ကလီးစဲ 4:6 - Sgaw Karen Common Bible

⁶ သုတၢ်စံးတၢ်ကတိၤန့ၣ်, မ်အကမ့ၢ်တၢ်လၢအမုာ်ဝဲဒီးထုးန့ၢ် ပှၤအသးဒီးသုကြၢးသ့ၣ်ညါစံးဆၢက့ၤပှၤကိးဂၤဒဲးသ့သ့ ဘၣ်ဘၣ်န့ၣ်လီၤ.

ကလီးစဲ 4:6 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:24

ဒုးဟူထီသါလီၤအဝဲအလၤကပီၤဆူပှၤကလုာ်တဖၣ်, အတၢ်မၤအဒိၣ်အမုၢ်တဖၣ်ဆူကယဲၢ်ပှၤဂီၢ်မုၢ်ခဲလၢာ်န့ၣ်တက့ၢ်.

စံးထီၣ်ပတြၢၤ 105:2

သးဝံၣ်ထီၣ်အီၤ, သးဝံၣ်စံးထီၣ်ပတြၢၤအီၤတက့ၢ်. တဲဖျါထီၣ်ကယဲၢ်အတၢ်မၤလီၤလး ခဲလၢာ်န့ၣ်တက့ၢ်.

စံးထီၣ်ပတြၢၤ 119:13

ယကတဲကဒါက့ၤ တၢ်သိၣ်တၢ်သီခဲလၢာ် လၢနဟ့ၣ်လီၤန့ၣ်, လၢယကလုၢ်ဖးဒိၣ်လီၤ.

စံးထီၣ်ပတြၢၤ 119:46

ယကကတိၤတၢ်လၢနတၢ်အုၣ်နသးအဂ့ၢ်တဖၣ် လၢစီၤပၤတဖၣ်အမဲာ်ညါ ဒီးယတဘၣ်တၢ်မၤမဲာ်ဆှးယၤဘၣ်.

စံးထီၣ်ပတြၢၤ 45:2

လၢပှၤပိာ်ခွါတဖၣ်အကျါနမ့ၢ်ပှၤလၢအဃံလၤကတၢၢ်, နမ့ၢ်ပှၤစံးကတိၤတၢ်သ့န့ၣ်လီၤ. ကစၢ်ယွၤဆိၣ်ဂ့ၤတ့ၢ်နၤထီဘိန့ၣ်လီၤ.

စံးထီၣ်ပတြၢၤ 66:16

ပှၤလၢအပျံၤကစၢ်ယွၤခဲလၢာ်သ့ၣ်ဧၢ, ဟဲကနၣ်တက့ၢ်. ဒီးယကတဲတၢ်လၢအမၤတ့ၢ်ဝဲလၢယဂီၢ်န့ၣ်လီၤ.

တၢ်ကတိၤဒိ. 10:21

ပှၤအဂ့ၤတဂၤအတၢ်ကတိၤတဖၣ်ဒုးဘၣ်ဘျုးပှၤအါဂၤလီၤ. ဘၣ်ဆၣ်ဒီးနမၤသံလီၤနသးလၢတၢ်သူၣ်တထံသးတဆးသ့ဝဲလီၤ.

တၢ်ကတိၤဒိ. 15:4

တၢ်ကတိၤအမုာ်တဖၣ်န့ၣ်ဟဲစိာ်တၢ်မူလီၤ. မ့မ့ၢ်တၢ်ကတိၤအအၢအသီတဖၣ်မၤသဘှံးနသးလီၤ.

တၢ်ကတိၤဒိ. 15:7

တၢ်သ့ၣ်ညါန့ၣ်ဘၣ်တၢ်ရၤလီၤအီၤလၢပှၤလၢအကူၣ်တၢ်သ့တဖၣ်ဒီး တမ့ၢ်ဘၣ်လၢပှၤဟးဂီၤဖိတဖၣ်န့ၣ်ဘၣ်.

လံာ်ပှၤစံၣ်တဲၤတဲလီၤတၢ် 10:12

တၢ်လၢပှၤကူၣ်တၢ်သ့တဂၤစံးဝဲန့ၣ်ဟဲစိာ်န့ၢ်အီၤတၢ်လၤ ကပီၤလီၤ. မ့မ့ၢ်ပှၤအမၢးတဂၤန့ၣ်, အတၢ်ကတိၤဒၣ်ဝဲတဖၣ်မၤဟးဂီၤအီၤလီၤ.

