လံာ်ဒၤနံးယ့လး 1:19 - Sgaw Karen Common Bible

¹⁹ ဒီးစီၤပၤကတိၤတ့ၢ်တၢ်ဒီးအဝဲသ့ၣ်ခဲလၢာ်ဒီးစီၤဒၤနံးယ့လး, စီၤဃနၤနယၤ, စီၤမံၡအ့လးဒီးစီၤဧစၤရယၤထုးန့ၢ်တ့ၢ် စီၤပၤအသးဒိၣ်န့ၢ်ဒံးပှၤအဂၤတဂၤလၢ်လၢ်န့ၣ်လီၤ. လၢတၢ်န့ၣ်အဃိအဝဲသ့ၣ်ဘၣ်တၢ်ဂံၢ်ဃုာ်အီၤလၢပှၤကူၣ်လိာ် တၢ်တဖၣ်အကျါလၢစီၤပၤအနီပူၤန့ၣ်လီၤ.

လံာ်ဒၤနံးယ့လး 1:19 Iomraidhean Croise

လံာ်တၢ်ကဲထီၣ်အခီၣ်ထံး 41:46

စီၤယိၤသးအသးအိၣ်အနံၣ်သၢဆံဖဲအစးထီၣ်မၤတၢ်လၢကီၢ်အဲၤကူ ပတူးအစီၤပၤအဂီၢ်န့ၣ်လီၤ. ဒီးစီၤယိၤသးဟးထီၣ်လၢစီၤပၤအနူၢ်ပူၤစီၤပူၤဒီးလဲၤတၢ် လၢကီၢ်အဲၤကူပတူးဒီဘ့ၣ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

တၢ်ကတိၤဒိ. 22:29

ဒုးနဲၣ်ယၤပှၤတဂၤလၢအမၤတၢ်မၤအဂ့ၤတမံၤန့ၣ်တက့ၢ်. ဒီးယကဒုးနဲၣ်နၤပှၤတဂၤလၢအဂ့ၤန့ၢ်ဒံးပှၤအါတက့ၢ်ဒီးကြၢး ဒီးစီၤပၤတဖၣ်အတၢ်ရ့လိာ်မုာ်လိာ်န့ၣ်လီၤ.

လံာ်ယံးရမံယၤ 15:19

တၢ်ဂ့ၢ်အံၤယွၤစံးဆၢက့ၤဝဲဒ်အံၤ, “နမ့ၢ်ဟဲက့ၤကဒါက့ၤဒီး, ယကဟံးန့ၢ်က့ၤနၤ, ဒီးနကကဲထီၣ်က့ၤကဒီးယခ့ယပှၤန့ၣ်လီၤ. လၢနကကတိၤတၢ်နါစိၤနါပြာ်တၢ်အလီၢ် နမ့ၢ်တဲဖျါတၢ်ကစီၣ်လၢအလုၢ်အပှ့ၤအိၣ်ဒီး, နကမ့ၢ်က့ၤကဒီးယဝံန့ၣ်လီၤ. ပှၤဂီၢ်မုၢ်ကဟဲက့ၤကဒါက့ၤဆူနအိၣ်ဒီးတလိၣ် နလဲၤဆူအဝဲသ့ၣ်အအိၣ်န့ၣ်ဘၣ်.

လံာ်ဒၤနံးယ့လး 1:18

လၢသၢနံၣ်အကတၢၢ်ဒ်စီၤပၤပာ်လီၤတ့ၢ်တၢ်ဆၢကတီၢ်အသိးန့ၣ် စီၤအၤၡပနးလဲၤဆှၢထီၣ်ပှၤသးစၢ်ခဲလၢာ်ဆူစီၤပၤနဘူၤကးန့စၢ် အမဲာ်ညါန့ၣ်လီၤ.

လံာ်ဒၤနံးယ့လး 1:4

ပှၤသးစၢ်တဖၣ်အံၤကဘၣ်မ့ၢ်ပှၤဒိၣ်တၢ်ဂ့ၤ, ပှၤအိၣ်ဒီးတၢ်ကူၣ်တၢ်ဆး, ပှၤအိၣ်ဒီးတၢ်သ့ၣ်ညါ, ပှၤမၤလိန့ၢ်တၢ်ချ့, ဒီးမဲၣ်သူမဲၣ်ဂီၤတအိၣ်ဘၣ် လၢအလိၤဒ်သိးကကြၢးဒီးတၢ်ဖံးတၢ်မၤလၢစီၤလိၣ် စီၤပၤအနီပူၤအဂီၢ်န့ၣ်လီၤ. စီၤအၤၡပနးကဘၣ် သိၣ်လိအဝဲသ့ၣ်လၢကသ့ဖး, သ့ကွဲးကီၢ်ဘၤဘူၤလိၣ်အကျိာ် ဒီးအလံာ်အလဲၢ်န့ၣ်လီၤ.

