လံာ်ဒၤနံးယ့လး 11:15 - Sgaw Karen Common Bible

¹⁵ မၤသးဒ်န့ၣ်ဒီးကီၢ်စူၤရံအစီၤပၤကမၤထီၣ်ထီဟီၣ်ခိၣ်လၢတိာ်ခၢၣ် သနၢၣ်အဝ့ၢ်တဖျၢၣ်အခိၣ်ဒူအဃၢၤဒီးမၤန့ၢ်မၤနၢၤအီၤလီၤ. ကီၢ်အဲၤကူပတူးအသုးဖိတဖၣ်အဂံၢ်အဘါကလီၤစၢ်လၢကဒုး တၢ်ဆူညါအဂီၢ်ဒီးပှၤအဆူၣ်ကတၢၢ်လၢအကျါဒၣ်လဲာ်အဂံၢ် အဘါတအိၣ်လၢၤလၢလၢလီၣ်လီၣ်ဘၣ်န့ၣ်လီၤ.

လံာ်ဒၤနံးယ့လး 11:15 Iomraidhean Croise

လံာ်ယံးရမံယၤ 33:4

ယၤ, ယွၤ, အံၣ်စရ့လးအကစၢ်ယွၤစံး, လၢဝ့ၢ်ယရူၤၡလ့ၣ် အဟံၣ်တဖၣ်ဒီး ကီၢ်ယူဒၤအစီၤပၤအနူၢ်အစီၤကဘၣ်တၢ်ရူၢ် လီၤကွံာ်အီၤခီဖျိတၢ်ကဝီၤဃာ်ဒီး တၢ်ဟဲထီၣ်ဒုးအီၤအဃိန့ၣ်လီၤ.

လံာ်ယံးရမံယၤ 5:10

ယဆှၢလီၤဒုၣ်ဒါတဖၣ်လၢကကျီလီၤကွံာ် ယပှၤဂီၢ်မုၢ်အစပံးအလီၢ်တဖၣ်, ဘၣ်ဆၣ်ဒီးတမ့ၢ်လၢကဘၣ်မၤဟးဂီၤကွံာ်ဝဲ လၢာ်လၢာ်ဆ့ဆ့ဘၣ်. ယကတဲဘၣ်အဝဲသ့ၣ်လၢကပဲာ်တဲာ်ကွံာ်အဒ့တဖၣ်, မ့ၢ်လၢဒ့တဖၣ်အံၤတမ့ၢ်ယတၢ်ဘၣ်အဃိလီၤ.

လံာ်ယံးရမံယၤ 52:4

ဒီးလၢတၢ်န့ၣ်အဃိ, စီၤနဘူၤကးန့စၢ်ဟဲဝဲဒီး အသုးမုၢ်ခဲလၢာ်ဒီး ထီၣ်ဒုးဝ့ၢ်ယရူၤၡလ့ၣ်ဖဲစီၤစံးဒကံယၤပၢတၢ်ပှဲၤထီၣ် ခွံနံၣ်တနံၣ်, ဆံဆဲလါတလါ, လါထီၣ်ဆံဆဲၣ်သီတသီအနံၤန့ၣ်လီၤ. အဝဲသ့ၣ်သူၣ်ဒဲဖဲဝ့ၢ်အချၢ, ဒီးသူၣ်ထီၣ်တိာ်အဒူၣ်တဖၣ်ဝးတရံးအီၤ,

လံာ်ယံးရမံယၤ 6:6

ယွၤသ့တၢ်လၢာ်ဟ့ၣ်လီၤတ့ၢ်အကလုၢ်လၢစီၤပၤတဖၣ်အံၤကကူာ် လီၤသ့ၣ်တဖၣ်ဒီးမၤထီၣ်စိဟီၣ်ခိၣ်တဖၣ်လၢတၢ်ဝီၤတရံးဒုး ဝ့ၢ်ယရူၤရှလ့ၣ်အဂီၢ်န့ၣ်လီၤ. အဝဲစံးတ့ၢ်ဝဲ, “ယကစံၣ်ညီၣ်ဝ့ၢ်အံၤ မ့ၢ်လၢဝ့ၢ်အံၤပှဲၤဝဲဒီးတၢ်မၤအၢမၤနးအဃိလီၤ.

