ကလီးစဲ 3:20 - Sgaw Karen Common Bible

²⁰ ဖိသ့ၣ်ဧၢ, စူၢ်သုမိၢ်သုပၢ်လၢတၢ်ကိးမံၤဒဲးအပူၤတက့ၢ်. အဂ့ၢ်ဒ်အံၤတၢ်န့ၣ်မ့ၢ်တၢ်လၢအဘၣ်ကစၢ်ယွၤအသးလီၤ.

ကလီးစဲ 3:20 Iomraidhean Croise

လံာ်တၢ်ကဲထီၣ်အခီၣ်ထံး 28:7

ဒီးအဝဲထံၣ်ဝဲဒၣ်လၢစီၤယၤကိာ်စူၢ်အမိၢ်ဒီးအပၢ်ဒီးလဲၤဝဲ ဆူကီၢ်မ့းစပတၤမံလံန့ၣ်လီၤ.

လံာ်တၢ်ဟးထီၣ်ကွံာ် 20:12

ယူးယီၣ်ပာ်ကဲသုပၢ်ဒီးသုမိၢ်, ဒ်သိးသုကအိၣ်ကၢအိၣ်ခိးလၢ ကီၢ်တဘ့ၣ်လၢကယဟ့ၣ်လီၤသုအပူၤန့ၣ်တက့ၢ်.

တၢ်ကတိၤဒိ. 20:20

နမ့ၢ်ဆိၣ်အၢနမိၢ်နပၢ်န့ၣ်နတၢ်အိၣ်မူကကတၢၢ်ဝဲဒ်မ့ၣ်အူဒၢ တဖျၢၣ်လၢအလီၤပံာ်ကွံာ်ဝဲလၢတၢ်ခံးကျါအသိးန့ၣ်လီၤ.

တၢ်ကတိၤဒိ. 30:11

ပှၤအိၣ်ဝဲတကလုာ်လၢအဆိၣ်အၢအပၢ်တဖၣ်ဒီးတပာ်ဖျါအတၢ်စံးဘျုး ဆူအမိၢ်တဖၣ်အအိၣ်ဘၣ်န့ၣ်လီၤ.

တၢ်ကတိၤဒိ. 30:17

ပှၤတဂၤလၢ်လၢ်လၢအမၤကလိာ်ကလာ်အပၢ်ဒီးသးဘၣ်အၢ အမိၢ်ဖဲအသးပှၢ်ထီၣ်အဆၢကတီၢ်န့ၣ်, ကြၢးလီတာ်တဖၣ်အီၣ်အီၤမ့ၢ်ဂ့ၤ, ကြၢးလၢအမဲာ်ချံတဖၣ်ဘၣ်တၢ် အူခွဲးထီၣ်အီၤလၢစိးဝၣ်ဃးအမံၤတဖၣ်မ့ၢ်ဂ့ၤန့ၣ်လီၤ.

တၢ်ကတိၤဒိ. 6:20

ယဖိခွါဧၢ, မၤဒ်နပၢ်မၤလိာ်နၤအသိး, ဒီးသးပ့ၤနီၣ်နမိၢ် အတၢ်သိၣ်လိတ့ၢ်နၤတဂ့ၤ.

လံာ်ယံးရမံယၤ 35:8

ပစူၢ်တ့ၢ်ကယဲၢ်တၢ်သိၣ်လိနဲၣ်ယုၤတဖၣ် လၢစီၤယိၤနဒာ် ဟ့ၣ်လီၤတ့ၢ်ပှၤန့ၣ်လီၤ. ပကစၢ်ဒၣ်ဝဲ ပတအီစပံးထံ နီတစုဘၣ်. ဒီးပမါတဖၣ်မ့ၢ်ဂ့ၤ, ပဖိခွါတဖၣ်မ့ၢ်ဂ့ၤ, ဒီးပဖိမုၣ် တဖၣ်မ့ၢ်ဂ့ၤ တအီစ့ၢ်ကီးဝဲ နီတစုဘၣ်.

