ကလီးစဲ 4:8 - Sgaw Karen Common Bible

⁸ ယမၢလီၤအီၤဆူသုအိၣ် ဒ်သိးအဝဲကတဲဘၣ်သုလၢပဝဲခဲလၢာ် အဂ့ၢ်အကျိၤ, ဒ်သိးအကမၤမုာ်ထီၣ်သုသးအဂီၢ်န့ၣ်လီၤ.

ကလီးစဲ 4:8 Iomraidhean Croise

လံာ်ယၡါယၤ 40:1

“မၤမုာ်ယပှၤဂီၢ်မုၢ်တက့ၢ်.” ပကစၢ်ယွၤစံးဝဲဒၣ်, “မၤမုာ်အဝဲသ့ၣ်တက့ၢ်.”

1 ကရံၣ်သူး 4:17

လၢတၢ်တမံၤအံၤအဂီၢ်န့ၣ်, ယဆှၢလီၤယဲစီၤတံၤမသ့းဆူသုအိၣ်, အဝဲဒၣ်မ့ၢ်ယဖိသးဘိဒၣ်ယဲလၢခရံာ်အပူၤ, လၢအသးတီဝဲတဂၤ လီၤ. အဝဲဒၣ်ကဒုးသ့ၣ်နီၣ်ထီၣ်သုတၢ်ဘျၢတဖၣ်လၢယပိာ်ထွဲယဲ လၢတၢ်အိၣ်မူအသီဘၣ်ဃးတၢ်ပာ်ဖှိၣ်ထီၣ်ဃုာ်သးတဖျၢၣ်ဃီလၢ ယ့ၣ်ၡူးခရံာ်အပူၤ, ဒီးလၢယသိၣ်လီၤသီလီၤယဲလၢအဂ့ၢ်လၢတၢ်အိၣ်ဖှိၣ်ကိးဖုဒဲး အပူၤ, သကုၤဆးဒးလီၤ.

၂ ကရံၣ်သူး 1:4

အဝဲဒၣ်တိစၢၤမၤစၢၤပှၤလၢကယဲၢ်ပတၢ်ကီတၢ်ခဲအပူၤ, ဒ်သိးပမၤစၢၤပှၤဂုၤပှၤဂၤလၢအအိၣ်ဒီးတၢ်ကီတၢ်ခဲအကလုာ် ကလုာ်ကသ့ဝဲအဂီၢ်, အိၣ်ဒီးတၢ်သူတၢ်မၤစၢၤတမံၤဃီလၢ ပနီၢ်ကစၢ်ဒၣ်ပဝဲ ပဒိးန့ၢ်တ့ၢ်လၢကစၢ်ယွၤအအိၣ်န့ၣ်လီၤ.

၂ ကရံၣ်သူး 12:18

ယဃ့ကညးစီၤတံတူးဒ်သိးအကလဲၤဝဲ, ဒီးယဆှၢလီၤဒီပုၢ်ဝဲၢ်ခရံာ်ဖိအဂၤတဂၤလၢအဝဲဒၣ် အသိးလီၤ. မ့ၢ်သုကစံးလၢစီၤတံတူးဟံးန့ၢ်တၢ်အခွဲး အယာ်လၢသုဖီခိၣ်ဧါ. အဝဲဒၣ်ဒီးယၤပမၤတၢ်အိၣ်ဒီးတၢ်ထိၣ်ဟူးထိၣ်ဂဲၤပသး တမံၤဃီ, ဒီးပာ်သူၣ်ပာ်သးပဝဲလၢကျဲတဘိဃီတမ့ၢ်ဘၣ်ဧါ.

၂ ကရံၣ်သူး 2:7

မ့မ့ၢ်ခဲကနံၣ်အံၤ, သုကြၢးပျၢ်အတၢ်ကမၣ်ဒီးဟ့ၣ်ဆူၣ်ထီၣ် အဂံၢ်အဘါ, ဒ်သိးအဝဲဒၣ်အသုတသးအုးမးဝဲတုၤအသးဟးဂီၤလၢာ်လၢာ် ဆ့ဆ့တဂ့ၤအဂီၢ်န့ၣ်လီၤ.

အ့းဖ့းစူး 6:22

လၢတၢ်န့ၣ်အဃိယဆှၢလီၤအီၤဆူသုအိၣ်ဒ်သိးအကတဲ ဘၣ်သုလၢပဂ့ၢ်ပကျိၤခဲလၢာ်, ဒီးကဟ့ၣ်ဂံၢ်ဟ့ၣ်ဘါသုအဂီၢ် န့ၣ်လီၤ.

