ကလီးစဲ 4:12 - Sgaw Karen Common Bible

¹² ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

ကလီးစဲ 4:12 Iomraidhean Croise

လံာ်မးသဲ 5:48

လၢတၢ်န့ၣ်အဃိ, ဒ်သုပၢ်လၢမူခိၣ်လၢပှဲၤဝဲအသိးန့ၣ် လၢထီၣ်ပှဲၤထီၣ်သုဝဲဒ်န့ၣ်အသိးတက့ၢ်.

လံာ်လူၤကၣ် 1:1

စီၤသီးဖံၤလူးသးဘိဧၢ, ပှၤအါဒံအါဂၤဂုာ်ကျဲးစၢးတ့ၢ်ဝဲအဂ့ၤကတၢၢ်လၢအကကွဲး ဖျါထီၣ်က့ၤတၢ်ဂ့ၢ်လၢအမၤတ့ၢ်အသးလၢပသိးပကျါသ့ၣ် တဖၣ်န့ၣ်လီၤ.

လံာ်လူၤကၣ် 22:44

လၢတၢ်သူၣ်ကိၢ်သးဂီၤဖးဒိၣ်အပူၤ, အဝဲဃ့ဘါထုကဖၣ်တၢ်လၢတၢ်ပာ်အသးသပှၢ်ပှၢ်အပူၤ, ဒိၣ်န့ၢ်အလီၢ်လီၤ. အဝဲဒၣ်အကပၢၤယွၤလီၤဒ်တၢ်သွံၣ်အလီၤစီၤ တဖၣ်အသိး, လၢဟီၣ်ခိၣ်လိၤလီၤ.

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

ရိမ့ၤ 15:14

ယဒီပုၢ်ဝဲၢ်သ့ၣ်ဧၢ, ယကစၢ်ဒၣ်ယဲယနာ်လၢသုလၢပှဲၤဒီးတၢ်ဂ့ၤတၢ်ဝါ, ဒီးတၢ်သ့ၣ်ညါအိၣ်ပှဲၤသုပူၤ ဒီးသုသိၣ်လိလိာ်သုသးတဂၤ ဒီးတဂၤသ့ဝဲန့ၣ်လီၤ.

ရိမ့ၤ 15:30

ဒီပုၢ်ဝဲၢ်သ့ၣ်ဧၢ, ခီဖျိပကစၢ်ယ့ၣ်ၡူးခရံာ်ဒီးခီဖျိတၢ်အဲၣ်တၢ်ကွံလၢ ကစၢ်ယွၤအသးဟ့ၣ်လီၤဝဲန့ၣ်, ယသဆၣ်ထီၣ်သုခံလၢသုကဃ့ထုကဖၣ်ယွၤသပှၢ်ပှၢ်ဃုာ်ဒီးယၤလၢ ယဂီၢ်န့ၣ်လီၤ.

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

1 ကရံၣ်သူး 2:6

မ့ၢ်သနာ်က့ဒ်န့ၣ်ဒီး, ဆူပှၤဒိၣ်တုာ်ခိၣ်ပှဲၤလၢသူၣ်လၢသးတကပၤ အအိၣ်န့ၣ်, ယစံၣ်တဲၤတဲလီၤတၢ်ကစီၣ်ဘၣ်ဃးဒီးတၢ်ကူၣ်ဘၣ် ကူၣ်သ့ကစီဒီလီၤ. ဘၣ်ဆၣ်ဒီးအဝဲအံၤတမ့ၢ်တၢ်ကူၣ်ဘၣ်ကူၣ်သ့လၢအဘၣ်ဃး ဒီးဟီၣ်ခိၣ်တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤလၢအပၢဟီၣ်ခိၣ် တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤတဖၣ်လၢအစိကမီၤလီၤမၢ်ကွံာ်ဝဲ န့ၣ်ဘၣ်.

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.

ကလၤတံ 1:10

တၢ်အဝဲအံၤ, မ့ၢ်အသီၣ်မၤအသးဒ်သိးယဂုာ်ကျဲးစၢးမၤန့ၢ် ပှၤကညီအတၢ်ဘၣ်သူၣ်ဘၣ်သးဧါ. တမ့ၢ်လ့ၤတက့ၤဘၣ်. တၢ်လၢယအဲၣ်ဒိးန့ၣ်, မ့ၢ်ကစၢ်ယွၤအတၢ်ဘၣ်သူၣ်ဘၣ်သး န့ၣ်လီၤ. မ့ၢ်ယဂုာ်ကျဲးစၢးဒိးန့ၢ်ပှၤကညီအတၢ်ဘၣ်သူၣ်ဘၣ် သးယၤဧါ. ယမ့ၢ်မၤဒံးဒၣ်ဒ်န့ၣ်ဒီး, ယတမ့ၢ်ခရံာ်အခ့အပှၤ တဂၤဘၣ်.

ကလၤတံ 4:19

ယဖိဆံးသးဘိသ့ၣ်ဧၢ, ဒ်မိၢ်တဂၤလၢအဆံးစၢ်ထီၣ်အဖိအသိး န့ၣ်, ယတူၢ်ဘၣ်တၢ်ဆါတမံၤဃီလၢသုဂီၢ်တုၤခရံာ်အက့ၢ်အဂီၤ ကဲထီၣ်လိၣ်ထီၣ်လၢသုပူၤန့ၣ်လီၤ.

