လံာ်ဒၤနံးယ့လး 10:21 - Sgaw Karen Common Bible

²¹ ပှၤလၢအကမၤစၢၤယၤန့ၣ်မ့တမ့ၢ်ဘၣ်ကလူးလၢအပၢၤအံၣ်စရ့လး, မံၤက့လးဘၣ်ဒီး, ပှၤတအိၣ်ဘၣ်နီတဂၤဘၣ်.

လံာ်ဒၤနံးယ့လး 10:21 Iomraidhean Croise

လံာ်ဒၤနံးယ့လး 10:13

ကလူးလၢအပၢၤကီၢ်ပၤရၣ်အဘီအမုၢ်န့ၣ်ထီဒါယၤခံဆံတသီလီၤ. အန့ၣ်သတးဒီးမူခိၣ်ကလူးတဖၣ်အခိၣ်အဒိၣ်ကတၢၢ်မံၤက့လး ဟဲဝဲဒ်သိးကမၤစၢၤယၤလီၤ. အဂ့ၢ်ဒ်အံၤ, ယဘၣ်တၢ်ပာ်လီၤတဲာ်ကွံာ်ယၤထဲတဂၤဧိၤလၢကီၢ်ပၤရၣ်အပူၤလီၤ.

လံာ်ဒၤနံးယ့လး 12:1

မူခိၣ်ကလူးလၢအသိးဆ့ဖှီဝါကဆှၣ်စံးဝဲ, “အကတီၢ်ဖဲန့ၣ် မူခိၣ်ကလူးဖးဒိၣ်မံၤက့လး, ပှၤလၢအပၢၤဃးနပှၤဂီၢ်မုၢ်က အိၣ်ဖျါထီၣ်ဝဲလီၤ. ဒီးဖဲန့ၣ်တၢ်ကီတၢ်ခဲတဖၣ် အကတီၢ်ကတုၤဝဲ, တၢ်ကီတၢ်ခဲအနးကတၢၢ် လၢအတမၤတ့ၢ်အသးဒံးဘၣ်, စးထီၣ်လၢပှၤတကလုာ်ကဲ ထီၣ်ဝဲတုၤမုၢ်တနံၤန့ၣ်လီၤ. ဘၣ်ဆၣ်ဒီးအကတီၢ်ဖဲန့ၣ်န့ၣ်, နပှၤဂီၢ်မုၢ်ကဘၣ်တၢ်မၤပူၤဖျဲးအီၤ, ကယဲၢ်ပှၤလၢအမံၤအိၣ်ကွဲးအသး လၢကစၢ်ယွၤအလံာ်ပူၤန့ၣ်ကတုၤလၢတၢ်အုၣ်က့ၤခီၣ်က့ၤန့ၣ်လီၤ.

လံာ်ဒၤနံးယ့လး 12:4

မ့မ့ၢ်နဲဒၣ်အံၤစီၤဒၤနံးယ့လးဧၢ, ကးတံၢ်လံာ်န့ၣ်ဒီးပာ် တၢ်စဲပနီၣ်လၢအလိၤတုၤလၢတၢ်အကတၢၢ်မၤအသးန့ၣ်တက့ၢ်. ပှၤအါဂၤကလဲၤဆူအံၤဆူနုၤဒ်သိးဒီးအတၢ်သ့ၣ်ညါကအါ ထီၣ်န့ၣ်လီၤ.”

လံာ်ဒၤနံးယ့လး 8:26

တၢ်ထံၣ်လၢညါခီဘၣ်ဃးတၢ်လုၢ်တၢ်ပာ်တဖၣ်လၢမုၢ်ဟါ ဒီးမုၢ်ဂီၤအကတီၢ်တဖၣ်, လၢအဘၣ်တၢ်တဲဖျါထီၣ်အီၤဆူ နအိၣ်န့ၣ်ကလၢထီၣ်ပှဲၤထီၣ်ဝဲဒၣ်လီၤ. ဘၣ်ဆၣ်ဒီးတၢ်ဂ့ၢ်အံၤပာ်ခူသူၣ်အီၤခဲအံၤတက့ၢ်. အဂ့ၢ်ဒ်အံၤ, တချုးအလၢထီၣ်ပှဲၤထီၣ်ဒံးဘၣ်ဒီးတၢ်ဆၢကတီၢ်ယံာ်ဒံးဝဲလီၤ.”

