ကလီးစဲ 4:10 - Sgaw Karen Common Bible

¹⁰ စီၤအရံးစတၢ်ဃူးလၢအလီၤဘၣ်ဃိာ်တပူၤဃီဒီးယၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤဘၢ်နါဘၤအတခွါစီၤမၢ်ကူး (ပှၤလၢသုဘၣ်တၢ်မၢတ့ၢ်သုလၢသုကတူၢ်လိာ်ခီၣ်ဆၢအီၤဖဲ အဝဲလဲၤဘၣ်ဆူသုအိၣ်တဘျီလၢ်လၢ်တဂၤ) စ့ၢ်ကီးဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ.

ကလီးစဲ 4:10 Iomraidhean Croise

မၤတၢ် 12:12

ဖဲအဝဲဒၣ်သ့ၣ်ညါတၢ်မၤအသးဒီးအီၤနီၢ်နီၢ်မ့ၢ်တၢ်ဒ်လဲၣ်န့ၣ်, အဝဲလဲၤဆူစီၤယိၤဟၣ်မၢ်ကူးအမိၢ်နီၢ်မၤရံအဟံၣ်ဘၣ်ဖဲပှၤ အါဒံအါဂၤအိၣ်ဖှိၣ်ရိဖှိၣ်ဖဲန့ၣ်ဒီးဃ့ဘါထုကဖၣ်တၢ်အဖၢမုၢ်လီၤ.

မၤတၢ် 12:25

ဒီးစီၤဘၢ်နါဘၤဒီးစီၤစီလူး, မၤဝံၤအတၢ်မၤဒီးဟးထီၣ်လၢဝ့ၢ် ယရူၤၡလ့ၣ်, ကိးဃုာ်စီၤယိၤဟၣ်မၢ်ကူးဒီးအဝဲသ့ၣ်လီၤ.

မၤတၢ် 13:13

စီၤပီလူးဒီးပှၤလဲၤဃုာ်တၢ်ဒီးအီၤတဖၣ်ဟးထီၣ်ဖဲဝ့ၢ်ပါပူး ဒီးဒိးကဘီဆူဝ့ၢ်ပ့ၢ်က့ၤဘၣ်ဃးကီၢ်ပၣ်ဖူၤလံန့ၣ်လီၤ. ဖဲန့ၣ်, စီၤယိၤဟၣ်မၢ်ကူးပာ်တ့ၢ်အဝဲသ့ၣ်ဒီးက့ၤက့ၤဝဲဆူဝ့ၢ် ယရူၤၡလ့ၣ်န့ၣ်လီၤ.

မၤတၢ် 13:5

ဖဲအဝဲသ့ၣ်လဲၤတုၤဖဲဝ့ၢ်စလၤမံန့ၣ်, စံၣ်တဲၤတဲလီၤယွၤအကလုၢ်ကထါလၢပှၤယူဒၤဖိအဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤလီၤ. ဒီးအဝဲသ့ၣ်အိၣ်ဒီးစီၤယိၤဟၣ် မၢ်ကူးလၢအကမၤစၢၤအီၤလၢအတၢ်ဖံးတၢ်မၤအပူၤန့ၣ်လီၤ.

မၤတၢ် 19:29

တၢ်တၢထီၣ်တၢလီၤအဝဲအံၤဘၣ်ကူဘၣ်ဂာ်ဝ့ၢ်ဒီဝ့ၢ်ညါလီၤ. ကမျၢၢ်အအၢအသီတဖုအံၤစှီၤဃာ်စီၤကါယူးဒီးစီၤအရံစတၢ်ဃူး, ပှၤမၤက့းဒနံဖိခံဂၤလၢအလဲၤဃုာ်တၢ်ဒီးစီၤပီလူး, ဒီးဃ့ၢ်တွံၢ်ဃုာ်အဝဲသ့ၣ်ဆူတၢ်ဒုးနဲၣ်တၢ်အဘျီၣ်အပူၤန့ၣ်လီၤ.

မၤတၢ် 20:4

ပှၤဘ့းရံၤဖိစီၤပူရူးအဖိခွါစီၤစိပၤတြူး, ပှၤသ့းစၤလနံဖိစီၤအရံစတၢ်ဃူးဒီးစီၤစ့းကူၣ်ဒူး, ပှၤဒ့ၢ်ဘ့ၤဖိ စီၤကါယူး, ဒီးစီၤတံၤမသ့း, ဒီးပှၤအၤစံဖိစီၤတူဃံၤကူးဒီးစီၤ တြီးဖံၤမူးတဖၣ်လဲၤဃုာ်ဒီးအီၤလီၤ.

