ကလီးစဲ 3:19 - Sgaw Karen Common Bible

¹⁹ ဝၤသ့ၣ်ဧၢ, အဲၣ်သုမါဒီးတဘၣ်ပာ်ဆူၣ်ပာ်ကိၤသုသးလၢ အဝဲသ့ၣ်အဖီခိၣ်တဂ့ၤ.

ကလီးစဲ 3:19 Iomraidhean Croise

လံာ်တၢ်ကဲထီၣ်အခီၣ်ထံး 24:67

တုၤနုၤတစု, စီၤအံၤစဲးကိးနုာ်နီၢ်ရံးဘကၤဆူအမိၢ်နီၢ်စၤ ရါအဒဲပူၤဒီးနီၢ်ရံးဘကၤကဲထီၣ်အမါန့ၣ်လီၤ. စီၤအံၤစဲးအဲၣ်နီၢ်ရံးဘကၤသတးဒီးအသးမုာ်ထီၣ်က့ၤဝဲလၢတၢ် ဘၣ်မိၣ်ဘၣ်မးလၢအမိၢ်တအိၣ်လၢၤဘၣ်အဂ့ၢ်အဃိလီၤ.

လံာ်ပှၤစံၣ်တဲၤတဲလီၤတၢ် 9:9

မၤမုာ်နသးဒီးတၢ်အိၣ်မူဃုာ်ဒီးပိာ်မုၣ်လၢနအဲၣ်အီၤ, ဖဲနအိၣ်မူဒံးတၢ်အိၣ်မူလၢအဘျုးတအိၣ်ဘၣ်အကတီၢ်လၢကစၢ်ယွၤ ဟ့ၣ်တ့ၢ်နၤလၢဟီၣ်ခိၣ်အံၤတက့ၢ်. မုာ်လၤလၢမုၢ်နံၤကိးနံၤဒဲးလၢအဘျုးတအိၣ်ဘၣ်န့ၣ်အပူၤတ က့ၢ်. အဂ့ၢ်ဒ်အံၤ, တၢ်န့ၣ်မ့ၢ်တၢ်ခဲလၢာ်လၢနကမၤန့ၢ်အီၤလၢကယဲၢ် နတၢ်ကိၢ်တၢ်ဂီၤအဂီၢ်န့ၣ်လီၤ.

လံာ်လူၤကၣ် 14:26

ပှၤတဂၤလၢ်လၢ်လၢအဟဲဆူယအိၣ်န့ၣ်, မ့တမ့ၢ်လၢအဝဲဒၣ်အဲၣ်ယၤအါန့ၢ်အပၢ်, ဒီးအမိၢ်, အမါဒီးအဖိအလံၤတဖၣ်, အဒီပုၢ်ဝဲၢ်ခွါတဖၣ်, ဒီးအဒီပုၢ်ဝဲၢ်မုၣ်တဖၣ်, ဒီးအနီၢ်ကစၢ်ဒၣ်ဝဲစ့ၢ်ကီးဘၣ်ဒီး, ကဲယပျဲၢ်ယဘီၣ်တသ့ဘၣ်.

ရိမ့ၤ 3:14

အကိာ်ပူၤတဖၣ်ပှဲၤဝဲဒီးတၢ်ဆိၣ်အၢဆိၣ်သီ လၢအခၣ်တဖၣ်န့ၣ်လီၤ.

အ့းဖ့းစူး 4:31

ပာ်တ့ၢ်ကွံာ်ကယဲၢ်မ့ၢ်တၢ်သးဆါ, တၢ်သူၣ်ထီၣ်သးထီၣ်, တၢ်သူၣ်ဒိၣ်သးဖျိး, တၢ်အ့ၣ်လိာ်ဆိးက့သီၣ်သီၣ်သဲသဲ, တၢ်ကတိၤဒုၣ်ဒွဲၣ်ဃုာ်ဒီးတၢ်သူၣ်ဟ့သးဟ့ကိးကလုာ်ဒဲး တက့ၢ်.

အ့းဖ့းစူး 5:25

ဝၤသ့ၣ်ဧၢ, အဲၣ်သုမါဒ်ခရံာ်အဲၣ်တၢ်အိၣ်ဖှိၣ်ဒီးဟ့ၣ်လီၤကွံာ် အသးသမူလၢအဂီၢ်အသိးန့ၣ်တက့ၢ်.

အ့းဖ့းစူး 5:33

ဘၣ်ဆၣ်, မ့ၢ်စ့ၢ်ကီးတၢ်လၢအဘၣ်ဃးဒီးသုလီၤ. ဝၤကိးဂၤဒဲးမ်အအဲၣ်အမါဒ်အနီၢ်ကစၢ်ဒၣ်ဝဲအသိး တက့ၢ်. ဒီးမါကိးဂၤဒဲးန့ၣ်, မ်ကယူးယီၣ်ပာ်ကဲအဝၤတက့ၢ်.

ကလီးစဲ 3:21

မိၢ်ပၢ်သ့ၣ်ဧၢ, တဘၣ်မၤအ့န့မၤအၢထီၣ်သီထီၣ်သုဖိတဖၣ် အသးလၢအကသးဟးဂီၤအဂီၢ်န့ၣ်တဂ့ၤ.

ယၤကိာ် 3:14

ဘၣ်ဆၣ်ဒီး, တၢ်သူၣ်က့ၣ်သးကါ, တၢ်သးဆါ, တၢ်အဲၣ်လီၤသး, မ့ၢ်အိၣ်လၢသုသးကံၢ်ပူၤဒီး, တဘၣ်မၤတၢ်ဒဲးဘးထီဒါတၢ်မ့ၢ် တၢ်တီခီဖျိတၢ်ပာ်ကဖၢလၢသးလၢသုတၢ်ကူၣ်သ့ဒၣ်ဝဲ အဃိန့ၣ်တဂ့ၤ.

၁ ပ့းတရူး 3:7

ဒ်န့ၣ်အသိး, သုဝဲဝၤတဖၣ်သုကဘၣ်အိၣ်မူဒီးသုမါတဖၣ် လၢတၢ်သ့ၣ်ညါနၢ်ပၢၢ်လၢအဝဲသ့ၣ်မ့ၢ်ပှၤဂံၢ်စၢ်ဘါစၢ်တဖၣ် အပူၤန့ၣ်လီၤ. ယူးယီၣ်ပာ်ကဲအဝဲသ့ၣ်မ့ၢ်လၢအဝဲသ့ၣ်ကဒိး န့ၢ်ကစၢ်ယွၤအတၢ်ဟ့ၣ်ဘၣ်ဃးဒီးတၢ်မူဃုာ်ဒီးသုအဃိန့ၣ် တက့ၢ်. မၤတၢ်အံၤဒ်သိးသုတၢ်ထုကဖၣ်တဖၣ်တၢ်သုတမၤ တံာ်တာ်အီၤနီတမံၤတဂ့ၤအဂီၢ်န့ၣ်တက့ၢ်.