ကလီးစဲ 2:2 - Sgaw Karen Common Bible

² ယတၢ်ကျဲးစၢးမ့ၢ်ဒ်သိးဒီးသုကလၢထီၣ်ပှဲၤထီၣ်လၢတၢ်သူၣ်ဒူ သးဒူ, ဒီးလၢသုကအိၣ်ဒီးတၢ်သးတဖျၢၣ်ဃီလၢတၢ်အဲၣ်တၢ်ကွံ အပူၤ, ဒ်သိးသုကဒိးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဘၣ်ဃးဒီးတၢ် သူၣ်ဂၢၢ်သးကျၢၤလၢတၢ်သ့ၣ်ညါနၢ်ပၢၢ်နီၢ်နီၢ်ဟဲစိာ်ဝဲဒီးတၢ် သ့ၣ်ညါကစၢ်ယွၤအတၢ်ခူသူၣ်လၢအမ့ၢ်ခရံာ်န့ၣ်လီၤ.

ကလီးစဲ 2:2 Iomraidhean Croise

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

စံးထီၣ်ပတြၢၤ 133:1

ဒီပုၢ်ဝဲၢ်အိၣ်ဝဲဆိးဝဲလၢအသးတဖျၢၣ်ဃီအံၤ, ဂ့ၤဆံးဒိၣ်လဲၣ်, ဒီးမုာ်ဆံးဒိၣ်လဲၣ်ဆံးဒိၣ်လဲၣ်န့ၣ် ကွၢ်ကွၢ်တက့ၢ်.

လံာ်ယၡါယၤ 32:17

မ့ၢ်လၢပှၤကိးဂၤဒဲးကမၤတၢ်အမ့ၢ်အတီအဃိ, တၢ်ဃူတၢ်ဖိးဒီးတၢ်ပူၤဖျဲးကအိၣ်လီၤထူလီၤယိာ်လီၤ.

လံာ်ယၡါယၤ 40:1

“မၤမုာ်ယပှၤဂီၢ်မုၢ်တက့ၢ်.” ပကစၢ်ယွၤစံးဝဲဒၣ်, “မၤမုာ်အဝဲသ့ၣ်တက့ၢ်.”

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်ယံးရမံယၤ 9:24

ပှၤတဂၤဂၤမ့ၢ်သးအိၣ်ပာ်ကဖၢလၢအသးဒီး အဝဲကြၢးပာ်ကဖၢလၢအသးလၢအသ့ၣ်ညါယၤဒီးနၢ်ပၢၢ်ယၤ အဃိလီၤ. အဂ့ၢ်ဒ်အံၤ, ယတၢ်အဲၣ်အိၣ်စံၣ်အိၣ်ကျၢၤ, ဒီးယမၤတၢ်လၢတၢ်စံၣ်ညီၣ်တီဒီးတၢ်အလိၤအဘၣ်အပူၤလီၤ. တၢ်သ့ၣ်တဖၣ်အံၤ, မ့ၢ်တၢ်လၢအမၤမုာ်သူၣ်မုာ်သးယၤလီၤ. ယၤ, ယွၤအံၤ, ကတိၤလံတၢ်လံ.”

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်မးသဲ 11:27

ယပၢ်ဟ့ၣ်လီၤလံယၤတၢ်ခဲလၢာ်လံ. မ့တမ့ၢ်ဘၣ်ပၢ်ဘၣ်ဒီး ပှၤတသ့ၣ်ညါဘၣ်ဖိခွါနီတဂၤဘၣ်. မ့တမ့ၢ်ဘၣ်ဖိခွါဒီး ပှၤလၢဖိခွါဃုထၢလီၣ်ဖျါထီၣ်န့ၢ်အီၤဘၣ်ဒီး, ပှၤတသ့ၣ်ညါဘၣ်ပၢ်နီတဂၤဘၣ်.

