လံာ်ဒၤနံးယ့လး 10:1 - Sgaw Karen Common Bible

¹ လၢစီၤပၤဖးဒိၣ်စီၤကိရ့ၣ်ပၢတၢ်လၢပၤရၣ်အဘီအမုၢ်သၢနံၣ် တနံၣ်အပူၤန့ၣ်, တၢ်ကစီၣ်တမံၤဘၣ်တၢ်လီၣ်ဖျါထီၣ် အီၤလၢစီၤဒၤနံးယ့လး, ပှၤလၢအဘၣ်တၢ်ကိးစ့ၢ် ကီးအီၤလၢစီၤဘ့ၤလးတၡါစၢ်, န့ၣ်လီၤ. တၢ်ကစီၣ်န့ၣ်မ့ၢ်အမ့ၢ် အတီဘၣ်ဆၣ်ဒီးတၢ်နၢ်ပၢၢ်အီၤကီဒိၣ်ဒိၣ်ကလဲာ်န့ၣ်လီၤ. တၢ်န့ၣ်ဘၣ်တၢ်တဲဖျါထီၣ်န့ၢ်အီၤလၢတၢ်ထံၣ်လၢညါခီအပူၤန့ၣ်လီၤ.

လံာ်ဒၤနံးယ့လး 10:1 Iomraidhean Croise

လံာ်တၢ်ကဲထီၣ်အခီၣ်ထံး 41:32

နတၢ်မံမီၢ်ဝံၤမံမီၢ်က့ၤခံဘျီအံၤအခီပညီမ့ၢ်ဝဲ, တၢ်ဂ့ၢ်အံၤဘၣ်တၢ်ပာ်ဂၢၢ်ပာ်ကျၢၤအီၤလၢကစၢ်ယွၤ, ဒီးတယံာ်ဘၣ်န့ၣ်အဝဲကဒုးကဲထီၣ်လိၣ်ထီၣ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:22

ဖဲကီၢ်ပၤရၣ်အစီၤပၤကိရ့ၣ်ပၢတၢ်အခီၣ်ထံးတနံၣ်အပူၤန့ၣ်, ယွၤမၤလၢထီၣ်ပှဲၤထီၣ်တၢ်လၢအစံးဘၣ်တ့ၢ်ဝဲခီဖျိဝံယံးရမံ ယၤန့ၣ်လီၤ. အဝဲထိၣ်ဟူးထိၣ်ဂဲၤစီၤကိရ့ၣ်အသးလၢကထုးထီၣ်ရၤလီၤတၢ်မၤ လိာ်လၢလာ်အံၤဒီးဆှၢလီၤအီၤခီဖျိတၢ်ကွဲးဒ်သိးကဘၣ်တၢ်ဖး သီၣ်ထီၣ်အီၤဒိၣ်ဒိၣ်လၢတၢ်လီၢ်တပူၤလၢ်လၢ်, လၢအဝဲအဘီအမုၢ်အပူၤအဂီၢ်န့ၣ်လီၤ.

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

လံာ်စီၤဧ့စြၤ 4:3

စီၤစရူၤဘၤဘ့လး, စီၤယိၤၡူဒီးဒူၣ်ထၢအခိၣ်တဖၣ်တဲဘၣ်အဝဲ သ့ၣ်, “ပတလိၣ်ဘၣ်သုတၢ်မၤစၢၤလၢတၢ်ဘှီထီၣ်တၢ်လုၢ်ဟံၣ်တ ဖျၢၣ်လၢယွၤ, ပကစၢ်ယွၤအဂီၢ်ဘၣ်. ပကဘှီထီၣ်ဒၣ်ပတၢ်ဒၣ်ဝဲဒ်ကီၢ်ပၤရၣ်အစီၤပၤစီၤကိရ့ၣ်မၤလိာ် တ့ၢ်ပှၤအသိးန့ၣ်လီၤ.”

