လံာ်ဒၤနံးယ့လး 1:1 - Sgaw Karen Common Bible

¹ လၢကီၢ်ယူဒၤအပူၤဖဲစီၤပၤစီၤယဟိၤယါကံၣ်ပၢတၢ်သၢနံၣ်တနံၣ် န့ၣ်ကီၢ်ဘၤဘူၤလိၣ်အစီၤပၤစီၤနဘူၤကးန့စၢ်ဟဲကဝီၤဃာ်ဝ့ၢ် ယရူၤရှလ့ၣ်ဒီးဒုးတၢ်ဒ်သိးကမၤန့ၢ်အီၤန့ၣ်လီၤ.

လံာ်ဒၤနံးယ့လး 1:1 Iomraidhean Croise

လံာ်စီၤပၤခံဘ့ၣ်တဘ့ၣ် 23:36

စီၤယဟိယါကံၣ်အသးအိၣ်ခံဆံယဲၢ်နံၣ်ဖဲအဝဲကဲထီၣ်ကီၢ်ယူဒၤ အစီၤပၤအဆၢကတီၢ်ဒီးအဝဲပၢတၢ်လၢဝ့ၢ်ယရူၤရှလ့ၣ်အပူၤတဆံ တနံၣ်န့ၣ်လီၤ. အဝဲအမိၢ်မ့ၢ်ဝဲနီၢ်စဘူဒၤ, စီၤပဒါယၤလၢဝ့ၢ်ရူမၤအဖိမုၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 24:13

ဒီးစိာ်ထီၣ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်လၢယွၤအတၢ်လုၢ်ဟံၣ် အပူၤဒီးလၢနူၢ်ဧိၤစီၤဧိၤအပူၤတဖၣ်ဆူဝ့ၢ်ဘၤဘူၤလိၣ်န့ၣ်လီၤ. ဒ်ယွၤတဲဆိပာ်စၢၤတ့ၢ်ဝဲအသိးန့ၣ်, စီၤနဘူၤကးန့စၢ်မၤကၢ် ကွံာ်ကယဲၢ်တၢ်အဃၢၤအဃိၢ်ထူတဖၣ်လၢအဘၣ်တၢ်မၤအီၤလၢစီၤပၤ ၡလိၤမိၤဒ်သိးတၢ်ကသူအီၤလၢယွၤအတၢ်လုၢ်ဟံၣ်ပူၤအဂီၢ်န့ၣ်လီၤ.

လံာ်ယၡါယၤ 39:7

ပှၤလၢအဟဲလီၤစၢၤလၢနၤလိၤလိၤတနီၤကဘၣ်တၢ်စိာ်ကွံာ်အီၤဒီး ကဘၣ်တၢ်ဒုးကဲထီၣ်အီၤလၢပှၤဒ့ဒံၣ်ဖိတဖၣ်လၢကမၤတၢ်ခ့တၢ်ပှၤ အတၢ်မၤလၢကီၢ်ဘၤဘူၤလိၣ်အစီၤပၤအနူၢ်ပူၤစီၤပူၤန့ၣ်လီၤ.”

လံာ်ယံးရမံယၤ 25:1

ဖဲစီၤယိၤၡံယၤအဖိခွါ ကီၢ်ယူဒၤအစီၤပၤ စီၤယဟိၤယါကံၣ်ပၢတၢ် လွံၢ်နံၣ်တနံၣ်အပူၤန့ၣ်, ယဒိးန့ၢ်ဘၣ် တ့ၢ်တၢ်ကစီၣ်တမံၤလၢယွၤ အအိၣ်ဘၣ်ဃးဒီး ကီၢ်ယူဒၤအပှၤဂီၢ်မုၢ်ခဲလၢာ်န့ၣ်လီၤ. (အဝဲအံၤမ့ၢ်နံၣ်အခီၣ်ထံး တနံၣ်ဖဲ စီၤနဘူၤကးန့ စၢ်မ့ၢ်တ့ၢ်စီၤပၤလၢကီၢ်ဘၤဘူၤလိၣ် န့ၣ်လီၤ.)

