လံာ်ဒၤနံးယ့လး 10:16 - Sgaw Karen Common Bible

¹⁶ အန့ၣ်ဝံၤဒီး, မူခိၣ်ကလူးလၢအလီၤဂာ်ဒီးပှၤကညီ တဂၤန့ၣ်ယူာ်ဃီၤအစုဒီးထိးဘၣ်ယနိးဖံးတဖၣ်လီၤ. ဒီးယစံးဘၣ်အီၤ, “တၢ်ဒိၣ်ဧၢ, တၢ်ထံၣ်လၢညါခီအံၤမၤစၢ် လီၤယဂံၢ်ယဘါတုၤဒၣ်လဲာ်ယကနိးကစုာ်တကတၢၢ်ဘၣ်လီၤ.

လံာ်ဒၤနံးယ့လး 10:16 Iomraidhean Croise

လံာ်တၢ်ဟးထီၣ်ကွံာ် 4:10

တုၤနုၤတစုစီၤမိၤၡ့စံးဘၣ်ယွၤ, “ယွၤဧၢ, လၢသီမ့ၢ်ဂ့ၤ, စးထီၣ်လၢနကတိၤတၢ်ဒီးနခ့နပှၤမ့ၢ်ဂ့ၤ, ယတမ့ၢ်ပှၤကတိၤတၢ်သ့ နီတစုဘၣ်. အဂ့ၢ်ဒ်အံၤ, ယမ့ၢ်ပှၤလၢအထးခိၣ်ဒီးအပျ့ၤဃၢန့ၣ်လီၤ.”

လံာ်တၢ်ဟးထီၣ်ကွံာ် 4:13

ဘၣ်ဆၣ်ဒီးစီၤမိၤၡ့စံးဆၢဝဲဒၣ်, “ယွၤဧၢ, မၢလီၤပှၤအဂၤတဂၤတက့ၢ်.”

လံာ်ပှၤစံၣ်တဲၤတဲလီၤတၢ် 1:18

နဒံးကူၣ်သ့ဒီးနတၢ်ကိၢ်တၢ်ဂီၤဒံးအါထီၣ်လီၤ. နတၢ်သ့ၣ်ညါဒံးအါ, တၢ်န့ၣ်မၤဘၣ်ဒိဘၣ်ထံးနၤဒံးဒိၣ်န့ၣ်လီၤ.

လံာ်ယၡါယၤ 6:7

အဝဲထိးယနိးဖံးလၢမ့ၣ်အူကဖးကိၢ်လိၣ်ဒီးစံးဝဲ, “တၢ်အံၤထိးဘၣ်နနိးဖံးလံဒီးအခဲအံၤနတၢ်ကမၣ်လဲၤပူၤကွံာ်လံ, ဒီးနတၢ်ဒဲးဘးတဖၣ်ဘၣ်တၢ်ပျၢ်အီၤလံ.”

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်ယဃ့းစက့လး 1:26

လၢတၢ်အခိၣ်ဖျၢၣ်သလၢၣ်အဖီခိၣ်န့ၣ်, တၢ်အိၣ်ဝဲတမံၤလၢ အဖျါလီၤဂာ်ဒီးလီၢ်ပစိာ်တခါလၢအဘၣ်တၢ်မၤအီၤ လၢတၢ်မျၢ်နံၤလါအဲး, ဒီးတၢ်အက့ၢ်အဂီၤတမံၤလၢအလီၤဂာ်ဒီးပှၤကညီတဂၤဆ့ၣ်နီၤဝဲ လၢလီၢ်ပစိာ်န့ၣ်အဖီခိၣ်လီၤ.

လံာ်ယဃ့းစက့လး 3:27

အနၣ်ဝံၤဒီး, ဖဲယကတိၤကဒီးတၢ်ဒီးနၤ တဘျီဒီးဟ့ၣ်ကဒါက့ၤ နၤတၢ်သ့ကတိၤတၢ်န့ၣ်, နကတဲဘၣ်အဝဲသ့ၣ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. အဝဲသ့ၣ်တနီၤကဒိကနၣ် တၢ်, ဘၣ်ဆၣ် တကနၣ်ဃုာ်နၤဘၣ်. အဂ့ၢ်ဒ်အံၤ, အဝဲသ့ၣ်မ့ၢ်ပှၤပူထီၣ် တၢ်ဖိတကလုာ်န့ၣ်လီၤ.”

