လံာ်ဒၤနံးယ့လး 10:12 - Sgaw Karen Common Bible

¹² အန့ၣ်ဝံၤဒီးအဝဲစံးဘၣ်ယၤ, “စီၤဒၤနံးယ့လးဧၢ, ပျံၤတၢ်တဂ့ၤ, ကစၢ်ယွၤနၢ်ဟူတ့ၢ်လံနတၢ်ထုကဖၣ်တဖၣ်, စးထီၣ်မုၢ်တနံၤလၢ နပာ်လီၤနသးဒ်သိးနကဆီၣ်လီၤနသးလၢနကဒိးန့ၢ်ဘၣ်တၢ် သ့ၣ်ညါနၢ်ပၢၢ်န့ၣ်လီၤ. ယဟဲယဲလၢတၢ်စံးဆၢနတၢ်ထုကဖၣ် အဂီၢ်လီၤ.

လံာ်ဒၤနံးယ့လး 10:12 Iomraidhean Croise

စံးထီၣ်ပတြၢၤ 69:10

တုၤယဆီၣ်လီၤယသးလၢတၢ်ဒုၣ်တၢ်အီၣ်န့ၣ် ကဲထီၣ်က့ၤဝဲလၢတၢ်ဒုၣ်ဒွဲၣ်ယၤန့ၣ်လီၤ.

လံာ်ယၡါယၤ 35:4

တဲဘၣ်ပှၤလၢအသးဟးဂီၤတ့ၢ်ကိးဂၤဒဲးန့ၣ်, “ပာ်ဆူၣ်သုသးဒီးပျံၤတၢ်တဂ့ၤ. ကစၢ်ယွၤဟဲဝဲလၢသုတၢ်ပူၤဖျဲးအဂီၢ် ဒီးလၢတၢ်စံၣ်ညီၣ်သုဒုၣ်သုဒါတဖၣ်အဂီၢ်လီၤ.”

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 58:9

ဖဲသုဃ့ဘါထုကဖၣ်တၢ်န့ၣ်, ယကစံးဆၢသုလီၤ. ဖဲသုကိးထီၣ်တၢ်ဆူယအိၣ်န့ၣ်, ယကဟ့ၣ်က့ၤတၢ်စံးဆၢလီၤ. သုမ့ၢ်ဆိကတီၢ်တၢ်မၤအၢမၤနး, တၢ်ဒုးနဲၣ်တၢ်သူၣ်က့ၣ်သးကါ တမံၤလၢ်လၢ်, ဒီးတၢ်ကတိၤအအၢအသီကိးထံၣ်ဒဲး,

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်ဒၤနံးယ့လး 10:11

မူခိၣ်ကလူးစံးဘၣ်ယၤ, “စီၤဒၤနံးယ့လးဧၢ, ကစၢ်ယွၤအဲၣ်နၤလီၤ. ဂဲၤဆၢထၢၣ်ဒီးဒိကနၣ်တၢ်လၢယစံးဘၣ်နၤလီၤတံၢ်လီၤဆဲးတက့ၢ်. ပှၤဆှၢလီၤတ့ၢ်ယၤဆူနအိၣ်လီၤ.” ဖဲအစံးဘၣ်ယၤဒ်န့ၣ်ဝံၤဒီးယ ဂဲၤဆၢထၢၣ်အိၣ်ဒံးလၢတၢ်ကနိးကစုာ်အဖၢမုၢ်လီၤ.

လံာ်ဒၤနံးယ့လး 10:19

ဒီးစံးဘၣ်ယၤ, “ကစၢ်ယွၤအဲၣ်နၤလီၤ. မၤသးဒ်န့ၣ်ဒီး ပျဲတၢ်မၤကိၢ်မၤဂီၤနၤမ့ၢ်ဂ့ၤတၢ်မၤပျံၤမၤဖုးနၤမ့ၢ်ဂ့ၤအိၣ်နီ တမံၤတဂ့ၤ.” ဖဲအစံးတၢ်အံၤဝံၤဒီး, မၤသးဒ်ယဂံၢ်ယဘါဆူၣ်ထီၣ်န့ၢ်အလီၢ်ဒီးယစံးဘၣ်အီၤ, “တၢ်ဒိၣ်ဧၢ, တဲဘၣ်ယၤတၢ်လၢနကဘၣ်တဲယၤန့ၣ်တက့ၢ်. နမၤဆူၣ်ထီၣ်က့ၤယၤလီၤ.”

လံာ်တၢ်ဘူၣ်ထီၣ်ဘါထီၣ် 16:29

တၢ်သိၣ်တၢ်ဘျၢလၢလာ်တဖၣ်အံၤန့ၣ်ကဘၣ်တၢ်ဒိကနၣ်မၤထွဲအီၤ အစိၤစိၤအဃၣ်ဃၣ်န့ၣ်လီၤ. လၢနွံလါတလါထီၣ်အသီ တဆံအနံၤန့ၣ်ပှၤအံၣ်စရ့လးဖိဒီးပှၤတခီဘီမုၢ် ဖိလၢအအိၣ်ဝဲဆိးဝဲလၢပှၤအံၣ်စရ့လးဖိအကျါခဲလၢာ်ကဘၣ်ဒုၣ်တၢ်အီၣ်ဒီး တဘၣ်ဖံးတၢ်မၤတၢ်နီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 16:31

ဒီးမုၢ်နံၤအဝဲန့ၣ်န့ၣ်ကဘၣ်မ့ၢ်မုၢ်နံၤစီဆှံလၢအဝဲသ့ၣ်ကဘၣ်ဒုၣ်တၢ်အီၣ်တၢ်အီ, ဒီးတဘၣ်ဖံးတၢ်မၤတၢ်နီတမံၤဘၣ်န့ၣ်လီၤ. ဒီးတၢ်သိၣ်တၢ်ဘျၢတဖၣ်အံၤကဘၣ်တၢ်ဒိကနၣ်မၤထွဲအီၤအစိၤစိၤအဃၣ်ဃၣ်န့ၣ်လီၤ.

