လံာ်ဒၤနံးယ့လး 1:6 - Sgaw Karen Common Bible

⁶ ပှၤလၢအဘၣ်တၢ်ဃုထၢတ့ၢ်အီၤတဖၣ်အကျါန့ၣ်မ့ၢ်ဝဲစီၤဒၤနံးယ့လး, စီၤဃနၤနယၤ, စီၤမံၡအ့လးဒီးစီၤဧစၤရယၤန့ၣ်လီၤ. အဝဲသ့ၣ်ခဲလၢာ်န့ၣ်ဟဲထီၣ်လၢယူဒၤအဒူၣ်အပူၤလီၤ.

လံာ်ဒၤနံးယ့လး 1:6 Iomraidhean Croise

လံာ်ယဃ့းစက့လး 14:14

ပှၤသၢဂၤလၢအမ့ၢ်ဝဲစီၤနိအၤ, စီၤဒၤနံးယ့လး, စီၤယိၤဘးမ့ၢ်အိၣ်မ့ၢ်ဆိးဖဲန့ၣ်ဒၣ်လဲာ်, အဝဲသ့ၣ်အတၢ်ဂ့ၤတၢ်ဝါကအုၣ်က့ၤခီၣ်က့ၤဒၣ်ထဲအဝဲသ့ၣ်အသးသမူ ဒၣ်ဝဲဧိၤန့ၣ်လီၤ. ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လီၤ.

လံာ်ယဃ့းစက့လး 14:20

စီၤနိအၤ, စီၤဒၤနံးယ့လး, စီၤယိၤဘးမ့ၢ်အိၣ်မ့ၢ်ဆိးဖဲန့ၣ်ဒၣ်လဲာ်, ယၤ, ယွၤပၢဘၣ်တၢ်ခဲလၢာ်ကစၢ်ဒ်ယမ့ၢ်ကစၢ်ယွၤလၢအမူဝဲတဂၤအသိး, ယစံးယဲ, ပှၤသၢဂၤန့ၣ်အုၣ်က့ၤခီၣ်က့ၤအဖိဒၣ်ဝဲ တဖၣ်ဒၣ်လဲာ်တသ့ဘၣ်. အဝဲသ့ၣ်အတၢ်ဂ့ၤတၢ်ဝါအုၣ်က့ၤခီၣ်က့ၤ ကသ့ဒၣ်ထဲအသးသမူဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 28:3

နဆိကမိၣ်လၢ နကူၣ်တၢ်သ့ဒိၣ်န့ၢ်ဒံးစီၤဒၤနံးယ့လးတက့ၢ်, ဒီးတၢ်ခူသူၣ်အိၣ်တဒၢလၢ နမဲာ်ညါတသ့နီတမံၤဘၣ်န့ၣ်လီၤ.

လံာ်ဒၤနံးယ့လး 1:19

ဒီးစီၤပၤကတိၤတ့ၢ်တၢ်ဒီးအဝဲသ့ၣ်ခဲလၢာ်ဒီးစီၤဒၤနံးယ့လး, စီၤဃနၤနယၤ, စီၤမံၡအ့လးဒီးစီၤဧစၤရယၤထုးန့ၢ်တ့ၢ် စီၤပၤအသးဒိၣ်န့ၢ်ဒံးပှၤအဂၤတဂၤလၢ်လၢ်န့ၣ်လီၤ. လၢတၢ်န့ၣ်အဃိအဝဲသ့ၣ်ဘၣ်တၢ်ဂံၢ်ဃုာ်အီၤလၢပှၤကူၣ်လိာ် တၢ်တဖၣ်အကျါလၢစီၤပၤအနီပူၤန့ၣ်လီၤ.

