Croise

လံာ်စီၤပၤခံဘ့ၣ်တဘ့ၣ် 12:17

ဖဲအဆၢကတီၢ်န့ၣ်ကီၢ်စူၤရံအစီၤပၤဃစ့လးလဲၤထီၣ်ဒုးဝ့ၢ်ကၤ သးဒီးမၤန့ၢ်အီၤန့ၣ်လီၤ. အန့ၣ်ဝံၤဒီးအဝဲပာ်လီၤအသးလၢကလဲၤထီၣ်ဒုးဝ့ၢ်ယရူၤၡလ့ၣ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:3

စီၤယဟိၡၤဖးပျံၤတၢ်ဖုးတၢ်ဒီးဘါထုကဖၣ်တၢ်ဆူယွၤအအိၣ်လၢ တၢ်နဲၣ်ကျဲအဂီၢ်န့ၣ်လီၤ. အန့ၣ်ဝံၤဒီး, အဝဲဟ့ၣ်လီၤအကလုၢ်လၢတၢ်ဒုၣ်တၢ်အီၣ်တမံၤကဘၣ်တၢ် မၤအီၤလၢထံကီၢ်ဒီဘ့ၣ်အပူၤအဂီၢ်န့ၣ်လီၤ.

စံးထီၣ်ပတြၢၤ 56:9

မုၢ်တနံၤလၢယကိးထီၣ်နၤန့ၣ်, ယဒုၣ်ယဒါသ့ၣ်တဖၣ်ကဃၣ်ကဒါက့ၤအသး ဆူလီၢ်ခံန့ၣ်လီၤ. တၢ်အံၤယသ့ၣ်ညါလၢကစၢ်ယွၤအိၣ်ဒီးယၤ,

တၢ်ကတိၤဒိ. 19:21

ပှၤကတိာ်ကကျဲၤကယဲၢ်တၢ်ကိးအကလုာ်ဒဲးဘၣ်ဆၣ်ဒီးယွၤအတၢ်ဘၣ် အသးန့ၣ်ကကဲထီၣ်လိၣ်ထီၣ်ဝဲဒၣ်လီၤ.

လံာ်ယဃ့းစက့လး 17:17

ကီၢ်အဲၤကူပတူးအစီၤပၤအသုးမုၢ်လၢအဂံၢ်ဆူၣ်ဘါဆူၣ်ဒၣ်လဲာ် န့ၣ်, ဖဲလၢပှၤဘၤဘူၤလိၣ်ဖိတဖၣ်မၤထီထီၣ်ဟီၣ်ခိၣ်ဝးတရံးဝ့ၢ်ဒီး ခူၣ်လီၤတၢ်ကျိၤတဖၣ်လၢကမၤသံပှၤဂီၢ်မုၢ်အါဂၤအခါန့ၣ်ဒုး စၢၤအီၤတၢ်တသ့ဘၣ်.

လံာ်ယဃ့းစက့လး 4:3

ဟံးန့ၢ်သပၢၤထးဘံၣ်သလၣ်တဖျၢၣ်ဒီးပာ်လီၤအီၤဒ်တၢ်အဒူၣ်အသိး လၢနၤဒီးဝ့ၢ်အဘၢၣ်စၢၤန့ၣ်တက့ၢ်. ဃၣ်နမဲာ်ဆူဝ့ၢ်န့ၣ်တက့ၢ်. ဝ့ၢ်ဘၣ်တၢ်ကဝီၤဃာ်အီၤလံဒီးနမ့ၢ်ပှၤတဂၤလၢအကဝီၤဃာ်အီၤန့ၣ်လီၤ. အဝဲအံၤကမ့ၢ်တၢ်ပနီၣ်တမံၤလၢအံၣ်စရ့လးအပှၤတကလုာ်အဂီၢ်န့ၣ်လီၤ.

လံာ်ယဃ့းစက့လး 4:7

ကွၢ်စူၣ်ဃီၤဆူဝ့ၢ်ယရူၤၡလ့ၣ်ဘၣ်တၢ်ကဝီၤဃာ်အီၤန့ၣ်တက့ၢ်. ဒုးနဲၣ်နစုခိၣ်ထီဒါဝ့ၢ်န့ၣ်, ဒီးကတိၤတၢ်လၢဝံအကျိာ်ထီဒါ အီၤတက့ၢ်.

