လံာ်ဒၤနံးယ့လး 1:17 - Sgaw Karen Common Bible

¹⁷ ကစၢ်ယွၤဟ့ၣ်လီၤတ့ၢ်ပှၤသးစၢ်လွံၢ်ဂၤန့ၣ်လၢတၢ်သ့ၣ်ညါဒီး တၢ်သ့တၢ်ဘၣ်ဘၣ်ဃးဒီးကယဲၢ်တၢ်မၤလိမၤဒိးဒီးတၢ်ဆိ ကမိၣ်အဒိၣ်အယိာ်အတၢ်ကူၣ်သ့န့ၣ်လီၤ. လၢတၢ်န့ၣ်တဖၣ်န့ၣ် အမဲာ်ညါကစၢ်ယွၤဟ့ၣ်လီၤတ့ၢ်စီၤဒၤနံးယ့လးတၢ်သ့တၢ်ဘၣ် လၢကတဲဖျါတၢ်ထံၣ်လၢညါခီဒီးတၢ်မံမီၢ်တဖၣ်အခီပညီ န့ၣ်လီၤ.

လံာ်ဒၤနံးယ့လး 1:17 Iomraidhean Croise

လံာ်စီၤပၤအခီၣ်ထံးတဘ့ၣ် 3:12

ယကမၤတၢ်လၢနဃ့တ့ၢ်အီၤန့ၣ်လီၤ. ယကဟ့ၣ်အါထီၣ်နၤတၢ်ကူၣ်သ့ဒီးတၢ်သ့ၣ်ညါနၢ်ပၢၢ်အါန့ၢ်ဒံးပှၤ တဂၤလၢ်လၢ်မၤန့ၢ်တ့ၢ်ဝဲလၢညါမ့ၢ်ဂ့ၤ, ကမၤန့ၢ်ကဒီးဝဲ ဆူညါမ့ၢ်ဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:10

သတးဒီးဟ့ၣ်ယၤတၢ်ကူၣ်သ့ဒီးတၢ်သ့ၣ်ညါလၢယလိၣ်ဘၣ်အီၤဒ်သိး ယကပၢတၢ်လၢအဝဲသ့ၣ်အဖီခိၣ်န့ၣ်တက့ၢ်. မ့တမ့ၢ်ဒ်န့ၣ်ဘၣ်ဒီး, ယပၢနပှၤဂီၢ်မုၢ်ဖးဒိၣ်အံၤကသ့တစုစုဒ်လဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 1:12

ယကဟ့ၣ်လီၤနၤတၢ်ကူၣ်သ့ဒီးတၢ်သ့ၣ်ညါန့ၣ်လီၤ. အါန့ၢ်အန့ၣ်ယကဟ့ၣ်နၤတၢ်ထူးတၢ်တီၤ, တၢ်လုၢ်ဒိၣ်ပှ့ၤဒိၣ်, ဒီးတၢ်မံၤဟူသၣ်ဖျါအါန့ၢ်ဒံးစီၤပၤတဂၤလၢ်လၢ်လၢနမဲာ်ညါ မၤန့ၢ်တ့ၢ်မ့ၢ်ဂ့ၤ, စီၤပၤတဂၤလၢ်လၢ်လၢနလီၢ်ခံကမၤန့ၢ်ကဒီးဝဲမ့ၢ်ဂ့ၤ, န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 26:5

ဖဲအဝဲအတၢ်ဘူၣ်တၢ်ဘါအပှၤဟ့ၣ်ကူၣ်တၢ်စီၤစကၤရယၤအိၣ်မူဒံး အခါန့ၣ်စီၤဧူးစံယါမၤတ့ၢ်ယွၤအတၢ်လၢတၢ်သူၣ်တီသးရၤအပူၤ, ဒီးကစၢ်ယွၤဆိၣ်ဂ့ၤအီၤန့ၣ်လီၤ.

လံာ်စီၤယိၤဘး 32:8

ဘၣ်ဆၣ်တၢ်အံၤမ့ၢ်ယွၤသ့တၢ်လၢာ်ကစၢ်အသးလၢအဟဲ ဆူပှၤကညီတဖၣ်အအိၣ်ဒီးဟ့ၣ်အီၤလၢတၢ်ကူၣ်သ့န့ၣ်လီၤ.

တၢ်ကတိၤဒိ. 2:6

ယွၤမ့ၢ်ဝဲပှၤလၢအဟ့ၣ်တၢ်ကူၣ်သ့, ဒီးတၢ်သ့ၣ်ညါဒီး တၢ်သူၣ်ဆးသးဆးဟဲလၢအအိၣ်လီၤ.