လံာ်မးသဲ 13:11

ယ့ၣ်ၡူးစံးဆၢဝဲ, “ယွၤဟ့ၣ်ဒုးသ့ၣ်ညါသုလၢတၢ်မ့ၢ်တၢ်တီ အတၢ်ခူသူၣ်ဘၣ်ဃးဒီးမူခိၣ်အဘီအမုၢ်, ဘၣ်ဆၣ်အဝဲသ့ၣ်တဘၣ်တၢ်ဟ့ၣ်ဒုးသ့ၣ်ညါအီၤဘၣ်.

လံာ်လူၤကၣ် 1:1

စီၤသီးဖံၤလူးသးဘိဧၢ, ပှၤအါဒံအါဂၤဂုာ်ကျဲးစၢးတ့ၢ်ဝဲအဂ့ၤကတၢၢ်လၢအကကွဲး ဖျါထီၣ်က့ၤတၢ်ဂ့ၢ်လၢအမၤတ့ၢ်အသးလၢပသိးပကျါသ့ၣ် တဖၣ်န့ၣ်လီၤ.

လံာ်ယိၤဟၣ် 10:30

ယပၢ်ဒီးယၤန့ၣ်မ့ၢ်တၢ်တမံၤဃီလီၤ.”

လံာ်ယိၤဟၣ် 10:38

ဘၣ်ဆၣ်ယမ့ၢ်မၤအီၤဒီး, သုမ့ၢ်တနာ်ယၤဒၣ်လဲာ်, နာ်တၢ်လၢယမၤတဖၣ်ဒ်သိးသုကသ့ၣ်ညါဒီးနၢ်ပၢၢ်လီၤတံၢ်လၢ ပၢ်အိၣ်လၢယပူၤဒီးယအိၣ်လၢပၢ်အပူၤန့ၣ်တက့ၢ်.”

လံာ်ယိၤဟၣ် 16:15

တၢ်လၢအအိၣ်ဒီးပၢ်ခဲလၢာ်န့ၣ်, မ့ၢ်ယတၢ်လီၤ. လၢတၢ်န့ၣ်အဃိ, ယစံးတ့ၢ်လၢယွၤအသးကဟံးန့ၢ်တၢ်လၢယဟ့ၣ်လီၤအီၤ ဒီးစံးဘၣ်တဲဘၣ်သုန့ၣ်လီၤ.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

လံာ်ယိၤဟၣ် 5:17

ဒီးယ့ၣ်ၡူးစံးဆၢအဝဲသ့ၣ်, “ယပၢ်မၤတၢ်ထီဘိတထံၣ်ဃီဒီးယဲစ့ၢ်ကီးယဘၣ်မၤယဲလီၤ.”

လံာ်ယိၤဟၣ် 5:23

ဒ်သိးပှၤခဲလၢာ်ကယူးယီၣ်ဖိခွါဒ်အယူးယီၣ်ပၢ်အသိး န့ၣ်လီၤ. ပှၤလၢတယူးယီၣ်ဘၣ်ဖိခွါန့ၣ်, တယူးယီၣ်ဘၣ်ပၢ်လၢအမၢလီၤအီၤတဂၤန့ၣ်ဘၣ်.

လံာ်ယိၤဟၣ် 6:69

ဒီးခဲအံၤပနာ်ဒီးသ့ၣ်ညါလၢနမ့ၢ်ပှၤစီဆှံတဂၤ လၢအဟဲလၢကစၢ်ယွၤအအိၣ်န့ၣ်လီၤ.”

မၤတၢ် 4:32

ပှၤစူၢ်က့ၤနာ်က့ၤတၢ်ခဲလၢာ်အိၣ်ဒီးတၢ်ဆိကမိၣ်တမံၤဃီဒီးသူၣ် တဖျၢၣ်ဃီသးတဖျၢၣ်ဃီန့ၣ်လီၤ. ကယဲၢ်တၢ်အိၣ်ဒီးယၤမ့ၢ်ဒၣ်ထဲလၢယဂီၢ်ဧိၤလီၤန့ၣ်, တစံးဝဲနီတဂၤဘၣ်. မ့မ့ၢ်အဝဲသ့ၣ်ဟ့ၣ်နီၤလိာ်သကိးအသးတၢ်တမံၤလၢ်လၢ်လၢ အအိၣ်ဒီးအီၤ, တဂၤဒီးတဂၤန့ၣ်လီၤ.

