ကလီးစဲ 2:17 - Sgaw Karen Common Bible

¹⁷ တၢ်တဖၣ်အံၤမ့ၢ်ဒၣ်တၢ်လၢအကမၤအသးလၢခံတဖၣ် အကဒုလီၤ. မ့မ့ၢ်တၢ်လၢအမ့ၢ်တၢ်နီၢ်နီၢ်မ့ၢ်ခရံာ်လီၤ.

ကလီးစဲ 2:17 Iomraidhean Croise

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

ဧ့ၤဘြံၤ 10:1

အဂ့ၢ်ဒ်အံၤ, ပှၤယူဒၤဖိအတၢ်သိၣ်တၢ်သီတမ့ၢ်ဘၣ်တၢ်နီၢ်နီၢ် လၢအကဟဲဝဲတဖၣ်အက့ၢ်အဂီၤလၢအမ့ၢ်အတီန့ၣ်ဘၣ်. မ့ၢ်ဒၣ်တၢ်နီၢ်နီၢ်န့ၣ်အကဒုန့ၣ်လီၤ. တၢ်လုၢ်တၢ်ပာ်တမံၤဃီဘၣ်တၢ်လုၢ်ထီၣ်ပာ်ထီၣ်အီၤထီဘိ တနံၣ်ဘၣ်တနံၣ်န့ၣ်လီၤ. လၢတၢ်န့ၣ်အဃိတၢ်သိၣ်တၢ်သီအံၤမၤလၢပှဲၤပှၤလၢအဟဲဆူ အအိၣ်တဖၣ်ခီဖျိတၢ်လုၢ်တၢ်ပာ်တဖၣ်အံၤကသ့ဝဲဒ်လဲၣ်.

ဧ့ၤဘြံၤ 8:5

အဝဲသ့ၣ်မၤတၢ်အခ့အပှၤအတၢ်မၤဒ်ပှၤလုၢ်တၢ်အခိၣ်တဖၣ် အသိးန့ၣ်, နီၢ်နီၢ်တခီမ့ၢ်ဒၣ်တၢ်လၢအမၤအသးလၢမူခိၣ်တၢ်လီၢ် စီဆှံအဒိဒီးအကဒုန့ၣ်လီၤ. တၢ်အဝဲအံၤဒ်သိးဒၣ်ဒီးတၢ်လၢအမၤအသးဒီးစီၤမိၤၡ့လီၤ. ဖဲစီၤမိၤၡ့ကဘှီထီၣ်တၢ်အၢၣ်လီၤအီလီၤအဒဲစီဆှံန့ၣ်ကစၢ်ယွၤ စံးဘၣ်အီၤဒီးစံးဝဲ, “ပလီၢ်နသးလၢနကသူၣ်ထီၣ်ဘှီထီၣ်တၢ်ခဲလၢာ်ဒ်တၢ်အဒိ လၢနဘၣ်တၢ်ဒုးနဲၣ်နၤလၢကစၢၢ်ဒီခိၣ်အသိးန့ၣ်တက့ၢ်.”

ဧ့ၤဘြံၤ 9:9

အအံၤမ့ၢ်တၢ်အဒိအတဲာ်လၢခ့ခါဆၢကတီၢ်ခဲအံၤအဂီၢ်, ပာ်ဖျါထီၣ်လၢ, တၢ်မၤဘူၣ်ဒီးတၢ်လုၢ်တဖၣ်လၢအဘၣ်တၢ်လုၢ်ထီၣ်ပာ်ထီၣ် အီၤန့ၣ်, မၤလၢထီၣ်ပှဲၤထီၣ်ပှၤဘူၣ်ထီၣ်ဘါထီၣ်ယွၤအသးလၢ အသ့ၣ်ညါတၢ်န့ၣ်တသ့ဘၣ်အဂ့ၢ်လီၤ.