လံာ်ယဃ့းစက့လး 33:22

မုၢ်တဟါလၢတချုးအဝဲဟဲန့ၣ်, ယကလၢၢ်ဘၣ်ယွၤအတၢ်အိၣ်ဝဲ အတၢ်စိတၢ်ကမီၤန့ၣ်လီၤ. ဖဲပှၤတဂၤန့ၣ်ဟဲတုၤဝဲလၢလီၢ်ခံတ ဂီၤန့ၣ်, ယွၤဟ့ၣ်ကဒါက့ၤယၤစိကမီၤလၢယကကတိၤက့ၤတၢ်န့ၣ်လီၤ.

လံာ်ဒၤနံးယ့လး 12:8

ယနၢ်ဟူတ့ၢ်တၢ်လၢအစံးဝဲတဖၣ်လီၤ. ဘၣ်ဆၣ်ဒီးယတနၢ် ပၢၢ်အီၤဘၣ်. ဒီးယသံကွၢ်, “တၢ်ဒိၣ်ဧၢ, တၢ်ခဲလၢာ်န့ၣ် ကကတၢၢ်ဝဲဒ်လဲၣ်.”

လံာ်ဒၤနံးယ့လး 4:19

တုၤနုၤတစု, စီၤဒၤနံးယ့လးလၢအဘၣ်တၢ် ကိးစ့ၢ်ကီးအီၤလၢစီၤဘ့ၤလးတၡါစၢ်အသးလီၤကတုၤတစိၢ် တလီၢ်ဒီးအတၢ်ဆိကမိၣ်မၤကိၢ်မၤဂီၤအသးန့ၣ်လီၤ. စီၤပၤစံးဘၣ်အီၤ, “စီၤဘ့ၤလးတၡါစၢ်ဧၢ, ပျဲတၢ်မံမီၢ်မ့ၢ်ဂ့ၤ, အခီပညီအဒိၣ်အယိာ်မ့ၢ်ဂ့ၤမၤကိၢ်မၤဂီၤနသးတဂ့ၤ.” စီၤဘ့ၤလးတၡါစၢ်စံးဆၢဝဲဒၣ်, “နဲဒၣ်စီၤပၤဧၢ, ယဆၢလၢတၢ်မံမီၢ်အံၤကမ့ၢ်ဒၣ်ဝဲလၢပှၤလၢအ သးဟ့နၤတဖၣ်အဂီၢ်ဒီးအခီပညီအဒိၣ်အယိာ်ကမ့ၢ်ဒၣ်လၢန ဒုၣ်နဒါတဖၣ်အဂီၢ်န့ၣ်လီၤ.

လံာ်ဒၤနံးယ့လး 7:15

တၢ်ထံၣ်လၢညါခီတဖၣ်လၢယထံၣ်တ့ၢ်အီၤန့ၣ်မၤကိၢ်မၤဂီၤယသး, ဒီးယသးဘၣ်တံာ်တာ်ဒိၣ်ဒိၣ်ကလဲာ်လီၤ.

လံာ်ဒၤနံးယ့လး 7:28

အဝဲအံၤမ့ၢ်တၢ်ဂ့ၢ်အကတၢၢ်န့ၣ်လီၤ. ယပျံၤတ့ၢ်တၢ်ဒိၣ်ဒိၣ် ကလဲာ်တုၤယမဲာ်လီၤဝါန့ၣ်လီၤ. ဒီးယပၢၤဃးတၢ်မၤ အသးခဲလၢာ်အဂ့ၢ်လၢယသးကံၢ်ပူၤန့ၣ်လီၤ.