လံာ်ယဃ့းစက့လး 17:17

ကီၢ်အဲၤကူပတူးအစီၤပၤအသုးမုၢ်လၢအဂံၢ်ဆူၣ်ဘါဆူၣ်ဒၣ်လဲာ် န့ၣ်, ဖဲလၢပှၤဘၤဘူၤလိၣ်ဖိတဖၣ်မၤထီထီၣ်ဟီၣ်ခိၣ်ဝးတရံးဝ့ၢ်ဒီး ခူၣ်လီၤတၢ်ကျိၤတဖၣ်လၢကမၤသံပှၤဂီၢ်မုၢ်အါဂၤအခါန့ၣ်ဒုး စၢၤအီၤတၢ်တသ့ဘၣ်.

လံာ်ယဃ့းစက့လး 4:2

ဝံၤဒီး, လၢတၢ်ဒုးနဲၣ်တၢ်ကဝီၤဃာ်တၢ်အဂီၢ်န့ၣ်, ခူၣ်လီၤတၢ်ကျိၤတဖၣ်, ပူၣ်ထီထီၣ်ဟီၣ်ခိၣ်တဖၣ်, သူၣ်ဒဲတဖၣ်, ဒီးပာ်လီၤစုကဝဲၤလၢအဆဲးတိၢ်လီၤပှီၢ်တၢ်တဖၣ် ဝးတရံးအီၤတက့ၢ်.

လံာ်ဒၤနံးယ့လး 11:14

တုၤနုၤတစုပှၤအါဂၤကပၢၢ်ဆၢထီဒါကီၢ်အဲၤကူပတူးအစီၤပၤလီၤ. စီၤဒၤနံးယ့လးဧၢ, ပှၤမၤအၢမၤသီတၢ်တနီၤလၢနထံနကီၢ်အပူၤ, အဝဲသ့ၣ်ကဆၢထၢၣ်ပၢၢ်ဆၢတၢ်လၢအတၢ်ထံၣ်စိတမံၤအဃိ, ဘၣ်ဆၣ်ဒီးကဘၣ်တၢ်မၤဃၣ်ကွံာ်အီၤန့ၣ်လီၤ.

လံာ်ဒၤနံးယ့လး 11:6

တဘျုးနံၣ်အလီၢ်ခံန့ၣ်, ကီၢ်အဲၤကူပတူးအစီၤပၤကဒီသိၣ် ဒီမှံၤလိာ်သးဒီးကီၢ်စူၤရံအစီၤပၤ, ဒီးဖျီဃုာ်အီၤလၢ အဖိမုၣ်လီၤ. ဘၣ်ဆၣ်ဒီးတၢ်ဒီသိၣ်ဒီမှံၤလိာ်သးအံၤတဂၢၢ် တကျၢၤဘၣ်. အနီၢ်ကစၢ်ဒၣ်ဝဲ, အဝၤဒီးအဖိ, ဒီးအကုၢ်အပှၤလၢအလဲၤ ဃုာ်ဒီးအီၤတဖၣ်န့ၣ်ကဘၣ်တၢ်မၤသံကွံာ်အီၤခဲလၢာ်လီၤ.

လံာ်ဒၤနံးယ့လး 8:7

ယအိၣ်ခိးကွၢ်တ့ၢ်အတၢ်ဟဲမၤဒၢၣ်သိဖါန့ၣ်လီၤ. အဝဲအသးထီၣ်ဆူၣ်မးဒီးဘျၢၣ်အီၤဒီးမၤကၢ်ကွံာ်အနၢၤခံဘိ လိာ်န့ၣ်လီၤ. သိဖါကတြီဆၢက့ၤအီၤန့ၣ်အဂံၢ်အဘါတအိၣ်ဘၣ်. ဘၣ်တၢ်ကွံာ်လီၤအီၤဆူဟီၣ်ခိၣ်လိၤဒီးယီၢ်တံၢ်ကွံာ်အီၤလီၤ. ပှၤလၢအမၤပူၤဖျဲးအီၤသ့တအိၣ်ဘၣ်နီတဂၤဘၣ်.

လံာ်စီၤယိၤၡူ 1:5

စီၤယိၤၡူဧၢ, လၢနတၢ်အိၣ်မူဒီတစိၤန့ၣ်, ပှၤထီဒါနၤတသ့ နီတဂၤဘၣ်. ဒ်ယအိၣ်တ့ၢ်ဒီးစီၤမိၤၡ့အသိးန့ၣ်, ယကအိၣ်ဒီးနၤလီၤ. ယကအိၣ်ဒီးနၤထီဘိတထံၣ်ဃီလီၤ. ယတလဲၤသ ဒၣ်နၤနီတစုဘၣ်.