ရိမ့ၤ 15:13

မ်ကစၢ်ယွၤ, လၢအမ့ၢ်တၢ်မုၢ်လၢ်အဂံၢ်ထံး, မၤပှဲၤသုဒီးကယဲၢ်တၢ်သးခုဒီးတၢ်ဃူတၢ်ဖိးခီဖျိသုတၢ် စူၢ်တၢ်နာ်အီၤ, ဒ်သိးသုတၢ်မုၢ်လၢ်ကဒိၣ်ထီၣ်အါထီၣ်ခီဖျိသး စီဆှံအစိကမီၤန့ၣ်တက့ၢ်.

ရိမ့ၤ 16:25

မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

ရိမ့ၤ 2:4

မ့တမ့ၢ်ဘၣ်ဒီး, မ့ၢ်နမၤတရီတပါကစၢ်ယွၤအတၢ်ဂ့ၤတၢ်ဝါ, အတၢ်ဝံသးစူၤဒီးအတၢ်သူၣ်စူၤသးစူၤလၢအဒိၣ်ဝဲအါဝဲန့ၣ်ဧါ. နသ့ၣ်ညါလၢကစၢ်ယွၤအတၢ်ဂ့ၤတၢ်ဝါကျဲးစၢးဆှၢနၤဆူတၢ်ပီၢ် ယၢ်လီၤက့ၤနသးန့ၣ်လီၤ.

1 ကရံၣ်သူး 14:31

သုဝဲကိးဂၤဒဲးသုကတိၤတၢ်လၢဝံအကျိာ်တဂၤဝံၤတဂၤသ့ဝဲ, ဒ်သိးပှၤကိးဂၤဒဲးကဒိးန့ၢ်တၢ်မၤလိ, ဒီးကဘၣ်တၢ်ဟ့ၣ်ဆူၣ်ထီၣ်အဂံၢ်အဘါအဂီၢ်လီၤ.

1 ကရံၣ်သူး 2:12

ပတဒိးန့ၢ်ပဝဲသးဘၣ်ဃးဒီးဟီၣ်ခိၣ်တဘ့ၣ်အံၤဘၣ်. မ့မ့ၢ်, ပဒိးန့ၢ်တ့ၢ်ပဝဲသးလၢအဘၣ်တၢ်ဆှၢလီၤအီၤလၢကစၢ်ယွၤဒ်သိး ပကသ့ၣ်ညါတၢ်ခဲလၢာ်လၢကစၢ်ယွၤဟ့ၣ်တ့ၢ်ပှၤန့ၣ်လီၤ.

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

အ့းဖ့းစူး 1:7

အဂ့ၢ်ဒ်အံၤ, မ့ၢ်လၢခရံာ်အတၢ်ဒိးသံအသးအဃိ, ပဘၣ် တၢ်ပှ့ၤက့ၤပှၤဒီးပဘၣ်တၢ်မၤထူၣ်ဖျဲးထီၣ်ကွံာ်ပှၤ, ဒ်ပစံးတၢ် အသိးပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤဒ်ကစၢ်ယွၤ အဘျုးအဖှိၣ်ထူးဝဲတီၤဝဲအသိး,

အ့းဖ့းစူး 3:16

ယဃ့ထုကဖၣ်ကစၢ်ယွၤ, ဒ်အလၤကပီၤထူးတီၤဝဲအသိးလၢအကဟ့ၣ်လီၤသုတၢ်စိတၢ် ကမီၤခီဖျိယွၤအသးဒ်သိးသုသးအဂံၢ်အဘါကဆူၣ်ထီၣ်ဝဲ အဂီၢ်,

အ့းဖ့းစူး 3:3

ယွၤလီၣ်ဖျါထီၣ်န့ၢ်တ့ၢ်လံယၤလၢအတၢ်ရဲၣ်တၢ်ကျဲၤခူသူၣ် ဒီးဒုးသ့ၣ်ညါတ့ၢ်လံယၤလၢအဂ့ၢ်လံ. (ယကွဲးတ့ၢ်လံတၢ်ဂ့ၢ် အံၤဖုၣ်ကိာ်လံ.