ဖံလံးပံၤ 2:28

လၢတၢ်န့ၣ်အဃိ, ယသးဆူၣ်ဒိၣ်န့ၢ်အလီၢ်လၢယကဆှၢလီၤ အီၤဆူသုအိၣ်, ဒ်သိးသုကသူၣ်ခုသးခုကဒီးဖဲသုထံၣ်ဘၣ်အီၤ, ဒီးယတၢ်သူၣ်အုးသးအုးဒၣ်ယဲကလီၤမၢ်ကွံာ်အဂီၢ်န့ၣ်လီၤ.

ကလီးစဲ 2:2

ယတၢ်ကျဲးစၢးမ့ၢ်ဒ်သိးဒီးသုကလၢထီၣ်ပှဲၤထီၣ်လၢတၢ်သူၣ်ဒူ သးဒူ, ဒီးလၢသုကအိၣ်ဒီးတၢ်သးတဖျၢၣ်ဃီလၢတၢ်အဲၣ်တၢ်ကွံ အပူၤ, ဒ်သိးသုကဒိးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဘၣ်ဃးဒီးတၢ် သူၣ်ဂၢၢ်သးကျၢၤလၢတၢ်သ့ၣ်ညါနၢ်ပၢၢ်နီၢ်နီၢ်ဟဲစိာ်ဝဲဒီးတၢ် သ့ၣ်ညါကစၢ်ယွၤအတၢ်ခူသူၣ်လၢအမ့ၢ်ခရံာ်န့ၣ်လီၤ.

၁ သ့းစၤလနံ 2:11

သုသ့ၣ်ညါလၢပမၤစၢၤသုဝဲတဂၤဘၣ်တဂၤဒ်ပၢ်တဂၤမၤစၢၤ အဖိဒၣ်ဝဲတဖၣ်အသိးန့ၣ်လီၤ.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,

၁ သ့းစၤလနံ 3:5

လၢတၢ်န့ၣ်အဃိ, ယဘၣ်ဆှၢလီၤစီၤတံၤမသ့းလီၤ. ယအိၣ်တကဲလၢၤအဃိယဆှၢလီၤအဝဲဒၣ်ဒ်သိးအကဃု သ့ၣ်ညါတၢ်ဘၣ်ဃးသုတၢ်စူၢ်တၢ်နာ်အဂ့ၢ်န့ၣ်လီၤ. ယဘၣ်ယိၣ်လၢမုၣ်ကီၤလံၢ်ကလ့ပစီန့ၢ်သု, ဒီးပတၢ်ဖံးတၢ်မၤခဲလၢာ်ကကဲထီၣ်တၢ်ကလီကလီန့ၣ်လီၤ.

၁ သ့းစၤလနံ 4:18

မ်ဒ်န့ၣ်ဒီး, ကတိၤမုာ်ထီၣ်က့ၤသုသးတဂၤဘၣ်တဂၤ လၢတၢ်စံးတၢ်ကတိၤတဖၣ်အံၤန့ၣ်တက့ၢ်.

၁ သ့းစၤလနံ 5:11

မ်ဒ်န့ၣ်ဒီး, ကတိၤဟ့ၣ်ဆူၣ်ထီၣ်လိာ်သုဂံၢ်သုဘါတဂၤဒီး တဂၤ, ဒီးမၤစၢၤလိာ်သုသးဒ်သုမၤတ့ၢ်လံခဲကနံၣ်အံၤအသိး န့ၣ်တက့ၢ်.

၁ သ့းစၤလနံ 5:14

ပဒီပုၢ်ဝဲၢ်သ့ၣ်ဧၢ, ပမၢန့ၢ်ဆီၣ်ခံသုလၢသုကဟ့ၣ်ပလီၢ်ပဒီ ပှၤကၢၣ်ပှၤကျူတဖၣ်, သုကဟ့ၣ်ဆူၣ်ထီၣ်ပှၤအိၣ်ဒီးတၢ်သူၣ်ပျံၤသးဖုးတဖၣ်အဂံၢ်အဘါ, သုကမၤစၢၤပှၤဂံၢ်စၢ်ဘါစၢ်, ဒီးသုကသူၣ်စူၤသးစူၤလၢပှၤကိးဂၤဒဲးအဖီခိၣ်န့ၣ်လီၤ.

၂ သ့းစၤလနံ 2:17

ဟ့ၣ်သုတၢ်သူၣ်ဒူသးဒူဒီးဟ့ၣ်ဂံၢ်ဟ့ၣ်ဘါသုလၢ သုကမၤဒီးစံးကတိၤတၢ်လၢအဂ့ၤအဘၣ်ထီဘိန့ၣ်တက့ၢ်.