ကလီးစဲ 2:16 - Sgaw Karen Common Bible

¹⁶ လၢတၢ်န့ၣ်အဃိတဘၣ်ပျဲပှၤနီတဂၤစံၣ်ညီၣ်တဲာ်န့ၢ်တၢ်လၢ နဂီၢ်ဘၣ်ဃးဒီးတၢ်လၢနအီၣ်နအီမ့ၢ်ဂ့ၤ, မုၢ်နံၤလီၤဆီလၢနံၣ် တနံၣ်အပူၤမ့ၢ်ဂ့ၤ, လါထီၣ်သီအမူးသးဖှံတဖၣ်မ့ၢ်ဂ့ၤ, အိၣ်ဘှံးအနံၤမ့ၢ်ဂ့ၤန့ၣ်တဂ့ၤ.

ကလီးစဲ 2:16 Iomraidhean Croise

လံာ်စီၤပၤခံဘ့ၣ်တဘ့ၣ် 4:23

အဝၤသံကွၢ်အီၤ, “ဘၣ်မနုၤလၢနကဘၣ်လဲၤတၢ်တနံၤအံၤန့ၣ်လဲၣ်. တနံၤအံၤတမ့ၢ်မုၢ်အိၣ်ဘှံးနံၤမ့ၢ်ဂ့ၤ, လါထီၣ်သီအနံၤအမူး မ့ၢ်ဂ့ၤန့ၣ်ဘၣ်.” ပိာ်မုၣ်န့ၣ်စံးဆၢအီၤ, “အတွးတအိၣ်ဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 23:31

ဒီးဖဲတၢ်လုၢ်မၤဘူၣ်ဆူယွၤတဖၣ်, ဘၣ်တၢ်ဆူးကဲၤအီၤလၢမုၢ် အိၣ်ဘှံးနံၤ, ဒီးလါထီၣ်သီအမူးဒီးမူးအဂၤတဖၣ်အဂီၢ်အခါန့ၣ်လီၤ. တၢ်သိၣ်တၢ်ဘျၢလၢတၢ်ဘူၣ်ထီၣ်ဘါထီၣ်ယွၤကိးကတီၢ်ဒဲးအတၢ်မၤ အဂီၢ်ဘၣ်တၢ်ပာ်လီၤအီၤလီၤတံၢ်လီၤဆဲးန့ၣ်လီၤ. ပှၤလ့ၤဝံဖိတဖၣ်ဘၣ်တၢ်ဟ့ၣ်မူဟ့ၣ်ဒါအီၤလၢတၢ်ဘူၣ်ထီၣ်ဘါ ထီၣ်ယွၤကိးဆၢကိးကတီၢ်ဒဲးအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:3

လၢအဝဲအကစၢ်ဒၣ်ဝဲအသိအဖုတဖၣ်ဒီးအဂီၤဘုၣ်ဂီၤဖံးအဖုတဖၣ် အပူၤန့ၣ်, အဝဲဟ့ၣ်ထီၣ်ဆၣ်ဖိကီၢ်ဖိတဖၣ်လၢတၢ်လုၢ်မ့ၣ်အူတဖၣ်အဂီၢ်ကိး မုၢ်ဂီၤဒဲးဒီးကိးမုၢ်ဟါဒဲး, ဒီးတၢ်တဖၣ်လၢတၢ်လုၢ်ထီၣ်အီၤလၢမုၢ်အိၣ်ဘှံး အနံၤ, လၢလါထီၣ်သီအမူးဒီးလၢမူးအဂၤတဖၣ်ဒ်အလိၣ်ဝဲ, လၢအဘၣ်တၢ်ပာ်ဖျါအီၤလၢယူဒၤအတၢ်သိၣ်တၢ်သီလၢယွၤဟ့ၣ်ဝဲ အပူၤန့ၣ်လီၤ.

