ကလီးစဲ 4:3 - Sgaw Karen Common Bible

³ ဒီးဃ့ဘါထုကဖၣ်စ့ၢ်ကီးလၢပဂီၢ်, ဒ်သိးကစၢ်ယွၤကအိးထီၣ် န့ၢ်ပှၤကျဲလၢပကစံၣ်တဲၤတဲလီၤဘၣ်တၢ်အကစီၣ်ဘၣ်ဃးဒီးခရံာ် အတၢ်ခူသူၣ်န့ၣ်တက့ၢ်. အဂ့ၢ်ဒ်အံၤယလီၤဘၣ်လၢဃိာ်အပူၤမ့ၢ်လၢတၢ်ဂ့ၢ်အံၤအဃိလီၤ.

ကလီးစဲ 4:3 Iomraidhean Croise

လံာ်မးသဲ 13:11

ယ့ၣ်ၡူးစံးဆၢဝဲ, “ယွၤဟ့ၣ်ဒုးသ့ၣ်ညါသုလၢတၢ်မ့ၢ်တၢ်တီ အတၢ်ခူသူၣ်ဘၣ်ဃးဒီးမူခိၣ်အဘီအမုၢ်, ဘၣ်ဆၣ်အဝဲသ့ၣ်တဘၣ်တၢ်ဟ့ၣ်ဒုးသ့ၣ်ညါအီၤဘၣ်.

မၤတၢ် 14:27

ဖဲအဝဲသ့ၣ်က့ၤတုၤဖဲဝ့ၢ်အၣ်တံၤအီာ်န့ၣ်, ကိးဖှိၣ်ပှၤတၢ်အိၣ်ဖှိၣ်ဖိတဖၣ်တပူၤဃီဒီးစံးဘၣ်တဲဘၣ် အဝဲသ့ၣ်တၢ်ခဲလၢာ်ဘၣ်ဃးကစၢ်ယွၤအတၢ်မၤဃုာ်တၢ်ဒီးအီၤ, ဒီးဘၣ်ဃးအဝဲအိးဟိထီၣ်ကျဲလၢပှၤကလုာ်ဂၤတဖၣ်ကစူၢ် ကနာ်တၢ်အဂီၢ်ဒ်လဲၣ်န့ၣ်လီၤ.

ရိမ့ၤ 16:25

မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

1 ကရံၣ်သူး 16:9

ပှၤလၢအထီဒါတၢ်အိၣ်ဝဲအါဒံအါဂၤဖဲအံၤသနာ်က့, တၢ်အခွဲးအယာ်နီၢ်နီၢ်အိၣ်ဝဲလၢတၢ်ဖံးတၢ်မၤဖးဒိၣ်, ဒီးတၢ်ဖံးတၢ်မၤလၢအဘျုးအိၣ်အဂီၢ်န့ၣ်လီၤ.

1 ကရံၣ်သူး 4:1

သုကြၢးထံၣ်ပှၤဒ်ပမ့ၢ်ခရံာ်အခ့အပှၤတဖၣ်လၢအဘၣ်တၢ်ဟ့ၣ် မူဟ့ၣ်ဒါအီၤဒ်သိးအကပၢၤဃာ်တၢ်ခူသူၣ်ဘၣ်ဃးဒီးကစၢ်ယွၤ အတၢ်မ့ၢ်တၢ်တီတဖၣ်န့ၣ်လီၤ.

၂ ကရံၣ်သူး 2:12

ဖဲယဟဲတုၤလၢဝ့ၢ်တြိၤအါဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးခရံာ်အဂ့ၢ်န့ၣ်, ယထံၣ်ဘၣ်ယဲလၢကစၢ်အိးဟိထီၣ်တ့ၢ်ကျဲလၢတၢ်ဖံးတၢ်မၤဖဲန့ၣ် အဂီၢ်လီၤ.

အ့းဖ့းစူး 3:1

လၢတၢ်ဂ့ၢ်အံၤအဃိ, ယၤစီၤပီလူး, ပှၤဃိာ်ဖိတဂၤလၢယ့ၣ်ၡူးခရံာ်အဃိဒီးလၢသုဝဲပှၤကလုာ် အဂၤတဖၣ်အဂီၢ်အံၤ, ယဃ့ဘါထုကဖၣ်ယွၤကစၢ်လၢသုဂီၢ်လီၤ.

အ့းဖ့းစူး 3:3

ယွၤလီၣ်ဖျါထီၣ်န့ၢ်တ့ၢ်လံယၤလၢအတၢ်ရဲၣ်တၢ်ကျဲၤခူသူၣ် ဒီးဒုးသ့ၣ်ညါတ့ၢ်လံယၤလၢအဂ့ၢ်လံ. (ယကွဲးတ့ၢ်လံတၢ်ဂ့ၢ် အံၤဖုၣ်ကိာ်လံ.

အ့းဖ့းစူး 3:4

တုၤသုဖးဘၣ်တၢ်လၢယကွဲးအံၤဒီးသုကသ့ၣ်ညါဘၣ်ဃး ယတၢ်နၢ်ပၢၢ်ခရံာ်အတၢ်ခူသူၣ်အဂ့ၢ်န့ၣ်လီၤ.)