လံာ်ဒၤနံးယ့လး 1:5

ဒီးစီၤပၤမၤလိာ်တ့ၢ်စ့ၢ်ကီးလၢပှၤသးစၢ်တဖၣ်အံၤကဘၣ်တၢ်ဒုး အီၣ်ဒုးအီအီၤကိးနံၤဒဲးတမံၤဃီဒ်စီၤပၤအတၢ်အီၣ်ဒီးစပံး ထံလၢစီၤပၤအီဝဲတဖၣ်အသိးန့ၣ်လီၤ. တုၤတၢ်သိၣ်လိမၤယုၤ အဝဲသ့ၣ်သၢနံၣ်ဝံၤအလီၢ်ခံန့ၣ်ကဘၣ်တၢ်ပာ်ဖျါထီၣ်အီၤဆူ စီၤပၤအမဲာ်ညါန့ၣ်လီၤ.

လံာ်ဒၤနံးယ့လး 1:6

ပှၤလၢအဘၣ်တၢ်ဃုထၢတ့ၢ်အီၤတဖၣ်အကျါန့ၣ်မ့ၢ်ဝဲစီၤဒၤနံးယ့လး, စီၤဃနၤနယၤ, စီၤမံၡအ့လးဒီးစီၤဧစၤရယၤန့ၣ်လီၤ. အဝဲသ့ၣ်ခဲလၢာ်န့ၣ်ဟဲထီၣ်လၢယူဒၤအဒူၣ်အပူၤလီၤ.

လံာ်ဒၤနံးယ့လး 1:7

စီၤပၤအပဒိၣ်ခိၣ်ကျၢၢ်ဟ့ၣ်က့ၤအဝဲသ့ၣ်လၢအမံၤအသီဒီး စီၤဒၤနံးယ့လးဘၣ်တၢ်ကိးအီၤလၢစီၤဘ့ၤလးတၡါစၢ်, စီၤဃနၤနယၤန့ၣ်လၢစီၤၡၤဒရး, စီၤမံၡအ့လးန့ၣ်လၢစီၤမ့ၤ ၡး, ဒီးစီၤဧစၤရယၤန့ၣ်လၢစီၤဧဘ့ၤဒနကိၤန့ၣ်လီၤ.

လံာ်ဒၤနံးယ့လး 2:13

မၤသးဒ်န့ၣ်ဒီး, တုၤတၢ်ကလုၢ်လီၤဝဲလၢပှၤဟ့ၣ် ကူၣ်တၢ်တဖၣ်ကဘၣ်တၢ်မၤသံကွံာ်အီၤခဲလၢာ်န့ၣ်စီၤဒၤနံးယ့လးဒီး အတံၤသကိးတဖၣ်စ့ၢ်ကီးဘၣ်တၢ်ဃုအီၤလၢတၢ် ကမၤသံအီၤအဂီၢ်န့ၣ်လီၤ.

လံာ်ဒၤနံးယ့လး 3:29

ဒီးခဲကနံၣ်အံၤ, ယခါလီၤယကလုၢ်လၢကယဲၢ်ပှၤတဂၤလၢ်လၢ် လၢထံကီၢ်တဘ့ၣ်လၢ်လၢ်အကျါမ့ၢ်ဂ့ၤ, ပှၤတကလုာ်လၢ်လၢ်အကျါမ့ၢ်ဂ့ၤ, ပှၤကတိၤကျိာ်တကျိာ်လၢ်လၢ်အကျါမ့ၢ်ဂ့ၤ, မ့ၢ်ကတိၤထီဒါစီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤလၢတၢ်တယူးတယီၣ်ဘၣ် အပူၤန့ၣ်ကဘၣ်တၢ်ဒီၣ်တဲာ်ကွံာ်အီၤတကူာ်တကူာ်, ဒီးအ ဟံၣ်ကကဲထီၣ်တၢ်ဟးဂီၤတဖၣ်အတၢ်ပာ်ဖှိၣ်န့ၣ်လီၤ. အဂ့ၢ်ဒ်အံၤ, ကစၢ်အဂၤလၢအကမၤပူၤဖျဲးတၢ်ဒ်သိးအံၤတအိၣ် ဘၣ်နီတဂၤဘၣ်.”