ကလီးစဲ 4:18 - Sgaw Karen Common Bible

¹⁸ လၢယစုလီၢ်ဒၣ်ယဲယကွဲးတၢ်အံၤလီၤ. တၢ်ဆၢဂ့ၤဆၢဝါလၢယၤ စီၤပီလူးအအိၣ်, သ့ၣ်နီၣ်ထီၣ်ယတၢ်ဘၣ်စၢဃာ်တက့ၢ်. မ်ကစၢ်ယွၤအဘျုးအဖှိၣ်လီၤဘၣ်လၢသုလိၤတက့ၢ်.

ကလီးစဲ 4:18 Iomraidhean Croise

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

ရိမ့ၤ 16:22

ယၤ, စီၤတ့ၢ်တံၤ, ပှၤလၢအကွဲးလံာ်ပရၢအံၤဆှၢလီၤန့ၢ်သုတၢ် ဆၢဂ့ၤဆၢဝါတဖၣ်လၢခရံာ်အပူၤန့ၣ်လီၤ.

ရိမ့ၤ 16:23

ယဟံၣ်ကစၢ်စီၤကါယူး, လၢတၢ်အိၣ်ဖှိၣ်ဘူၣ်သကိးဘါသကိးတၢ်လၢအဟံၣ်ပူၤ တဂၤ, ဆှၢလီၤန့ၢ်သုအတၢ်ဆၢဂ့ၤဆၢဝါတဖၣ်လီၤ. စီၤအ့ရၤစတူး, လၢအမ့ၢ်ဝ့ၢ်အံၤအပှၤပၢၤစ့တဂၤ, ဒီးယဒီပုၢ်ဝဲၢ်စီၤကူအၢ်တူးဆှၢလီၤန့ၢ်သုအဝဲသ့ၣ်အတၢ်ဆၢ ဂ့ၤဆၢဝါတဖၣ်န့ၣ်လီၤ.

1 ကရံၣ်သူး 16:21

လၢယစုဒၣ်ယဲန့ၣ်ယကွဲးတၢ်ကတိၤတထံၣ်အံၤ, “တၢ်ဆၢဂ့ၤဆၢဝါလၢစီၤပီလူးအအိၣ်လီၤ.”

ဖံလံးပံၤ 1:7

သုအိၣ်လၢယသးပူၤထီဘိလီၤ. လၢတၢ်န့ၣ်အဃိ, ယပာ်ယသးလၢသုဖီခိၣ်ဒ်အံၤန့ၣ်မ့ၢ်တၢ်လၢအဘၣ်လီၤ. အဂ့ၢ်ဒ်အံၤ, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤယၤန့ၣ် သုဒိးန့ၢ်ဃုာ်အီၤဒီးယၤ, ဖဲယအိၣ်လၢဃိာ်ပူၤအဆၢကတီၢ် ခဲအံၤမ့ၢ်ဂ့ၤ, ဒီးဖဲယအိၣ်ဒီးတၢ်သဘျ့လၢယကကတိၤဒီဒၣ်ဒီး မၤဂၢၢ်မၤကျၢၤတၢ်သးခုကစီၣ်အခါမ့ၢ်ဂ့ၤန့ၣ်လီၤ.

ကလီးစဲ 4:3

ဒီးဃ့ဘါထုကဖၣ်စ့ၢ်ကီးလၢပဂီၢ်, ဒ်သိးကစၢ်ယွၤကအိးထီၣ် န့ၢ်ပှၤကျဲလၢပကစံၣ်တဲၤတဲလီၤဘၣ်တၢ်အကစီၣ်ဘၣ်ဃးဒီးခရံာ် အတၢ်ခူသူၣ်န့ၣ်တက့ၢ်. အဂ့ၢ်ဒ်အံၤယလီၤဘၣ်လၢဃိာ်အပူၤမ့ၢ်လၢတၢ်ဂ့ၢ်အံၤအဃိလီၤ.

