ကလီးစဲ 3:7 - Sgaw Karen Common Bible

⁷ လၢညါန့ၣ်, သုဝဲသုအိၣ်မူတ့ၢ်ဒ်တၢ်မိၣ်န့ၢ်သးလီတဖၣ်အံၤ အတၢ်မၢန့ၢ်ဆီၣ်ခံသုအသိး, ဖဲသုဒိးပၢဒိးဆှၢတ့ၢ်သုသးလၢတၢ်သ့ၣ်တဖၣ်န့ၣ်လီၤ.

ကလီးစဲ 3:7 Iomraidhean Croise

ရိမ့ၤ 7:5

မ့ၢ်အဂ့ၢ်ဒ်လဲၣ်န့ၣ်, ဖဲပအိၣ်မူဒ်ပှၤဟီၣ်ခိၣ်ဖိအန့ဆၢၣ်အသိး န့ၣ်, တၢ်ဒဲးဘးအတၢ်သူၣ်လီသးကွံတဖၣ်လၢတၢ်သိၣ်တၢ် သီထိၣ်ဂဲၤအီၤန့ၣ်, မၤတၢ်လၢပနီၢ်ခိတဖၣ်အပူၤဒီးပကဲဘျုး လၢတၢ်သံအတၢ်မၤအဂီၢ်လီၤ.

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

အ့းဖ့းစူး 2:2

အကတီၢ်ဖဲန့ၣ်အခါသုအိၣ်မူတ့ၢ်သုဝဲလၢတၢ်ဒဲးဘးအပူၤ, သုလဲၤတ့ၢ်တၢ်လၢဟီၣ်ခိၣ်အကျဲအၢကျဲသီတဖၣ်အပူၤ ဒီးသုစူၢ်တ့ၢ်တၢ်ဝံတၢ်နါလၢမူကပိာ်လိၤတဖၣ်အကစၢ် လၢအပၢဘၣ်ပှၤတဖၣ်လၢအတစူၢ်ဘၣ်ကစၢ်ယွၤန့ၣ်လီၤ.

ကလီးစဲ 2:13

လၢညါန့ၣ်လၢသုတၢ်ဒဲးဘးအဃိ, ဒီးလၢသုမ့ၢ်ပှၤကလုာ်ဂၤတဖၣ်လၢအတအိၣ်ဘၣ်ဒီးတၢ်သိၣ်တၢ်သီ အဃိသုမ့ၢ်တ့ၢ်ပှၤလၢအသံဝဲလၢသူၣ်လၢသးလီၤ. ဘၣ်ဆၣ်အခဲအံၤယွၤဒုးဂဲၤဆၢထၢၣ်က့ၤလံသုလၢတၢ်သံဃုာ်ဒီး ခရံာ်လံ. ယွၤပျၢ်ကွံာ်ကယဲၢ်ပတၢ်ဒဲးဘးတဖၣ်ခဲလၢာ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.