လံာ်ဒၤနံးယ့လး 1:5 - Sgaw Karen Common Bible

⁵ ဒီးစီၤပၤမၤလိာ်တ့ၢ်စ့ၢ်ကီးလၢပှၤသးစၢ်တဖၣ်အံၤကဘၣ်တၢ်ဒုး အီၣ်ဒုးအီအီၤကိးနံၤဒဲးတမံၤဃီဒ်စီၤပၤအတၢ်အီၣ်ဒီးစပံး ထံလၢစီၤပၤအီဝဲတဖၣ်အသိးန့ၣ်လီၤ. တုၤတၢ်သိၣ်လိမၤယုၤ အဝဲသ့ၣ်သၢနံၣ်ဝံၤအလီၢ်ခံန့ၣ်ကဘၣ်တၢ်ပာ်ဖျါထီၣ်အီၤဆူ စီၤပၤအမဲာ်ညါန့ၣ်လီၤ.

လံာ်ဒၤနံးယ့လး 1:5 Iomraidhean Croise

လံာ်တၢ်ကဲထီၣ်အခီၣ်ထံး 41:46

စီၤယိၤသးအသးအိၣ်အနံၣ်သၢဆံဖဲအစးထီၣ်မၤတၢ်လၢကီၢ်အဲၤကူ ပတူးအစီၤပၤအဂီၢ်န့ၣ်လီၤ. ဒီးစီၤယိၤသးဟးထီၣ်လၢစီၤပၤအနူၢ်ပူၤစီၤပူၤဒီးလဲၤတၢ် လၢကီၢ်အဲၤကူပတူးဒီဘ့ၣ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:8

နမါတဖၣ်အတၢ်ဘူၣ်တၢ်တီၢ်ဂ့ၤနးလဲၣ်. ဒီးနခ့နပှၤတဖၣ်လၢအအိၣ်လၢနမဲာ်ညါထီဘိဒီးအိၣ်ဒီးတၢ်ခွဲး တၢ်ယာ်လၢကနၢ်ဟူဘၣ်နတၢ်ကူၣ်သ့အတၢ်ကတိၤတဖၣ်န့ၣ်, အတၢ်ဘူၣ်တၢ်တီၢ်ဂ့ၤနးလဲၣ်.

လံာ်စီၤပၤခံဘ့ၣ်တဘ့ၣ် 25:30

ဖဲအဝဲအိၣ်မူဒံးဝဲအခါန့ၣ်ကိးနံၤဒဲး, အဝဲဘၣ်တၢ်ဟ့ၣ်အီၤတၢ်မၤစၢၤဘၣ်ဆၢဘၣ်ကတီၢ်လၢတနံၤဘၣ်တနံၤ အဂီၢ်, လၢအဝဲအတၢ်လိၣ်တဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:7

ပှၤတဖၣ်လၢအမၤန့ၢ်နၤတၢ်, ပှၤတဖၣ်လၢထီဘိအိၣ်လၢနမဲာ်ညါ, ဒီးအိၣ်ဒီးတၢ်ခွဲးတၢ်ယာ်လၢကနၢ်ဟူဘၣ်နတၢ်ကူၣ်သ့အတၢ်ကတိၤ တဖၣ်န့ၣ်, အဘူၣ်အတီၢ်ဂ့ၤမးလဲၣ်.

တၢ်ကတိၤဒိ. 23:3

သးကွံတၢ်အီၣ်လၢအပာ်လီၤန့ၢ်နၤန့ၣ်တဂ့ၤ. ဘၣ်သ့ၣ်သ့ၣ်ကမ့ၢ်တၢ်အီၣ်လၢကူၣ်လီန့ၢ်နၤအဂီၢ်လီၤ.