လံာ်စီၤဧ့စြၤ 4:5

အဝဲသ့ၣ်ဟ့ၣ်ခိၣ်ဖးလာ်ဆှိးဆူကီၢ်ပၤရၣ်အပဒိၣ်ပပှၢ်တဖၣ်အအိၣ်ဒ် သိးကမၤတၢ်ထီဒါပှၤယူဒၤဖိန့ၣ်လီၤ. အဝဲသ့ၣ်မၤတၢ်အံၤတပယူာ်ဃီစးထီၣ်လၢစီၤပၤဖးဒိၣ်ကိရ့ၣ် အစိၤဒီးတုၤလီၤလၢစီၤပၤဖးဒိၣ်ဒၤရယါဝ့ၣ်အစိၤန့ၣ်လီၤ.

လံာ်စီၤဧ့စြၤ 6:14

ပှၤယူဒၤဖိအခိၣ်အနၢ်တဖၣ်မၤတၢ်လဲၤထီၣ်လဲၤထီဂ့ၤဂ့ၤလၢတၢ် ဘှီထီၣ်ကဒါက့ၤတၢ်လုၢ်ဟံၣ်အိၣ်ဒီးတၢ်ဟ့ၣ်ဂံၢ်ဟ့ၣ်ဘါအဝဲသ့ၣ် လၢဝံဃးကဲဒီးဝံစကၤရယၤတဖၣ်န့ၣ်လီၤ. အဝဲသ့ၣ်မၤဝံၤကွံာ်တၢ်လုၢ်ဟံၣ်ဒ်အဝဲသ့ၣ်ဘၣ်တၢ်မၤလိာ်တ့ၢ် အီၤလၢအံၣ်စရ့လးအကစၢ်ယွၤဒီးကီၢ်ပၤရၣ်အစီၤပၤဖးဒိၣ်တဖၣ် လၢအမ့ၢ်စီၤကိရ့ၣ်, စီၤဒၤရယါဝ့ၣ်ဒီးစီၤအၢ်တၤၡါၡတၤန့ၣ်လီၤ.

လံာ်စီၤဧ့စြၤ 6:3

“ဖဲစီၤပၤဖးဒိၣ်ကိရ့ၣ်ပၢတၢ်အခီၣ်ထံးတနံၣ်န့ၣ်အဝဲမၤလိာ် တ့ၢ်ဝဲလၢဝ့ၢ်ယရူၤၡလ့ၣ်အတၢ်လုၢ်ဟံၣ်ကဘၣ်တၢ်သူၣ်ထီၣ်ကဒါက့ၤ အီၤဒ်တၢ်လီၢ်တတီၤဖဲတၢ်လုၢ်တၢ်ပာ်တဖၣ်ဘၣ်တၢ်မၤအီၤ, ဒီးတၢ်မၤဘူၣ်တဖၣ်ဘၣ်တၢ်ဆိၣ်ကဲၤအီၤန့ၣ်လီၤ. တၢ်လုၢ်ဟံၣ်န့ၣ်ကဘၣ်ထီအပျၢ်ဃုဆံဒီးကဘၣ်လဲၢ်အပျၢ်ဃုဆံ န့ၣ်လီၤ.

လံာ်ယၡါယၤ 44:28

ယစံးဘၣ်စီၤပၤကိရ့ၣ်, နမ့ၢ်ပှၤတဂၤလၢကပၢတၢ်လၢယဂီၢ်လီၤ. နကမၤတၢ်လၢယအဲၣ်ဒိးလၢနကမၤအီၤန့ၣ်လီၤ. နကဟ့ၣ်လီၤနကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်က့ၤ အီၤ ဒီးတၢ်လုၢ်ဟံၣ်အခီၣ်ထံးတဖၣ်ကဘၣ်တၢ်ပာ်လီၤအီၤအဂီၢ်န့ၣ် လီၤ.”