လံာ်စီၤနဃ့မယၤ 10:31

ပှၤတခီဘီမုၢ်ဖိတဖၣ်မ့ၢ်ဟဲစိာ်အဘုဧိၤဟုဧိၤမ့ၢ်ဂ့ၤ, ဒီးတၢ်တမံၤလၢ်လၢ်မ့ၢ်ဂ့ၤလၢကဆါန့ၢ်ပှၤလၢမုၢ်အိၣ်ဘှံးနံၤ မ့ၢ်ဂ့ၤ, မုၢ်နံၤစီဆှံအဂၤမ့ၢ်ဂ့ၤန့ၣ်ပတပှ့ၤလၢအအိၣ်ဘၣ်. နွံနံၣ်တဘျီကိးဘျီဒဲးန့ၣ်ပတသူၣ်တၢ်ဖျးတၢ်ဘၣ်. ဒီးပကပျၢ်ဒ့ၣ်ကမၣ်တဖၣ်ခဲလၢာ်န့ၣ်လီၤ.

လံာ်စီၤနဃ့မယၤ 10:33

လၢတၢ်ဘူၣ်ထီၣ်ဘါထီၣ်ယွၤလၢတၢ်လုၢ်ဟံၣ်ပူၤအဂီၢ်န့ၣ်, ပကဟ့ၣ်ကိၣ်စီဆှံတၢ်လုၢ်ဘုဧိၤဟုဧိၤကိးနံၤဒဲး, ဆၣ်ဖိကီၢ်ဖိတဖၣ်လၢကဘၣ်တၢ်ဆိၣ်ကဲၤထီၣ်အီၤကိးနံၤဒဲးဒ်တၢ် လုၢ်တၢ်ပာ်တဖၣ်, တၢ်လုၢ်စီဆှံတဖၣ်လၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်, ဒီးမူးအဂၤတဖၣ်အဂီၢ်, တၢ်လုၢ်စီဆှံအဂၤတဖၣ်, တၢ်လုၢ်လၢကစိာ်ကွံာ်ပှၤအံၣ်စရ့လးဖိ တဖၣ်အတၢ်ဒဲးဘးအဂီၢ်ဒီးကယဲၢ်တၢ်လိၣ်အဂၤတဖၣ်လၢယွၤတၢ်လုၢ် ဟံၣ်အဂီၢ်န့ၣ်လီၤ.

လံာ်စီၤနဃ့မယၤ 8:9

တုၤပှၤဂီၢ်မုၢ်နၢ်ဟူဘၣ်တၢ်လၢယူဒၤအတၢ်သိၣ်တၢ်သီဃ့ဝဲန့ၣ်, အဝဲသ့ၣ်အသးဘၣ်ဒိတုၤအစးထီၣ်ဟီၣ်ဝဲလီၤ. လၢတၢ်န့ၣ်အဃိ, ပဒိၣ်ဖးဒိၣ်စီၤနဃ့မယၤ, ပှၤလုၢ်တၢ်အခိၣ်ဒီးပှၤသ့ပှၤဘၣ်လၢယူဒၤအတၢ်သိၣ်တၢ်သီအဂ့ၢ် စီၤဧ့စြၤ, ဒီးပှၤလ့ၤဝံဖိတဖၣ်လၢအတဲနၢ်ပၢၢ်တ့ၢ်ယူဒၤအတၢ်သိၣ်တၢ်သီ န့ၣ်စံးဘၣ်ပှၤဂီၢ်မုၢ်ခဲလၢာ် “မုၢ်တနံၤအံၤမ့ၢ်မုၢ်နံၤစီဆှံလၢယွၤသုကစၢ်ယွၤအဂီၢ်အဃိသူၣ် အုးသးအုးတဂ့ၤဒီးဟီၣ်တဂ့ၤ.