လံာ်ဒၤနံးယ့လး 8:15

ဖဲယကျဲးစၢးတ့ၢ်ဒ်သိးယကနၢ်ပၢၢ် တၢ်ထံၣ်လၢညါခီအံၤအခီပညီ မ့ၢ်တၢ်ဒ်လဲၣ်အခါန့ၣ်ပှၤတဂၤဆၢထၢၣ်လၢယမဲာ်ညါသတူၢ် ကလာ်န့ၣ်လီၤ.

လံာ်ဒၤနံးယ့လး 8:17

မူခိၣ်ကလူးကၤဘြံၤ အ့လးဟဲဒီးဆၢထၢၣ်တ့ၢ်ဝဲဖဲယကပၤ, ဒီးယပျံၤတၢ်ဒိၣ်ဒိၣ်ကလဲာ်တုၤယလီၤဃံၤဆူဟီၣ်ခိၣ်လိၤအီ ထီလာ်န့ၣ်လီၤ. ဒီးစံးဘၣ်ယၤ, “ပှၤဟီၣ်ခိၣ်ဖိဧၢ, နၢ်ပၢၢ်တၢ်အခီပညီတက့ၢ်. တၢ်ထံၣ်လၢညါခီအံၤမ့ၢ်တၢ်ကမၤ အသးဘၣ်ဃးဟီၣ်ခိၣ်အကတၢၢ်န့ၣ်လီၤ.”

လံာ်ဒၤနံးယ့လး 8:18

ဖဲအဝဲဒၣ်ကတိၤတၢ်ဒီးယၤအဖၢမုၢ်န့ၣ်, ယလီၤဃံၤလၢဟီၣ်ခိၣ် လိၤသပ့ၤသူၣ်သပ့ၤသးန့ၣ်လီၤ. ဘၣ်ဆၣ်ဒီးအဝဲဝံၢ်ထီၣ်က့ၤယၤဒီးဒုးဆၢထၢၣ်က့ၤယၤလၢယခီၣ်အလိၤ,

လံာ်ဒၤနံးယ့လး 8:27

ဒီးယဲဒၣ်စီၤဒၤနံးယ့လးအံၤ, ယသးလီၤဘှါဒီးယဆူးယဆါ တ့ၢ်တဘျုးသီန့ၣ်လီၤ. အန့ၣ်ဝံၤဒီးယဆၢထၢၣ်ဒီးက့ၤကဒါ က့ၤဆူတၢ်မၤလၢစီၤပၤဟ့ၣ်မူဟ့ၣ်ဒါယၤန့ၣ်လီၤ. ဘၣ်ဆၣ်ဒီးယသးအိၣ်တတုၤလီၤတတီၤဘၣ်လၢတၢ်ထံၣ်လၢ ညါခီလၢတၢ်နၢ်ပၢၢ်အီၤတသ့ဘၣ်အဃိန့ၣ်လီၤ.

လံာ်ဒၤနံးယ့လး 9:21

ဖဲယဘါထုကဖၣ်ဒံးတၢ်အဖၢမုၢ်ဒီး, ကလူးကၤဘြံၤအ့လးလၢယထံၣ်ဘၣ် တ့ၢ်လၢတၢ်ထံၣ်လၢညါခီအခီၣ်ထံးတဘျီအပူၤ န့ၣ်ဟဲယူၤလီၤဆူယအိၣ်တၢ်အလီၢ်န့ၣ်လီၤ. အကတီၢ်န့ၣ်မ့ၢ်ဝဲတၢ်လုၢ်မၤဘူၣ်လၢဟါ ကဘၣ်တၢ်လုၢ်ထီၣ်အီၤအကတီၢ်န့ၣ်လီၤ.

လံာ်လူၤကၣ် 1:64

တဘျီဃီဖဲန့ၣ်စီၤစဃၤရံကတိၤတၢ်သ့ထီၣ်က့ၤဒီးအဝဲဒၣ် စံးထီၣ်ပတြၢၤကစၢ်ယွၤလီၤ.

လံာ်လူၤကၣ် 21:15

အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ.