လံာ်တၢ်ဂံၢ် 29:7

လၢလါနွံလါတလါထီၣ်အသီတဆံအနံၤန့ၣ်ပာ်ဖှိၣ်ထီၣ်သုသးလၢ တၢ်ဘူၣ်ထီၣ်ဘါထီၣ်ယွၤအဂီၢ်တက့ၢ်. အီၣ်တၢ်နီတမံၤတဂ့ၤ. ဒီးမၤတၢ်နီတမံၤတဂ့ၤ.

လံာ်မးသဲ 28:10

ယ့ၣ်ၡူးစံးဘၣ်အဝဲသ့ၣ်, “ပျံၤတၢ်တဂ့ၤ. လဲၤဒီးတဲဘၣ်ယဒီပုၢ်ဝဲၢ်တဖၣ်လၢအကလဲၤဆူကီၢ်ကၤလံၤလါဒီး ဖဲန့ၣ်အဝဲသ့ၣ်ကထံၣ်ဘၣ်ယၤလီၤ.”

လံာ်မးသဲ 28:5

ကလူးန့ၣ်စံးဘၣ်ပှၤပိာ်မုၣ်တဖၣ်န့ၣ်, “တဘၣ်ပျံၤတၢ်တဂ့ၤ. ယသ့ၣ်ညါလၢ သုဃုယ့ၣ်ၡူးလၢအဘၣ်တၢ်ပျၤထီအီၤလၢထူၣ်စုညါ န့ၣ်လီၤ.

လံာ်မၢ်ကူး 16:6

ဒီးအဝဲဒၣ်စံးဘၣ်အဝဲသ့ၣ်, “ပျံၤတၢ်တဂ့ၤ. သုဃုထံၣ်ပှၤနစၤရ့းဖိယ့ၣ်ၡူး, ပှၤလၢအဘၣ်တၢ်ပျၤထီအီၤလၢထူၣ်စုညါအလိၤတဂၤန့ၣ်လီၤ. အဝဲဒၣ်ဂဲၤဆၢထၢၣ်က့ၤလံ. တအိၣ်ဖဲအံၤလၢၤဘၣ်. ကွၢ်တက့ၢ်. အအံၤမ့ၢ်တၢ်လီၢ်လၢတၢ်ပာ်လီၤအီၤန့ၣ်လီၤ.

လံာ်လူၤကၣ် 1:13

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ စီၤစဃၤရံဧၢ, ကစၢ်ယွၤနၢ်ဟူလံနတၢ်ထုကဖၣ်လံ. ဒီးနမါနီၢ်အ့းလံၤစါဘ့းကဆံးစၢ်န့ၢ်နၤလၢဖိခွါတဂၤလီၤ. နကဘၣ်ယုၢ်န့ၢ်အမံၤလၢစီၤယိၤဟၣ်လီၤ.

လံာ်လူၤကၣ် 1:30

ကလူးန့ၣ်စံးဘၣ်အီၤ, “တဘၣ်ပျံၤတၢ်တဂ့ၤနီၢ်မၤရံဧၢ, ယွၤမၤဘျုးမၤဖှိၣ်လံနၤလံ.

လံာ်လူၤကၣ် 2:10

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ. ယဟဲဖဲအံၤ, အိၣ်ဒီးတၢ်ကစီၣ်အမုာ်လၢသုဂီၢ်, လၢအကဟဲစိာ်တၢ်သးခုအဒိၣ်အအါလၢပှၤကိးကလုာ်ဒဲး အဂီၢ်လီၤ.

လံာ်လူၤကၣ် 24:38

ဘၣ်ဆၣ်ဒီးအဝဲဒၣ်စံးဘၣ်အဝဲသ့ၣ်, “ဘၣ်မနုၤအဃိသုသူၣ်ပျံၤသးဖုးလဲၣ်. ဘၣ်မနုၤအဃိတၢ်သးဒ့ဒီတဖၣ်အံၤဟဲအိၣ်ထီၣ်လၢသုပူၤလဲၣ်.

မၤတၢ် 27:24

ဒီးစံးဘၣ်ယၤ, ‘စီၤပီလူးဧၢ, ပျံၤတၢ်တဂ့ၤ. နကဘၣ်ဂဲၤဆၢထၢၣ်ဒံးလၢစီၤပၤဖးဒိၣ်အမဲာ်ညါလီၤ. သတးဒီးကစၢ်ယွၤပျဲပူၤဖျဲးပှၤလၢအဒိးကဘီဒီးနၤကိးဂၤ ဒဲးလီၤ.’

လံာ်လီၣ်ဖျါ 1:17

ဖဲယထံၣ်အီၤန့ၣ်, ယလီၤဃံၤယဲဖဲအခီၣ်ထံးဒ်ပှၤသံတဂၤ အသိးလီၤ. အဝဲဒၣ်ပာ်ထီၣ်အစုထွဲလၢယလိၤဒီးစံးဝဲ, “ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ်လီၤ.”