လံာ်ပှၤစံၣ်တဲၤတဲလီၤတၢ် 2:26

ကစၢ်ယွၤဟ့ၣ်တၢ်ကူၣ်သ့, တၢ်သ့ၣ်ညါဒီးတၢ်သူၣ်ဖှံ သးညီဆူပှၤတဖၣ်လၢအမၤမုာ်အသးန့ၣ်လီၤ. မ့မ့ၢ်, မၢပှၤတၢ်ဒဲးဘးဖိတဖၣ်မၤတၢ်, မၤန့ၢ်တၢ်ဒီးပာ်ဖှိၣ် တၢ်, ဒ်သိးတၢ်လၢအဝဲသ့ၣ်မၤန့ၢ်တ့ၢ်တဖၣ်, ကဘၣ်တၢ်ဟ့ၣ်လီၤအီၤဆူ ပှၤလၢအမၤမုာ်အဝဲအသးတဖၣ်အအိၣ်န့ၣ်လီၤ. တၢ်ခဲလၢာ်န့ၣ်, အဘျုးတအိၣ်ဘၣ်. တၢ်န့ၣ်လီၤဂာ်ဒီးတၢ်လူၤဖီၣ်ကလံၤန့ၣ်လီၤ.

လံာ်ယၡါယၤ 28:26

ကဘၣ်မၤအတၢ်မၤဒ်လဲၣ်န့ၣ်အဝဲသ့ၣ်ညါဝဲ, မ့ၢ်လၢကစၢ်ယွၤ သိၣ်လိတ့ၢ်အီၤအဃိလီၤ.

လံာ်ယဃ့းစက့လး 28:3

နဆိကမိၣ်လၢ နကူၣ်တၢ်သ့ဒိၣ်န့ၢ်ဒံးစီၤဒၤနံးယ့လးတက့ၢ်, ဒီးတၢ်ခူသူၣ်အိၣ်တဒၢလၢ နမဲာ်ညါတသ့နီတမံၤဘၣ်န့ၣ်လီၤ.

လံာ်ဒၤနံးယ့လး 1:18

လၢသၢနံၣ်အကတၢၢ်ဒ်စီၤပၤပာ်လီၤတ့ၢ်တၢ်ဆၢကတီၢ်အသိးန့ၣ် စီၤအၤၡပနးလဲၤဆှၢထီၣ်ပှၤသးစၢ်ခဲလၢာ်ဆူစီၤပၤနဘူၤကးန့စၢ် အမဲာ်ညါန့ၣ်လီၤ.

လံာ်ဒၤနံးယ့လး 1:20

ဒီးကယဲၢ်တၢ်ဂ့ၢ်တမံၤလၢ်လၢ်ဘၣ်ဃးတၢ်ကူၣ်သ့ဒီးတၢ်သ့ၣ် ညါနၢ်ပၢၢ်လၢစီၤပၤသံကွၢ်အီၤန့ၣ်ထံၣ်ဘၣ်ဝဲလၢပှၤလွံၢ်ဂၤအံၤ နၢ်ပၢၢ်ဝဲဂ့ၤန့ၢ်ဒံးပှၤဖးတၢ်ဟဲဝံဟဲစိာ်ဒီးပှၤသ့တၢ်အူတၢ် သမူတဂၤလၢ်လၢ်လၢအထံအကီၢ်ဒီဘ့ၣ်ညါအပူၤန့ၣ်, အစးတဆံဒၣ်လဲာ်လီၤ.

လံာ်ဒၤနံးယ့လး 1:4

ပှၤသးစၢ်တဖၣ်အံၤကဘၣ်မ့ၢ်ပှၤဒိၣ်တၢ်ဂ့ၤ, ပှၤအိၣ်ဒီးတၢ်ကူၣ်တၢ်ဆး, ပှၤအိၣ်ဒီးတၢ်သ့ၣ်ညါ, ပှၤမၤလိန့ၢ်တၢ်ချ့, ဒီးမဲၣ်သူမဲၣ်ဂီၤတအိၣ်ဘၣ် လၢအလိၤဒ်သိးကကြၢးဒီးတၢ်ဖံးတၢ်မၤလၢစီၤလိၣ် စီၤပၤအနီပူၤအဂီၢ်န့ၣ်လီၤ. စီၤအၤၡပနးကဘၣ် သိၣ်လိအဝဲသ့ၣ်လၢကသ့ဖး, သ့ကွဲးကီၢ်ဘၤဘူၤလိၣ်အကျိာ် ဒီးအလံာ်အလဲၢ်န့ၣ်လီၤ.