လံာ်ယံးရမံယၤ 35:1

ဖဲစီၤပၤယိၤၡံယၤ အဖိခွါ စီၤယဟိၤယါကံၣ်ကဲစီၤပၤ လၢကီၢ်ယူဒၤန့ၣ်, ယွၤစံးဘၣ်ယၤ,

လံာ်ယံးရမံယၤ 35:11

ဘၣ်ဆၣ်ဒီး, ဖဲစီၤပၤနဘူၤကးန့စၢ်ဟဲထီၣ်ဒုးထံကီၢ်အံၤန့ၣ်, ပစံၣ်ညီၣ်တဲာ်လၢပကဟဲဆူ ဝ့ၢ်ယရူၤၡလ့ၣ် ဒ်သိး ပကယံၤထီၣ်ကွံာ်ဒီး ကီၢ်ဘၤဘူၤလိၣ်ဒီး ကီၢ်စူၤရံ အသုးမုၢ်တဖၣ်အဂီၢ်န့ၣ်လီၤ. လၢတၢ်န့ၣ်အဃိ ပအိၣ်ပဆိးလၢဝ့ၢ်ယရူၤၡလ့ၣ်အပူၤန့ၣ်လီၤ.”

လံာ်ယံးရမံယၤ 36:1

လၢစီၤယိၤၡံယၤအဖိခွါ စီၤယဟိၤယါကံၣ်ကဲစီၤပၤလၢ ကီၢ်ယူဒၤ လွံၢ်နံၣ်တနံၣ်အပူၤန့ၣ်, ယွၤစံးဘၣ်တ့ၢ်ယၤ,

လံာ်ယံးရမံယၤ 45:1

လၢစီၤယိၤၡံယၤ အဖိခွါ ကီၢ်ယူဒၤအစီၤပၤစီၤယဟိၤယါ ကံၣ်ပၢတၢ်လွံၢ်နံၣ်တနံၣ်အပူၤန့ၣ်, စီၤဘၤရူးကွဲးလီၤတၢ် လၢယကိးထီၣ်န့ၢ်အီၤန့ၣ်လီၤ.

လံာ်ယံးရမံယၤ 50:1

အအံၤမ့ၢ်တၢ်ကစီၣ်လၢ ယွၤဟ့ၣ်ယၤဘၣ်ဃးဝ့ၢ်ဘၤဘူၤလိၣ်ဒီး အပှၤဂီၢ်မုၢ်အဂ့ၢ်န့ၣ်လီၤ.

လံာ်ယံးရမံယၤ 52:12

လၢကီၢ်ဘၤဘူၤလိၣ်အစီၤပၤ စီးနဘူၤကးန့စၢ် မၤတၢ်ပှဲၤထီၣ်တဆံနွံနံၣ်တနံၣ်, လါယဲၢ်လါတလါ, လါထီၣ်တဆံသီအနံၤန့ၣ်, စီၤနဘူစၢ်ရဒၣ်လၢအမ့ၢ် ပှၤဟ့ၣ်ကူၣ်စီၤပၤဒီး မ့ၢ်စ့ၢ်ကီးသုးမုၢ်အသုးခိၣ်ဖးဒိၣ်, ဟဲနုာ်လီၤဆူ ဝ့ၢ်ယရူၤၡလ့ၣ်အပူၤလီၤ.

လံာ်ယံးရမံယၤ 52:28

အအံၤမ့ၢ်တၢ်ကွဲးနီၣ်ကွဲးဃါ ဘၣ်ဃးပှၤဂီၢ်မုၢ်လၢ စီၤနဘူၤကးန့စၢ် စိာ်မၢကဲကုၢ်အီၤတဖၣ်န့ၣ်လီၤ. လၢအဝဲပၢတၢ်ဒ် စီၤပၤနွံနံၣ်တနံၣ်အပူၤန့ၣ်, အဝဲစိာ်ကွံာ်ဝဲ ပှၤ သၢကထိခံဆံသၢဂၤန့ၣ်လီၤ.

လံာ်ဒၤနံးယ့လး 5:13

တုၤနုၤတစုစီၤဒၤနံးယ့လးဘၣ်တၢ်ဆှၢထီၣ်အီၤဆူစီၤပၤအမဲာ် ညါတဘျီဃီန့ၣ်လီၤ. ဒီးစီၤပၤတဲဘၣ်အီၤ, “နမ့ၢ်စီၤဒၤနံးယ့လး, ပှၤယူဒၤဖိတဂၤ, လၢပှၤဘၣ်တၢ်စိာ်မၢကဲကုၢ်အီၤအကျါ လၢယပၢ်ဟဲက့ၤကိးအီၤလၢကီၢ်ယူဒၤန့ၣ်ဧါ.