အ့းဖ့းစူး 6:22

လၢတၢ်န့ၣ်အဃိယဆှၢလီၤအီၤဆူသုအိၣ်ဒ်သိးအကတဲ ဘၣ်သုလၢပဂ့ၢ်ပကျိၤခဲလၢာ်, ဒီးကဟ့ၣ်ဂံၢ်ဟ့ၣ်ဘါသုအဂီၢ် န့ၣ်လီၤ.

ဖံလံးပံၤ 2:1

သုတၢ်အိၣ်မူလၢခရံာ်အပူၤမ့ၢ်တၢ်လၢအဟ့ၣ်ဂံၢ်ဟ့ၣ်ဘါသု, ဒီးအတၢ်အဲၣ်တၢ်ကွံမၤမုာ်ထီၣ်က့ၤသုလီၤ. သုအိၣ်ဒီးတၢ်ရ့လိာ်မုာ်လိာ်လၢယွၤအသး, ဒီးသုအိၣ်ဒီးတၢ်သး ကညီၤဒီးတၢ်သးအိၣ်မၤစၢၤတၢ်လၢတဂၤဒီးတဂၤအဂီၢ်န့ၣ်လီၤ.

ဖံလံးပံၤ 3:8

ဒီးတမ့ၢ်ထဲတၢ်သ့ၣ်တဖၣ်န့ၣ်ဘၣ်. ယပာ်တၢ်ခဲလၢာ်ဒ်အမ့ၢ်တၢ်လီၤမၢ်ကွံာ်လၢယဂီၢ်လၢာ်လၢာ် ဆ့ဆ့လၢတၢ်လၢအလုၢ်အပှ့ၤဒိၣ်န့ၢ်အန့ၣ်တက့ၢ်လၢအမ့ၢ် ဝဲတၢ်သ့ၣ်ညါယကစၢ်ယ့ၣ်ၡူးခရံာ်အဃိန့ၣ်လီၤ. လၢအဝဲဒၣ်အဃိယညိကွံာ်တၢ်ခဲလၢာ်, လၢယပာ်အီၤဒ်အမ့ၢ် တၢ်အိၣ်ဘျဲၣ်အိၣ်စဲၢ်တဂိာ်တသီၣ်, ဒ်သိးယကဒိးန့ၢ်ဘၣ်ခရံာ်,

ကလီးစဲ 1:26

အအံၤမ့ၢ်တၢ်ခူသူၣ်လၢယွၤပာ်ခူသူၣ်တ့ၢ်ဝဲလၢပှၤဟီၣ်ခိၣ်ဖိ အမဲာ်ညါလၢတၢ်အစိၤလၢအပူၤကွံာ်တဖၣ်, ဘၣ်ဆၣ်ဒီးခဲအံၤ လီၣ်ဖျါထီၣ်န့ၢ်လံအပှၤဂီၢ်မုၢ်န့ၣ်လံ.

ကလီးစဲ 1:27

ကစၢ်ယွၤအတၢ်ရဲၣ်တၢ်ကျဲၤမ့ၢ်ဒ်သိးအကလီၣ်ဖျါထီၣ်န့ၢ် အပှၤဂီၢ်မုၢ်လၢအဝဲအတၢ်ခူသူၣ်န့ၣ်လီၤ. တၢ်ခူသူၣ်လၢအအိၣ်ဒီးအလုၢ်အပှ့ၤဒီးအလၤထူးကပီၤတီၤအံၤ မ့ၢ်ဝဲလၢပှၤကိးကလုာ်ဒဲးအဂီၢ်ဒီးတၢ်ခူသူၣ်အံၤမ့ၢ်ဝဲခရံာ် အိၣ်လၢသုပူၤ, အခီပညီသုကန့ၢ်သါဃုာ်ကစၢ်ယွၤအလၤ အကပီၤန့ၣ်လီၤ.

