လံာ်ဒၤနံးယ့လး 1:15 - Sgaw Karen Common Bible

¹⁵ တုၤတၢ်ဆၢကတီၢ်ပှဲၤထီၣ်ဒီးအဝဲသ့ၣ်ဖျါအိၣ်ဆူၣ်အိၣ်ချ့ဒီး အဂံၢ်အဘါဆူၣ်န့ၢ်ဒံးပှၤအဂၤခဲလၢာ်လၢအအီၣ်တ့ၢ်စီၤပၤ အတၢ်အီၣ်တၢ်အီန့ၣ်လီၤ.

လံာ်ဒၤနံးယ့လး 1:15 Iomraidhean Croise

စံးထီၣ်ပတြၢၤ 37:16

တၢ်တစဲးဖိလၢအအိၣ်ဝဲဒီးပှၤအဂ့ၤအဝါန့ၣ်, ဂ့ၤန့ၢ်ဒံးပှၤအၢပှၤသီအတၢ်အိၣ်လၢအိၣ်ပှဲၤ တက့ၢ်န့ၣ်လီၤ.

လံာ်တၢ်ဟးထီၣ်ကွံာ် 23:25

သုမ့ၢ်ဘူၣ်ထီၣ်ဘါထီၣ်ယၤ, ယွၤ, သုကစၢ်ယွၤဒီး, ယကဆိၣ်ဂ့ၤသုလၢတၢ်အီၣ်တၢ်အီဒီးထံဒီးသုးယံၤကွံာ် ကယဲၢ်သုတၢ်ဆူးတၢ်ဆါခဲလၢာ်လီၤ.

တၢ်ကတိၤဒိ. 10:22

ယွၤအတၢ်ဆိၣ်ဂ့ၤန့ၣ်, ဒုးထူးတီၤထီၣ်နၤလီၤ. ဒီးအဝဲတပာ်ဖှိၣ်တၢ်သူၣ်အုးသးအုးဆူနတၢ်ထူးတၢ်တီၤန့ၣ်ဘၣ်.

လံာ်ဒၤနံးယ့လး 1:14

လၢတၢ်န့ၣ်အဃိအဝဲဘၣ်သူၣ်ဘၣ်သးဒီးပျဲအဝဲသ့ၣ်ဒီးမၤကွၢ် အီၤအသီတဆံန့ၣ်လီၤ.

လံာ်ဃးကဲ 1:6

သုသူၣ်လီၤဖျးလီၤတ့ၢ်ဘုဧိၤဟုဧိၤအါမး, ဘၣ်ဆၣ်ကူးဘၣ်က့ၤတၢ်ထဲတဆံးတက့ၢ်လီၤ. သုအိၣ်ဒီးတၢ်အီၣ်လၢသုကအီၣ်, ဘၣ်ဆၣ်တလၢဝဲလၢကမၤကၢသုဟၢဖၢဘၣ်. သုအိၣ်ဒီးစပံးထံလၢသုကအီ, ဘၣ်ဆၣ်တလၢဝဲလၢသု ကအီမူၤသုသးဘၣ်. သုအိၣ်ဒီးတၢ်ကူတၢ်သိး, ဘၣ်ဆၣ်တလၢဝဲ လၢကမၤလၢၤသုန့ၣ်ဘၣ်. ဘူးလဲကလၢဝဲလၢတၢ်လုၢ်အီၣ်သးသမူအဂီၢ်န့ၣ်, ပှၤမၤတၢ်ဖိတဂၤဒိးန့ၢ်ဝဲတသ့ဘၣ်.

လံာ်ဃးကဲ 1:9

သုမုၢ်လၢ်တ့ၢ်လၢတၢ်ကူးဘၣ်က့ၤတၢ်အါအါဂီၢ်ဂီၢ်, ဘၣ်ဆၣ်ကဲထီၣ်က့ၤထဲတၢ်စှၤကိာ်ဧိၤလီၤ. ဒီးဖဲသုဟဲက့ၤစိာ်တၢ်ကူးဘၣ်က့ၤဆူဟံၣ်န့ၣ်, ယအူဒံကွံာ်အီၤလီၤ. ဘၣ်မနုၤယမၤတ့ၢ်တၢ်န့ၣ်လဲၣ်. မ့ၢ်လၢယတၢ်လုၢ်ဟံၣ်အိၣ်လၢတၢ်ဟးဂီၤတဖၣ်အပူၤ, ဖဲသုဝဲတဂၤဘၣ်တဂၤအတၢ်မၤအါဝဲလၢတၢ်မၤထီၣ်သုဟံၣ်ဒၣ်ဝဲ အခါန့ၣ်လီၤ.

လံာ်မၤလကံ 2:2

သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.

လံာ်မးသဲ 4:4

ဘၣ်ဆၣ်ဒီး ယ့ၣ်ၡူးစံးဆၢအီၤ, “တၢ်ကွဲးအသးစံးဝဲ, ‘ပှၤကညီတမူဝဲထဲလၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢအထီၣ်ဖျဲးလၢကစၢ်ယွၤအထးခိၣ် ကိးထံၣ်ကိးဘီဒဲးလီၤ’ ” (သိၣ်သီ. ၈:၃).