စံးထီၣ်ပတြၢၤ 42:4

တုၤယသ့ၣ်နီၣ်ထီၣ်က့ၤတၢ်လၢအပူၤကွံာ်န့ၣ်, ယသူၣ်ကၢ်သးလီၤယဲလီၤ. အဂ့ၢ်ဒ်အံၤ, ယလဲၤတ့ၢ်တၢ်ဒီးပှၤဂီၢ်မုၢ် ဆူကစၢ်ယွၤအဟံၣ် ဒီးဆှၢအဝဲသ့ၣ်လၢအတၢ်လဲၤအပူၤ အိၣ်ဒီးတၢ်သးဝံၣ်စံးထီၣ်ပတြၢၤကစၢ်ယွၤလၢ တၢ်သူၣ်ခုသးခု, လၢဘူၣ်အကတီၢ်န့ၣ်လီၤ.

စံးထီၣ်ပတြၢၤ 81:3

အူထီၣ်ကွဲၤလၢဘူၣ်အဂီၢ်, ဖဲလါထီၣ်သီဒီးဖဲလါပှဲၤအနံၤန့ၣ်တက့ၢ်.

လံာ်ယၡါယၤ 1:13

သုဟဲစိာ်သုတၢ်လုၢ်မၤဘူၣ်တဖၣ်န့ၣ်အဘျုးတအိၣ် ဘၣ်. တၢ်နၢမူတဖၣ်လၢသုဒွဲၣ်ထီၣ်အီၤန့ၣ်ယသးဘၣ် အၢဘၣ်သီအီၤလီၤ. သုလါထီၣ်သီအမူးတဖၣ်, သုမုၢ်အိၣ်ဘှံးအနံၤတဖၣ်ဒီးသုတၢ်ဘူၣ်တၢ်ဘါ အတၢ်ရ့လိာ်မုာ်လိာ်တဖၣ်, ယတူၢ်အီၤတပှဲၤဘၣ်. သုတၢ်ဒဲးဘးတၣ်မၤဟးဂီၤကွံာ်တၢ်န့ၣ်တဖၣ်ခဲလၢာ်လီၤ.

လံာ်ယဃ့းစက့လး 4:14

ဘၣ်ဆၣ်ဒီးယစံးဆၢအီၤ, “တမ့ၢ်ဘၣ်, ယွၤပၢဘၣ်တၢ်ခဲလၢာ်ကစၢ်ဧၢ, ယတမၤဘၣ်အၢဘၣ်သီယသးနီတစုဘၣ်. လၢယဖိသၣ်လံၤလံၤဒီးတုၤခဲအံၤန့ၣ်, ယတအီၣ်ဆၣ်ဖိကီၢ်ဖိလၢအသံဒၣ်တၢ်အညၣ်မ့ၢ်ဂ့ၤ, ဘၣ်တၢ်မၤသံအီၤလၢဆၣ်ဖိကီၢ်ဖိလၢအမံၤတဖၣ်အညၣ်မ့ၢ်ဂ့ၤ, နီတစုဘၣ်. တၢ်အီၣ်လၢတၢ်ပာ်အီၤလၢအတကဆှီဘၣ်န့ၣ်, ယတအီၣ်အီၤနီတစုဘၣ်.”

လံာ်ယဃ့းစက့လး 45:17

တၢ်န့ၣ်ကမ့ၢ်အဝဲအမူအဒါလၢကဘၣ်ဟ့ၣ်ထီၣ်ဘၣ်ဆၣ်ဖိကီၢ်ဖိ တဖၣ်လၢကဘၣ်တၢ်ဆိၣ်ကဲၤအီၤဒီတဒု, တၢ်လုၢ်ဘုဧိၤဟုဧိၤတဖၣ် ဒီးတၢ်လုၢ်စပံးထံတဖၣ်လၢကီၢ်အံၣ်စရ့လးအပှၤကလုာ် ဒီကလုာ်အဂီၢ်, ဖဲလါထီၣ်သီအမူးတဖၣ်, အိၣ်ဘှံးနံၤတဖၣ်ဒီး မူးအဂၤတဖၣ်အကတီၢ်န့ၣ်လီၤ. အဝဲကဘၣ်ဟ့ၣ်ထီၣ်တၢ်လုၢ် တၢ်ပျၢ်တၢ်ဒဲးဘး, တၢ်လုၢ်မၤဘူၣ်ဘုဧိၤဟုဧိၤ, တၢ်လုၢ်တဖၣ် လၢတၢ်ကဆိၣ်ကဲၤအီၤဒီတဒုဒီးတၢ်လုၢ်မၤဃူမၤဖိးတၢ်တဖၣ် ဒ်သိးကစိာ်ကွံာ်ကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် အဂီၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 16:31

