ကလီးစဲ 2:23 - Sgaw Karen Common Bible

²³ တၢ်တဖၣ်အံၤ, ဖျါလီၤဂာ်ဒီးတၢ်ကူၣ်သ့ကူၣ်ဘၣ်အတၢ်သိၣ်တၢ် သီလၢအပာ်ဖျါထီၣ်အသးဒ်တၢ်သူၣ်ဆူၣ်သးဂဲၤအတၢ်ဘူၣ် တၢ်ဘါ, တၢ်ဆီၣ်လီၤသးဒီးတၢ်မၤအၢမၤနးလီၤက့ၤအနီၢ်ခိ အသိးန့ၣ်လီၤ. ဘၣ်ဆၣ်ဒီးမ့မ့ၢ်လၢအကမၤစၢၤဘှီက့ၤတၢ်လူၤ ဘၣ်နီၢ်ခိအတၢ်မိၣ်န့ၢ်သးလီန့ၣ်, တၢ်သိၣ်တၢ်သီတဖၣ်အံၤ အဘျုးတအိၣ်ဘၣ်.

ကလီးစဲ 2:23 Iomraidhean Croise

ရိမ့ၤ 13:14

မ့မ့ၢ်ဟံးထီၣ်ကစၢ်ယ့ၣ်ၡူးခရံာ်အစုကဝဲၤတဖၣ်ဒီးဆိ ကတီၢ်သုတၢ်မၤမံသူၣ်မံသးလီၤက့ၤသုနီၢ်ခိဒီးအတၢ် မိၣ်န့ၢ်သးလီတဖၣ်န့ၣ်တက့ၢ်.

အ့းဖ့းစူး 5:29

(ပှၤလၢအသးဟ့အနီၢ်ခိဒၣ်ဝဲတအိၣ်နီတဂၤဘၣ်. မ့မ့ၢ်လုၢ်အီၣ်လုၢ်အီဒီးအံးက့ၤကွၢ်က့ၤဝဲဒ်ခရံာ်လုၢ်အီၣ် လုၢ်အီဒီးအံးက့ၤကွၢ်က့ၤတၢ်အိၣ်ဖှိၣ်အသိးန့ၣ်လီၤ.

ကလီးစဲ 2:18

တဘၣ်ပျဲပှၤလၢအပာ်မၤအသးဒ်အဆီၣ်လီၤအသးဘါကလူး တဖၣ်, ပှၤလၢအဟံးန့ၢ်အခီၣ်တဃာ်လၢအတၢ်ထံၣ်တၢ်လၢညါ ခီတဖၣ်, ဒီးပာ်ကဖၢလၢအသးလၢအတၢ်ကူၣ်တၢ်ဆးဒၣ်ဝဲ အဃိတဖၣ်, စံၣ်ညီၣ်သုတဂ့ၤ.

ကလီးစဲ 2:22

တၢ်တဖၣ်အံၤဘၣ်ဃးဒၣ်ဒီးတၢ်လၢအဘၣ်တၢ်သူအီၤဝံၤအလီၢ် ခံအဘျုးတအိၣ်လၢၤဘၣ်တဖၣ်ဒီးမ့ၢ်ဒၣ်တၢ်သိၣ်တၢ်သီလၢ အဘၣ်တၢ်ဒုးကဲထီၣ်အီၤလၢပှၤကညီန့ၣ်လီၤ.

ကလီးစဲ 2:8

ဒ်သိးသုသုတဘၣ်တၢ်ဖီၣ်န့ၢ်ဟံးဃာ်သုလၢဟီၣ်ခိၣ်ဖိအတၢ် ကူၣ်သ့လၢအဘျုးတအိၣ်ဘၣ်ဒီးအလီန့ၢ်တၢ်တဂ့ၤဒီးပလီၢ် သုသးတက့ၢ်. တၢ်သိၣ်လိသီလိတဖၣ်အံၤမ့ၢ်ပှၤဟီၣ်ခိၣ်ဖိအတၢ်ဟ့ၣ်ခီ ဃီၤတဆီဘၣ်တဆီလၢအဟဲလၢဟီၣ်ခိၣ်အကစူၤကစၢ် အအိၣ်ဒီးတမ့ၢ်ဘၣ်လၢခရံာ်အအိၣ်န့ၣ်ဘၣ်လီၤ.

၁ တံၤမသ့း 4:3

ပှၤဒ်သိးအံၤတဖၣ်သိၣ်လီၤသီလီၤဝဲလၢတၢ်န့ၢ်ဖိန့ၢ်မါန့ၣ်, မ့ၢ်တၢ်ကမၣ်ဒီးတၢ်အီၣ်တၢ်အီတနီၤနီၤန့ၣ်, ဂ့ၤဘၣ်တၢ်ဟးဆှဲး အီၤန့ၣ်လီၤ. ဘၣ်ဆၣ်ဒီးတၢ်အီၣ်တဖၣ်န့ၣ်, ယွၤတ့လီၤပာ်လီၤဝဲလၢပှၤစူၢ်က့ၤနာ်က့ၤတၢ်ဒီးသ့ၣ်ညါ တၢ်မ့ၢ်တၢ်တီတဖၣ်ကစံးထီၣ်ပတြၢၤတၢ်အဘျုးအဖှိၣ်ဝံၤ, ကအီၣ်ဝဲအဂီၢ်န့ၣ်လီၤ.

၁ တံၤမသ့း 4:8

နီၢ်ခိအတၢ်ဟူးတၢ်ဂဲၤအိၣ်ဒီးအဘျုးအဖှိၣ်တနီၤ, မ့မ့ၢ်သးအတၢ်ဟူးတၢ်ဂဲၤအဘျုးအဖှိၣ်အိၣ်ဝဲလၢကျဲခဲလၢာ်, မ့ၢ်လၢအအိၣ်ဒီးတၢ်အၢၣ်လီၤအီလီၤဘၣ်ဃးတၢ်မူလၢဆၢ ကတီၢ်ခဲအံၤအဂီၢ်မ့ၢ်ဂ့ၤ, တၢ်မူလၢခဲကိာ်တဃၣ်အဂီၢ်မ့ၢ်ဂ့ၤ အဃိန့ၣ်လီၤ.