လံာ်ယိၤဟၣ် 20:28

စီၤသိၤမါစံးဆၢယ့ၣ်ၡူး “ယကစၢ်ဒီးယကစၢ်ယွၤ” န့ၣ်လီၤ.

လံာ်စီၤယိၤၡူ 5:14

အဝဲစံးဆၢဝဲ, “တမ့ၢ်ဘၣ်. ယဟဲယဲဒ်ယွၤအသုးမုၢ်အခိၣ်တဂၤအသိးန့ၣ်လီၤ.” စီၤယိၤၡူထိၣ်လီၤပှီၤအသးလၢဟီၣ်ခိၣ်လိၤဒီးဘူၣ်ထီၣ်ဘါထီၣ် အီၤဒီးစံး, “ယမ့ၢ်နကုၢ်နပှၤလီၤကစၢ်ဧၢ, နသးအိၣ်လၢယကမၤတၢ်မနုၤလဲၣ်.”

လံာ်လီၣ်ဖျါ 1:13

ဒီးလၢအဝဲသ့ၣ်တဖၣ်အသိးအကျါန့ၣ်, ပှၤအိၣ်ဝဲတဂၤလၢအလီၤဂာ်ဒီးပှၤကညီတဂၤ, ကူသိးဆ့ကၤဖးထီတဘ့ၣ်လၢအလီၤတုၤလၢအခီၣ် ထံး, ဒီးကံၢ်တူာ်ယီၢ်တကိးထူလၢအသးနါပှၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 13:8

အန့ၣ်ဒီးစီၤမၤနိ ဘါထုကဖၣ်တၢ်ဆူယွၤအအိၣ်, “ယွၤဧၢ, ဝံသးစူၤဆှၢကဒါက့ၤကစၢ်ယွၤအပှၤကညီလၢနဆှၢတ့ၢ်ဆူ ပအိၣ်ဒီးတဲဘၣ်ပှၤတၢ်လၢပကဘၣ်မၤအီၤ ဖဲအဝဲအိၣ်ဖျဲၣ်ထီၣ်အကတီၢ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 6:13

စီၤကံးဒဧိၣ်စံးဘၣ်အီၤ, “တၢ်ဒိၣ်ဧၢ, ယွၤမ့ၢ်အိၣ်ဒီးပှၤ န့ၣ်ဘၣ်မနုၤကယဲၢ်တၢ်ခဲလၢာ်အံၤမၤအသးဒီးပှၤန့ၣ်လဲၣ်. ကယဲၢ်တၢ်လီၤလးတဖၣ်လၢပပၢ်တဖၣ်တဲပှၤဘၣ်ဃးယွၤထုးထီၣ် အဝဲသ့ၣ်လၢကီၢ်အဲၤကူပတူးအပူၤ, တၢ်လၢယွၤမၤညီနုၢ်အီၤတဖၣ်န့ၣ်မၤအသးဒ်လဲၣ်. ယွၤညိကွံာ်တ့ၢ်လံပှၤ, ဒီးပာ်လီၤတဲာ်ပှၤလၢပှၤမံးဒယၣ်ဖိတဖၣ်အတၢ်သးကညီၤအပူၤလံ.”

လံာ်ပှၤစံၣ်ညီၣ်ကွီၢ် 6:15

စီၤကံးဒဧိၣ်စံးဆၢဝဲဒၣ်, “ဘၣ်ဆၣ်ဒီးယအုၣ်က့ၤခီၣ်က့ၤအံၣ်စရ့လးကသံဒ်လဲၣ်. ယဒူၣ်ဖိထၢဖိမ့ၢ်ပှၤအဂံၢ်အဘါစၢ်ကတၢၢ်လၢမနၤၡ့ၤအဒူၣ်အကျါန့ၣ်လီၤ. ဒီးယမ့ၢ်ပှၤအဆံးကတၢၢ်လၢယဒူၣ်ဖိထၢဖိလၢအကါတဒိၣ်ဘၣ် အကျါန့ၣ်လီၤ.”