ဒီးမုၢ်နံၤအဝဲန့ၣ်န့ၣ်ကဘၣ်မ့ၢ်မုၢ်နံၤစီဆှံလၢအဝဲသ့ၣ်ကဘၣ်ဒုၣ်တၢ်အီၣ်တၢ်အီ, ဒီးတဘၣ်ဖံးတၢ်မၤတၢ်နီတမံၤဘၣ်န့ၣ်လီၤ. ဒီးတၢ်သိၣ်တၢ်ဘျၢတဖၣ်အံၤကဘၣ်တၢ်ဒိကနၣ်မၤထွဲအီၤအစိၤစိၤအဃၣ်ဃၣ်န့ၣ်လီၤ.

လံာ်ဧၤမိၣ် 8:5

သုစံးလီၤသုသး, လၢပကဆါဘၣ်ပဘုဧိၤဟုဧိၤအဂီၢ်န့ၣ် ပခိးတုၤမုၢ်နံၤစီဆှံတဖၣ်လၢာ်ကွံာ်တကဲလၢၤဘၣ်. ဒီးလၢပကဆါဘၣ်ကဒီးပတၢ်အဂီၢ်ဆံးယံာ်မး မုၢ်အိၣ်ဘှံးနံၤကလဲၤပူၤကွံာ်လဲၣ်. အန့ၣ်တစုပကမၤအါထီၣ်တၢ်အပှ့ၤ, သူနီၣ်ဃီၣ်လီတၢ်, စီၤပီၢ်တတီလၢပ ကလီန့ၢ်ပှၤပှ့ၤတၢ်ဖိသ့ၣ်တဖၣ်န့ၣ်လီၤ.

လံာ်တၢ်ဂံၢ် 10:10

ဒ်န့ၣ်အသိးလၢတၢ်သူၣ်ခုသးခုအကတီၢ်တဖၣ်လၢအမ့ၢ်, သုလါထီၣ်သီအမူးတဖၣ်ဒီးသုတၢ်ဘူၣ်တၢ်ဘါအမူးအဂၤတဖၣ်အခါ န့ၣ်, သုကဘၣ်အူထီၣ်ကွဲၤတဖၣ်န့ၣ်ဖဲသုဟ့ၣ်ထီၣ်သုတၢ်လုၢ်မ့ၣ် အူတဖၣ်ဒီးတၢ်လုၢ်မၤဃူမၤဖိးတဖၣ်အကတီၢ်န့ၣ်လီၤ. အန့ၣ်တစု, ယကမၤစၢၤသုလီၤ. ယဲဒၣ်အံၤယမ့ၢ်ယွၤ, သုကစၢ်ယွၤလီၤ.”

လံာ်မးသဲ 15:11

တၢ်လၢအလဲၤနုာ်ဆူပှၤအကိာ်ပူၤန့ၣ်, တမ့ၢ်ဘၣ်တၢ်လၢအမၤတကဆှီဘၣ်ပှၤကညီဘၣ်. မ့မ့ၢ်တၢ်လၢအဟဲထီၣ်လၢပှၤအကိာ်ပူၤန့ၣ်, မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ.”