လံာ်ဒၤနံးယ့လး 1:17

ကစၢ်ယွၤဟ့ၣ်လီၤတ့ၢ်ပှၤသးစၢ်လွံၢ်ဂၤန့ၣ်လၢတၢ်သ့ၣ်ညါဒီး တၢ်သ့တၢ်ဘၣ်ဘၣ်ဃးဒီးကယဲၢ်တၢ်မၤလိမၤဒိးဒီးတၢ်ဆိ ကမိၣ်အဒိၣ်အယိာ်အတၢ်ကူၣ်သ့န့ၣ်လီၤ. လၢတၢ်န့ၣ်တဖၣ်န့ၣ် အမဲာ်ညါကစၢ်ယွၤဟ့ၣ်လီၤတ့ၢ်စီၤဒၤနံးယ့လးတၢ်သ့တၢ်ဘၣ် လၢကတဲဖျါတၢ်ထံၣ်လၢညါခီဒီးတၢ်မံမီၢ်တဖၣ်အခီပညီ န့ၣ်လီၤ.

လံာ်ဒၤနံးယ့လး 1:21

စီၤဒၤနံးယ့လးမၤဒံးတၢ်လၢစီၤပၤအနီပူၤန့ၣ်တုၤလၢစီၤပၤ စီၤကိရ့ၣ်, ပၤရၣ်အစီၤပၤဖးဒိၣ်လၢအဟဲဒုးန့ၢ်ကီၢ်ဘၤဘူၤလိၣ်, ပၢတၢ်အခီၣ်ထံးတနံၣ်န့ၣ်လီၤ.

လံာ်ဒၤနံးယ့လး 1:7

စီၤပၤအပဒိၣ်ခိၣ်ကျၢၢ်ဟ့ၣ်က့ၤအဝဲသ့ၣ်လၢအမံၤအသီဒီး စီၤဒၤနံးယ့လးဘၣ်တၢ်ကိးအီၤလၢစီၤဘ့ၤလးတၡါစၢ်, စီၤဃနၤနယၤန့ၣ်လၢစီၤၡၤဒရး, စီၤမံၡအ့လးန့ၣ်လၢစီၤမ့ၤ ၡး, ဒီးစီၤဧစၤရယၤန့ၣ်လၢစီၤဧဘ့ၤဒနကိၤန့ၣ်လီၤ.

လံာ်ဒၤနံးယ့လး 10:14

ယဟဲတ့ၢ်ယဲဒ်သိးယကတဲနၢ်ပၢၢ်နၤလၢတၢ်ကမၤအသးဒီး နပှၤဂီၢ်မုၢ်လၢခါဆူညါအဂ့ၢ်န့ၣ်လီၤ. အအံၤမ့ၢ်တၢ်ထံၣ်လၢညါခီဘၣ်ဃးဒီးခါဆူညါအဂ့ၢ်န့ၣ်လီၤ.”

လံာ်ဒၤနံးယ့လး 11:2

ဒီးခဲအံၤယကဒုးနဲၣ်နၤလၢတၢ်မ့ၢ်တၢ်တီန့ၣ်လီၤ.” “ကွၢ်ကွၢ်, စီၤပၤအဂၤသၢဂၤကဟဲအိၣ်ထီၣ်ဒံးလၢကီၢ်ပၤရၣ်အပူၤ, ဒီးလွံၢ်ဂၤတဂၤန့ၣ်ကထူးတီၤဝဲအါန့ၢ်ဒံးအဝဲသ့ၣ်ခဲလၢာ်လီၤ. ဒီးဖဲအဂံၢ်အဘါဆူၣ်ထီၣ်ခီဖျိအတၢ်ထူးတၢ်တီၤန့ၣ်, ကတၤလိာ်အသးဒီးကြံး(စ်) အဘီအမုၢ်န့ၣ်လီၤ.