ကလီးစဲ 1:9

လၢတၢ်န့ၣ်အဃိ, စးထီၣ်မုၢ်တနံၤလၢပနၢ်ဟူဘၣ်သုဂ့ၢ်လံၤလံၤ န့ၣ်ပတဆိတ့ၢ်ဘါထုကဖၣ်လၢသုဂီၢ်ဘၣ်. ပတၢ်ထုကဖၣ်လၢ သုဂီၢ်မ့ၢ်ဒ်သိးယွၤကမၤပှဲၤသုဒီးတၢ်သ့ၣ်ညါအတၢ်ဘၣ်အသးဒီး တၢ်ကူၣ်ဘၣ်ကူၣ်သ့ဒီးတၢ်သ့ၣ်ညါနၢ်ပၢၢ်ခဲလၢာ်လၢယွၤ အသးဟ့ၣ်လီၤဝဲ,

ကလီးစဲ 2:19

ပှၤဒ်အံၤတဖၣ်တဟံးဃာ်လၢၤခရံာ်လၢအမ့ၢ်တၢ်အခိၣ်, လၢအပၢနီၢ်ဒီဂၤညါ, ဟ့ၣ်ဂံၢ်ဟ့ၣ်ဘါဒီးဟံးဃာ်အီၤတပူၤဃီခီဖျိအဆၢဒီးအထူၣ် အပျၢ်တဖၣ်ဒီးလၢအဒုးဒိၣ်ထီၣ်နီၢ်ခိဒ်ယွၤအဲၣ်ဒိးဝဲအသိး, န့ၣ်လၢၤဘၣ်.

ကလီးစဲ 3:14

လၢတၢ်ခဲလၢာ်အဖီခိၣ်န့ၣ်, ပာ်ဖှိၣ်အါထီၣ်တၢ်အဲၣ်တၢ်ကွံလၢ အမ့ၢ်တၢ်လၢအစၢဖှိၣ်ဒီးဒုးကဲထီၣ်တၢ်ခဲလၢာ်လၢတၢ်တမံၤဃီ လၢလၢပှဲၤပှဲၤန့ၣ်တက့ၢ်.

ကလီးစဲ 4:3

ဒီးဃ့ဘါထုကဖၣ်စ့ၢ်ကီးလၢပဂီၢ်, ဒ်သိးကစၢ်ယွၤကအိးထီၣ် န့ၢ်ပှၤကျဲလၢပကစံၣ်တဲၤတဲလီၤဘၣ်တၢ်အကစီၣ်ဘၣ်ဃးဒီးခရံာ် အတၢ်ခူသူၣ်န့ၣ်တက့ၢ်. အဂ့ၢ်ဒ်အံၤယလီၤဘၣ်လၢဃိာ်အပူၤမ့ၢ်လၢတၢ်ဂ့ၢ်အံၤအဃိလီၤ.

ကလီးစဲ 4:8

ယမၢလီၤအီၤဆူသုအိၣ် ဒ်သိးအဝဲကတဲဘၣ်သုလၢပဝဲခဲလၢာ် အဂ့ၢ်အကျိၤ, ဒ်သိးအကမၤမုာ်ထီၣ်သုသးအဂီၢ်န့ၣ်လီၤ.