လံာ်မၢ်ကူး 7:19

အဂ့ၢ်မ့ၢ်လၢအတလဲၤနုာ်ဆူအသးကံၢ်ပူၤဘၣ်, မ့မ့ၢ်လဲၤနုာ်ဝဲဆူအဟၢဖၢပူၤဝံၤဒီးဟးထီၣ်ကွံာ်ဝဲလၢ အနီၢ်ခိအပူၤလီၤ.” (ယ့ၣ်ၡူးစံးတၢ်ဒ်သိးအံၤန့ၣ်မ့ၢ်အတဲဖျါထီၣ်ဝဲလၢ တၢ်အီၣ်ခဲလၢာ်မ့ၢ်တၢ်လၢအကဆှီဝဲန့ၣ်လီၤ.)

မၤတၢ် 15:20

မ့မ့ၢ်တခီ, ပကြၢးကွဲးလံာ်ဆူအဝဲသ့ၣ်အအိၣ်ဒီးစံးဘၣ်အီၤလၢ အသုတအီၣ်တၢ်အီၣ်တကဆှီဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိး နီတမံၤလၢအဘၣ်တၢ်လုၢ်ထီၣ်အီၤဆူတၢ် ဂီၤတၢ်ဖီၣ်န့ၣ်တဂ့ၤ. ဒီးအကဟးဆှဲးတၢ်မၤကမၣ်မုၣ်ကမၣ်ခွါ, ဒီးအသုတအီၣ်ဆၣ်ဖိကီၢ်ဖိလၢအဘၣ်တၢ်စံၢ်သံအီၤ, ဒီးတၢ်အသွံၣ်တမံၤလၢ်လၢ်တဂ့ၤ.

ရိမ့ၤ 14:10

မ့မ့ၢ်ဒ်န့ၣ်ဒီး, နဲဒၣ်အံၤနစံၣ်ညီၣ်နဒီပုၢ်ဝဲၢ်ဘၣ်မနုၤလဲၣ်. ဒီးနဲဒၣ်အံၤ, နကွၢ်တလီၤနဒီပုၢ်ဝဲၢ်ဘၣ်မနုၤလဲၣ်. ပဝဲဒၣ်ခဲလၢာ်ပကဆၢထၢၣ်လၢကစၢ်ယွၤအမဲာ်ညါလၢအဝဲကစံၣ်ညီၣ် ပှၤအဂီၢ်လီၤ.

ကလၤတံ 4:10

သုပာ်ဒိၣ်လီၤဆီမုၢ်နံၤတနီၤ, လါတနီၤ, ကတီၢ်တနီၤဒီးနံၣ် တနီၤလီၤ.

ကလီးစဲ 2:20

သုသံတ့ၢ်ဃုာ်ဒီးခရံာ် ဒီးဘၣ်တၢ်မၤထူၣ်ဖျဲးထီၣ်သုလၢဟီၣ် ခိၣ်အပှၤပၢတၢ်ဘၣ်ဃးဒီးသူၣ်ဒီးသးတဖၣ်အတၢ်ပၢတၢ်ဆှၢ အဖီလာ်လံ. မ့မ့ၢ်ဒ်န့ၣ်ဒီး, ဘၣ်မနုၤလၢသုအိၣ်မူဒ်ပှၤတဖၣ်လၢ အဘၣ်ဃးဒံးဒီးဟီၣ်ခိၣ်အသိးန့ၣ်လဲၣ်. ဘၣ်မနုၤလၢသုဟံးဃာ် ဒံးတၢ်ဒုၣ်တၢ်ထုတဖၣ်,