လံာ်ဒၤနံးယ့လး 12:4

မ့မ့ၢ်နဲဒၣ်အံၤစီၤဒၤနံးယ့လးဧၢ, ကးတံၢ်လံာ်န့ၣ်ဒီးပာ် တၢ်စဲပနီၣ်လၢအလိၤတုၤလၢတၢ်အကတၢၢ်မၤအသးန့ၣ်တက့ၢ်. ပှၤအါဂၤကလဲၤဆူအံၤဆူနုၤဒ်သိးဒီးအတၢ်သ့ၣ်ညါကအါ ထီၣ်န့ၣ်လီၤ.”

လံာ်ဒၤနံးယ့လး 12:9

အဝဲစံးဆၢဝဲဒၣ်, “စီၤဒၤနံးယ့လးဧၢ, နကဘၣ်က့ၤခဲအံၤလီၤ. အဂ့ၢ်ဒ်အံၤ, တၢ်ကတိၤတဖၣ်အံၤကဘၣ်တၢ်ကးတံၢ်ဒီးစဲပနီၣ် ဃာ်အီၤတုၤတၢ်အကတၢၢ်မၤအသးတစုန့ၣ်လီၤ.

လံာ်ဒၤနံးယ့လး 2:21

အဝဲပၢတၢ်ဆၢကတီၢ်ဒီးန့ဆၢၣ်အကတီၢ်တဖၣ်, သုးကွံာ်ဝဲဒီးပာ်ထီၣ်စီၤပၤတဖၣ်, ဟ့ၣ်လီၤဝဲတၢ်ကူၣ်သ့လၢပှၤကူၣ်တၢ်သ့ဒီးတၢ်သ့ၣ်ညါ လၢပှၤနၢ်ပၢၢ်တၢ်တဖၣ်န့ၣ်လီၤ.

လံာ်ဒၤနံးယ့လး 4:8

လၢခံကတၢၢ်န့ၣ်စီၤဒၤနံးယ့လး, လၢအဘၣ်တၢ်ယုၢ်က့ၤအမံၤ လၢဘ့ၤလးတၡါစၢ်ဒ်ယကစၢ်အမံၤအသိးန့ၣ်, ဟဲနုာ်ဆူ ယမဲာ်ညါလီၤ. ကစၢ်ယွၤလၢအစီဆှံတဂၤအသးအိၣ်လၢ အပူၤသတးဒီးယစံးဘၣ်အီၤတၢ်လၢယမံမီၢ်တ့ၢ်န့ၣ်လီၤ.

လံာ်ဒၤနံးယ့လး 5:12

အဝဲအိၣ်ဒီးတၢ်သ့တၢ်ဘၣ်လီၤဆီဒီးမ့ၢ်ပှၤကူၣ်သ့ဒီးပှၤအသ့ အဘၣ်လၢအဖးတၢ်မံမီၢ်တဖၣ်အခီပညီ, မၤဖျါထီၣ်တၢ်ပှိၤပှံ ပှိၤပှီၢ်တဖၣ်ဒီးတဲဖျါထီၣ်တၢ်ခူသူၣ်အဒိၣ်အယိာ်တဖၣ်သ့န့ၣ်လီၤ. မၤသးဒ်န့ၣ်ဒီး, မၤလိာ်လၢပှၤကလဲၤကိးန့ၢ်နၤစီၤဒၤနံးယ့လး လၢစီၤပၤယုၢ်တ့ၢ်အမံၤလၢစီၤဘ့ၤလးတၡါစၢ်န့ၣ်တက့ၢ်. ဒီးအဝဲကတဲဘၣ်နၤလၢတၢ်ခဲလၢာ်အံၤအခီပညီမ့ၢ်တၢ်မနုၤ လဲၣ်န့ၣ်လီၤ.”

လံာ်ဒၤနံးယ့လး 5:17

ဒီးစီၤဒၤနံးယ့လးစံးဆၢတၢ်လၢစီၤပၤအမဲာ်ညါ, “ပာ်နတၢ်ဟ့ၣ်တဖၣ်လၢနဂီၢ်ဒၣ်နဲမ့တမ့ၢ်ဒီးဟ့ၣ်အီၤဆူပှၤအဂၤ တဂၤအအိၣ်တက့ၢ်. ယကဖးန့ၢ်နဲဒၣ်စီၤပၤလၢတၢ်ကွဲးတ့ၢ် အသးဒီးတဲဘၣ်နၤလၢအခီပညီတဖၣ်န့ၣ်လီၤ.

