လံာ်ဒၤနံးယ့လး 10:8 - Sgaw Karen Common Bible

⁸ ယအိၣ်တီၢ်တ့ၢ်ဖဲန့ၣ်ထဲတဂၤဧိၤဒီးကွၢ်ကီတၢ်ထံၣ်လၢညါခီလၢ အလီၤလိၢ်လီၤလးအံၤန့ၣ်လီၤ. ယဂံၢ်ယဘါလၢာ်ကွံာ်ဝဲ, ဒီးယမဲာ်သၣ်အက့ၢ်အဂီၤလဲလိာ်ကွံာ်အသးတုၤဒၣ်လဲၣ်ပှၤကွၢ် နီၣ်ယၤတဘၣ်လၢၤနီတဂၤဘၣ်.

လံာ်ဒၤနံးယ့လး 10:8 Iomraidhean Croise

လံာ်တၢ်ကဲထီၣ်အခီၣ်ထံး 32:31

မုၢ်ဟဲထီၣ်တ့ၢ်လံဖဲစီၤယၤကိာ်ဟးထီၣ်လၢပနံၤအ့လးလီၤ. ဒီးအဝဲဟးတကျဲၢ်တကျဲၢ်လၢအကံၣ်ဒုၣ်အဆၢလီၤတလံာ်အဃိလီၤ.

လံာ်တၢ်ဟးထီၣ်ကွံာ် 3:3

ဒီးစီၤမိၤၡ့ဆိကမိၣ်ဝဲ, “တၢ်အံၤလီၤဆီမးလီၤ. ဘၣ်မနုၤလၢသ့ၣ်တခိၣ်အံၤတကိၢ်သွၣ်ကွံာ်ဝဲလဲၣ်. ယကလဲၤဒီးကွၢ်အီၤလီၤ.”

လံာ်ဒၤနံးယ့လး 10:16

အန့ၣ်ဝံၤဒီး, မူခိၣ်ကလူးလၢအလီၤဂာ်ဒီးပှၤကညီ တဂၤန့ၣ်ယူာ်ဃီၤအစုဒီးထိးဘၣ်ယနိးဖံးတဖၣ်လီၤ. ဒီးယစံးဘၣ်အီၤ, “တၢ်ဒိၣ်ဧၢ, တၢ်ထံၣ်လၢညါခီအံၤမၤစၢ် လီၤယဂံၢ်ယဘါတုၤဒၣ်လဲာ်ယကနိးကစုာ်တကတၢၢ်ဘၣ်လီၤ.

လံာ်ဒၤနံးယ့လး 10:17

ယလီၤဂာ်ဒီးကုၢ်တဂၤဆၢထၢၣ်လၢအကစၢ်အမဲာ်ညါလီၤ. ယကတိၤတၢ်ဒီးနၤကသ့ဒ်လဲၣ်. တၢ်ဂံၢ်တၢ်ဘါဒီးတၢ်သါတအိၣ် တ့ၢ်ဒီးယၤဘၣ်.”

လံာ်ဒၤနံးယ့လး 7:28

အဝဲအံၤမ့ၢ်တၢ်ဂ့ၢ်အကတၢၢ်န့ၣ်လီၤ. ယပျံၤတ့ၢ်တၢ်ဒိၣ်ဒိၣ် ကလဲာ်တုၤယမဲာ်လီၤဝါန့ၣ်လီၤ. ဒီးယပၢၤဃးတၢ်မၤ အသးခဲလၢာ်အဂ့ၢ်လၢယသးကံၢ်ပူၤန့ၣ်လီၤ.

လံာ်ဒၤနံးယ့လး 8:27

ဒီးယဲဒၣ်စီၤဒၤနံးယ့လးအံၤ, ယသးလီၤဘှါဒီးယဆူးယဆါ တ့ၢ်တဘျုးသီန့ၣ်လီၤ. အန့ၣ်ဝံၤဒီးယဆၢထၢၣ်ဒီးက့ၤကဒါ က့ၤဆူတၢ်မၤလၢစီၤပၤဟ့ၣ်မူဟ့ၣ်ဒါယၤန့ၣ်လီၤ. ဘၣ်ဆၣ်ဒီးယသးအိၣ်တတုၤလီၤတတီၤဘၣ်လၢတၢ်ထံၣ်လၢ ညါခီလၢတၢ်နၢ်ပၢၢ်အီၤတသ့ဘၣ်အဃိန့ၣ်လီၤ.

