ကလီးစဲ 2:18 - Sgaw Karen Common Bible

¹⁸ တဘၣ်ပျဲပှၤလၢအပာ်မၤအသးဒ်အဆီၣ်လီၤအသးဘါကလူး တဖၣ်, ပှၤလၢအဟံးန့ၢ်အခီၣ်တဃာ်လၢအတၢ်ထံၣ်တၢ်လၢညါ ခီတဖၣ်, ဒီးပာ်ကဖၢလၢအသးလၢအတၢ်ကူၣ်တၢ်ဆးဒၣ်ဝဲ အဃိတဖၣ်, စံၣ်ညီၣ်သုတဂ့ၤ.

ကလီးစဲ 2:18 Iomraidhean Croise

လံာ်တၢ်ကဲထီၣ်အခီၣ်ထံး 3:13

ဒီးယွၤ, ကစၢ်ယွၤသံကွၢ်ပိာ်မုၣ်, “ဘၣ်မနုၤလၢနမၤတၢ်အံၤ လဲၣ်.” ဒီးပိာ်မုၣ်န့ၣ်စံးဆၢဝဲ, “ဂုၢ်န့ၣ်ကူၣ်လီယၤဒ်သိးယကအီၣ် ဘၣ်တ့ၢ်အီၤလီၤ.”

လံာ်စီၤယိၤဘး 38:2

ယွၤစံးဝဲဒၣ်, လၢနကသးဒ့ဒီယတၢ်ကူၣ်တၢ်ကျဲၤအဂီၢ်ဒီး နဆိကမိၣ်လီၤနသးလၢနမ့ၢ်မတၤတဂၤလဲၣ်.

လံာ်ယၡါယၤ 57:9

သုဖှူထီၣ်သုတၢ်နၢမူတဖၣ်ဒီးလဲၤထီၣ်လၢသုကဘါထီၣ် ကစၢ်မိလးလီၤ. သုဆှၢလီၤပှၤစိာ်တၢ်ကစီၣ်တဖၣ်ဆူတၢ်လီၢ်လၢအယံၤဒီးအလဲၢ်, တုၤဒၣ်လဲာ်ဆူတၢ်သံအကီၢ်ပူၤဒ်သိးသုကထံၣ်န့ၢ်ကစၢ်တဖၣ် လၢသုကဘါထီၣ်အီၤလီၤ.

လံာ်ယဃ့းစက့လး 13:3

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “ဝံအမၢးတဖၣ်အံၤဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟ့ၣ်ထီၣ်တၢ်သူၣ်ဆူၣ်သးဂဲၤဒၣ်ဝဲတဖၣ်ဒီးဒုးအိၣ်ထီၣ် တၢ်ထံၣ်လၢညါခီဒၣ်ဝဲတဖၣ်န့ၣ်လီၤ.

လံာ်ဒၤနံးယ့လး 11:38

ဒီးကမၤလၤကပီၤဝဲကစၢ်တဂၤလၢအအိၣ်ပှိၤတိာ်ဧိၤတာ်ဧိၤ တဖၣ်, လၢကစၢ်တဖၣ်န့ၣ်အလီၢ်လီၤ. အဝဲကလုၢ်ထီၣ်မၤဘူၣ်ဝဲထူ, စ့, တၢ်မျၢ်ဒီးတၢ်ဟ့ၣ်လုၢ်ဒိၣ်ပှ့ၤဒိၣ်အဂၤတဖၣ်ဆူကစၢ်တဂၤလၢအမိၢ် ပၢ်ဖံဖုလၢပျၢၤတဖၣ်တဘူၣ်ထီၣ်ဘါထီၣ်ဝဲနီတစုဘၣ်အအိၣ်န့ၣ်လီၤ.

လံာ်တၢ်ဂံၢ် 25:18

မ့ၢ်လၢအမၤတ့ၢ်သုလၢတၢ်အၢတၢ်သီဖဲအဝဲသ့ၣ်, လီန့ၢ်သုဖဲပဧိၢ်, ဒီးမ့ၢ်လၢနီၢ်ကးစဘံၤလၢအဘၣ်တၢ်မၤသံကွံာ်အီၤဖဲတၢ်သံသ တြိာ်လၢပဧိၢ်အခါ, အဃိန့ၣ်တက့ၢ်.”