လံာ်ဒၤနံးယ့လး 6:28

ဒီးစီၤဒၤနံးယ့လးဘီၣ်ထီၣ်ညီထီၣ်လၢစီၤပၤဒၤရယါဝ့ၣ်အတၢ်ပၢတၢ် ပြးဒီးကီၢ်ပၤရၣ်အစီၤပၤစီၤကိရ့ၣ်ပၢတၢ်အစိၤန့ၣ်လီၤ.

လံာ်ဒၤနံးယ့လး 8:16

ဒီးယနၢ်ဟူဘၣ်တၢ်ကလုၢ်ကိးစိဃီၤလၢအူလဲၤအထံကျိဖး ဒိၣ်ဒီးစံးဝဲဒၣ်, “ကၤဘြံၤအ့လးဧၢ, တဲဖျါထီၣ်အီၤတၢ်လၢအထံၣ်ဘၣ် တ့ၢ်ဝဲတဖၣ်အခီပညီတက့ၢ်.”

လံာ်ဒၤနံးယ့လး 8:26

တၢ်ထံၣ်လၢညါခီဘၣ်ဃးတၢ်လုၢ်တၢ်ပာ်တဖၣ်လၢမုၢ်ဟါ ဒီးမုၢ်ဂီၤအကတီၢ်တဖၣ်, လၢအဘၣ်တၢ်တဲဖျါထီၣ်အီၤဆူ နအိၣ်န့ၣ်ကလၢထီၣ်ပှဲၤထီၣ်ဝဲဒၣ်လီၤ. ဘၣ်ဆၣ်ဒီးတၢ်ဂ့ၢ်အံၤပာ်ခူသူၣ်အီၤခဲအံၤတက့ၢ်. အဂ့ၢ်ဒ်အံၤ, တချုးအလၢထီၣ်ပှဲၤထီၣ်ဒံးဘၣ်ဒီးတၢ်ဆၢကတီၢ်ယံာ်ဒံးဝဲလီၤ.”

လံာ်လူၤကၣ် 1:20

ဘၣ်ဆၣ်ဒီးယတၢ်ကစီၣ်လၢအကဟဲလၢထီၣ်ပှဲၤထီၣ်ဖဲဆၢ ကတီၢ်တုၤဃီၤအံၤန့ၣ်နတစူၢ်တနာ်နဲဒၣ်ဘၣ်. မ့ၢ်လၢနတစူၢ်တနာ်တၢ်အဃိ, နကအိၣ်တအုၣ်ဒီးအိၣ်ဘှ့ၣ်အိၣ်ဘှီၣ် တုၤဃီၤမုၢ်တနံၤဖဲ ယတၢ်အၢၣ်လီၤအီလီၤတၢ်ဒီးနၤဟဲလၢထီၣ်ပှဲၤထီၣ်ဝဲန့ၣ်လီၤ.”

လံာ်လီၣ်ဖျါ 19:9

တုၤနုၤတစုကလူးန့ၣ်စံးဘၣ်ယၤ, “ကွဲးလီၤတၢ်အဝဲအံၤတက့ၢ်. ပှၤတဖၣ်လၢအဘၣ်တၢ်ကွဲတ့ၢ်လံအီၤဆူသိဖိအတၢ်တ့တၢ်ဖျီ အမူးပူၤန့ၣ်ဘၣ်ဆိၣ်ဂ့ၤဝဲဒၣ်လီၤ.” ဒီးကလူးန့ၣ်တဲအါထီၣ်ဝဲ, “တၢ်သ့ၣ်တဖၣ်အံၤမ့ၢ်ဝဲကစၢ်ယွၤအကလုၢ်ကထါအမ့ၢ်အတီ တဖၣ်လီၤ.”