မၤတၢ် 27:2

ပဒိးထီၣ်ကဘီလၢအဟဲလၢဝ့ၢ်အဒြၤမူးတ့ၣ်တဘ့ၣ်လၢအအိၣ် ကတဲာ်ကတီၤအသးဒ်သိးအကဟးထီၣ်ဒီးလဲၤဆူဝ့ၢ်အိၣ်လၢကီၢ် အၤစံအသရ့ၤတဖၣ်န့ၣ်လီၤ. ပှၤသ့းစၤလနံဖိလၢအဘၣ်ဃးဒီးကီၢ်မၤက့းဒနံစီၤအရံ စတၢ်ဃူးတဂၤလဲၤဃုာ်တၢ်ဒီးပှၤလီၤ.

မၤတၢ် 4:36

စီၤယိၤစ့ၣ်ပှၤလ့ၤဝံဖိလၢအအိၣ်ဖျဲၣ်ထီၣ်လၢကီးကူပြူးအပူၤ, လၢပှၤတၢ်မၢဖိတဖၣ်ယုၢ်န့ၢ်အမံၤလၢစီၤဘၢ်နါဘၤ (အခီပညီ, ပှၤလၢအဟ့ၣ်ဆူၣ်ထီၣ်ပှၤဂံၢ်ပှၤဘါ) တဂၤ

ရိမ့ၤ 16:2

တူၢ်လိာ်အီၤလၢကစၢ်အမံၤအပူၤ, ဒ်ပှၤစီဆှံတဖၣ်ကြၢးမၤ ဝဲအသိး, ဒီးဟ့ၣ်အီၤတၢ်မၤစၢၤတမံၤဂ့ၤတမံၤဂ့ၤလၢအဝဲလိၣ် ဘၣ်ဝဲလၢသုအိၣ်န့ၣ်တက့ၢ်. အဂ့ၢ်ဒ်လဲၣ်န့ၣ်, အဝဲမ့ၢ်တ့ၢ်တံၤသကိးအဂ့ၤလၢပှၤအါဂၤအဂီၢ် ဒီးလၢယဂီၢ်စ့ၢ်ကီးလီၤ.

ရိမ့ၤ 16:7

ယဆှၢတၢ်ဆၢဂ့ၤဆၢဝါတဖၣ်ဆူစီၤအၤဒြနံကူးဒီးစီၤယူၤနံ, လၢအမ့ၢ်ပှၤယူဒၤဖိသကိးသကိးဒီးယၤ, လၢအလီၤဃိာ်ပူၤဒီး ယၤအအိၣ်န့ၣ်လီၤ. အဝဲသ့ၣ်ဘၣ်တၢ်သ့ၣ်ညါအီၤအါမးလၢပှၤတၢ်မၢဖိတဖၣ် အကျါ, ဒီးအဝဲသ့ၣ်ကဲထီၣ်ခရံာ်ဖိလၢယမဲာ်ညါန့ၣ်လီၤ.

၂ တံၤမသ့း 4:11

ပှၤအိၣ်ဒီးယၤထဲစီၤလူၤကၣ်တဂၤဧိၤန့ၣ်လီၤ. ကိးန့ၢ်စီၤမၢ်ကူးဒီးမၢအဟဲဒီးနၤတက့ၢ်. အဂ့ၢ်ဒ်အံၤ, အဝဲမၤစၢၤယၤလၢတၢ်မၤအပူၤသ့ဒီးကဲဘျုးလၢယဂီၢ်ဒိၣ်မး န့ၣ်လီၤ.

ဖံၤလ့မိၣ် 1:23

ပှၤလၢအလီၤဘၣ်ဃိာ်လၢယ့ၣ်ၡူးခရံာ်အဃိဒီးယၤ, စီၤအ့းပၤဖြါဆှၢလီၤအတၢ်ဆၢဂ့ၤဆၢဝါဆူသုအိၣ်လီၤ.

ဖံၤလ့မိၣ် 1:24

ဒ်န့ၣ်အသိးပှၤမၤသကိးတၢ်ဒီးယၤစီၤမၢ်ကူး, စီၤအရံစတၢ်ဃူး, စီၤဒ့မၤဒီးစီၤလူၤကၣ်သ့ၣ်တဖၣ်ဆှၢလီၤစ့ၢ်ကီးအတၢ်ဆၢဂ့ၤ ဆၢဝါသုလီၤ.

၁ ပ့းတရူး 5:13

သုဒီပုၢ်ဝဲၢ်တၢ်အိၣ်ဖှိၣ်လၢဘၤဘူၤလိၣ်အပူၤ, လၢအဘၣ်တၢ်ဃုထၢစ့ၢ်ကီးအီၤလၢကစၢ်ယွၤ, ဆှၢန့ၢ်သုတၢ်ဆၢဂ့ၤဆၢဝါတဖၣ်, ဒီးယဖိခွါစီၤမၢ်ကူးစ့ၢ်ကီးဆၢဂ့ၤဆၢဝါသုလီၤ.