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

ရိမ့ၤ 1:25

အဝဲသ့ၣ်ဆီတလဲကစၢ်ယွၤအတၢ်မ့ၢ်တၢ်တီလၢတၢ်ကဘျံးကဘျၣ်, ဒီးလၢအဝဲသ့ၣ်ကဘူၣ်ထီၣ်ဘါထီၣ်တၢ်ဘၣ်တ့ကစၢ်လၢအကြၢး ဒီးတၢ်စံးထီၣ်ပတြၢၤအီၤလီၤစိၤလီၤထီတဂၤအလီၢ်န့ၣ်, အဝဲသ့ၣ်ဘူၣ်ထီၣ်ဘါထီၣ်တၢ်ဘၣ်တ့တဖၣ်ဒီးမၤအတၢ်မၤန့ၣ်လီၤ.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

1 ကရံၣ်သူး 13:4

တၢ်အဲၣ်တၢ်ကွံန့ၣ်, အသူၣ်စူၤသးစူၤဒီးအသူၣ်ဂ့ၤသးဝါ လီၤ. အဝဲဒၣ်အသးတက့ၣ်တၢ်မ့ၢ်ဂ့ၤ, ပာ်ဒိၣ်အသးမ့ၢ်ဂ့ၤ, ပာ်ထီၣ်ထီအသးမ့ၢ်ဂ့ၤန့ၣ်ဘၣ်.

1 ကရံၣ်သူး 3:3

အဂ့ၢ်ဒ်အံၤ, သုအိၣ်မူဒံးသုဝဲဒ်ပှၤလၢအဘၣ်ဃးဒီးဟီၣ်ခိၣ်တဘ့ၣ် အံၤအိၣ်မူဝဲအသိးလီၤ. ဖဲတၢ်သူၣ်က့ၣ်သးကါအိၣ်လၢသုသိးသုကျါ, ဒီးသုအ့ၣ်လိာ်ဆိးက့လိာ်သုသးတဂၤဒီးတဂၤန့ၣ်, မ့ၢ်အမၤဖျါထီၣ်လၢသုဘၣ်ဃးဒီးဟီၣ်ခိၣ်တဘ့ၣ်အံၤ, ဒီးသုအိၣ်မူသုဝဲဒ်အနီၣ်ထိၣ်အိၣ်ဝဲအသိးတမ့ၢ်ဘၣ်ဧါ.

1 ကရံၣ်သူး 4:18

သုဝဲတနီၤသုကဲထီၣ်တ့ၢ်ပှၤသးထီၣ်ထီ, အဂ့ၢ်မ့ၢ်လၢသုဆိကမိၣ် တ့ၢ်သုဝဲလၢယတဟဲအိၣ်သကိးသုဘၣ်အဃိလီၤ.

1 ကရံၣ်သူး 4:6

လၢသုတၢ်ဘျုးတၢ်ဖှိၣ်အဂီၢ်န့ၣ်, ယဒီပုၢ်ဝဲၢ်သ့ၣ်ဧၢ, ယဒုးဘၣ်ထွဲတၢ်သ့ၣ်တဖၣ်အံၤခဲလၢာ်လၢစီၤအပီးလိၤဒီးယၤလီၤ. ယသူပဝဲခံဂၤဒ်တၢ်အဒိအတဲာ်ဒ်သိးသုကဒိးန့ၢ်တၢ်မၤလိဘၣ်ဃး ဒီးတၢ်ကတိၤတထံၣ်အခီပညီန့ၣ်လီၤ. တၢ်ကတိၤတထံၣ်န့ၣ်မ့ၢ်ဝဲ, “အိၣ်မူပိာ်ထွဲတၢ်ဘျၢလၢအကြၢးအဘၣ်တက့ၢ်” န့ၣ်လီၤ. သုဝဲတဂၤမးသုတကြၢးပာ်ကဖၢလၢသုသးလၢပှၤတဂၤ အဃိဒီးကွၢ်တလီၤပှၤအဂၤတဂၤဘၣ်.

