လံာ်ဒၤနံးယ့လး 1:18 - Sgaw Karen Common Bible

¹⁸ လၢသၢနံၣ်အကတၢၢ်ဒ်စီၤပၤပာ်လီၤတ့ၢ်တၢ်ဆၢကတီၢ်အသိးန့ၣ် စီၤအၤၡပနးလဲၤဆှၢထီၣ်ပှၤသးစၢ်ခဲလၢာ်ဆူစီၤပၤနဘူၤကးန့စၢ် အမဲာ်ညါန့ၣ်လီၤ.

လံာ်ဒၤနံးယ့လး 1:18 Iomraidhean Croise

လံာ်ဒၤနံးယ့လး 1:17

ကစၢ်ယွၤဟ့ၣ်လီၤတ့ၢ်ပှၤသးစၢ်လွံၢ်ဂၤန့ၣ်လၢတၢ်သ့ၣ်ညါဒီး တၢ်သ့တၢ်ဘၣ်ဘၣ်ဃးဒီးကယဲၢ်တၢ်မၤလိမၤဒိးဒီးတၢ်ဆိ ကမိၣ်အဒိၣ်အယိာ်အတၢ်ကူၣ်သ့န့ၣ်လီၤ. လၢတၢ်န့ၣ်တဖၣ်န့ၣ် အမဲာ်ညါကစၢ်ယွၤဟ့ၣ်လီၤတ့ၢ်စီၤဒၤနံးယ့လးတၢ်သ့တၢ်ဘၣ် လၢကတဲဖျါတၢ်ထံၣ်လၢညါခီဒီးတၢ်မံမီၢ်တဖၣ်အခီပညီ န့ၣ်လီၤ.

လံာ်ဒၤနံးယ့လး 1:19

ဒီးစီၤပၤကတိၤတ့ၢ်တၢ်ဒီးအဝဲသ့ၣ်ခဲလၢာ်ဒီးစီၤဒၤနံးယ့လး, စီၤဃနၤနယၤ, စီၤမံၡအ့လးဒီးစီၤဧစၤရယၤထုးန့ၢ်တ့ၢ် စီၤပၤအသးဒိၣ်န့ၢ်ဒံးပှၤအဂၤတဂၤလၢ်လၢ်န့ၣ်လီၤ. လၢတၢ်န့ၣ်အဃိအဝဲသ့ၣ်ဘၣ်တၢ်ဂံၢ်ဃုာ်အီၤလၢပှၤကူၣ်လိာ် တၢ်တဖၣ်အကျါလၢစီၤပၤအနီပူၤန့ၣ်လီၤ.

လံာ်ဒၤနံးယ့လး 1:5

ဒီးစီၤပၤမၤလိာ်တ့ၢ်စ့ၢ်ကီးလၢပှၤသးစၢ်တဖၣ်အံၤကဘၣ်တၢ်ဒုး အီၣ်ဒုးအီအီၤကိးနံၤဒဲးတမံၤဃီဒ်စီၤပၤအတၢ်အီၣ်ဒီးစပံး ထံလၢစီၤပၤအီဝဲတဖၣ်အသိးန့ၣ်လီၤ. တုၤတၢ်သိၣ်လိမၤယုၤ အဝဲသ့ၣ်သၢနံၣ်ဝံၤအလီၢ်ခံန့ၣ်ကဘၣ်တၢ်ပာ်ဖျါထီၣ်အီၤဆူ စီၤပၤအမဲာ်ညါန့ၣ်လီၤ.

လံာ်ဒၤနံးယ့လး 2:16

ဒီးစီၤဒၤနံးယ့လးလဲၤဝဲတဘျီဃီဆူစီၤပၤအအိၣ်ဒီးဃ့န့ၢ်တၢ် ပျဲလၢကန့ၢ်အါထီၣ်တၢ်ဆၢကတီၢ်ဒ်သိးဖးန့ၢ်စီၤပၤလၢအတၢ် မံမီၢ်အခီပညီကသ့အဂီၢ်န့ၣ်လီၤ.