လံာ်ဒၤနံးယ့လး 9:22

အဝဲတဲဖျါထီၣ်ဝဲ, “စီၤဒၤနံးယ့လးဧၢ, ယဟဲဖဲအံၤဒ်သိးယကမၤစၢၤနၤလၢ နကနၢ်ပၢၢ်ဝံအတၢ်စံးပာ်အဂ့ၢ်န့ၣ်လီၤ.

လံာ်ဒၤနံးယ့လး 9:25

ပာ်သူၣ်ပာ်သးတၢ်ဂ့ၢ်အံၤဒီးနၢ်ပၢၢ်အီၤတက့ၢ်. စးထီၣ်လၢတၢ်ဟ့ၣ် လီၤတၢ်ကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်အီၤ အကတီၢ်တုၤလီၤလၢပှၤခိၣ်ပှၤနၢ်လၢကစၢ်ယွၤဃုထၢအီၤတဂၤဟဲဝဲန့ၣ်, တၢ်ဆၢကတီၢ်ကပူၤကွံာ်နွံနံၣ်နွံဘျီန့ၣ်လီၤ. ဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ် ကဒါက့ၤအီၤဃုာ်ဒီးကျဲမုၢ်ကျဲဘိတဖၣ်, ဝ့ၢ်ခိၣ်ဒူအဒိၣ်အကျၢၤဒီးကအိၣ်ခၢၣ်သ နၢၣ်ဃုဆံခံနံၣ်အဘျီနွံဘျီန့ၣ်လီၤ. ဘၣ်ဆၣ်ဒီးအဝဲအံၤကမ့ၢ်တၢ်ကိၢ်တၢ်ဂီၤအကတီၢ်န့ၣ်လီၤ.

လံာ်ဧၤမိၣ် 3:7

ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.

မၤတၢ် 15:15

တၢ်အံၤလီၤပလိာ်ဒီးဝံတဖၣ်အတၢ်စံးတၢ်ကတိၤလီၤ. ဒ်တၢ်ကွဲးအသးစံးဝဲအသိး,

မၤတၢ် 15:18

ကစၢ်လၢအဒုးသ့ၣ်ညါပှၤကညီ တၢ်ဂ့ၢ်တမံၤအံၤယံာ်တ့ၢ်လံတဂၤန့ၣ်, စံးဝဲဒ်န့ၣ်လီၤ.’ ”

ယူဒၤ 1:9

ကလူးအခိၣ်မံၤက့လးဒၣ်လဲာ်တမၤတၢ်အံၤဘၣ်. လၢအတၢ်အ့ၣ်လိာ်အသးဒီးမုၣ်ကီၤလံၢ်အပူၤ, ဖဲအဝဲသ့ၣ်ကတိၤဂ့ၢ်လိာ်တၢ်ဘၣ်ဃးဒီးမတၤ ကဟံးန့ၢ်စီၤမိၤၡ့အစိၣ်အဂ့ၢ်န့ၣ်, မံၤက့လးကတိၤဒုၣ်ဒွဲၣ်စံးအၢမုၣ်ကီၤလံၢ်တဘူၣ်ဘၣ်. မ့မ့ၢ်တခီစံးဝဲ, “မ်ကစၢ်သိၣ်ဃီၣ်နၤတက့ၢ်.”

လံာ်လီၣ်ဖျါ 12:7

တုၤနုၤတစုတၢ်ဒုးတၢ်ယၤအိၣ်ထီၣ်လၢမူခိၣ်လီၤ. မံၤက့လးဒီးအကလူးတဖၣ်ဒုးတၢ်ထီဒါပယိၤ, ဒီးပယိၤဒုးဆၢအီၤဃုာ်ဒီးအကလူးတဖၣ်လီၤ.