လံာ်ယဃ့းစက့လး 43:24

ဒီးဟဲစိာ်အီၤဆူယအိၣ်တက့ၢ်. ပှၤလုၢ်တၢ်အခိၣ်တဖၣ်ကဖှံလီၤ အံသၣ်လၢအဝဲသ့ၣ်အဖီခိၣ်ဒီးဆိၣ်ကဲၤထီၣ်အီၤဒ်တၢ်လုၢ်တၢ်ပာ် တမံၤအသိးဆူယအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:13

ဒီးတၢ်လုၢ်မၤဘူၣ်ခဲလၢာ်န့ၣ်ကဘၣ်ပာ်ဃုာ်ဒီးအံသၣ်န့ၣ်လီၤ. အဂ့ၢ်ဒ်အံၤ, အံသၣ်မ့ၢ်တၢ်အၢၣ်လီၤအီလီၤလၢယွၤမၤဒီးသုအဃိန့ၣ်လီၤ. တၢ်လုၢ်မၤဘူၣ်ခဲလၢာ်ကဘၣ်ပၣ်ဃုာ်ဒီးအံသၣ်န့ၣ်လီၤ.

လံာ်မးသဲ 5:13

သုဝဲသ့ၣ်အံၤ သုမ့ၢ်ဒ်အံသၣ်အသိးလၢပှၤဟီၣ်ခိၣ်ဖိခဲလၢာ်အဂီၢ်လီၤ. ဘၣ်ဆၣ်ဒီး အံသၣ်မ့ၢ်တဟီလၢၤဘၣ်ဒီးတၢ်မၤဟီထီၣ်က့ၤအီၤတသ့ဘၣ်. အဘျုးတအိၣ်လၢၤဘၣ်ဒီးဂ့ၤဒၣ်ထဲလၢကဘၣ်တၢ်စူးကွံာ် အီၤလၢကျဲခိၣ်ကျဲလိၤဒီးဘၣ်တၢ်ယီၢ်အီၤခါအီၤအဂီၢ်လီၤ.

လံာ်မၢ်ကူး 9:50

အံသၣ်မ့ၢ်တၢ်လၢအဂ့ၤလီၤ. ဘၣ်ဆၣ်ဒီးမ့ၢ်တဟီလၢၤဘၣ်န့ၣ်, သုကမၤဟီထီၣ်က့ၤအီၤဒ်လဲၣ်. လၢသုတၢ်ရ့လိာ်သကိးသုသးအပူၤန့ၣ်, အိၣ်ဒီးတၢ်အသဟီၣ်ဒ်အံသၣ် အသိးဒီးအိၣ်ဃူအိၣ်ဖိးလိာ်သုသးတဂၤဒီးတဂၤတက့ၢ်.”

လံာ်လူၤကၣ် 4:22

အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 11:19

သိၣ်လိန့ၢ်သုဖိတဖၣ်တက့ၢ်. ကတိၤတၢ်လၢအဂ့ၢ်ဖဲ သုအိၣ်လၢဟံၣ်ဒီးဖဲသုလဲၤတၢ်က့ၤတၢ်, ဖဲသုအိၣ်ဘှံးအိၣ်သါ ဒီးဖဲသုဖံးတၢ်မၤတၢ်အခါန့ၣ်တက့ၢ်.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

၁ ပ့းတရူး 3:15

မ့မ့ၢ်, အိၣ်ဒီးတၢ်ယူးယီၣ်ပာ်ကဲခရံာ်ဒ်ကစၢ်အသိးလၢသုသးကံၢ်ပူၤ န့ၣ်တက့ၢ် (ၡါ ၈:၁၂-၁၃). အိၣ်ကတဲာ်ကတီၤသုသးထီဘိလၢ သုကစံးဆၢပှၤတဂၤဂ့ၤတဂၤဂ့ၤလၢအသံကွၢ်သုတၢ်မုၢ်လၢ်လၢ အအိၣ်လၢသုပူၤအဂ့ၢ်အကျိၤန့ၣ်တက့ၢ်.