ကလီးစဲ 4:11 - Sgaw Karen Common Bible

¹¹ စီၤယ့ၣ်ၡူးလၢအဘၣ်တၢ်ကိးစ့ၢ်ကီးလၢစီၤယူစတူးတဂၤ ဆှၢလီၤစ့ၢ်ကီးအတၢ်ဆၢဂ့ၤဆၢဝါဆူသုအိၣ်လီၤ. ထဲအဝဲသ့ၣ်သၢဂၤဧိၤမ့ၢ်ပှၤယူဒၤဖိလၢအစူၢ်က့ၤနာ်က့ၤခရံာ် လၢအမၤသကိးတၢ်ဒီးယၤလၢယွၤအဘီအမုၢ်အပူၤဒီး ကဲထီၣ်တၢ်မၤစၢၤအဒိၣ်အအါလၢယဂီၢ်န့ၣ်လီၤ.

ကလီးစဲ 4:11 Iomraidhean Croise

မၤတၢ် 10:45

ပှၤယူဒၤဖိလၢအစူၢ်က့ၤနာ်က့ၤတၢ်လၢအဟဲဃုာ်ဒီးစီၤပ့းတရူး လၢဝ့ၢ်ယၤဖိၤတဖၣ်, ကမၢကမၣ်ဝဲလၢကစၢ်ယွၤလူလီၤဂၢ်လီၤအတၢ်ဟ့ၣ်ဘၣ်ဃးသး စီဆှံလၢပှၤကလုာ်ဂၤတဖၣ်အလိၤစ့ၢ်ကီးအဃိန့ၣ်လီၤ.

မၤတၢ် 11:2

သတးဒီးဖဲစီၤပ့းတရူးလဲၤထီၣ်ဆူယရူၤၡလ့ၣ်န့ၣ်, အပျဲၢ်အဘီၣ်လၢအဟံးဃာ်ဒံးတၢ်စူၢ်တၢ်နာ်ဘၣ်ဃး တၢ်ကူးတရံးတဖၣ်ကတိၤပာ်တၢ်ကမၣ်လၢအလိၤ

ရိမ့ၤ 16:3

ယဆှၢယတၢ်ဆၢဂ့ၤဆၢဝါတဖၣ်ဆူနီၢ်ပြံစကံးလၤဒီးစီၤအကူလၤ, လၢအမ့ၢ်ယပှၤမၤသကိးတၢ်တဖၣ်လၢယ့ၣ်ၡူးခရံာ်အတၢ်မၤအပူၤ အအိၣ်လီၤ.

ရိမ့ၤ 4:12

အဝဲမ့ၢ်စ့ၢ်ကီးပှၤဒိးတၢ်ကူးတရံးခဲလၢာ်အပၢ်, အခီပညီတမ့ၢ်ထဲအဝဲသ့ၣ်ကူးတရံးအသးအဃိဘၣ်. မ့မ့ၢ်, မ့ၢ်လၢအဝဲသ့ၣ်အိၣ်မူစ့ၢ်ကီးတၢ်နာ်အတၢ်အိၣ်မူ တမံၤဃီလၢပပၢ်စီၤအၤဘြၤဟၣ်အိၣ်မူတ့ၢ်ဝဲ တချုးလၢ အဒိးတၢ်ကူးတရံးအဃိန့ၣ်လီၤ.

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

အ့းဖ့းစူး 2:11

ပှၤလၢအအိၣ်ဖျဲၣ်ထီၣ်ဒ်ပှၤကလုာ်ဂၤတဖၣ်အသိး, ပှၤလၢပှၤယူဒၤဖိလၢအကိးလီၤအသးလၢပှၤဒိးတၢ်ကူးတရံး လၢနီၢ်ခိနီၢ်ခီတဖၣ်, ကိးဝဲလၢပှၤတဒိးဘၣ်တၢ်ကူးတရံးဖိတဖၣ် သ့ၣ်ဧၢ, သ့ၣ်နီၣ်ထီၣ်တၢ်လၢသုမ့ၢ်တ့ၢ်လၢအပူၤကွံာ်အဆၢ ကတီၢ်န့ၣ်တက့ၢ်.

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.

ကလီးစဲ 4:7

ယဒီပုၢ်ဝဲၢ်လၢတၢ်အဲၣ်အီၤစီၤတူဃံၤကူးလၢအမ့ၢ်ပှၤမၤတၢ်ဖိလၢ အကလုၢ်တီဒီးမ့ၢ်ပှၤမၤသကိးတၢ်လၢကစၢ်အတၢ်မၤအပူၤတဂၤ ကတဲဘၣ်သုလၢယဂ့ၢ်ယကျိၤခဲလၢာ်လီၤ.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,

၁ သ့းစၤလနံ 3:7

လၢတၢ်န့ၣ်အဃိ, ဒီပုၢ်ဝဲၢ်သ့ၣ်ဧၢ, လၢပတၢ်နးတၢ်ဖှီၣ်ဒီးတၢ်တူၢ်ဘၣ်တၢ်ခဲလၢာ်ခဲဆ့အဆၢ ကတီၢ်န့ၣ်, ပဘၣ်တၢ်ဟ့ၣ်ဆူၣ်ထီၣ်ပဂံၢ်ပဘါလၢသုဃိလီၤ. သုတၢ်စူၢ်တၢ်နာ်ခရံာ်မ့ၢ်တၢ်လၢအဟ့ၣ်ဆူၣ်ထီၣ်ပဂံၢ် ပဘါလီၤ.

တံတူး 1:10

အဂ့ၢ်ဒ်အံၤ, ပှၤအိၣ်ဝဲအါဂၤလၢအထီဒါတၢ်ဒီးကတိၤတၢ်လၢ အခီပညီတအိၣ်ဒီးလီန့ၢ်ပှၤဂၤတဖၣ်န့ၣ်လီၤ. ပှၤတဖၣ်အံၤပထံၣ်အီၤလီၤဆီဒၣ်တၢ်လၢပှၤယူဒၤဖိလၢ အကဲထီၣ်ပှၤခရံာ်ဖိတဖၣ်အကျါန့ၣ်လီၤ.

ဖံၤလ့မိၣ် 1:1

လၢစီၤပီလူး, ပှၤလီၤဘၣ်ဃိာ်လၢယ့ၣ်ၡူးခရံာ်အဃိ, ဒီးပဒီပုၢ်ဝဲၢ်စီၤတံၤမသ့း, ဆူ, ပတံၤသကိး, ပှၤမၤသကိးတၢ်ဒီးပှၤစီၤဖံၤလ့မိၣ်,

ဖံၤလ့မိၣ် 1:24

ဒ်န့ၣ်အသိးပှၤမၤသကိးတၢ်ဒီးယၤစီၤမၢ်ကူး, စီၤအရံစတၢ်ဃူး, စီၤဒ့မၤဒီးစီၤလူၤကၣ်သ့ၣ်တဖၣ်ဆှၢလီၤစ့ၢ်ကီးအတၢ်ဆၢဂ့ၤ ဆၢဝါသုလီၤ.