၁ သ့းစၤလနံ 1:5

အဂ့ၢ်ဒ်အံၤ, ပဟဲစိာ်န့ၢ်သုတၢ်သးခုကစီၣ်တမ့ၢ်ထဲလၢတၢ် ကတိၤဧိၤန့ၣ်ဘၣ်. မ့မ့ၢ်အိၣ်စ့ၢ်ကီးဒီးတၢ်စိတၢ်ကမီၤ, သးစီဆှံ, ဒီးတၢ်စူၢ်ဂၢၢ်နာ်ကျၢၤလၢတၢ်သးခုကစီၣ်အံၤမ့ၢ်ဝဲတီဝဲအဂ့ၢ်န့ၣ်လီၤ. ဖဲပအိၣ်ဒီးသုအဖၢမုၢ်ပအိၣ်မူဒ်လဲၣ်န့ၣ်သုသ့ၣ်ညါသုဝဲလီၤ. တၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဒၣ်လၢသုဂီၢ်လီၤ.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,

၁ သ့းစၤလနံ 5:14

ပဒီပုၢ်ဝဲၢ်သ့ၣ်ဧၢ, ပမၢန့ၢ်ဆီၣ်ခံသုလၢသုကဟ့ၣ်ပလီၢ်ပဒီ ပှၤကၢၣ်ပှၤကျူတဖၣ်, သုကဟ့ၣ်ဆူၣ်ထီၣ်ပှၤအိၣ်ဒီးတၢ်သူၣ်ပျံၤသးဖုးတဖၣ်အဂံၢ်အဘါ, သုကမၤစၢၤပှၤဂံၢ်စၢ်ဘါစၢ်, ဒီးသုကသူၣ်စူၤသးစူၤလၢပှၤကိးဂၤဒဲးအဖီခိၣ်န့ၣ်လီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 6:11

ပတၢ်ဆၢမုၢ်လၢ်ဒိၣ်ဒိၣ်အါအါမ့ၢ်ဝဲဒၣ်လၢသုဝဲကိးဂၤဒဲး ကလီၣ်ဖျါထီၣ်သုတၢ်သူၣ်ဆူၣ်သးဂဲၤတမံၤဃီတုၤ အကတၢၢ်ဒ်သိးတၢ်လၢသုမုၢ်လၢ်န့ၣ်ကလၢထီၣ်ပှဲၤထီၣ်ဒီး ကမ့ၢ်တၢ်နီၢ်နီၢ်န့ၣ်လီၤ.

၂ ပ့းတရူး 1:10

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ကျဲးစၢးဆူၣ်ထီၣ်ဒ်သိးကစၢ်ယွၤအတၢ်ကိးသုဒီးအတၢ် ဃုထၢသုကကဲထီၣ်တၢ်လဲၤခီဖျိအဂၢၢ်အကျၢၤတမံၤအဂီၢ်န့ၣ် တက့ၢ်. သုမ့ၢ်မၤဒ်န့ၣ်ဒီး, သုတလီၤတဲာ်ကွံာ်လၢသုတၢ်စူၢ်တၢ်နာ်အပူၤနီတဘျီဘၣ်.

၂ ပ့းတရူး 1:3

ကစၢ်ယွၤအတၢ်စိကမီၤဟ့ၣ်လီၤပှၤတၢ်ခဲလၢာ်လၢပလိၣ် ဘၣ်အီၤ, ဒ်သိးပကအိၣ်မူတၢ်အဲၣ်ထူအဲၣ်ယွၤအတၢ်အိၣ် မူနီၢ်နီၢ်ခီဖျိပတၢ်သ့ၣ်ညါပှၤလၢအကိးန့ၢ်ပှၤ, ဒ်သိးကဒိးန့ၢ်ဃုာ်အလၤကပီၤဒီးအတၢ်ဂ့ၤတၢ်ဝါတဂၤ န့ၣ်လီၤ.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.

၁ ယိၤဟၣ် 3:19

လၢတၢ်အံၤအဃိ, ပကသ့ၣ်ညါလၢပဘၣ်ဃးဒီးတၢ်မ့ၢ် တၢ်တီ, ဒီးပသးကမံဒီးဂၢၢ်ကျၢၤဝဲလၢကစၢ်ယွၤအမဲာ်ညါ န့ၣ်လီၤ.

၁ ယိၤဟၣ် 5:7

အဂ့ၢ်ဒ်အံၤ, တၢ်အုၣ်အသးအိၣ်ဝဲသၢမံၤလီၤ.