ကလီးစဲ 1:22

ဘၣ်ဆၣ်အခဲအံၤ, ခီဖျိခရံာ်အတၢ်ဒိးသံအသးလၢနီၢ်ခိနီၢ်ခီ န့ၣ်, ကစၢ်ယွၤဒုးကဲထီၣ်သုလၢအတံၤအသကိးတဖၣ်ဒ်သိး အကကိးက့ၤသုဆူအအိၣ်ဒီးလၢအဝဲအမဲာ်ညါန့ၣ်သုကစီဆှံ, တအိၣ်ဘၣ်ဒီးတၢ်ကမၣ်ဘၣ်ဒီးတၢ်ပာ်ဒ့ၣ်ပာ်ကမၣ်တသ့ဘၣ် အဂီၢ်န့ၣ်လီၤ.

ကလီးစဲ 1:28

ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.

ကလီးစဲ 1:29

လၢတၢ်အံၤအဂီၢ်ယဂုာ်မၤယဲလၢာ်ဂံၢ်လၢာ်ဘါဒ်ခရံာ်မၤ ဆူၣ်ထီၣ်ယသးဒိၣ်ဒိၣ်ကလဲာ်အသိးန့ၣ်လီၤ.

ကလီးစဲ 1:7

ခီဖျိပှၤလၢတၢ်အဲၣ်အီၤဒီးယွၤအခ့အပှၤသကိးဒီးပှၤစီၤ အ့းပၤဖြါန့ၣ်လီၤ. အဝဲမ့ၢ်ပခၢၣ်စး, ခရံာ်အခ့အပှၤလၢ အကလုၢ်တီတဂၤ,

ကလီးစဲ 1:9

လၢတၢ်န့ၣ်အဃိ, စးထီၣ်မုၢ်တနံၤလၢပနၢ်ဟူဘၣ်သုဂ့ၢ်လံၤလံၤ န့ၣ်ပတဆိတ့ၢ်ဘါထုကဖၣ်လၢသုဂီၢ်ဘၣ်. ပတၢ်ထုကဖၣ်လၢ သုဂီၢ်မ့ၢ်ဒ်သိးယွၤကမၤပှဲၤသုဒီးတၢ်သ့ၣ်ညါအတၢ်ဘၣ်အသးဒီး တၢ်ကူၣ်ဘၣ်ကူၣ်သ့ဒီးတၢ်သ့ၣ်ညါနၢ်ပၢၢ်ခဲလၢာ်လၢယွၤ အသးဟ့ၣ်လီၤဝဲ,

ကလီးစဲ 4:9

ဃုာ်ဒီးအီၤန့ၣ်ယမၢလီၤစ့ၢ်ကီးဒီပုၢ်ဝဲၢ်လၢတၢ်အဲၣ်အီၤဒီး အကလုၢ်တီဝဲစီၤအီးန့ၤစံမူး, လၢအဘၣ်ဃးဒီးသုတဂၤန့ၣ်လီၤ. အဝဲသ့ၣ်ကတဲဘၣ်သုလၢတၢ်မၤအသးဖဲအံၤခဲလၢာ်လီၤ.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.

ဖံၤလ့မိၣ် 1:23

ပှၤလၢအလီၤဘၣ်ဃိာ်လၢယ့ၣ်ၡူးခရံာ်အဃိဒီးယၤ, စီၤအ့းပၤဖြါဆှၢလီၤအတၢ်ဆၢဂ့ၤဆၢဝါဆူသုအိၣ်လီၤ.

ဧ့ၤဘြံၤ 5:14

ဘၣ်ဆၣ်ဒီးတၢ်အသံးအကာ်မ့ၢ်လၢပှၤဒိၣ်တုာ်ခိၣ်ပှဲၤ အဂီၢ်, ပှၤလၢအအိၣ်ကတဲာ်ကတီၤတ့ၢ်လံအသးခီဖျိ အပဲာ်ဖးနီၤဖးညီနုၢ်တၢ်ဂ့ၤဒီးတၢ်အၢအဆၢန့ၣ်လီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.

ယၤကိာ် 1:4

မ်သုတၢ်တူၢ်တၢ်အံၤကဆှၢသုဆူတၢ်အကတၢၢ်တစုတအိၣ် ဒီးတၢ်လီၤတူာ်လီၤကာ်ဘၣ်, ဒ်သိးသုကလၢထီၣ်ပှဲၤထီၣ်ဒီး အိၣ်ဒီးတၢ်ခဲလၢာ်ဒီးတလီၤဆံးလီၤစှၤလၢတၢ်နီတမံၤဘၣ် အဂီၢ်န့ၣ်တက့ၢ်.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

ယူဒၤ 1:24

ပှၤလၢအဟံးဃာ်ပၢၤဃာ်သုသ့ဒ်သိးသုသုတလီၤဃံၤတဂ့ၤ, ဒီးပာ်သုလၢအလၤကပီၤအမဲာ်ညါတအိၣ်ဘၣ်ဒီးမဲၣ်သူမဲၣ်ဂီၤဘၣ် လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,