1 ကရံၣ်သူး 8:1

ခဲကနံၣ်အံၤ, ဘၣ်ထွဲဒီးတၢ်ဂ့ၢ်လၢသုကွဲးဖျါသုဝဲဘၣ်ဃးတၢ်အီၣ် တၢ်အီလၢအဘၣ်တၢ်လုၢ်ထီၣ်ပာ်ထီၣ်အီၤဆူတၢ်ဂီၤတၢ်ဖီၣ်တဖၣ် အအိၣ်န့ၣ်, သပှၢ်ကတၢၢ်, မ့ၢ်ဝဲတီဝဲကစီဒီလီၤ. ဒ်အဝဲသ့ၣ်စံးဝဲအသိးန့ၣ်, “ပဝဲကိးဂၤဒဲးပအိၣ်ဒီးတၢ်သ့ၣ်ညါနၢ်ပၢၢ်လီၤ.” ဘၣ်ဆၣ်ဒီး, တၢ်သ့ၣ်ညါဒ်န့ၣ်အသိး, မၤကဖိထီၣ်ပှၤကညီလၢတၢ်ပာ် ကဖၢလၢသးလီၤ. မ့မ့ၢ်တၢ်အဲၣ်တၢ်ကွံန့ၣ်, မၤထီၣ်မၤထီတၢ်လီၤ.

1 ကရံၣ်သူး 9:24

သုသ့ၣ်ညါသုဝဲကစီဒီလီၤ. လၢတၢ်ဃ့ၢ်ပြၢတဘျီအပူၤန့ၣ်, ပှၤပြၢတၢ်ဖိအိၣ်ဝဲအါဂၤ, ဘၣ်ဆၣ်ဒီးပှၤဒိးန့ၢ်ဘၣ်ခိၣ်ဖးအိၣ်ဝဲထဲ တဂၤဧိၤလီၤ. မ့မ့ၢ်ဒ်န့ၣ်ဒီး ဃ့ၢ်သုဝဲဒ်သိးသုဒိးန့ၢ်ခိၣ်ဖးကသ့ဝဲ အဂီၢ်တက့ၢ်.

၂ ကရံၣ်သူး 11:3

ယဘၣ်ယိၣ်ဘၣ်ဘီလၢသုသူၣ်သုသးကဘၣ်တၢ်မၤဟးဂီၤကွံာ် အီၤဒီးသုကညိကွံာ်သုတၢ်ဟ့ၣ်လီၤသးလၢာ်လၢာ်ဆ့ဆ့စီစီ ဆှံဆှံဆူခရံာ်အအိၣ်လၢကျဲတဘိဃီလၢနီၢ်အံၣ်အုဘၣ်တၢ် လီန့ၢ်အီၤခီဖျိဂုၢ်သ့ၣ်အတၢ်ကတိၤကဘျံးကဘျၣ်တၢ်သ့သ့ ဘၣ်ဘၣ်တဖၣ်န့ၣ်လီၤ.

၂ ကရံၣ်သူး 12:20

ယဘၣ်ယိၣ်ယဲလၢ, ဖဲယလဲၤတုၤဖဲန့ၣ်န့ၣ်, ယကထံၣ်ဘၣ်လၢသုတမ့ၢ်တၢ်ဒ်ယဆၢလၢသုကမ့ၢ်ဘၣ်ဒီး သုကထံၣ်ဘၣ်လၢယတမ့ၢ်တၢ်ဒ်သုဆၢလၢယကမ့ၢ်ဘၣ်န့ၣ် လီၤ. ယဘၣ်ယိၣ်လၢယကထံၣ်ဘၣ်တၢ်အ့ၣ်လိာ်ဆိးက့, ဒီးတၢ်သူၣ်က့ၣ်သးကါ, တၢ်သူၣ်ဖုၣ်သးဖုၣ်ဒီးတၢ်အဲၣ်လီၤသး, တၢ်ဒုၣ်ဒွဲၣ်ပယွဲ, တၢ်သီၣ်ဝံသဲကလၤ, တၢ်ပာ်ထီၣ်ထီသးဒီးတၢ်တၢထီၣ်တၢလီၤန့ၣ်လီၤ.

အ့းဖ့းစူး 4:17

မ့ၢ်လၢတၢ်အံၤအဃိ, လၢကစၢ်အမံၤအပူၤန့ၣ်, ယမၢန့ၢ်ဆီၣ်ခံသုလၢသုသုတအိၣ်မူလၢၤဒ်ပှၤတစူၢ်တနာ်ယွၤလၢ အတၢ်ဆိကမိၣ်ဆိကမးအဘျုးတအိၣ်ဘၣ်တဖၣ်အသိးန့ၣ်တဂ့ၤ.

