ကလီးစဲ 2:5 - Sgaw Karen Common Bible

⁵ အဂ့ၢ်ဒ်အံၤယမ့ၢ်တအိၣ်ဒီးသုလၢနီၢ်ခိနီၢ်ခီသနာ်က့, ယအိၣ်ဒီးသုလၢသူၣ်လၢသးဒီးယသးခုလၢယထံၣ်ဘၣ် သုဟံးဃာ်လိာ်သုသးဒီးဆၢထၢၣ်သကိးလၢတၢ်စူၢ် တၢ်နာ်အဂၢၢ်အကျၢၤလၢခရံာ်အပူၤအဃိန့ၣ်လီၤ.

ကလီးစဲ 2:5 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:35

လၢတၢ်လုၢ်ထီၣ်တၢ်လုၢ်တၢ်ပာ်တဖၣ်လၢကဘၣ်တၢ်ဆူးကဲၤထီၣ်အီၤဒီ တဒုအမဲာ်ညါန့ၣ်, ပှၤလုၢ်တၢ်အခိၣ်တဖၣ်အိၣ်မူ အိၣ်ဒါစ့ၢ်ကီးလၢကဆူးကဲၤထီၣ်တၢ်အသိတဖၣ်လၢအဘၣ်တၢ်လုၢ်ထီၣ် အီၤ, ဟဲလၢတၢ်လုၢ်တၢ်ပာ်တဖၣ်လၢပှၤဂီၢ်မုၢ်အီၣ်ဝဲအပူၤ, ဒီးလၢတၢ်လူလီၤစပံးထံလၢအဘၣ်တၢ်လုၢ်ထီၣ်အီၤဃုာ်ဒီးတၢ် လုၢ်ဆူးကဲၤတဖၣ်န့ၣ်လီၤ. ဒီးလၢတၢ်န့ၣ်အဃိ, တၢ်ဘူၣ်တၢ်ဘါထီၣ်လၢယွၤအတၢ်လုၢ်ဟံၣ်အပူၤ စးထီၣ်ကဒါက့ၤဝဲန့ၣ်လီၤ.

စံးထီၣ်ပတြၢၤ 78:37

အဝဲသ့ၣ်အသးတအိၣ်ဂၢၢ်ကျၢၤဘၣ်ဒီးအီၤဘၣ်, ဒီးတတီဒီးအတၢ်အၢၣ်လီၤဒီးယွၤန့ၣ်ဘၣ်.

စံးထီၣ်ပတြၢၤ 78:8

အဝဲသ့ၣ်တမ့ၢ်ကလီၤဂာ်ဒီးအပၢ်သ့ၣ်တဖၣ် လၢအပူထီၣ်တၢ်ဒီးအတၢ်ဒိကနၣ်တအိၣ်, ပှၤတစိၤလၢအတၢ်နာ်ယွၤတဂၢၢ်တကျၢၤ, ဒီးတအိၣ်လၢၤလၢတၢ်သးတီဒီးယွၤန့ၣ်ဘၣ်လီၤ.

လံာ်တၢ်ဂံၢ် 7:11

ယွၤစံးဘၣ်စီၤမိၤၡ့, “တဲဘၣ်အဝဲသ့ၣ်လၢကိးမုၢ်နံၤဒဲး လၢတဆံခံသီအတီၢ်ပူၤန့ၣ်, ခိၣ်နၢ်တဖၣ်အကျါတဂၤကဘၣ်ဟ့ၣ်ထီၣ်အတၢ်ဟ့ၣ်တဖၣ် လၢတၢ်ပာ်စီဆှံတၢ်လုၢ်လီၢ်အဂီၢ်န့ၣ်တက့ၢ်.”

မၤတၢ် 2:42

အဝဲသ့ၣ်ဟံးန့ၢ်တၢ်ဆၢကတီၢ်လၢကမၤလိန့ၢ်တၢ်လၢ ပှၤတၢ်မၢဖိတဖၣ်အအိၣ်, ကရ့လိာ်မုာ်လိာ်သကိးအသး, ကအီၣ်သကိးအီသကိး, ဒီးကဘါထုကဖၣ်သကိးတၢ်အဂီၢ်န့ၣ်လီၤ.

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

1 ကရံၣ်သူး 11:34

ဒီးပှၤတဂၤဂၤတၢ်မ့ၢ်သၣ်ဝံၤအသးန့ၣ်, ကြၢးအီၣ်တၢ်လၢဟံၣ်, ဒ်သိးသုတဘၣ်ကစၢ်ယွၤအတၢ်စံၣ်ညီၣ်ဖဲသုအိၣ်ဖှိၣ်သကိး အဆၢကတီၢ်တဂ့ၤအဂီၢ်လီၤ. မ့မ့ၢ်တၢ်ဂ့ၢ်တၢ်ကျိၤအဂၤတဖၣ်န့ၣ်, ယကကွၢ်သုးကျဲၤကတိၤပျီက့ၤယဲလၢအဂ့ၢ်ဖဲယဟဲအဆၢ ကတီၢ်လီၤ.