လံာ်ဒၤနံးယ့လး 8:7

ယအိၣ်ခိးကွၢ်တ့ၢ်အတၢ်ဟဲမၤဒၢၣ်သိဖါန့ၣ်လီၤ. အဝဲအသးထီၣ်ဆူၣ်မးဒီးဘျၢၣ်အီၤဒီးမၤကၢ်ကွံာ်အနၢၤခံဘိ လိာ်န့ၣ်လီၤ. သိဖါကတြီဆၢက့ၤအီၤန့ၣ်အဂံၢ်အဘါတအိၣ်ဘၣ်. ဘၣ်တၢ်ကွံာ်လီၤအီၤဆူဟီၣ်ခိၣ်လိၤဒီးယီၢ်တံၢ်ကွံာ်အီၤလီၤ. ပှၤလၢအမၤပူၤဖျဲးအီၤသ့တအိၣ်ဘၣ်နီတဂၤဘၣ်.

လံာ်ဃဘးကူာ် 3:16

ယနၢ်ဟူကယဲၢ်တၢ်အံၤခဲလၢာ်, ဒီးယကနိးကစုာ်ယဲလီၤ. ယထးခိၣ်ဝးဝဲလၢတၢ်ပျံၤတၢ်ဖုးလီၤ. ယနီၢ်ခိလဲၤကပံၢ်ကပၢ် ဒီးယခီၣ်ဘၣ်တိၢ်လၢယခီၣ်ထံးလီၤ. ယကအိၣ်ဃိကလာ်ဒီးအိၣ်ခိးတၢ်ဆၢကတီၢ် ဖဲကစၢ်ယွၤကစံၣ်ညီၣ်ပှၤလၢအဒုးတၢ် ထီဒါပှၤတဖၣ်န့ၣ်လီၤ.

လံာ်မးသဲ 17:6

တုၤအပျဲၢ်အဘီၣ်တဖၣ်နၢ်ဟူတၢ်အံၤဒီး, အဝဲသ့ၣ်ပျံၤတၢ်ဖုးတၢ်ဒိၣ်မး, တုၤဒၣ်လဲာ်အထိၣ်လီၤပှီၤအသးဒီးကျးလီၤအမဲာ်လၢဟီၣ်ခိၣ် အလိၤလီၤ.

လံာ်မၢ်ကူး 9:6

စံးတၢ်ဒ်အံၤမ့ၢ်လၢကဘၣ်စံးမနုၤလဲၣ်န့ၣ်တသ့ၣ်ညါလၢၤဝဲဘၣ်ဒီး အဝဲသ့ၣ်ပျံၤတၢ်ဒိၣ်ဒိၣ်ကလဲာ်အဃိန့ၣ်လီၤ.

လံာ်ယိၤဟၣ် 16:32

တၢ်ဆၢကတီၢ်ဟဲဝဲဒီးဟဲတုၤလံ, ဖဲသုဝဲခဲလၢာ်သုကလီၤပြံလီၤပြါတဂၤဆူအဟံၣ်ဒၣ်ဝဲ, ဒီးယကဘၣ်တၢ်ပာ်တီၢ်ယၤထဲတဂၤဧိၤန့ၣ်လီၤ. ဘၣ်ဆၣ်ဒီးနီၢ်နီၢ်န့ၣ်ယတအိၣ်ထဲတဂၤဧိၤဘၣ်. အဂ့ၢ်မ့ၢ်လၢပၢ်အိၣ်ဒီးယၤအဃိလီၤ.

၂ ကရံၣ်သူး 12:7

ဘၣ်ဆၣ်ဒီး, ဒ်သိးတၢ်ကတြီဃာ်ယတၢ်ပာ်ထီၣ်ထီယသးအါ တလၢခီဖျိတၢ်လီၤတိၢ်လီၤဆီအါမံၤလၢယထံၣ်ဘၣ်ယဲန့ၣ်, ယဘၣ်တၢ်ဟ့ၣ်ယၤနီၢ်ခိအတၢ်ဆါလၢအဆါမးတမံၤ, တၢ်လၢအကဲထီၣ်မုၣ်ကီၤလံၢ်အကလူးလၢအကတီၢ် ယၤဒီးတြီဃာ်ယတၢ်ပာ်ထီၣ်ထီယသးန့ၣ်လီၤ.

လံာ်လီၣ်ဖျါ 1:17

ဖဲယထံၣ်အီၤန့ၣ်, ယလီၤဃံၤယဲဖဲအခီၣ်ထံးဒ်ပှၤသံတဂၤ အသိးလီၤ. အဝဲဒၣ်ပာ်ထီၣ်အစုထွဲလၢယလိၤဒီးစံးဝဲ, “ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ်လီၤ.”