လံာ်ယဃ့းစက့လး 22:7

ပှၤအိၣ်လၢဝ့ၢ်ပူၤတယူးယီၣ်အမိၢ်အပၢ်နီတဂၤဘၣ်. သုလီန့ၢ်ပှၤတခီဘီမုၢ်ဖိတဖၣ်ဒီးသုဟံးန့ၢ်တၢ်အခွဲး အယာ်လၢပှၤမုၣ်ကမဲတဖၣ်ဒီးပှၤဖိၣ်ဃဲတဖၣ်အဖီခိၣ်လီၤ.

လံာ်တၢ်ဘူၣ်ထီၣ်ဘါထီၣ် 19:3

ပှၤကိးဂၤဒဲးကဘၣ်ယူးယီၣ်အမိၢ်ဒီးအပၢ်လီၤ. ဒီးကဘၣ်ပာ်စီဆှံမုၢ်အိၣ်ဘှံးအနံၤဒ်ယမၤလိာ်တ့ၢ်အသိးန့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်မးသဲ 19:19

ယူးယီၣ်နမိၢ်ဒီးနပၢ်တက့ၢ်. ဒီးအဲၣ်ပှၤလၢနဃၢၤဒ်နအဲၣ်လီၤနသးဒၣ်နဲ အသိးန့ၣ်တက့ၢ်” (ဟးထီၣ်. ၂၀:၁၂-၁၆).

အ့းဖ့းစူး 5:24

လၢတၢ်န့ၣ်အဃိမါတဖၣ်ကဘၣ်ဒိးပၢဒိးဆှၢအသးလၢအဝၤ တဖၣ်လၢတၢ်ကိးမံၤဒဲးအပူၤ, ဒ်တၢ်အိၣ်ဖှိၣ်ဒိးပၢဒိးဆှၢအသးလၢခရံာ်အသိးန့ၣ်လီၤ.

လံာ်သိၣ်လီၤသီလီၤတၢ် 27:16

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်အပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 5:16

ယူးယီၣ်သုပၢ်ဒီးသုမိၢ်, ဒ်ယၤ, ယွၤ, သုကစၢ်ယွၤမၤလိာ်သု, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဂီၢ်, ဒီးဒ်သိးသုကအိၣ်မူယံာ်ယံာ်ထၢထၢလၢကီၢ်တဘ့ၣ်လၢယဟ့ၣ် လီၤသုအပူၤန့ၣ်တက့ၢ်.

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

ကလီးစဲ 3:22

ကုၢ်သ့ၣ်ဧၢ, စူၢ်သုကစၢ်တဖၣ်လၢတၢ်ခဲလၢာ်အပူၤ, တမ့ၢ်ဘၣ်ထဲလၢအဝဲသ့ၣ်အမဲာ်ညါလၢအကထံၣ်ဝဲဒီးဘၣ် သူၣ်ဘၣ်သးဝဲအဂီၢ်န့ၣ်ဧိၤဘၣ်. မ့မ့ၢ်မၤသုဝဲလၢတၢ်သူၣ်တီသးရၤဒီးတၢ်ယူးယီၣ်ကစၢ် အပူၤတက့ၢ်.

တံတူး 2:9

ကုၢ်တဖၣ်ကဘၣ်ဒိးပၢအသးလၢအကစၢ်ဒီးမၤဘၣ်အဝဲသ့ၣ် အသးလၢတၢ်ခဲလၢာ်အပူၤလီၤ. အဝဲသ့ၣ်တဘၣ်ကတိၤဆၢက့ၤအကစၢ်တဖၣ်ဘၣ်,

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

လံာ်နီၢ်ရူၤသး 3:5

နီၢ်ရူၤသးစံးဆၢဝဲ, “ကယဲၢ်တၢ်လၢနစံးဘၣ်ယၤခဲလၢာ်န့ၣ်, ယကမၤယဲလီၤ.”