1 ကရံၣ်သူး 14:40

တၢ်ကိးမံၤဒဲးကြၢးဘၣ်တၢ်မၤအီၤလၢအလီၢ်အကျဲဒီးလၢအဂ့ၢ် အဝီန့ၣ်လီၤ.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

1 ကရံၣ်သူး 16:13

အိၣ်ပလီၢ်သူၣ်ပလီၢ်သး, ဆၢထၢၣ်ကျၢၤကျၢၤလၢတၢ်စူၢ်တၢ်နာ် အပူၤ, အိၣ်ဒီးတၢ်သးဒူ, အိၣ်ဒီးတၢ်ဂံၢ်တၢ်ဘါတက့ၢ်.

ကလီးစဲ 2:1

ပျဲယဒုးသ့ၣ်ညါသုလၢယကျဲးစၢးတၢ်ဆူၣ်ဆူၣ်လၢ သုဂီၢ်, ပှၤအိၣ်လၢဝ့ၢ်လီၤဒံၤကံတဖၣ်အဂီၢ်, ဒီးပှၤလၢအတထံၣ်ဘၣ်တသ့ၣ်ညါဘၣ်ယၤလၢနီၢ် ခိနီၢ်ခီတဖၣ်ခဲလၢာ်အဂီၢ်ထဲလဲၣ်ထဲလဲၣ်န့ၣ်တက့ၢ်.

၁ သ့းစၤလနံ 2:17

ဒီပုၢ်ဝဲၢ်သ့ၣ်ဧၢ, မ့မ့ၢ်ပဝဲသ့ၣ်တဖၣ်အံၤ, ဖဲပဘၣ်အိၣ်လီၤဖးဒီးသုတစိၢ်တလီၢ်လၢနီၢ်ခိနီၢ်ခီဒီး တမ့ၢ်ဘၣ်လၢတၢ်ဆိကမိၣ်အပူၤန့ၣ်, ပသးသယုၢ်ဘၣ်သုအဒိၣ်အအါဒီးပဂုာ်ကျဲးစၢးပဝဲသပှၢ် ပှၢ်ဒ်သိးပကထံၣ်ဘၣ်က့ၤကဒီးသုန့ၣ်လီၤ.

၁ သ့းစၤလနံ 3:8

အဂ့ၢ်ဒ်အံၤ, ခဲကနံၣ်အံၤသုမ့ၢ်ဆၢထၢၣ်ဂၢၢ်ကျၢၤလၢသုတၢ် အိၣ်မူလၢခရံာ်အပူၤဒီးပမူပဝဲနီၢ်နီၢ်လီၤ.

ဧ့ၤဘြံၤ 3:14

အဂ့ၢ်ဒ်အံၤ, ပမ့ၢ်ဟံးဃာ်ပတၢ်သူၣ်ဂၢၢ်သးကျၢၤလၢပဒိးန့ၢ်တ့ၢ်လံလၢ တၢ်အခီၣ်ထံးလံၤလံၤတုၤအကတၢၢ်န့ၣ်, ပကမ့ၢ်ပှၤလၢအဘၣ်ဃးဒီး ခရံာ်န့ၣ်လီၤ.

ဧ့ၤဘြံၤ 6:19

ပအိၣ်ဒီးတၢ်မုၢ်လၢ်အံၤဒ်ပသးသမူအနီၣ်သက့ၤအသိးလီၤ. တၢ်မုၢ်လၢ်အံၤမ့ၢ်တၢ်လၢအလီၤတံၢ်ဒီးဂၢၢ်ဝဲကျၢၤဝဲ ဒီးလဲၤနုာ်ပၢၢ်တုၤလၢတၢ်စီဆှံအလီၢ်ဖျိကွံာ်ယၣ်ဘျးလီၤအသး,

၁ ပ့းတရူး 5:9

အိၣ်ဂၢၢ်ဆိးကျၢၤလၢသုတၢ်စူၢ်တၢ်နာ်အပူၤဒီးတြီအီၤ တက့ၢ်. အဂ့ၢ်ဒ်လဲၣ်န့ၣ်, သုသ့ၣ်ညါလၢသုဒီပုၢ်ဝဲၢ်ပှၤစူၢ်က့ၤနာ်က့ၤတၢ်သကိး သကိးဒီးသုတဖၣ်ဘၣ်လဲၤခီဖျိတၢ်နးတၢ်ဖှီၣ်တမံၤဃီ အံၤလၢဟီၣ်ခိၣ်ချၢလီၤ.

လံာ်နီၢ်ရူၤသး 1:18

ဒီးဖဲနီၢ်နၤဧမံထံၣ်ဝဲလၢနီၢ်ရူၤသးပာ်လီၤအသးနီၢ်နီၢ်လၢ ကလဲၤတၢ်ဒီးအီၤန့ၣ်, အဝဲတကတိၤအါတၢ်လၢၤဘၣ်န့ၣ်လီၤ.