အ့းဖ့းစူး 5:6

တဘၣ်ပျဲပှၤနီတဂၤလီန့ၢ်သုလၢတၢ်ကတိၤဟးဂူာ်ဟးဂီၤ တဖၣ်တဂ့ၤ. မ့ၢ်လၢတၢ်တဖၣ်အံၤအဃိ, ကစၢ်ယွၤအတၢ်သးဒိၣ်လီၤဘၣ်ပှၤလၢအတစူၢ်အကလုၢ် တဖၣ်န့ၣ်လီၤ.

လံာ်သိၣ်လီၤသီလီၤတၢ် 29:29

တၢ်အိၣ်ဒံးဝဲအဂၤတနီၤလၢယွၤ, ပကစၢ်ယွၤပၢၤဃာ်ခူသူၣ်တ့ၢ်အီၤ, ဘၣ်ဆၣ်အဝဲလီၣ်ဖျါတ့ၢ်အဝဲအတၢ်သိၣ်တၢ်သီ, လၢပှၤယူဒၤဖိအဂီၢ်ဒီးပဝဲဒီးပစၢၤပသွဲၣ်တဖၣ်ပကဘၣ်စူၢ်အီၤ လီၤစိၤလီၤထီန့ၣ်လီၤ.

ဖံလံးပံၤ 3:14

လၢတၢ်န့ၣ်အဃိယဃ့ၢ်ယဲလိၤလိၤဆူဖီတၢၣ်ဒ်သိးယကဒိး န့ၢ်ဘၣ်ခိၣ်ဖး, လၢအမ့ၢ်ဝဲကစၢ်ယွၤအတၢ်ကိးခီဖျိယ့ၣ်ၡူးခရံာ် ဆူတၢ်အိၣ်မူလၢထးန့ၣ်လီၤ.

ကလီးစဲ 2:23

တၢ်တဖၣ်အံၤ, ဖျါလီၤဂာ်ဒီးတၢ်ကူၣ်သ့ကူၣ်ဘၣ်အတၢ်သိၣ်တၢ် သီလၢအပာ်ဖျါထီၣ်အသးဒ်တၢ်သူၣ်ဆူၣ်သးဂဲၤအတၢ်ဘူၣ် တၢ်ဘါ, တၢ်ဆီၣ်လီၤသးဒီးတၢ်မၤအၢမၤနးလီၤက့ၤအနီၢ်ခိ အသိးန့ၣ်လီၤ. ဘၣ်ဆၣ်ဒီးမ့မ့ၢ်လၢအကမၤစၢၤဘှီက့ၤတၢ်လူၤ ဘၣ်နီၢ်ခိအတၢ်မိၣ်န့ၢ်သးလီန့ၣ်, တၢ်သိၣ်တၢ်သီတဖၣ်အံၤ အဘျုးတအိၣ်ဘၣ်.

ကလီးစဲ 2:4

ယစံးဘၣ်တဲဘၣ်သုတၢ်တဖၣ်အံၤမ့ၢ်ဒ်သိးသုသုတပျဲပှၤဆှၢ ကမၣ်သုလၢတၢ်ဂ့ၢ်လိာ်ဘှီလိာ်ကဘျံးကဘျၣ်လၢအဖျါဂ့ၤဖျါဘၣ် တဖၣ်န့ၣ်တဂ့ၤ.

ကလီးစဲ 2:8

ဒ်သိးသုသုတဘၣ်တၢ်ဖီၣ်န့ၢ်ဟံးဃာ်သုလၢဟီၣ်ခိၣ်ဖိအတၢ် ကူၣ်သ့လၢအဘျုးတအိၣ်ဘၣ်ဒီးအလီန့ၢ်တၢ်တဂ့ၤဒီးပလီၢ် သုသးတက့ၢ်. တၢ်သိၣ်လိသီလိတဖၣ်အံၤမ့ၢ်ပှၤဟီၣ်ခိၣ်ဖိအတၢ်ဟ့ၣ်ခီ ဃီၤတဆီဘၣ်တဆီလၢအဟဲလၢဟီၣ်ခိၣ်အကစူၤကစၢ် အအိၣ်ဒီးတမ့ၢ်ဘၣ်လၢခရံာ်အအိၣ်န့ၣ်ဘၣ်လီၤ.