လံာ်ယံးရမံယၤ 15:19

တၢ်ဂ့ၢ်အံၤယွၤစံးဆၢက့ၤဝဲဒ်အံၤ, “နမ့ၢ်ဟဲက့ၤကဒါက့ၤဒီး, ယကဟံးန့ၢ်က့ၤနၤ, ဒီးနကကဲထီၣ်က့ၤကဒီးယခ့ယပှၤန့ၣ်လီၤ. လၢနကကတိၤတၢ်နါစိၤနါပြာ်တၢ်အလီၢ် နမ့ၢ်တဲဖျါတၢ်ကစီၣ်လၢအလုၢ်အပှ့ၤအိၣ်ဒီး, နကမ့ၢ်က့ၤကဒီးယဝံန့ၣ်လီၤ. ပှၤဂီၢ်မုၢ်ကဟဲက့ၤကဒါက့ၤဆူနအိၣ်ဒီးတလိၣ် နလဲၤဆူအဝဲသ့ၣ်အအိၣ်န့ၣ်ဘၣ်.

လံာ်ဒၤနံးယ့လး 1:19

ဒီးစီၤပၤကတိၤတ့ၢ်တၢ်ဒီးအဝဲသ့ၣ်ခဲလၢာ်ဒီးစီၤဒၤနံးယ့လး, စီၤဃနၤနယၤ, စီၤမံၡအ့လးဒီးစီၤဧစၤရယၤထုးန့ၢ်တ့ၢ် စီၤပၤအသးဒိၣ်န့ၢ်ဒံးပှၤအဂၤတဂၤလၢ်လၢ်န့ၣ်လီၤ. လၢတၢ်န့ၣ်အဃိအဝဲသ့ၣ်ဘၣ်တၢ်ဂံၢ်ဃုာ်အီၤလၢပှၤကူၣ်လိာ် တၢ်တဖၣ်အကျါလၢစီၤပၤအနီပူၤန့ၣ်လီၤ.

လံာ်ဒၤနံးယ့လး 1:8

စီၤဒၤနံးယ့လးပာ်လီၤအသးလၢအသုတမၤဘၣ်အၢလီၤအသး ခီဖျိတၢ်အီၣ်စီၤပၤအတၢ်အီၣ်ဒီးအီစပံးထံလၢစီၤပၤအီဝဲဘၣ် အဃိ, ဃ့ကညးဝဲစီၤအၤၡပနးလၢကမၤစၢၤအီၤ,

လံာ်မးသဲ 6:11

တနံၤဘၣ်တနံၤအတၢ်အီၣ်လၢပဒိးန့ၢ်ဘၣ်အလီၢ်အိၣ်န့ၣ်, ဟ့ၣ်လီၤလၢ်ဘၣ်ပှၤတနံၤအံၤတက့ၢ်.

လံာ်လူၤကၣ် 1:19

“ယဲဒၣ်အံၤယမ့ၢ်ကၤဘြံၤအ့လးလီၤ,” ကလူးစံးဆၢအီၤ, “ယဆၢထၢၣ်လၢယွၤအမဲာ်ညါဒီးအဝဲဒၣ် ဆှၢလီၤယၤဒ်သိးယကကတိၤတၢ်ဒီးနၤဒီးစံးဘၣ်တဲဘၣ်နၤ လၢတၢ်သးခုကစီၣ်တမံၤအံၤန့ၣ်လီၤ.

လံာ်လူၤကၣ် 11:3

ဟ့ၣ်ပှၤတနံၤဘၣ်တနံၤအတၢ်အီၣ်လၢ ပလိၣ်ဘၣ်အီၤန့ၣ်တက့ၢ်.

လံာ်လူၤကၣ် 21:36

ဆိးသီဒီးဘါထုကဖၣ်သုဝဲထီဘိဒ်သိးသုကအိၣ်ဒီးတၢ်ဂံၢ်တၢ်ဘါလၢသု ကလဲၤခီဖျိတၢ်လၢအကမၤအသးတဖၣ်အံၤခဲလၢာ်ဂ့ၤဂ့ၤဘၣ်ဘၣ် ဒီးလၢသုကဆၢထၢၣ်လၢပှၤကညီဖိခွါအမဲာ်ညါအဂီၢ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 16:22

အန့ၣ်ဝံၤဒီးစီၤစီလူးဆှၢလီၤတၢ်ကစီၣ်တမံၤဆူစီၤယံးၡဲအအိၣ်, “ယဘၣ်သူၣ်ဘၣ်သးလၢစီၤဒၤဝံးလီၤ. ပျဲအအိၣ်ဖဲအံၤလၢယတၢ်ဖံးတၢ်မၤအပူၤတက့ၢ်.”