လံာ်ဒၤနံးယ့လး 11:19

ဒီးကက့ၤကဒါက့ၤဆူတိာ်တဖၣ်လၢအကီၢ်ဒၣ်ဝဲအပူၤ, ဘၣ်ဆၣ်ဒီးကဘၣ်တၢ်မၤနၢၤကွံာ်အီၤဒီးတၢ်န့ၣ်ကမ့ၢ်အတၢ် ကတၢၢ်န့ၣ်လီၤ.

လံာ်ဒၤနံးယ့လး 9:26

ဒီးဖဲတၢ်ဆၢကတီၢ်အံၤအကတၢၢ်န့ၣ်, ပှၤခိၣ်ပှၤနၢ်လၢကစၢ်ယွၤဃုထၢအီၤတဂၤန့ၣ်ကဘၣ်တၢ်မၤသံ ကွံာ်အီၤလၢတၢ်တတီတလိၤအပူၤလီၤ. ဝ့ၢ်ဒီးတၢ်လုၢ်ဟံၣ်န့ၣ်ကဘၣ် တၢ်မၤဟးဂီၤကွံာ်အီၤလၢပှၤပၢတၢ်လၢအစိကမီၤဒိၣ် တဂၤအသုးမုၢ်လၢအဟဲနုာ်လီၤဒုးန့ၢ်အီၤန့ၣ်လီၤ. တၢ်အကတၢၢ်ကဟဲဒ်ထံလုၣ်ဘၢတၢ်, ဟဲစိာ်ဝဲတၢ်ဒုးတၢ်ယၤ ဒီးတၢ်မၤဟးဂီၤ, လၢကစၢ်ယွၤကတဲာ်ကတီၤပာ်စၢၤဝဲန့ၣ်လီၤ.

လံာ်ဃဘးကူာ် 1:9

အသုးမုၢ်သံၣ်ဘိတဖၣ်ထီၣ်ဆူညါရုၢ်ရုၢ်ဒီးမၤနၢၤ တၢ်လၢတၢ်စုဆူၣ်ခီၣ်တကးအပူၤဒီးတုၤအဝဲသ့ၣ်ဟဲဘူးထီၣ် န့ၣ်ပှၤကိးဂၤဒဲးပျံၤတၢ်လီၤ. ပှၤလၢဖီၣ်န့ၢ်ဝဲတဖၣ်န့ၣ်အါဒ်မဲး ဧိၤဟီၣ်ဧိၤအသိးန့ၣ်လီၤ.

လံာ်မးသဲ 12:30

ပှၤတဂၤလၢ်လၢ်လၢအတအိၣ်ဒီးယၤဘၣ်န့ၣ်, မ့ၢ်ပှၤလၢအထီဒါယၤလီၤ. ပှၤလၢအတမၤစၢၤယၤလၢတၢ်ထၢဖှိၣ်က့ၤတၢ်အပူၤန့ၣ်, မ့ၢ်ပှၤလၢအမၤလီၤပြံလီၤပြါတၢ်လီၤ.

လံာ်လူၤကၣ် 11:23

ပှၤတဂၤလၢ်လၢ်လၢအတအိၣ်ပှိၤယၤန့ၣ်, မ့ၢ်နီၢ်နီၢ်အထီဒါယၤလီၤ. ပှၤတဂၤလၢ်လၢ်လၢအတထၢဖှိၣ်စၢၤယၤတၢ်န့ၣ်, မ့ၢ်နီၢ်နီၢ်အမၤလီၤပြံလီၤပြါတၢ်လီၤ.

လံာ်လူၤကၣ် 9:51

ဖဲမုၢ်နံၤမုၢ်သီတဖၣ်ဘူးထီၣ်လၢယ့ၣ်ၡူးကဘၣ်တၢ်စိာ်ထီၣ် အီၤဆူမူခိၣ်န့ၣ်, အဝဲဒၣ်ပာ်လီၤအသးကျၢၤမုဆှုဒီးလဲၤဝဲဒၣ်ဆူဝ့ၢ်ယရူၤၡလ့ၣ်လီၤ.

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.