လံာ်ဒၤနံးယ့လး 2:17

အန့ၣ်ဝံၤဒီးစီၤဒၤနံးယ့လးက့ၤဝဲဆူအဟံၣ်ဒီးတဲဘၣ်အတံၤသကိး စီၤဃနၤနယၤ, စီၤမံၡအ့လး, ဒီးစီၤဧစၤရယၤလၢတၢ်မၤတ့ၢ် အသးတဖၣ်န့ၣ်လီၤ.

လံာ်ဒၤနံးယ့လး 2:25

စီၤအၤရယိးလဲၤကိးစီၤဒၤနံးယ့လးဆူစီၤပၤနဘူၤကးန့စၢ်အမဲာ် ညါတဘျီဃီဒီးစံးဘၣ်စီၤပၤ, “ယထံၣ်န့ၢ်တ့ၢ်ပှၤတဂၤလၢ ပှၤယူဒၤဖိဘၣ်တၢ်စိာ်မၢကဲကုၢ်အီၤတဖၣ်အကျါလၢအစံး ဘၣ်တဲဘၣ်စီၤပၤအတၢ်မံမီၢ်အခီအပညီသ့ဝဲဒၣ်န့ၣ်လီၤ.”

လံာ်ဒၤနံးယ့လး 5:13

တုၤနုၤတစုစီၤဒၤနံးယ့လးဘၣ်တၢ်ဆှၢထီၣ်အီၤဆူစီၤပၤအမဲာ် ညါတဘျီဃီန့ၣ်လီၤ. ဒီးစီၤပၤတဲဘၣ်အီၤ, “နမ့ၢ်စီၤဒၤနံးယ့လး, ပှၤယူဒၤဖိတဂၤ, လၢပှၤဘၣ်တၢ်စိာ်မၢကဲကုၢ်အီၤအကျါ လၢယပၢ်ဟဲက့ၤကိးအီၤလၢကီၢ်ယူဒၤန့ၣ်ဧါ.

လံာ်ဒၤနံးယ့လး 6:14

ဖဲစီၤပၤနၢ်ဟူဘၣ်တ့ၢ်တၢ်အံၤဒီးအသူၣ်ကိၢ်သးဂီၤဝဲဒီးပာ်လီၤ အသးလၢကဃုထံၣ်န့ၢ်ကျဲတဘိဘိဒ်သိးကမၤပူၤဖျဲးစီၤဒၤ နံးယ့လးန့ၣ်လီၤ. ကျဲးစၢးဝဲသပှၢ်ပှၢ်တုၤမုၢ်လီၤနုာ်တစုန့ၣ်လီၤ.

လံာ်မးသဲ 24:15

တၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ်, လၢစီၤဒၤနံးယ့လးကတိၤတ့ၢ်လၢအဂ့ၢ်န့ၣ်, သုကထံၣ်အအိၣ်ဆၢထၢၣ်လၢတၢ်စီဆှံအလီၢ်လီၤ. (ပှၤဖးတၢ်ဖိမ်အနၢ်ပၢၢ်တၢ်အံၤအခီပညီတက့ၢ်.)

လံာ်မၢ်ကူး 13:14

သုဝဲသ့ၣ်သုကထံၣ်ဘၣ်တၢ်မၤလီၤပျံၤလီၤဖုးတၢ်လၢအလီၤ သးဘၣ်အၢဒိၣ်ဒိၣ်ကလဲာ်န့ၣ်အိၣ်ဝဲလၢတၢ်လီၢ်လၢအတကြၢး အိၣ်ဝဲဘၣ်န့ၣ်လီၤ. (ပှၤဖးတၢ်ဖိတဂၤကဘၣ်နၢ်ပၢၢ်တၢ်တမံၤအံၤ အခီပညီသပှၢ်ကတၢၢ်လီၤ.) အန့ၣ်တစုပှၤအိၣ်လၢကီၢ်ယူဒၤပူၤ တဖၣ်ကဘၣ်ဃ့ၢ်ပူၤဖျဲးအသးဆူကစၢၢ်ကလိတဖၣ်အကျါလီၤ.