လံာ်ဒၤနံးယ့လး 10:1

လၢစီၤပၤဖးဒိၣ်စီၤကိရ့ၣ်ပၢတၢ်လၢပၤရၣ်အဘီအမုၢ်သၢနံၣ် တနံၣ်အပူၤန့ၣ်, တၢ်ကစီၣ်တမံၤဘၣ်တၢ်လီၣ်ဖျါထီၣ် အီၤလၢစီၤဒၤနံးယ့လး, ပှၤလၢအဘၣ်တၢ်ကိးစ့ၢ် ကီးအီၤလၢစီၤဘ့ၤလးတၡါစၢ်, န့ၣ်လီၤ. တၢ်ကစီၣ်န့ၣ်မ့ၢ်အမ့ၢ် အတီဘၣ်ဆၣ်ဒီးတၢ်နၢ်ပၢၢ်အီၤကီဒိၣ်ဒိၣ်ကလဲာ်န့ၣ်လီၤ. တၢ်န့ၣ်ဘၣ်တၢ်တဲဖျါထီၣ်န့ၢ်အီၤလၢတၢ်ထံၣ်လၢညါခီအပူၤန့ၣ်လီၤ.

လံာ်ဒၤနံးယ့လး 2:19

ဒီးလၢမုၢ်တနၤဃီအပူၤန့ၣ်တၢ်ခူသူၣ်အဒိၣ်အယိာ်ဘၣ်တၢ်လီၣ် ဖျါထီၣ်တ့ၢ်အီၤဆူစီၤဒၤနံးယ့လးအအိၣ်လၢတၢ်ထံၣ်လၢညါ ခီအပူၤန့ၣ်လီၤ. ဒီးစီၤဒၤနံးယ့လးစံးထီၣ်ပတြၢၤတ့ၢ်ကစၢ် ယွၤလၢမူခိၣ်န့ၣ်လီၤ.

လံာ်ဒၤနံးယ့လး 2:21

အဝဲပၢတၢ်ဆၢကတီၢ်ဒီးန့ဆၢၣ်အကတီၢ်တဖၣ်, သုးကွံာ်ဝဲဒီးပာ်ထီၣ်စီၤပၤတဖၣ်, ဟ့ၣ်လီၤဝဲတၢ်ကူၣ်သ့လၢပှၤကူၣ်တၢ်သ့ဒီးတၢ်သ့ၣ်ညါ လၢပှၤနၢ်ပၢၢ်တၢ်တဖၣ်န့ၣ်လီၤ.

လံာ်ဒၤနံးယ့လး 2:23

ယစံးထီၣ်ပတြၢၤနၤဒီးမၤလၤကပီၤနၤ, ပှၤလၢယဟဲလီၤစၢၤလီၤသွဲၣ်လၢအီၤတဖၣ်အကစၢ်ယွၤဧၢ, နဟ့ၣ်လီၤတ့ၢ်ယၤတၢ်ကူၣ်သ့ဒီးတၢ်ဂံၢ်တၢ်ဘါလီၤ. နစံးဆၢတ့ၢ်ယတၢ်ထုကဖၣ် ဒီးနဒုးနဲၣ်တ့ၢ်ပှၤတၢ်လၢပကဘၣ်တဲဘၣ် စီၤပၤန့ၣ်လီၤ.”

လံာ်ဒၤနံးယ့လး 2:30

ခဲအံၤ, တၢ်ခူသူၣ်အဒိၣ်အယိာ်အံၤန့ၣ်ဘၣ်တၢ်လီၣ်ဖျါထီၣ် န့ၢ်တ့ၢ်ဆူယအိၣ်လီၤ. တမ့ၢ်ဘၣ်လၢယကူၣ်တၢ်သ့ဒိၣ်န့ၢ် ပှၤအဂၤအဃိဘၣ်. မ့မ့ၢ်ဒ်သိး, နဲဒၣ်စီၤပၤကမၤလိနတၢ်မံ မီၢ်အခီပညီ, ဒီးနၢ်ပၢၢ်တၢ်ဆိကမိၣ်တဖၣ်လၢအဟဲပၢၢ်ထီၣ် လၢနသးပူၤန့ၣ်လီၤ.

လံာ်ဒၤနံးယ့လး 4:6

မၤသးဒ်န့ၣ်ဒီး, ယဟ့ၣ်လီၤယကလုၢ်လၢယပှၤဟ့ၣ်ကူၣ်တၢ် အိၣ်လၢကီၢ်ဘၤဘူၤလိၣ်ပူၤခဲလၢာ်ကဘၣ်တၢ်ဆှၢထီၣ်အီၤဆူ ယမဲာ်ညါလၢကဖးဒီးလီၣ်ဖျါထီၣ်န့ၢ်ယၤလၢယတၢ်မံမီၢ် အခီပညီန့ၣ်လီၤ.