၁ တံၤမသ့း 1:7

အဝဲသ့ၣ်အဲၣ်ဒိးကဲထီၣ်ကစၢ်ယွၤအတၢ်သိၣ်တၢ်သီအသရၣ် တဖၣ်, ဘၣ်ဆၣ်ဒီးအဝဲသ့ၣ်တနၢ်ပၢၢ်က့ၤအတၢ်ကတိၤဒၣ်ဝဲ တဖၣ်မ့ၢ်ဂ့ၤ, တၢ်ဂ့ၢ်တၢ်ကျိၤတဖၣ်လၢအဝဲသ့ၣ်စံးကတိၤ ဝဲလၢအဂ့ၢ်လၢတၢ်စူၢ်ဂၢၢ်နာ်ကျၢၤအပူၤတဖၣ်မ့ၢ်ဂ့ၤန့ၣ်ဘၣ်.

၁ တံၤမသ့း 4:1

ယွၤအသးစံးဝဲလီၤတံၢ်လီၤဆဲးလၢပှၤတနီၤကစူးကွံာ်ညိကွံာ် တၢ်စူၢ်တၢ်နာ်အံၤလၢမုၢ်နံၤခံကတၢၢ်တဖၣ်အပူၤန့ၣ်လီၤ. အဝဲသ့ၣ်ကစူၢ်သးလၢအလီတၢ်တဖၣ်ဒီးကပိာ်ထွဲတၢ်ဝံတၢ်နါ တဖၣ်အတၢ်သိၣ်လိသီလိအခံန့ၣ်လီၤ.

၂ ပ့းတရူး 2:14

အဝဲသ့ၣ်အမဲာ်ပှဲၤဝဲဒီးတၢ်သးအိၣ်မၤကမၣ်မုၣ်ကမၣ်ခွါ, ဒီးမၤတၢ်ဒဲးဘးတလၢမၤနီတဘျီဘၣ်. အဝဲသ့ၣ်ကွဲန့ၢ်လွဲန့ၢ် ပှၤလၢအဂံၢ်စၢ်ဘါစၢ်တဖၣ်ဆူတၢ်ဒဲးဘးအပူၤလီၤ. တၢ်သူၣ်လီသးကွံအသးဒိၣ်စိလၢအပူၤဒီးအဝဲသ့ၣ်အိၣ်လၢ ယွၤအတၢ်ဆိၣ်အၢအဖီလာ်လီၤ.

၁ ယိၤဟၣ် 2:26

ယကွဲးန့ၢ်သုတၢ်အံၤ, ဘၣ်ဃးဒီးပှၤလၢအကျဲးစၢးလီန့ၢ်သုတဖၣ် အဂ့ၢ်န့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 13:14

ဒီးအဝဲဒၣ်လီန့ၢ်ကယဲၢ်ပှၤအိၣ်ဝဲဆိးဝဲလၢဟီၣ်ခိၣ်ချၢ ခီဖျိတၢ်လီၤလးလၢတၢ်ပျဲအမၤဝဲလၢတၢ်ဒူတၢ်ဃိၤ တၢတဒုအမဲာ်ညါန့ၣ်လီၤ. တၢ်ဒူတၢ်ဃိၤခံဒုတဒုအံၤမၢအဝဲသ့ၣ်ဘှီန့ၢ်က့ၢ်ဂီၤ တခါလၢတၢ်ကမၤလၤကပီၤတၢ်ဒူတၢ်ဃိၤလၢအဘၣ် တၢ်မၤဘၣ်ဒိအီၤလၢနး, ဘၣ်ဆၣ်ဒီးအိၣ်မူဒံးဝဲတဒုန့ၣ် အဂီၢ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.

လံာ်လီၣ်ဖျါ 3:11

တယံာ်ဘၣ်န့ၣ်ယကဟဲယဲလီၤ. ဟံးဃာ်ဂၢၢ်ကျၢၤတၢ်လၢအအိၣ် ဒီးနၤ, ဒ်သိးပှၤသုတဂုာ်န့ၢ်နတၢ်မၤနၢၤအခိၣ်ဖးတဂ့ၤန့ၣ်တက့ၢ်.