ဧ့ၤဘြံၤ 13:9

တဘၣ်ပျဲတၢ်သိၣ်လိအကလုာ်ကလုာ်ဒီးအလီၤတိၢ်လီၤဆီ တဖၣ်ထုးဝ့ၤဝီၤသုတဂ့ၤ. အဂ့ၢ်ဒ်အံၤ, ဂ့ၤဝဲလၢပဒိးန့ၢ်တၢ်ဂံၢ်တၢ်ဘါဘၣ်ဃးဒီးသူၣ်ဒီးသးလၢ ကစၢ်ယွၤအဘျုးအဖှိၣ်ဒီးတမ့ၢ်ဘၣ်လၢတၢ်အီၣ်တၢ်အီ အတၢ်သိၣ်တၢ်ဘျၢန့ၣ်ဘၣ်. အဂ့ၢ်မ့ၢ်လၢပှၤလၢစူၢ်တၢ်ဘျၢ တဖၣ်အံၤန့ၣ်, တန့ၢ်ဘျုးန့ၢ်ဖှိၣ်ဘၣ်ဝဲဘၣ်.

ဧ့ၤဘြံၤ 9:10

အဂ့ၢ်မ့ၢ်လၢအဝဲသ့ၣ်ဘၣ်ဃးဒၣ်ဒီးတၢ်အီၣ်တၢ်အီဒီးတၢ်မၤ ကဆှီထီၣ်သးအလုၢ်အလၢ်တဖၣ်အဃိန့ၣ်လီၤ. တၢ်တဖၣ်အံၤခဲလၢာ်မ့ၢ်တၢ်သိၣ်တၢ်သီဒီးတၢ်ဘျၢဘၣ်ဃးဒီး နီၢ်ခိနီၢ်ခီ, ဒီးတၢ်ကမၤဒၣ်အီၤတချုးဒံးဖဲကစၢ်ယွၤဒုးအိၣ်ထီၣ် တၢ်အလုၢ်အလၢ်အသီန့ၣ်လီၤ.

ယၤကိာ် 4:11

ယဒီပုၢ်ဝဲၢ်သ့ၣ်ဧၢ, တဘၣ်ကတိၤအၢကတိၤသီလိာ်သုသး တဂၤဒီးတဂၤတဂ့ၤ. ပှၤတဂၤဂ့ၤတဂၤဂ့ၤလၢအကတိၤအၢ ကတိၤသီ, မ့တမ့ၢ်စံၣ်ညီၣ်အဒီပုၢ်ဝဲၢ်ပှၤခရံာ်ဖိန့ၣ်, မ့ၢ်အကတိၤအၢ ကတိၤသီဒီးစံၣ်ညီၣ်တၢ်သိၣ်တၢ်သီန့ၣ်လီၤ. သုမ့ၢ်စံၣ်ညီၣ် တၢ်သိၣ်တၢ်သီဒီး, သုတမ့ၢ်လၢၤပှၤလၢ အစူၢ်တၢ်သိၣ်တၢ်သီဘၣ်, မ့မ့ၢ်သုမ့ၢ်ပှၤလၢအစံၣ်ညီၣ် အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:18

အန့ၣ်ဝံၤဒီးစီၤယိနၤသၣ်စံးဘၣ်အီၤ, “ခဲမုၢ်ဆ့ၣ်တနံၤန့ၣ် ဒ်အမ့ၢ်လါထီၣ်သီအမူးအသိးန့ၣ် နမ့ၢ်တအိၣ်ဘၣ်လၢတၢ်အီၣ်သကိး အီသကိးအပူၤဘၣ်န့ၣ်တၢ်ကပာ်သူၣ်ပာ်သးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:5

စီၤဒၤဝံးစံးဝဲ, “ခဲမုၢ်ဆ့ၣ်န့ၣ်မ့ၢ်လါထီၣ်သီအမူးဒီး ယကဘၣ်အီၣ်တၢ်ဒီးစီၤပၤလီၤ. ဘၣ်ဆၣ်ဒီးမ့ၢ်ဘၣ်သူၣ်ဘၣ်သးနၤန့ၣ်, ယကလဲၤအိၣ်ခူသူၣ်လၢပျီပူၤတုၤလၢခဲတဆ့ၣ်တနံၤမုၢ်ဟါလီၤန့ၣ်လီၤ.