၂ သ့းစၤလနံ 3:17

လၢယစုလီၢ်ဒၣ်ယဲ, ယကွဲးတၢ်ကတိၤတဖၣ်အံၤလီၤ. တၢ်ဆၢဂ့ၤဆၢဝါလၢယၤ စီၤပီလူးအအိၣ်, ယဆဲးလီၤ ယမံၤဒ်သိးအံၤ, လၢတၢ်ပရၢကိးဘ့ၣ်ဒဲးအကတၢၢ်န့ၣ်လီၤ. ယကွဲးလံာ်လၢကျဲဒ်အံၤလီၤ.

၁ တံၤမသ့း 6:21

အဂ့ၢ်ဒ်အံၤ, ပှၤတနီၤစံးဝဲလၢအအိၣ်ဒီးတၢ်အံၤ, ဒီးလၢတၢ်န့ၣ်အဃိတၢ်စူၢ်တၢ်နာ်အကျဲလီၤမၢ်ကွံာ်လၢ အဂီၢ်လီၤ. မ်ယွၤအဘျုးအဖှိၣ်အိၣ်ဒီးသုခဲလၢာ်တက့ၢ်.

၂ တံၤမသ့း 1:8

လၢတၢ်န့ၣ်အဃိ, တဘၣ်မဲာ်ဆှးလၢနကအုၣ်နသးလၢပကစၢ် အဂီၢ်တဂ့ၤ, ဒီးတဘၣ်မဲာ်ဆှးစ့ၢ်ကီးလၢယမ့ၢ်ပှၤဘၣ်တၢ်စၢ ဃာ်လၢခရံာ်အဃိတဂ့ၤ. မ့မ့ၢ်ဒိးဃုာ်တၢ်နးတၢ်ဖှီၣ်ဒီးယၤလၢတၢ်သးခုကစီၣ် အဂီၢ်, ဒ်ကစၢ်ယွၤဟ့ၣ်နၤတၢ်ဂံၢ်တၢ်ဘါလၢနကမၤအီၤအဂီၢ် အသိးန့ၣ်တက့ၢ်.

၂ တံၤမသ့း 4:22

မ်ကစၢ်အိၣ်ဒီးနသးတက့ၢ်. မ်ယွၤအဘျုးအဖှိၣ်အိၣ်ဒီးသုခဲလၢာ်တက့ၢ်.

တံတူး 3:15

ပှၤလၢအအိၣ်ဒီးယၤခဲလၢာ်ဆှၢအတၢ်ဆၢဂ့ၤဆၢဝါဆူ နအိၣ်လီၤ. ဆှၢဘၣ်ပတၢ်ဆၢဂ့ၤဆၢဝါတဖၣ်ဆူပတံၤသကိးလၢ အအိၣ်လၢတၢ်စူၢ်တၢ်နာ်အပူၤတဖၣ်အအိၣ်တက့ၢ်. မ်ယွၤအဘျုးအဖှိၣ်အိၣ်ဒီးသုခဲလၢာ်တက့ၢ်.

ဧ့ၤဘြံၤ 13:25

မ်ကစၢ်ယွၤအဘျုးအဖှိၣ်အိၣ်ဒီးသုခဲလၢာ်တက့ၢ်. အၤမ့ၣ်.

ဧ့ၤဘြံၤ 13:3

သ့ၣ်နီၣ်ထီၣ်ပှၤလၢအအိၣ်လၢဃိာ်ပူၤတဖၣ်တုၤဒၣ်လဲာ်တၢ် ကမၤအသးဒီးသုဒ်သုလီၤဘၣ်ဃိာ်ဒီးအဝဲသ့ၣ်အသိးန့ၣ် တက့ၢ်. သ့ၣ်နီၣ်ထီၣ်ပှၤလၢအဘၣ်တၢ်မၤအၢမၤနးအီၤတဖၣ် ဒ်သုတူၢ်ဘၣ်တၢ်ဒ်သိးအဝဲသ့ၣ်န့ၣ်တက့ၢ်.