လံာ်ဒၤနံးယ့လး 5:14

ယနၢ်ဟူတ့ၢ်တၢ်လၢနဂ့ၢ်, လၢကစၢ်ယွၤလၢအစီဆှံတဂၤ အသးန့ၣ်အိၣ်လၢနပူၤဒီးတၢ်ထံၣ်န့ၢ်လၢနမ့ၢ်ပှၤအသ့အဘၣ်, ဒီးပှၤအိၣ်ဒီးတၢ်သ့ၣ်ညါဒီးတၢ်ကူၣ်သ့န့ၣ်လီၤ.

လံာ်ဒၤနံးယ့လး 7:1

ဖဲစီၤဘ့ၤလၡါစၢ်ပၢကီၢ်ဘၤဘူၤလိၣ်အခီၣ်ထံးတနံၣ်န့ၣ်, စီၤဒၤနံးယ့လးမံမီၢ်တ့ၢ်တၢ်တမံၤဒီးထံၣ်တၢ်ထံၣ်လၢညါခီလၢ မုၢ်နၤအကတီၢ်န့ၣ်လီၤ. ဒီးကွဲးလီၤတ့ၢ်ဝဲတၢ်မံမီၢ်န့ၣ်, ဒီးစံးတ့ၢ်ဝဲတၢ်ဂ့ၢ်လၢတၢ်ပာ်ဖှိၣ်ဖုၣ်ဖုၣ်အပူၤန့ၣ်လီၤ.

လံာ်ဒၤနံးယ့လး 8:1

“လၢစီၤပၤဘ့ၤလၡါစၢ်ပၢတၢ်သၢနံၣ်တနံၣ်န့ၣ်ယထံၣ်တ့ၢ် တၢ်လၢညါခီခံမံၤတမံၤန့ၣ်လီၤ.

လံာ်တၢ်ဂံၢ် 12:6

ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

လံာ်လူၤကၣ် 21:15

အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ.

မၤတၢ် 6:10

ဘၣ်ဆၣ်ဒီးယွၤအသးဒုးကတိၤအီၤတၢ်ကတိၤပှဲၤဒီးတၢ်ကူၣ် သ့သတးဒီး, တုၤအဝဲဒၣ်ကတိၤထီၣ်တၢ်တစုန့ၣ်, အဝဲသ့ၣ်ကတိၤဂ့ၢ်လိာ်ဆၢအီၤတသ့ဘၣ်န့ၣ်လီၤ.

မၤတၢ် 7:10

ဒီးမၤပူၤမၤဖျဲးအီၤတဘျီလၢ်လၢ်ဖဲအဘၣ်တၢ်ကီတၢ်ခဲ အကတီၢ်န့ၣ်လီၤ. တုၤအလဲၤထီၣ်ဘၣ်လၢကီၢ်အဲၤကူပတူးအစီၤပၤဖၤရိၤအမဲာ် ညါဒီး, ကစၢ်ယွၤဟ့ၣ်အီၤတၢ်ပာ်သူၣ်ပာ်သးဒီးတၢ်ကူၣ်သ့ကူၣ် ဘၣ်လၢအထုးန့ၢ်စီၤပၤဖၤရိၤအသးသတးဒီး, စီၤပၤန့ၣ်ဒုးကဲထီၣ်အီၤလၢပဒိၣ်ပၢတၢ်လၢကီၢ်အဲၤကူပတူး အဖီခိၣ်, ဒီးလၢအနူၢ်အစီၤအဖီခိၣ်န့ၣ်လီၤ.

မၤတၢ် 7:22

အဝဲဒၣ်ဘၣ်တၢ်သိၣ်လိမၤယုၤအီၤလၢကယဲၢ်ပှၤ အဲၤကူပတူးဖိတဖၣ်အတၢ်ကူၣ်သ့ကူၣ်ဘၣ်ခဲလၢာ်, ဒီးကဲထီၣ်ဝဲပှၤဖးဒိၣ်တဂၤလၢအတၢ်စံးတၢ်ကတိၤဒီး အတၢ်ဖံးတၢ်မၤအပူၤန့ၣ်လီၤ.

ကလီးစဲ 1:9

လၢတၢ်န့ၣ်အဃိ, စးထီၣ်မုၢ်တနံၤလၢပနၢ်ဟူဘၣ်သုဂ့ၢ်လံၤလံၤ န့ၣ်ပတဆိတ့ၢ်ဘါထုကဖၣ်လၢသုဂီၢ်ဘၣ်. ပတၢ်ထုကဖၣ်လၢ သုဂီၢ်မ့ၢ်ဒ်သိးယွၤကမၤပှဲၤသုဒီးတၢ်သ့ၣ်ညါအတၢ်ဘၣ်အသးဒီး တၢ်ကူၣ်ဘၣ်ကူၣ်သ့ဒီးတၢ်သ့ၣ်ညါနၢ်ပၢၢ်ခဲလၢာ်လၢယွၤ အသးဟ့ၣ်လီၤဝဲ,

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.