အ့းဖ့းစူး 3:9

ဒီးလၢယကဒုးထံၣ်ပှၤခဲလၢာ်လၢကစၢ်ယွၤအတၢ်ရဲၣ်တၢ်ကျဲၤ ဘၣ်ဃးတၢ်လၢအအိၣ်ခူသူၣ်တ့ၢ်လၢနံၣ်လၢအပူၤကွံာ်တဖၣ် စးထီၣ်လၢတၢ်ဘၣ်တ့အခီၣ်ထံးလံၤလံၤ,

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

ဖံလံးပံၤ 1:19

အဂ့ၢ်ဒ်အံၤယသ့ၣ်ညါယဲဒၣ်လၢခီဖျိသုတၢ်ထုကဖၣ်ဒီးတၢ်မၤ စၢၤလၢအဟဲလၢယ့ၣ်ၡူးခရံာ်အသးန့ၣ်, ယကဘၣ်တၢ်မၤထူၣ် ဖျဲးယၤန့ၣ်လီၤ.

ဖံလံးပံၤ 1:7

သုအိၣ်လၢယသးပူၤထီဘိလီၤ. လၢတၢ်န့ၣ်အဃိ, ယပာ်ယသးလၢသုဖီခိၣ်ဒ်အံၤန့ၣ်မ့ၢ်တၢ်လၢအဘၣ်လီၤ. အဂ့ၢ်ဒ်အံၤ, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤယၤန့ၣ် သုဒိးန့ၢ်ဃုာ်အီၤဒီးယၤ, ဖဲယအိၣ်လၢဃိာ်ပူၤအဆၢကတီၢ် ခဲအံၤမ့ၢ်ဂ့ၤ, ဒီးဖဲယအိၣ်ဒီးတၢ်သဘျ့လၢယကကတိၤဒီဒၣ်ဒီး မၤဂၢၢ်မၤကျၢၤတၢ်သးခုကစီၣ်အခါမ့ၢ်ဂ့ၤန့ၣ်လီၤ.

ကလီးစဲ 1:26

အအံၤမ့ၢ်တၢ်ခူသူၣ်လၢယွၤပာ်ခူသူၣ်တ့ၢ်ဝဲလၢပှၤဟီၣ်ခိၣ်ဖိ အမဲာ်ညါလၢတၢ်အစိၤလၢအပူၤကွံာ်တဖၣ်, ဘၣ်ဆၣ်ဒီးခဲအံၤ လီၣ်ဖျါထီၣ်န့ၢ်လံအပှၤဂီၢ်မုၢ်န့ၣ်လံ.

ကလီးစဲ 4:18

လၢယစုလီၢ်ဒၣ်ယဲယကွဲးတၢ်အံၤလီၤ. တၢ်ဆၢဂ့ၤဆၢဝါလၢယၤ စီၤပီလူးအအိၣ်, သ့ၣ်နီၣ်ထီၣ်ယတၢ်ဘၣ်စၢဃာ်တက့ၢ်. မ်ကစၢ်ယွၤအဘျုးအဖှိၣ်လီၤဘၣ်လၢသုလိၤတက့ၢ်.

၁ သ့းစၤလနံ 5:25

ဒီပုၢ်ဝဲၢ်သ့ၣ်ဧၢ, ဃ့ဘါထုကဖၣ်စ့ၢ်ကီးလၢပဂီၢ်တက့ၢ်.

၂ တံၤမသ့း 1:16

မ်ကစၢ်သူၣ်ကညီၤသးကညီၤစီၤအီးနံၤစံဖရူးအဟံၣ်ဖိဃီ ဖိတက့ၢ်. အဂ့ၢ်မ့ၢ်လၢအဝဲဒၣ်မၤမုာ်ထီၣ်ယၤအါဘျီအဃိ လီၤ. အဝဲတမဲာ်ဆှးလၢယအိၣ်ဘၣ်လၢဃိာ်ပူၤအဃိဘၣ်.

၂ တံၤမသ့း 2:9

မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိ ယတူၢ်ဘၣ်တၢ်ဒီးယဘၣ်တၢ်စၢဃာ်ဒၣ်လဲာ်ယၤလၢပျံၤ ထးဒ်ပှၤအၢဖိတဂၤအသိးလီၤ. ဘၣ်ဆၣ်ဒီးကစၢ်ယွၤအကလုၢ်ကထါတဘၣ်တၢ်စၢဃာ်အီၤဘၣ်.

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.

ဖံၤလ့မိၣ် 1:22

တဘျီဃီဝံသးစူၤကတဲာ်ကတီၤဆိပာ်စၢၤဒၢးတဖျၢၣ်လၢ ယဂီၢ်, အဂ့ၢ်ဒ်အံၤယမုၢ်လၢ်လၢကစၢ်ယွၤကစံးဆၢသုခဲလၢာ် အတၢ်ထုကဖၣ်ဒီးဆှၢက့ၤယၤဆူသုအိၣ်န့ၣ်လီၤ.